1 ಥೆಸ 5:9 - ದೇವ್ನಿ ಖ್ಹಾಚಿ ವಚನ್

⁹ ಶನಕತೊ ದೇವ್ನೆ ಅಪ್ಣುನ ಚೂ಼ಣ್ಯೋತೆ ಇನ ಇರಾದಮ ಖ್ಹಪಡ್ನುಕರಿ ಕಾಹೆ ಪಣ್ಕಿ, ಅಪ್ಣೊ ಪ್ರಭು ಯೇಸು ಕ್ರಿಸ್ತಥಿ ಮಳ್ಯುತೆ ರಕ್ಷಣೆನ ಲೀಲೆವ್ಣು ಕರಿ ಚೂ಼ಣ್ಯೋತೆ.

1 ಥೆಸ 5:9 Iomraidhean Croise

ಮತ್ತಾಯ 26:24

ವಚನ್‌ಮ ಲೀಖೈರ‍್ಹೂತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಮರ್‌ಶೆ, ಕತೋಬಿ ಕೋಣ್ ಅದ್ಮಿನೊ ಛಿಯ್ಯಾನ ಧರಿದಿಶೇಕಿ, ಇನಿ ಹಾಲ್ನ ಶಾತ್‌ ಬೋಲು! ಯೋ ಅದ್ಮಿ ಪೈದಾ ನಾಸ್ ಹುಯುಹೊತ್ತೊ ಇನ ಅಛ್ಛು಼ ಥೂ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:20

ಯೂದನಿ ಬಾರೇಮ ‘ಇನು ಘರ್‌ ಬರ್ಬಾತ್‌ ಹುವಾದೆ, ಯೋ ಅದ್ಮಿಕೊಂತೆ ಉಜ್ಜಾ಼ಡ್ ಹುವಾದೆ’ ಇನಿ ಅದಿಕಾರ್ ಬಿಜೇಕ್‍ಜ಼ಣಾನ ಜಾ಼ವಾದೆಕರೀಬಿ ಕೀರ್ತನೆ ಪುಸ್ತಕ್‌ಮ ಲೀಖೈರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:25

ಯೂದನಿ ಝ಼ಗೋಮ ಅಪೊಸ್ತಲಹುಯಿನ್ ಸೇವೆಕರಾನ ಯೋ ಝ಼ಗೋನ ಮ್ಹೇಲಿನ್ ಕಿಜ್ಜಾ಼ ಇನಿ ಝ಼ಗೋಕಿ ಹಿಜ್ಜಾ಼ ಚ಼ಲೆಗಯೊ

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:48

ಪೌಲನಿ ಆ ವಾತೆನ ಖ್ಹಮ್‍ಜ್ಯುತೆ ಅಲ್ಹಾವ್‌ ಅದ್ಮಿಖ್ಹಾರು ಘಣು ಖುಷಿಕರೀನ್ ಪ್ರಭುನಿ ವಾತೇನಖ್ಹಾಜೆ ಸ್ತುತಿ ಕರ‍್ಯು. ಹಮೇಶಾನಿ ಜಿ಼ಂದ್‌ಗಿ ಲೀಲ್ಯಾವನ ಚೂ಼ಣೈರ‍್ಹುತೆ ಖ್ಹಾರೂಸ್ ವಿಶ್ವಾಸ್ ಕರ‍್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:30

ಏಕ್‌ ಹಗಾಮ್ಮ ತುಮೆ ಇನ ವಿಧೇಯ ಕೋಹುಯಿರಾಥಾನಿ. ಇವ್ಣು ಅವಿಧೇಯತೆಥಿ ತುಮೆ ಹಮ್ಕೆ ದೇವ್ನಿ ದಯಾ ಲೀರಾಖ್ಯಾಸ್,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:7

ಇಮ್‍ಕತೊ ಶಾತ್? ಇನಖ್ಹಾಜೆ ಇಸ್ರಾಯೇಲ್‍ನೆ ಢೂಂಡ್ಯಹುಯಾನ ಲೀಲಿದುಕೊಯ್ನಿ. ಕತೋಬಿ ಇವ್ಣಾಮ ಚೂ಼ಣೈಗಯಹುಯಾನೆ ಲೀಲಿದು; ಉಬ್ರಿಹುಯುಖ್ಹಾರು ಕಠಣ್ ದಿಲ್‍ವಾಳುಹುಯು.

