1 ಥೆಸ 5:6 - ದೇವ್ನಿ ಖ್ಹಾಚಿ ವಚನ್

⁶ ಇನಖ್ಹಾಜೆ ಅಪ್ಣೆ ಬಿಜಾ಼ನಿಮತ್ ನಿಂದರ್‌ ನಾಲೇವ್ಣುತೆ, ಹೊಷಾರಿ ರ‍್ಹಿಯೆ ಅಜು಼ ಅಪ್ಣು ಅಪ್ಣೆ ದಾಬುಕ್ಮ ರ‍್ಹಿಯೆ.

1 ಥೆಸ 5:6 Iomraidhean Croise

ಮತ್ತಾಯ 13:25

ಕತೋಬಿ ಏಕ್‌ ರಾತೆ ಅದ್ಮಿಖ್ಹಾರು ಖ್ಹುತುರ‍್ಹವಾನಿ ವಖ್ಹತ್‌ಮ, ಯೋ ಅದ್ಮಿನು ದುಶ್‌ಮನ್‌ ಐನ್, ಘವ್‌ನ ಮಹಿ ಶತ್ತೇನ ಛಿಡ್ಕಿನ್‌ ಚ಼ಲೆಗಯೊ.

ಮತ್ತಾಯ 24:42

ಇನಖ್ಹಾಜೇಸ್ ತುಮಾರೊ ಪ್ರಭು ಆವ್‌ಶೇತೆ ದನ್ ತುಮುನ ಮಾಲುಮ್‌ಕೊಂತೆ ಇನಾಖ್ಹಾಜೆ ಹೊಷಾರ್‌ಥಿ ರ‍್ಹವೊ.

ಮತ್ತಾಯ 25:13

ಅಜು಼ ಯೇಸುನೆ ಖ್ಹರ್ತಿಮ ಬೋಲ್ಯೋಕಿ, “ಯೋ ದನ್‍ರ‍್ಹವೊ, ವಖ್ಹತ್‌ರ‍್ಹವೊ ತುಮೂನ ಮಾಲುಮ್‌ಕೊಂತೆ ಇನಖ್ಹಾಜೇಸ್ ಹೊಷಾರ್‌ಥಿರ‍್ಹವೊ.

ಮತ್ತಾಯ 25:5

ನೌಶೊ ಆವಾನ ಧೇರ್ ಹೋತಾಖ್ಹತರ್, ಇವ್ಣೆ ಖ್ಹಾರು ಝೂಕಾರೆ ಮಾರಿನ್, ಖ್ಹುಯಿಗಯ್ಯೆ.

ಮತ್ತಾಯ 26:38

ಅಜು಼ ಯೇಸುನೆ ಇವ್ಣುನ, “ಮಾರೊ ಜಾನ್‌ ಮರ‍್ವಎತ್ರೆ ದುಖ್‌ಮ ಛಾ಼. ತುಮೆ ಹಾಸ್‌ರ‍್ಹೀನ್, ಮಾರ ಜೋ಼ಡೆ ಹೊಷಾರಿ ರ‍್ಹವೊ” ಕರಿ ಬೋಲ್ಯೊ.

ಮಾರ್ಕ 13:37

ಮೇ ತುಮುನ ಬೋಲೂಸ್ತೆ ಇನ ಅಖ್ಖಾನ ಬೋಲುಸ್, ಹೊಷಾರ್‌ಥಿ ರ‍್ಹವೊ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:37

