1 ಥೆಸ 5:5 - ದೇವ್ನಿ ಖ್ಹಾಚಿ ವಚನ್

⁵ ತುಮೆಖ್ಹಾರು ಉಜಾ಼ಳ ಭಣಿವಾಳ ಅಜು಼ ದನ್ ಭಣಿವಾಳ ಹುಯಿರ‍್ಹಾಸ್. ಅಪ್ಣೆ ರಾತ್ ಭಣಿವಾಳ ಕಾಹೆ, ಅಂಧಾರ ಭಣಿವಾಳಬಿ ಕಾಹೆ.

1 ಥೆಸ 5:5 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:8

ತದೆ ಇನ ಯಜಮಾನ್ನೆ ಅನಿ ಬಾರೇಮ ಖ್ಹಮ್‌ಜಿನ್‌, ಯೋ ಠಗಾರ‍್ಯೊ ಹುಯಿರೋತೆ ಘರ‍್ನೊಸೇವಕ್‌ನ, ‘ತುನೆ ಚಾ಼ತುರ್‌ನು ಕಾಮ್ ಕರ‍್ಯೊ’ ಕರಿ ಬೋಲಿನ್ ಖ್ಹರಾಯೊ. ಶನಕತೊ, ಆ ಜಗತ್‌ನು ಅದ್ಮಿ ಇವ್ಣಿ ಬಾರೇಮ, ಉಜಾ಼ಖ್ಹ್‌ನು ರಾಜ್ಯನ ಅದ್ಮಿಥೀಬಿ ಚಾ಼ತುರ್ ಹುಯಿರ‍್ಹೂಸ್.

ಯೋಹಾನ 12:36

ತುಮಾರಕನ ಉಜಾ಼ಳು ರ‍್ಹವಾನಿ ವಖ್ಹತ್‌ಮಾಸ್‌ ಉಜಾ಼ಳಾನ ನಂಬೊ, ನಂಬ್ಯಾತೊ, ತದೆ ತುಮೆ ಉಜಾ಼ಳವಾಳ ಹುಯಿರ‍್ಹೀಶು” ಕರಿ ಬೋಲ್ಯೊ. ಆ ಬೋಲಾನ ಬಾದ್‌ಮ, ಯೇಸುನೆ ಇವ್ಣ ಖ್ಹಾಮೇಥೊ ಓಠೆಚ಼ಲೆಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಎಫೆಸ 5:8

ಶನಕತೊ ತುಮೆ ಯೋಹಗಾಮ್ಮ ಅಂಧಾರಮ ಥಾ, ಕತೋಬಿ ಹಮ್ಕೆ ತುಮೆ ಪ್ರಭುನ ಅದ್ಮಿ ಹುಯಿರ‍್ಹಿನ್ ಉಜಾ಼ಳವಾಳ ಹುಯಿರ‍್ಹಾಸ್. ಉಜಾ಼ಳವಾಳನಿತರ ಚಾ಼ಲಿಲೆವೊ.

1 ಥೆಸ 5:8

ಕತೋಬಿ ಅಪ್ಣೇತೊ ದನ್ ಭಣಿವಾಳ ಹುಯಿರ‍್ಹಾಸ್. ಇನಖ್ಹಾಜೆ ಅಪ್ಣು ಅಪ್ಣೆ ದಾಬುಕ್ಮ ರ‍್ಹಿಯೆ. ಅಪ್ಣೆ ಪ್ಯಾರ್ ಅಜು಼ ವಿಶ್ವಾಸ್‌ನಿ ಕವಚ್‌ನ ಛಾ಼ತಿಪರ್ ಪೇರ‍್ಹಿಲೇವ್ಣು ಅಜು಼ ರಕ್ಷಣೆನಿ ವಿಶ್ವಾಸ್‌ಕರಿ ರ‍್ಹವಾನು ಮುಡ್‌ಕ್ಯಾನ ಕವಚ್‌ನ ಫೇರಿಲೇವೊ,

1 ಯೋಹಾನ 2:8

ಕತೋಬಿ ಮೇ ತುಮೂನ ಲೀಖುಕರುತೆ‍ ನವಿ ಹುಕುಮ್‍ನಿತರಾಸ್ ಛಾ಼. ಹೈರುತೆ ಇನಾಮಾಬಿ ತುಮಾರಮಾಬಿ ಖ್ಹಾಚು಼ಹುಯಿರ‍್ಹುಸ್. ಶನಕತೊ ಅಂಧಾರು ಚ಼ಲ್ಯುಜೈನ್‌, ಖ್ಹಾಚು಼ ಉಜಾ಼ಳು ಹಮ್ಕೆ ಉಜಾ಼ಖ್ಹ್‌ ಹೂಕರಸ್.