1 ಥೆಸ 1:10

ದೇವ್ನೆ ಮರ‍್ಯಾಹುಯಾಮಾಥು ಉಠಾಡ್ಯೋತೆ ಅಜು಼ ಸೊರ್ಗಮಾಥೊ ಆವ್‌ಶೇತೆ ಇನ ಛಿಯ್ಯಾನಖ್ಹಾಜೆ ತುಮೆ ಟಿವವ್‍ಕರಸ್ ಕರೀಬಿ ಆ ಅದ್ಮಿಸ್ ಬೋಲಾಸ್. ಆ ಯೇಸು ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದಾಥಿ ಅಪ್ಣುನ ಬಚಾ಼ಡವಾಳೊ ಹುಯಿರೋಸ್.

1 ಥೆಸ 3:3

ತುಮೂನ ಮಾಲುಮ್‌ ಛಾ಼ಕಿ, ದೇವ್ನ ನಾಮ್ಹೆಲ್ನುತೆ ತಿಮ್ ಖ್ಹತಾಪ್ಣಿ ಖ್ಹಮಾಳಿಲ್ಯವಾನು, ಐರ‍್ಹೂತೆ ದೇವ್ನಿ ಮರ್ಜಿ ಹುಯಿರ‍್ಹೀಸ್.

1 ತಿಮೊ 1:13

ಅಗಾಡಿ ಮೇ ಕ್ರಿಸ್ತನಿ ವಿರೋದ್ ವಾತೆ ಬೋಲಿನ್, ಇನ ಖ್ಹತೈರಾಖ್ಯೋಸ್ ಅಜು಼ ಇನಿ ಖ್ಹರಮ್‌ಬಿ ಕಾಡಿರಾಖ್ಯೊಸ್. ಶನಕತೊ, ಮೇ ತದೆ ಅವಿಶ್ವಾಸ್‌ಮ ಥೊ, ಇನಖ್ಹಾಜೆ ಮೇ ಶಾತ್‌ ಕರುಕರೂಸ್ ಕರಿ ಮನ ಮಾಲುಮ್ ಕೋ ಥೂನಿ. ತೋಬಿ ದೇವ್ನೆ ಮಾರಪರ್ ಗೋರ್‌ ಕರಿರಾಖ್ಯೋಸ್.

1 ತಿಮೊ 1:16

ಕತೋಬಿ ಅನ ಅಗ್ಗಳ್ ಹರ್‌ಹಮೇಶಾನಿ ಜಿ಼ಂದ್‌ಗಿನಖ್ಹಾಜೆ ಇನಪರ್ ವಿಶ್ವಾಸ್‌ಕರವಾಳನ ಮಾಲುಮ್‌ಪಡಾದೆಕರಿ ಕ್ರಿಸ್ತ ಯೇಸು ಪಾಪಿಮ ಮುಖ್ಯಥೋತೆ ಮನ ಗೋರ್‌ಕರಿನ್, ಇನಿ ಪೂರ ಸಮಾಧಾನ್‌ಥಿ ದೇಖಿಲಿದೊ.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.