ಯಜಮಾನ್ ಐನ್ ಬಾಕಲ್ ಮಾರಾನಿ ವಖ್ಹತ್‌ಮ, ಇವ್ಣೆ ಬಾಕಲ್ ಕಾಡಸ್‌. ಪಾಛೊ಼ ಪ್ರಭು ಫರಿಅಯಿನ್‌, ಕೆಹೊಖ್ಹಾರೊ ಆಳ್‌ ತೈಯಾರ್ ಹುಯಿರ‍್ಹಿನ್, ಇನಖ್ಹಾಜೆ ಜ಼ಪಿರ‍್ಹೇವಾನು ಯೋ ದೇಖಾಸ್ಕಿ ಇವ್ಣೆ ಧನ್ಯ ಹುಯಿರ‍್ಹಿಶೆ! ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಯೋ ಇನಿ ಕಂಬರ್‌ನ ಲುಂಗ್ಡು ಭಾಂದಿಲೀನ್, ಇವ್ಣುನ ಖಾಣನ ಬೆಖ್ಹಾಡಿನ್‌, ಇವ್ಣ ಖನ್ನೆ ಐನ್, ಇವ್ಣಿ ಚಾ಼ಕ್ರಿ ಕರ್ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:39

ಆ ವಾತೆ ತುಮಾರಿ ಯಾದ್ಮ ರ‍್ಹವಾದೆ; ಚೋ಼ರ್ ಆವಾನಿ ವಖ್ಹತ್ ಘರ್‌ನ ಯಜಮಾನ್ನ ಮಾಲುಮ್ ರ‍್ಹಯುಹೋತ್ತೊ, ಯೋ ಹೊಷಾರಿ ರ‍್ಹೀನ್, ಇನ ಘರ್‌ನ ಲೂಟದಿದೊಹೋತ್‌ ಕೊಯ್ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:36

ಇನಖ್ಹಾಜೇಸ್, ಖ್ಹಾರಿಸ್ ವಖ್ಹತ್‌ಮ ತೈಯಾರ್ ರ‍್ಹವೊ, ಚಾ಼ಲ್‌ಶೇತೆ ಆ ಖ್ಹಾರಾಮ ಬಚಿನ್, ಅದ್ಮಿನೊ ಛಿಯ್ಯಾನ ಖ್ಹಾಮ್ಣೆ ಭೀರ‍್ಯಾವನ ತುಮೆ ಶಕತ್‌ವಾಳ ಹುವಾನಟೇಕೆ, ಖ್ಹಾರಿಸ್ ವಖ್ಹತ್‌ಮ ದೇವ್ನ ಪ್ರಾರ್ಥನೆ ಕರ್ತಾಹುಯಿನ್ ಜ಼ತನ್‌ಥಿ ರ‍್ಹವೊ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:46

ಯೇಸುನೆ ಇವ್ಣುನ, “ತುಮೆ ಶನ ಖ್ಹುತಾಸ್? ಉಪ್ಪರ್ ಉಠೊ, ಅಜು಼ ತುಮೆ ಶೋದನೆಮ ಪಡ್ನುನಾತೆ ಇಮ್‌ ಪ್ರಾರ್ಥನೆ ಕರೊ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:31

ಇನಖ್ಹಾಜೆ ಡೋಳಾನು ಆಂಝು಼ ನಾಕ್ತೊ ಹುಯಿನ್ ಮೇ ತೀನ್ ವರಖ್ಹ್ ದನ್ ತುಮಾರಿ ಜೋ಼ಡೆರ‍್ಹೀನ್ ಮೇ ತುಮೂನ ರ‍್ಹೇಣ್‍ದನ್ ಶಿಕಾಡ್ತೊಹುಯಿನ್ ತುಮೂನ ಹೊಷಾರ್ ಕರ‍್ಯೊತೆ ಯಾದ್ಮ ರಾಖೊ.

1 ಕೊರಿಂಥ 15:34

ನೀತಿನಖ್ಹಾಜೆ ಹೊಷಾರಿ ಹುವೊ, ಪಾಪ್ನ ನಕೊಕರೊ. ಥೋಡಜ಼ಣಾನ ದೇವ್ನಿ ಬಾರೇಮ ಮಾಲುಮ್ಮಸ್‍ಕೊಯ್ನಿ. ತುಮೂನ ಖ್ಹರಮ್‌ ಲಾಗಾದೆಕರಿ ಮೇ ಆ ವಾತ್ ಬೋಲುಕರುಸ್.

