1 ಥೆಸ 4:6 - ದೇವ್ನಿ ಖ್ಹಾಚಿ ವಚನ್

⁶ ಅಜು಼ ಆ ಬಾರೇಮ ಜಿನುಕು ಕೋಣ್‌ಬಿ ಕ್ರಿಸ್ತನ ಮಹಿ ಇವ್ಣ ಭೈಯೇ ಹುಯಿರ‍್ಹಾತೆ ಅದ್ಮಿನ ಠಗಾವ್ಣುಕರಿ ಝೇತೈನ್‌, ಖರಾಬ್ ನಾ ಕರ‍್ನು. ಆ ಖ್ಹಾರಿ ಬಾರೇಮ ಪ್ರಭು ನಿಶತ್ ದಿಶೆಕರಿ ಹಮೆ ತುಮುನ ಬೋಲಿರಾಖ್ಯಾಸ್.

1 ಥೆಸ 4:6 Iomraidhean Croise

ಮಾರ್ಕ 10:19

‘ಖೂನಿ ನಾಹೋಣು; ವ್ಯಬಿಚಾರ್ ನಾ ಕರ‍್ನು; ಚೋ಼ರಿ ನಾ ಕರ‍್ನು; ಬಿಜಾ಼ಪರ್ ಝೂ಼ಟಿ ಇಂಜಾ಼ಮ್ ನಾ ಲಗಾಡ್‌ಣು; ಕಿನಾಬಿ ಠಗಾವ಼್ಣು ನಾ; ಆಯ-ಬಾನ ಮರ್ಯಾದಿ ದೇವ್ಣು ಕರಿ ದೇವ್ನಿ ಹುಕುಮ್‌ ಖ್ಹಾರಿ ತುನ ಮಾಲುಮ್‌ ಛಾ಼ನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:5

ಕತೋಬಿ ತುಮೆ ಕಿನ ದೇಖಿನ್ ಡರ‍್ನು ಕರಿ ಮೇ ತುಮೂನ ಬೋಲಿದೆವುಸ್‍, ಮರಿಜಾ಼ವನ ಬಾದ್‌ಮ, ನರಕ್ಮ ನಾಖಾನಿ ಅದಿಕಾರ್ ರ‍್ಹವಾಳೊ ದೇವ್ನ ದೇಖಿನ್ ಡರೊ. ಓಹೊ, ಇನ ಎಕ್ಕಸ್ ಜ಼ಣಾಥಿ ತುಮೆ ಡರ‍್ನೂತೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:28

ಮನ ಪಾಚ಼್ ಭೈಯೇ ಛಾ಼. ಇವ್ಣೆತೋಬಿ ಆ ಖ್ಹತಾಪ್ಣಿನಿ ಝ಼ಗೋಪರ್ ನಾ ಆವ್ಣುತೆ ಇಮ್‌, ಲಾಜ಼ರ್‌ ಜೈ಼ನ್, ಇವ್ಣುನ ಝೇತಾವಾದೆ’ ಕರಿ ಬೋಲ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:18

ಖರಾಬ್ ಚಾ಼ಲ್‌ಥಿ ಖ್ಹಾಚ಼ನ ಲಪಾಡವಾಳು ಹುಯಿರ‍್ಹುತೆ ಅದ್ಮಿವೋನು ಅಖ್ಖಿಥರಾನು ಭಕ್ತಿಕೊಂತೆ ಅಜು಼ ಪಾಪ್ನುಚಾ಼ಲ್ನ ಉಪ್ಪರ್ ದೇವ್ನು ಇರಾದೊ ಪರ್‌ಲೋಕ್‌ಥು ಉತ್ರಿನ್‍ ಆವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:19

ಮಾರ ಪ್ಯಾರ್‌ನ ದೋಸ್ತಿವೊ, ಬದಲ್‌ನ ಬದಲ್ ನಾಕಾಡ್ನುತೆ, ಇನ ದೇವ್ನ ಇರಾದಕನ ಮ್ಹೇಲಿದೆವೊ. ಶನಕತೊ, “ಫೇಡವಾನು ಮಾರು ಕಾಮ್. ಮೇಸ್ ಪ್ರತಿಫಲ್‌ ದಿಶ್ ಕರಿ ಪ್ರಭು ಬೋಲಿರಾಖ್ಯಸ್‌ಕರಿ ಪವಿತ್ರ ಪುಸ್ತಕ್‌ಮ ಲಿಖೈರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:4