1 ಪೇತ್ರ 2:10

ಏಕ್‌ ಹಲ್ಲ ತುಮೆ, ದೇವ್ನ ಅದ್ಮೆವ್‍ ಕೋಥಾನಿ. ಕತೋಬಿ ತುಮೆ ಹಮ್ಕೆ ದೇವ್ನ ಅದ್ಮಿಹುಯಿರಾಸ್; ಏಕ್‌ಹಲ್ಲ ದೇವ್ನ ಗೋರ್‌ನ ಮಾಲುಮ್ ಕರಿರಾಖ್ಯಥ ಕೊಯ್ನಿ. ಕತೋಬಿ ಹಮ್ಕೆ ದೇವ್ನ ಗೋರ್‌ನ ಲೀರಾಖವಾಳ ಹುಯಿರ‍್ಹಾಸ್.

1 ಪೇತ್ರ 2:8

ಅಜು಼ ಪವಿತ್ರ ದಪ್ತರ್‌ಮ ಅಜೇ಼ಕ್ಆಡಿ ಶಾತ್‌ ಲಿಖಾಸ್‌ಕತೊ “ಅದ್ಮಿ ಧೊಕ್‌ಡೈನ್ ಇವ್ಣೆ ರಡ್ಕಾನೊ ಬಂಡೊ ಹುಯಿರೋಸ್” ಇವ್ಣೆ ದೇವ್ನಿ ವಚನ್ನ ಅವಿಧೇಯ ಹುವಾತೆ ಇನಖ್ಹಾಜೆ ಯೊ ಬಂಡಾನ ಠೋಕರ್ ಲಾಗಿನ್‍ಪಟ್ಕಸ್. ಇನಖ್ಹಾಜೇಸ್ ಇವ್ಣೆ ಚೂ಼ಣೈಗಯೂತೆ.

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

2 ಪೇತ್ರ 2:3

ಇವ್ಣೆ ಪೈಶಾನಿ ಲಾಲ್‍ಛಿವಾಳು ಹುಯಿರ‍್ಹಿನ್, ಬಣೈಹುಯ್ ಖೇಣಿನ ಬೋಲ್ತುಹುಯಿನ್‌, ತುಮಾರೇಥಿ ನಫ್ಫೊ ಕರಿಲ್ಯಾವಾಳು ಹುಯಿರ‍್ಹಿಶೆ.ಇನಖ್ಹಾಜೆ ಘಣಾದನ್‍ಥು ಇವ್ಣುನ ಛಾ಼ತೆ ನಿಶತ್ನು ತೀರ್ಪ್ ಇವ್ಣುನ ಟಿವೈರ‍್ಹುಸ್. ಇವ್ಣುನ ಆವನಿ ನಾಶನ ಇವ್ಣೇಥಿ ಛು಼ಕಿಜಾ಼ಶೇಸ್ ಕೊಯ್ನಿ.

ಯೂದನೆ ಲೀಖ್ಯೋತೆ ಚಿಟ್ಟಿ 1:4

ಶನಕತೊ ಭಕ್ತಿಕೊಂತೆ, ಅಪ್ಣ ದೇವ್ನ ವಾರ್‌ಖ್ಹಾನ ಭಾಣುಕರಿಲೀನ್‍ ಖ್ಹರಮ್‌ಕೊಂತೆ ಕಾಮ್ನ ಕರವಾಳುಬಿ, ಅಪ್ಣೊ ಎಕ್ಕಸ್ ಯಜಮಾನ್‌ಬಿ ಪ್ರಭು ಯೇಸುಕ್ರಿಸ್ತನ ಝಿಟ್ಕಾರವಾಳು ಥೋಡುಜ಼ಣು ಗಪ್ಲಥ್ಥಿ ಸಬೆಮ ಮಹಿ ಪೇಶಿರ‍್ಹುಸ್. ಅವ್ಣೆ ಅಗಾಡಿಥೂಸ್ ನಿಶತ್‌ನ ನೇಮಕ್‍ಹುಯಿರ‍್ಹುಸ್‍ ಕರಿ ಪವಿತ್ರ ವಚನ್‌ಮ ಲೀಖೈರುಸ್.