1 ಕೊರಿಂಥ 16:13

ಜ಼ತನ್‍ರ‍್ಹೇವೊ, ವಿಶ್ವಾಸ್‌ಮ ಘಟ್‍ಭೀರ‍್ಹೆವೊ ದಿಲ್‍ಪಥಿ ರ‍್ಹವೊ, ಅಜು಼ ತಾಖತ್‍ವಾಳ ಹುವೊ.

ಎಫೆಸ 2:3

ಪಹಿಲೆ ಅಪ್ಣೇಬಿ ಇವ್ಣಿನಿತರಸ್ ಥಾ, ಶರೀರ್‌ನು ಆಖ್ಹ್‌ದಾಖ್ಹ್‌ನ ಪೂರ ಕರಾನಟೇಕೆ ಅಪ್ಣೆ ಕೊಶೀಷ್ ಕರುಕರ್ತಥ. ಶರೀರ್‌ನ ಆಖ್ಹ್‌ಮ ಪಡೀನ್, ಶರೀರ್ ಅಜು಼ ದಿಲ್ನಿ ಆಖ್ಹ್‌ನ ಅಪ್ಣೆ ಕರ‍್ಯಾ. ಇವ್ಣಿ ಛ಼ಂದ್‌ನಿತರ ಅಪ್ಣೇಬಿ ಜಿನು ಅಲಕ್‌ನಿಘೋಣಿ ದೇವ್ನ ಇರಾದಮ ಪಡ್ಯ.

ಎಫೆಸ 5:14

ಶನಕತೊ ಖಿವು ಅಛ್ಛಿನಿತರ ದೆಖಾವಸ್ಕಿ ಯೋಸ್ ದೆಖಾವಸ್, ಇನಖ್ಹಾಜೇಥಿ ಬೋಲೈರ‍್ಹುಸ್. “ಖ್ಹುತೊರ‍್ಹವಾಳ ಉಠಿಆವ್‌, ಮರಿರ‍್ಹವಾಳೆಥಿ ಮ್ಹೇಲಿನ್ ಉಠೊ, ತದೆ ಕ್ರಿಸ್ತ ತುಮಾರಮ ಉಜಾ಼ಖ್ಹ್‌ ಹುಯಿರ‍್ಹಿಶೆಕರಿ ಇನಖ್ಹಾಜೆ ಬೋಲೈರ‍್ಹುಸ್.

ಎಫೆಸ 6:18

ತುಮೆ ಪವಿತ್ರಾತ್ಮಥಿ ಭರೈನ್ ಖ್ಹಾರಿ ವಖ್ಹತ್‌ಮ ಹರೇಕ್ ತರಿಕಾನಿ ಪ್ರಾರ್ಥನೆಥಿಬಿ ಬಿಂತೀನಿವ್ಹಾರ್ಥೀಬಿ ದೇವ್ನ ಪ್ರಾರ್ಥನೆ ಕರೊ. ಅನಾಮ ಏಕ್‌ ಖ್ಹಯಾಲ್‌ವಾಳು ಹುಯಿನ್ ದೇವ್ನ ಅದ್ಮಿ ಖ್ಹಾರಾನಿ ಬಾರೇಮ ಬಿಂತಿಕರ‍್ತಹುಯಿನ್ ಜ಼ತನ್‌ಥಿ ರ‍್ಹವೊ. ಅಖ್ಖಾಸ್ ಅದ್ಮಿನಖ್ಹಾಜೆ ಹಮೇಶ ಪ್ರಾರ್ಥನೆ ಕರಾನು ನಕೊ ಮ್ಹೇಲೊ.

ಫಿಲಿಪ್ಪಿ 4:5

ತುಮಾರು ಖ್ಹಮಾಳಿರ‍್ಹವಾನುಬಿ, ಗೋರ್‌ಬಿ ಹರೇಕ್ ಅದ್ಮಿನಾಬಿ ಮಾಲುಮ್‌ಪಡಾದೆ, ಪ್ರಭು ಪಾಛು಼ ಆವಾನು ಲಗಾಬಗು ಹುಯಿಗು.

