1 ಥೆಸ 4:13 - ದೇವ್ನಿ ಖ್ಹಾಚಿ ವಚನ್

¹³ ಹಮಾರ ಭೈಯೇ ಭೇನೇವೊ, ಮರಿಗಯೂತೆ ಅದ್ಮಿನಿ ಬಾರೇಮಾನಿ ಖ್ಹಾಚಿನ ತುಮೆ ಮಾಲುಮ್ ಕರಿರಾಕ್ಣುಕರಿ ಹಮಾರಿ ಆಖ್ಹ್. ಅನೇಥಿ ಕೋಣ್‌ಬಿ ಭರೋಖ್ಹಾಮಕೊಂತೆ ಅಲಕ್‌ನಿಘೋಣಿ ತುಮೆ ದುಖ್‌ಮ ನಾರ‍್ಹೇವ್ಣು.

1 ಥೆಸ 4:13 Iomraidhean Croise

ಮತ್ತಾಯ 27:52

ಮಖ್ಹಾಣ್ಯನಿ ಘವಿಯೆ ನಿಕ್ಳಿಗಯು, ಅಜು಼ ಮರಿಗಯುಥೂತೆ ಕೈಯೆಕ್ಕಿ ದೇವ್‌ನು ಅದ್ಮಿಖ್ಹಾರಾನು ಶರೀರ್ ಪಾಛು಼ ಜಿವ್ತು ಹುಯಿನ್ ಉಠಿ ಆಯು.

ಯೋಹಾನ 11:24

ತದೆ ಮಾರ್ಥನೆ, “ಅಂತಿಮ್‌ ದನ್ಮ ಯೋ ಪಾಛು಼ಜಿವ್ತೊಹುಯಿನ್ ಉಠಿ ಆವ್‍ಶೆಕರಿ ಮನ ಮಾಲುಮ್‌” ಕರಿ ಫರೈನ್ ಬೋಲಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:36

ದಾವೀದ್‌ನೆ ಜಿವ್ತೊಥೋತೆ ದನ್‌ಖ್ಹಾರು ದೇವ್ನಿ ಚಿತ್ತಾನಿಘೊಣಿ ಜಿವ್ಯೊ. ಇನಪಾರ್ ಯೊ ಮರಿಗಯೊ,ದಾವಿದನ ಇನ ಗುರುಖ್ಹಾರಾನಿ ಜೋ಼ಡ್ಮ ಮಖ್ಹಾಣ್ಯು ಕರ‍್ಯು. ಇನಿ ಶರೀರ್ ಖ್ಹಡಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:60

ಅಜು಼ ಯೊ ಢುಕ್‍ಣ್ಯ ಮಾಂಡೀನ್ ಪ್ರಭು, ಆ ಪಾಪ್ನ ಅವ್ಣಪರ್ ನಕೊ ಲಗಾಡಿಷ್!” ಕರಿ ಜೋ಼ರೇಖ್ಹು ಚಿಕ್ರಿನ್ ಮರಿಗೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:2

ಥೋಡು ಭಕ್ತರ್‌ ಖ್ಹಾರು ಸ್ತೆಫನನ ಮಖ್ಹಾಣ್ಯು ಕರೀನ್ ಇನಖ್ಹಾಜೆ ಘಣು ರದನ್ ಕರ‍್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:13

ಭೈಯೇ ಭೇನೆವೊ, ಪರೈಆದ್ಮಿಯೇವ್‍ಮ ಜುತ್ಯೋತೆತಿಮ್‍ ತುಮಾರಮಬಿ ಜೂತಿಶ್‌ಕರಿ, ಮೇ ಕೈಯೆಕ್‍ಹಲ್ಲ ತುಮುನ ಮಳಾನಖ್ಹಾಜೆ ದಿಲ್‍ಕರ‍್ಯೊತೋಬಿ, ಹಮ್ಕೆಲಗು ಶಾತ್ಕಿ ಏಕ್‍ ಆಡು ಹೂಕರ್ತುಥು ಕರಿ ತುಮೇಬಿ ಮಾಲುಮ್‌ಕರಿರಾಕೊ ಕರಿ ಮಾರಿ ಆಖ್ಹ್‌.

1 ಕೊರಿಂಥ 10:1

ಭೇನೆ ಭೈಯೇವೊ ಮೇ ತುಮುನ ಬೋಲಾನ ಶಾತ್ ಅಖ್ಹ್‌ ಕರುಸ್‌ಕತೊ, ಅಪ್ಣೊ ಗುರುಗುರಬ್‍ಲ್ಯ ಖ್ಹಾರುಬಿ ವಾದ್ಳಾನ ಆಖ್ಹ್‌ರಾಮ ಥಾ, ಇವ್ಣೆಖ್ಹಾರುಬಿ ಜ಼ತನ್‌ಥಿ ದರ‍್ಯಾವ್‍ನ ಉಲಾಂಗಿಗಯು.

1 ಕೊರಿಂಥ 12:1

ಭೇನೆ ಭೈಯೇವೊ, ಹಮ್ಕೆ ಪವಿತ್ರಾತ್ಮಥಿ ಮಳಾತೆ ವರಾನಿಬಾರೇಮ ತುಮೆ ಬಿಣ್‍ಖ್ಹೈಲಿ ನಾ ಹುಯಿರ‍್ಹೇಣು. ಕರಿ ಆಖ್ಹ್ ಕರುಸ್.