ಶನಕತೊ ಯೋ ತುನ ಅಛ಼್ಛು ಕರಾನಖ್ಹಾಜೆ ಛಾ಼ತೆ ದೇವ್‌ನೊ ಸೇವಕ್ ಹುಯಿರ‍್ಹೋಸ್. ಕತೋಬಿ ತೂ ಖರಾಬ್ನ ಕರಾವಾಳೊ ಹುಯಿರ‍್ಹೋತೆ ಡರಿನ್ ರ‍್ಹೇಣು. ಕತೋಬಿ ಯೋ ಚುಪ್ಕೆ ಅದಿಕಾರ್ ಅದಿಕಾರ್‌ನೊ ಡಂಡೊ ಧರಿರಾಖ್ಯೊಕೊಯ್ನಿ. ಯೋ ದೇವ್‌ನೊ ಸೇವಕ್ ಹುಯಿರ‍್ಹಿನ್ ಖರಾಬ್‌ನ ಕರವಾಳಾನ ದೇವ್ನಿನಿಶತ್‍ ದೇಸ್.

2 ಕೊರಿಂಥ 7:11

ತುಮೆ ದೇವ್ನಿ ಮನ್ನಿ ಅನುಸಾರ್ ಲಿದಾತೆ ದುಖ್ ತುಮಾರಮ ಕೆತ್ರುಕ್ಕಿ ಹುಮ್ಮಖ್ಹ್‌ನು ಹುಯಿರುಸ್. ಯೋ ದುಖ್ ತುಮಾರಮ ಘಣು ಮನ್‌ಲಗಾಡವಾಳ ಹುಯಿರ‍್ಹವಾನಿತರ ಕರಿರಾಖ್ಯುಸ್; ತುಮೆ ಗ್ರಿಸ್ತಿಥಿ ಚಾ಼ಲಾನ ಕೆತ್ರೇಕ್ಕಿ ಕೋಶಿಶ್‌ಕರ‍್ಯ, ಕೆತ್ರೇಕ್ಕಿ ಖ್ಹತಾಪ್ಣಿ ಪಡ್ಯ, ಕೆಥ್ರಾ಼ನುಕಿ ಡರ್‌ವತಾಳ್ಯ, ಮಾರಿ ಬಾರೇಮ ವೇಚ಼್‌ಣೆ ಕರಾಖ್ಹರ್ಕು ಕರ‍್ಯು; ಅಪರಾದಿಖ್ಹಾರನ ಖ್ಹತಾವ್ಣುಕರಿ ಆಖ್ಹ್ ಆವಾಖ್ಹರ್ಕು ಕರ‍್ಯು. ಯೊ ತಕ್ಲಿಬ್‍ನಿ ಕೆವ್ಹಿ ಬಾರೆಮಾಬಿ ತುಮೆ ಅಪರಾದಿ ಕೋ ಹುಯಿರ‍್ಹಾಥಾನಿ ಕರಿ ವತಾಳಿಲಿದ.

ಗಲಾತ್ಯ 5:21

ವಹೇರ್‌ ರಾಖಾನು, ಪಿಯಾನು, ಗಲಾಟ್, ಮೋಜ್‌ಮಸ್ತಿ, ಆ ಅಖ್ಖು. ಅಮ್ನು ಕಾಮ್ ಚ಼ಲಾವವಾಳು ದೇವ್ನಿ ರಾಜ್ಯನು ಹಕ್‌ವಾಳು ಕೊಉಷೆನಿಕರಿ ಮೇ ಆ ಅಗ್ಗಳ್ ಬೋಲ್ಯೊತೆ ತಿಮ್ಮಸ್ ಹಮ್ಕೇಬಿ ತುಮುನ ಝೇತಾವ್‌ಸ್‌.

ಎಫೆಸ 4:17

ಇನಾಖ್ಹಾಜೆ ಮೆ ಪ್ರಭುಮ ತುಮುನ ಶಾತ್‌ ಬೋಲುಸ್‌ಕತೊ ಅಲಕ್‌ ಅದ್ಮಿಖ್ಹಾರು ಚಾ಼ಲಾನಿಘೋಣಿ ಅನ ಅಗ್ಗಳ್ ನಾಚಾ಼ಲ್ನು. ಇವ್ಣೆ ಕಾಯ್‌ ಫಾಯಿದೊಕೊಂತೆ ಅಕ್ಕಲ್‌ವಾಳನಿತ್ರ ಚಾ಼ಲಿಲೆಸ್.

ಎಫೆಸ 4:28

ಚೋ಼ರಿ ಕರಾವಾಳೊ ಚೋ಼ರ್ ಕರಾನು ಮ್ಹೆಂದಿನ್ ರಾಬಿನ್ ಮಿನಥ್ಥಿ ಅಛ಼್ಛು ಕಮೈಕರೀನ್ ಜಿವ್ಣು ಕರಾದೆ, ತದೆ ಗರೀಬ್ ಅದ್ಮಿನ ದ್ಯಾವಾನ ಇನ ಹಾತೆ ಉಶೆ.