ಕೊಲೊಸ್ಸೆ 4:2

ಹೊಷಾರ್‌ಥಿ ರ‍್ಹೀನ್ ಧನ್ಯವಾದ್‍ಕರಾವಾಳ ಹುಯಿರ‍್ಹಿನ್ ಕದೇಬಿ ಪ್ರಾರ್ಥನೆ ಕರ್ತರ‍್ಹೇವೊ.

1 ಥೆಸ 4:13

ಹಮಾರ ಭೈಯೇ ಭೇನೇವೊ, ಮರಿಗಯೂತೆ ಅದ್ಮಿನಿ ಬಾರೇಮಾನಿ ಖ್ಹಾಚಿನ ತುಮೆ ಮಾಲುಮ್ ಕರಿರಾಕ್ಣುಕರಿ ಹಮಾರಿ ಆಖ್ಹ್. ಅನೇಥಿ ಕೋಣ್‌ಬಿ ಭರೋಖ್ಹಾಮಕೊಂತೆ ಅಲಕ್‌ನಿಘೋಣಿ ತುಮೆ ದುಖ್‌ಮ ನಾರ‍್ಹೇವ್ಣು.

1 ಥೆಸ 5:10

ಅಪ್ಣೆ ಜಿವ್ತ ರ‍್ಹಯಾತೋಬಿ ನತರ್ ಮರಿಗಯಾತೋಬಿ ಇನ ಜೋ಼ಡೆಸ್ ಜಿವ್ಣು ಕರಿ ಬೋಲಿನ್, ಯೇಸುನೆ ಅಪ್ಣಖ್ಹಾಜೆ ಇನ ಜಾನ್ನ ದಿದೊ.

1 ಥೆಸ 5:8

ಕತೋಬಿ ಅಪ್ಣೇತೊ ದನ್ ಭಣಿವಾಳ ಹುಯಿರ‍್ಹಾಸ್. ಇನಖ್ಹಾಜೆ ಅಪ್ಣು ಅಪ್ಣೆ ದಾಬುಕ್ಮ ರ‍್ಹಿಯೆ. ಅಪ್ಣೆ ಪ್ಯಾರ್ ಅಜು಼ ವಿಶ್ವಾಸ್‌ನಿ ಕವಚ್‌ನ ಛಾ಼ತಿಪರ್ ಪೇರ‍್ಹಿಲೇವ್ಣು ಅಜು಼ ರಕ್ಷಣೆನಿ ವಿಶ್ವಾಸ್‌ಕರಿ ರ‍್ಹವಾನು ಮುಡ್‌ಕ್ಯಾನ ಕವಚ್‌ನ ಫೇರಿಲೇವೊ,

1 ತಿಮೊ 2:15

ತೋಬಿ ತಯೇಡ ವಿಶ್ವಾಸ್‌ಮ, ಪ್ಯಾರ್‌ಮ, ಪವಿತ್ರಾಥಿ ರ‍್ಹವಾಮ ಅಜು಼ ಧೋಬೆಡಿ ರ‍್ಹಯೀತೊ, ಲಡ್ಕಾ ಪೈದಹುವಾನಿ ವಖ್ಹತ್‌ಮ ಬಚಿಜಾಶೆ.

1 ತಿಮೊ 2:9

ಅಮ್ಮಸ್ ತಯೇಡಾಬಿ ಮರ್ಯಾದಿಥಿಬಿ ಅಜು಼ ಗ್ರಿಸ್ತಿಥಿರ‍್ಹೀನ್ ಇಜ಼್ಜತ್‌ನ ಮಾನಿಜಾ಼ವನು ಲುಂಗ್ಡಾನ ಫೇರ‍್ನುಕರಿ ಆಖ್ಹ್‌ ಕರುಸ್. ಇವ್ಣೆ ಘಣಿಥರಾಥಿ ಕೇಖ್ಹ್‌ನು ಶನ್‌ಗಾರ್, ಖ್ಹೊನ್ನುಖ್ಹರಪ್‌ಥಿ ಶನ್‌ಗಾರ್, ಲುಂಗ್ಡಚಿತ್ರಾಥಿಸ್ ಶನ್‌ಗಾರ್ ನಾಕರಿಲೇವ್ಣುತೆ,

