1 ಥೆಸ 4:9 - ದೇವ್ನಿ ಖ್ಹಾಚಿ ವಚನ್

⁹ ಕ್ರಿಸ್ತನ ಮಹಿ ಭಯ್ಯೆ ಅಜು಼ ಭೇನೇನ ಕಿಮ್ ಪ್ಯಾರ್ ಕರ‍್ನು ಕರಿ ಬೋಲಾನಿ ಬಾರೇಮ ತುಮೂನ ಲೀಖಾನಿ ಜ಼ರೂರತ್ ಕೊಯ್ನಿ. ಏಕ್‌ಥಿಏಕ್‌ ಪ್ಯಾರ್ ಕರ‍್ನು ಕರಿ ಬೋಲಾನಿ ಬಾರೇಮ ತುಮಾರು ತುಮೇಸ್ ದೇವ್‌ಥಿಶಿಕಿರಾಖ್ಯಸ್.

1 ಥೆಸ 4:9 Iomraidhean Croise

ಮತ್ತಾಯ 22:39

ಆಸ್ ಹುಕುಮ್‌ನಿಘೋಣಿ ಛಾ಼ತೆ ಬೇನೆ ಮುಖ್ಯ ಹುಕುಮ್ ಖೆವಿಕತೊ, ತಾರು ತೂ ಕಿಮ್ ಪ್ಯಾರ್ ಕರಾಸ್ಕಿ ಇಮ್ಮಸ್, ತಾರ ಭೀಡೆವಾಳಾನ ಪ್ಯಾರ್ ಕರ‍್ನು’ ಕರಿ ಬೋಲನುಸ್.

ಯೋಹಾನ 14:26

ಕತೋಬಿ ಯೋ ಮದತ್‌ ಕರವಾಳೊ, ಕತೊ ಮಾರ ನಾಮ್‌ಪರ್‌ ಬಾ ಮೋಕ್‌ಲ್‌ಶೇತೆ ಪವಿತ್ರಾತ್ಮಸ್ ತುಮೂನ ಖ್ಹಾರೂಸ್ ಶಿಕಾಡ್‍ಶೆ ಅಜು಼ ಮೇ ಬೋಲ್ಯೋತೆ ಅಖ್ಖಾಸ್ನ ತುಮಾರಿ ಯಾದ್ಮ ಲ್ಯಾವ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:32

ಅಖ್ಖ ವಿಶ್ವಾಸಿನೊ ದಿಲ್‌ಬಿ ಜಾನ್‌ಬಿ ಎಕ್ಕಸ್ ಹುಯಿರ‍್ಹುಥು. ಇವ್ಣ ಟೋಳ್‍ಮಾನು ಕೋಣ್‌ಬಿ ರ‍್ಹವೊ ಇವ್ಣುನ ಥೂತೆ ಶೊತ್ಮ ಖಿವು ಏಕ್‌ಬಿ ಹಮಾರು ಕರಿ ಬೋಲ್ಯುಥುಕೊಯ್ನಿ. ಇನ ಬದಲ್ ಹರೇಕ್‍ನಾಬಿ ವಾಟಪಾಡಿಲೇತೂಥು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:10

ವಿಶ್ವಾಸಿ ಭೇನ್ ಭೈಯೇನ ಏಕ್‌ಥಿಏಕ್ ಪ್ಯಾರ್ ಕರೊ, ಮರ್ಯಾದಿ ದ್ಯವಾಮ, ಏಕ್‌ಥಿಏಕ್‌ ಖ್ಹಾಮೆರ‍್ಹೇವೊ.

2 ಕೊರಿಂಥ 9:1

ಯೂದಾಯಮ ಛಾ಼ತೆ ದೇವ್ನ ಅದ್ಮಿಯೇವ್‌ನು ಮದತ್ ಕರಾನಿ ಬಾರೇಮ ಮೇ ತುಮುನ ಚಿಟ್ಟಿಲೀಖಾನು ಜ಼ರೂರತ್ ಕೊಯ್ನಿ.

ಫಿಲಿಪ್ಪಿ 3:15

ಅಪ್ಣಾಮ ಪುರ್ಗುಲ್ ಹುಯಿರ‍್ಹವಾಳ ಖ್ಹಾರಸ್ ಜ಼ಣ ಆ ಬಾರೇಮ ಪೂರ ಹುಯಿರ‍್ಹೇವ್ಣು. ಅಜು಼ ಖಿವುತೋಬಿ ಏಕ್‌ ವಾತೆವ್ಮ ತುಮೆ ಅಲಕ್ ಸೋಚ್‌ವಾಳ ಹುಯಿರ‍್ಹಾತೊ ಇನ ದೇವ್ ತುಮುನ ವತಾಳಿ ದಿಶೆ.

1 ಥೆಸ 5:1

ಹಮಾರ ಭೈಯೇ ಭೇನೇವೊ, ಆ ಖ್ಹಾರು ಚಾ಼ಲ್‌ಶೇತೆ ದನ್ ಅಜು಼ ವಖ್ಹತ್‌ನಿ ಬಾರೇಮ ಹಮೆ ತುಮೂನ ಲೀಖಾನಿ ಜ಼ರೂರತ್ ಕೊಯ್ನಿ.