ಎಫೆಸ 5:6

ಫಾಯಿದೊಕೊಂತೆ ವಾತೆಥಿ ಕೋಣ್‌ಬಿ ತುಮುನ ನಕೊ ಠಗಾವದೆ, ಅಮ್ನು ಕಾಮ್ ಅಖ್ಖಾನಖ್ಹಾಜೆ ದೇವ್‌ನೊ ಇರಾದೊ ಇನಿ ವಾತೆನ ಮೀರಿನ್ ಚಾ಼ಲಸ್ತೆ ಇವ್ಣ ಉಪ್ಪರ್ ಆವಸ್.

1 ಥೆಸ 2:11

ಬಾ ಇನ ಶೊಂತ್ ಲಡ್ಕಾನ ಜೋ಼ಡೆ ಕಿಮ್ ಚಾ಼ಲಿಲೇಸ್ಕಿ ಇಮ್ಮಸ್, ಹಮೆ ತುಮಾರ ಜೋ಼ಡೆ ಚಾ಼ಲಿಲಿದಾ.

2 ಥೆಸ 1:8

ಯೊ ಆಗ್‍ನಿ ಝ಼ಲ್‌ಪಟ್‌ ಜೋ಼ಡ್ಮ ಕೋಣ್ ದೇವ್ನ ಠೊಕ್ರಾವಸ್ಕಿ ಅಜು಼ ಯೇಸು ಪ್ರಭುನಿ ಬಾರೇನಿ ಸುವಾರ್ತೆನ ಮಾನ್ಯುಕೊಯ್ನಿಕಿ ಇವ್ಣುನ ನಿಶತ್‌ ದ್ಯವಾನ ಆವ್‌ಶೆ.

ಇಬ್ರಿ 13:4

ಅಖ್ಖುಜ಼ಣು ವ್ಯಹಾನ ಮರ್ಯಾದಿನುಕರಿ ಗಣ್ತಿಕರ‍್ನು ಅಜು಼ ಬಾವಣ್‍ ಬಾವ್ರಿ ಏಕ್‌ಥಿಏಕ್ ವಿಶ್ವಾಸ್ಮ ರ‍್ಹೇವ್ಣು. ಶನಕತೊ ಪಾಪೇಲವ್ನಬಿ ಅಜು಼ ವ್ಯಬಿಚಾರಿಯೇವ್ನಾಬಿ ದೇವ್ ನ್ಯಾವ್‌ಫೇಡಾವ್‌ಷೆ.

ಇಬ್ರಿ 2:6

ಕತೋಬಿ ಪವಿತ್ರ ದಪ್ತರ್‌ಮ ಕಿಜ್ಜಾ಼ಕಿ ಏಕ್‌ ಝ಼ಗೊ ಅಮ್ ಬೋಲಿರಾಖ್ಯುಸ್, ಅದ್ಮಿ ಕೆವ್ಡೋಖ್ಹೊ, ಇನ ತೂ ಶನ ಯಾದ್ ಕರಾಸ್? ಅದ್ಮಿ ಕೆಥ್ರಾನೊವಾಳೊ, ಇನಾಮ ಶನ ನಿಘ್ಯ ರಾಕ್ಣು?

ಯಾಕೋಬ 2:6

ಕತೋಬಿ ತುಮೆತೋ ಗರೀಬ್‌ನ ಖ್ಹರಮ್‌ ಕಾಡಿನಾಖಿದಿದ. ತುಮುನ ಖ್ಹತೈನ್ ನ್ಯಾವ್‍ನಿ ಝ಼ಗೋನ ಖ್ಹಾಮ್ಣೆ ಖೇಚಿಲೀಜಾ಼ವಾಳ ಶೌಕಾರ್ ಕಾಹೆಕಿಶು?

ಯಾಕೋಬ 5:4

ದೇಖೊ ತುಮಾರ ಖೇತರ್‌ಮಾನು ಅನಾಜ಼್ ವ್ಹಾಡ್ಯಹುಯಾನಿ ಕೂಲಿ ದಿದಾಕೊಂತೆ ತುಮೆ ಠಗೈಲಿದಾ. ಯೋ ಕೂಲಿವಾಳನಿ ಕೂಘಾಟಿ ಅಜು಼ ವ್ಹಾಡವಾಳಾನಿ ಚಿಕ್ರಾಣ್ ಆ ಅಖ್ಖಾನ ಕರಾವಾಳೊ ಸೊರ್ಗನು ಡಂಡ್ನೊ ಸರ್ವಶಕ್ತ ದೇವ್ ಪ್ರಭುನ ಕಾನ್ಮ ಟಹುಕೊ ಪಡಿರ‍್ಹುಸ್,