1 ತಿಮೊ 3:11

ಇಮ್ಮಸ್ ಇವ್ಣಿ ಬಾವಣ್‌ಬಿ ಚಾ಼ಲ್‌ಚ಼ಲಣ್‍ಮ ಅಛ್ಛಿ ರ‍್ಹಹವಾಳಿಯೆ ಹುಯಿರ‍್ಹೇಣು ಅಜು಼ ಚ಼ಹಾಡ್ ಬೋಲವಾಳಿಯೆ ನಾ ಹುಯಿರ‍್ಹೇಣು; ಅಛ್ಛೇಥಿ ಚಾ಼ಲ್‌ವಾಳಿ ಹುಯಿರ‍್ಹೇಣು ಅಜು಼ ಇವ್ಣೆ ಹರೇಕ್‌ಮ ವಿಶ್ವಾಸ್‌ವಾಳಿಬಿ ಹುಯಿರ‍್ಹೇಣು.

1 ತಿಮೊ 3:2

ಸಬೆನ ಚ಼ಲಾವವಾಳೊ ಗಲ್ತಿ ನಾಕರಾವಾಳೊ ಹುಯಿರ‍್ಹೇಣು. ಇನು ಯೋ ದಾಬುಕ್ಮ ರ‍್ಹವಾಳೊ ಹುಯಿರ‍್ಹೇಣು, ಆತ್ಮಾನ ಖ್ಹಮಾಳಿಲ್ಯವಾಳೊ, ಅಛ್ಛಿ ಚಾ಼ಲ್ ಚ಼ಲಣ್‍ಥಿ ರ‍್ಹವಾಳೊ, ಆವವಾಳಾನ ಸ್ವಾಗತ್‌ಕರವಾಳೊ, ಅಜು಼ ವಚನ್ ಶಿಕಾಡಾಮ ಚಾ಼ತುರ್ ಹುಯಿರ‍್ಹೇಣು.

2 ತಿಮೊ 4:5

ಕತೋಬಿ ತೂ ಅಖ್ಖಿ ಹಾಲ್‌ಮ ತಾರು ತೂ ದಾಬುಕ್‌ಥಿ ರ‍್ಹೇ; ಖ್ಹತಾಪ್ಣಿ ಆಯುತೊ ಖ್ಹಮಾಳಿಲೇ, ಅಛ್ಛಿ ಸಮಚಾರ್‌ನ ಬೋಲವಾಳೊ ಹುಯಿರ‍್ಹೆ, ಅಜು಼ ತುನ ದೆವೈರ‍್ಹೀತೆ ಸಬೇನು ಕಾಮ್ನ ಬರಾಬರ್‌ಥಿ ಕರ್‌. ಮಾರಿ ಬಾರೇಮ ಬೋಲ್‌ನು ಕತೊ ಮಾರಿ ವೇಳ್ ಐರ‍್ಹೀಸ್ ಮೇ ಬಲಿ ಹುವಾನು ವಖ್ಹತ್ ಆವ್‌ತುರ‍್ಹು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:12

ಅಜು಼ ಅಪ್ಣು ಭಕ್ತಿಕೊಂತೆ ಜಿವ್ಣನ ಅಜು಼ ಜಗತ್ನಿ ಹರಖ್ಹ್‌ನ ಮ್ಹೇಲಿದೇಣು, ಅಜು಼ ಅಮ್ನು ಜಿವ್ಣು ಕರ್ನುಕಿ ಅನೇಥಿ ಖ್ಹಾಚಿ ಭಕ್ತಿಥಿ ರ‍್ಹವಾನು ಅಜು಼ ಇನುಯೋ ದಾಬುಕ್‌ಥಿ ರ‍್ಹವಾನ ಪರಕ್‍ಥಿ ಆ ಜಗತ್‌ಮ ಬಚಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:6