ಇಬ್ರಿ 10:16

“ಯೋ ದನ್ ಅವಾದಿನ್ ಮೇ ಇವ್ಣಜೋ಼ಡ್ಮ ಕರಿಲ್ಯಾವನು ಒಪ್ಪಂದ ಅಮ್‍ರ‍್ಹಿಶೆ, ಮಾರಿ ನಿಯಮ್ನ ಇವ್ಣ ದಿಲ್ಮ ಮ್ಹೇಲಿಶ್ ಇವ್ಣ ದಿಮಾಕ್ಮ ಯೋ ಅಖ್ಖು ಲೀಖಿಶ್”. ಕರಿ ಪ್ರಭು ಬೋಲಸ್.

ಇಬ್ರಿ 13:1

ಕೆದೇಬಿ ವಿಶ್ವಾಸಿ ಭೈಯೇ ಭೇನೆವ್‌ನ ಪ್ಯಾರ್ ವತಾಳೊ.

1 ಪೇತ್ರ 3:8

ಇನಖ್ಹಾಜೆ ತುಮೆಖ್ಹಾರು ಏಕ್‌ ದಿಲ್‌ವಾಳ ಹುಯಿರ‍್ಹಿನ್ ಆರ್‌ಗೋರ್‌ ಕರಾವಾಳ ಹುಯಿನ್ ಜಿವೊ; ಏಕ್‌ಥಿ ಏಕ್‌ ಮಾಲುಮ್ ಕರಿಲ್ಯಾವಾನ ಕೊಶೀಷ್ ಕರೊ. ಏಕ್‌ಥಿ ಏಕ್‌ ಭೈಯೆ ಭೇನೆನಿತರ ಪ್ಯಾರ್‌ಕರೊ. ಅಜು಼ ಗೋರ್‌ ಕರವಾಳು ಶೇದೇವ್‍ಬಿ ಹುಯಿರ‍್ಹೇವೊ.

1 ಪೇತ್ರ 4:8

ಖ್ಹಾರೇಥಿ ಪಹಿಲೆ ತುಮಾರ ತುಮಾರಮ ಖ್ಹಾಚಿನಿತರಾನಿ ಪ್ಯಾರ್‌ರ‍್ಹವಾದೆ. ಪ್ಯಾರ್ ಘಣು ಪಾಪ್‌ಖ್ಹಾರು ಮೂಚಾ಼ಸ್.

2 ಪೇತ್ರ 1:7

ಭಕ್ತಿನ ಜೋ಼ಡೆ ಭೈಯೆ-ಭೇನೇನ ಗಳ್‌ಜೋ಼ಡ್ಮ, ಭೈಯೆ-ಭೇನೇನ ಗಳ್‌ಜೋ಼ಡೆ ಪ್ಯಾರ್‌ನ ಮಳೈಲೆವೊ.

1 ಯೋಹಾನ 2:10

ಇನ ಭೈಯೇ ಭೇನೆನ ಪ್ಯಾರ್ ಕರಾವಾಳೊ ಉಜಾ಼ಳಾಮ ಜಿವ್ಣುಕರವಾಳೊ ಹುಯಿರ‍್ಹೊಸ್ ಅಜು಼ ಪಾಪ್‌ಮ ಧೊಕ್‌ಡೈನ್ ಪಡಾನು ಶಾತ್ಬಿ ಇನಾಮ ಕೊಯ್ನಿ.

1 ಯೋಹಾನ 3:11

ಅಪ್ಣೆ ಏಕ್‌ಥಿಏಕ್ ಪ್ಯಾರ್‌ಕರ‍್ನು ಕರಿ ಬೋಲಾನು ಸಂದೇಶ್‌ನಾಸ್‍ ತುಮೆ ಪಹಿಲೆಥು ಖ್ಹಮ್‍ಜಿರಾಖ್ಯಸ್ತೆ.

1 ಯೋಹಾನ 3:23

ದೇವ್ನಿ ಹುಕುಮ್ ಶಾತ್‍ಕತೊ ಅಪ್ಣೆ ದೇವ್‌ನೊ ಛಿಯ್ಯೊ ಪ್ರಭು ಯೇಸುನ ನಾಮ್‍ಪರ್ ವಿಶ್ವಾಸ್‍ಕರೀನ್‍ ಇನೆ ಹುಕುಮ್ ಕರಿರಾಖ್ಯೊತೆ ಇಮ್ಮಸ್ ಏಕ್‌ಥಿಏಕ್ ಪ್ಯಾರ್‌ಕರ‍್ನು ಕರಿ ಬೋಲಾನುಸ್.

1 ಯೋಹಾನ 4:21

ದೇವ್ನ ಪ್ಯಾರ್‌ಕರವಾಳೊ ಇನ ಭೈ ಭೇನೇನ ಪ್ಯಾರ್‌ಕರ‍್ನು ಕರಿ ಕ್ರಿಸ್ತಯೇಸು ಅಪ್ಣುನ ಹುಕುಮ್ ಕರ‍್ಯೊ.