ಇಮ್ಮಸ್ ಜಾ಼ನ್ಜ಼ಮಾನ್ ಛೋ಼ಕ್ರಾವ್‌ನ ಇವ್ಣು ಇವ್ಣೆ ಕಿಮ್ ದಾಬುಕ್ಮ ರ‍್ಹೇವ್ಣುಕರಿ ಬೋಲಿಒತಾಳ್‌,

1 ಪೇತ್ರ 1:13

ಇನಾಖ್ಹಾಜೆ ತುಮೆ ತುಮಾರ ದಿಲ್ನ ಘಟ್‍ಕರಿಲೀನ್, ಅಛ್ಛಿ ಸೋಚ್‌ವಾಳ ಹುಯಿರ‍್ಹಿನ್, ಯೇಸು ಕ್ರಿಸ್ತ ಆವಾನಿ ವಖ್ಹ್‌ತೆ ತುಮುನ ಮಳ್‌ಶೇತೆ ವಾರ್‌ಖ್ಹಾನ ಉಪ್ಪರ್ ತುಮಾರಿ ಪೂರ ಭರೋಖ್ಹೊ ರ‍್ಹವಾದೆ.

1 ಪೇತ್ರ 4:7

ಖ್ಹಾರಸ್‌ನು ಖ್ಹರ್ತಿನು ಹಗಾಮ್ ಖನ್ನೆ ಹುಯಿರ‍್ಹುಸ್. ಅನಖ್ಹಾಜೇಥಿ ತುಮಾರು ತುಮೆ ದಾಬುಕ್ಮ ರ‍್ಹವಾಳ ಹುಯಿನ್ ಪ್ರಾರ್ಥನೆ ಕರಾನ ತಾಖತ್‍ವಾಳ ಹುಯಿ‍ರ‍್ಹೆವೊ.

1 ಪೇತ್ರ 5:8

ಅಛ್ಛಿಖ್ಹೂಜ಼್‌ವಾಳನ ಹುಯಿ‍ರ‍್ಹೆವೊ ಅಜು಼ ಜ಼ತನ್‌ಥಿ ರ‍್ಹವೊ. ತುಮಾರೊ ವಿರೋದಿ ಹುಯಿರ‍್ಹೋತೆ ಶೈತಾನ್, ಘಲಾರತೆ ಶುಂಭಾನಿತರ ಕಿನ ಚೀರಿಖಾವ್ಣು ಕರಿ ಢೂಂಡ್ತೊ ಚಾ಼ಲ್ಯೊಫಂಡಾಸ್.

ಪ್ರಕಾಶಿತ್ 16:15

“ಹಂದೇಕ್ ಚೋ಼ರ್ ಆವಾನಿಘೋಣಿ ವಳ್ಯಾವುಸ್. ಇನುಯೋ ಉಘಾಡೊ ಹುಯಿನ್ ಅದ್ಮಿಥಿ ಖ್ಹರಮ್‌ ನಾಕಡೈಲೇವ್ಣುತೆ ಹೊಷಾರ್‌ಥಿ ರ‍್ಹೀನ್ ಇನ ಲುಂಗ್ಡಾನ ಜ಼ತನ್‌ಥಿ ಬಚಾ಼ಡೈಲ್ಯವಾಳೊ ಧನ್ಯ ಹುಯಿರೋಸ್.”

ಪ್ರಕಾಶಿತ್ 3:2

ಹೊಷಾರ್ ಹೂ ಮರಾನಿ ಹಾಲತ್ಮ ಛಾ಼ತೆಯಿನ ಧಿಲ್‌ಪತ್‌ ದೇ. ಶನಕತೊ ಮಾರ ದೇವ್ನಖ್ಹಾಮ್ಣೆ ತಾರ ಕಾಮ್‍ಖ್ಹಾರಾವ್ಮ ಏಕ್‍ತೋಬಿ, ಪೂರಹುಯುಕರಿ ಮನ ದೆಖಾಯುಕೊಯ್ನಿ.