1 ಕೊರಿಂಥ 15:6

ಅನಕೇಡೆಥು ಎಕ್ಕಸ್ ವಖ್ಹತ್‌ಮ ಪಾಚ಼್ ಖ್ಹೋಥಿಬಿ ಜಾ಼ಖ್ಹತ್ ಜ಼ಣ ಭೈಯೇ ಭೇನೆವ್‌ನ ದೇಖಾಯೊ. ಇವ್ಣಾಮ ಘಣುಅದ್ಮಿ ಹಮ್ಕೇಬಿ ಬಚಿರ‍್ಹೂಸ್. ಥೋಡುಜ಼ಣು ಮರಿಗಯು.

2 ಕೊರಿಂಥ 1:8

ಭೇನೆ ಭೈಯೇವೊ, ಹಮೆ ಏಷ್ಯಾ ತಬರ್‌ಖಾಮ ಖ್ಹಮಾಳ್ಯಾತೆ ಖ್ಹತಾಪ್ಣಿನಿ ಬಾರೇಮ ತುಮೂನ ಮಾಲುಮ್‌ಪಡಾದೆ ಕರಿ ಹಮಾರಿ ಖ್ಹಯಾಲ್ ಹುಯಿರಿಸ್, ಹಿಜ್ಜಾ಼ ಹಮೂನ ಕೈಏಕ್ ಮೋಟಿ ಖ್ಹೂಜ಼್‍ಥಿ. ಯೋ ಖ್ಹೂಜ಼್‌ಖ್ಹಾರಿ ಹಮಾರಿ ಶೊಂತ್ ಶಕಥ್ಥಿಬಿ ಘಣುಥು. ಜಾನ್‍ಖ್ಹಮೇದ್ ಬಚಾ಼ನಿ ವಿಶ್ವಾಸ್‌ ಹಮೆ ಮ್ಹೆಲಿದಿದ.

ಎಫೆಸ 2:12

ತ್ಯೊ ಹಗಾಮ್ಮ ತುಮೆ ಕ್ರಿಸ್ತಥಿ ಅಲಕ್ ಹುಯಿರ‍್ಹಾಥ, ಇಸ್ರಾಯೇಲ್‌ವಾಳಾನಿ ಹಕ್‌ಮ ಕೊಹುಯಿರ‍್ಹಾಥಾನಿ. ದೇವ್ ಇನ ಅದ್ಮಿನ ಜೋ಼ಡೆ ವಾಗ್ದಾನ್ ಕರಿರಾಖ್ಯೊತೆ ಒಪ್ಪಂದಾಮ ತುಮೆ ವಾಟೊ ಹುಯಿರ‍್ಹಾಥ ಕೊಯ್ನಿ ಅಜು಼ ತುಮೆ ಆ ಜಗತ್ನ ಭರೋಖ್ಹಾಮ ಥಾ. ಅಜು಼ ತುಮೆ ದೇವ್ನ ಮಾಲುಮ್‌ ಕರಿರಾಖ್ಯಥಕೊಯ್ನಿ.

ಎಫೆಸ 2:3

ಪಹಿಲೆ ಅಪ್ಣೇಬಿ ಇವ್ಣಿನಿತರಸ್ ಥಾ, ಶರೀರ್‌ನು ಆಖ್ಹ್‌ದಾಖ್ಹ್‌ನ ಪೂರ ಕರಾನಟೇಕೆ ಅಪ್ಣೆ ಕೊಶೀಷ್ ಕರುಕರ್ತಥ. ಶರೀರ್‌ನ ಆಖ್ಹ್‌ಮ ಪಡೀನ್, ಶರೀರ್ ಅಜು಼ ದಿಲ್ನಿ ಆಖ್ಹ್‌ನ ಅಪ್ಣೆ ಕರ‍್ಯಾ. ಇವ್ಣಿ ಛ಼ಂದ್‌ನಿತರ ಅಪ್ಣೇಬಿ ಜಿನು ಅಲಕ್‌ನಿಘೋಣಿ ದೇವ್ನ ಇರಾದಮ ಪಡ್ಯ.

1 ಥೆಸ 4:14

ಯೇಸು ಮರೀನ್ ಜಿವ್ತೊ ಹುಯೊ ಕರಿ ಅಪ್ಣೆ ಮಾನೇಸ್, ಇಮ್ಮಸ್ ಯೇಸುಪರ್ ವಿಶ್ವಾಸ್ ಕರೀನ್ ಮರಿಗಯೂತೆ ಇವ್ಣುನ ದೇವ್ ಯೇಸುನ ಜೋ಼ಡೆ ಉಠಾಡ್‍ಶೆ ಕರಿ ವಿಶ್ವಾಸ್ ಕರ‍್ನು.

1 ಥೆಸ 4:15

ಹಮ್ಕೆ ಹಮೆ ಶಿಕಾಡುಕರೇತೆ ಆ ವಾತೆ ಪ್ರಭೂನೀಸ್ ಉಪದೇಶ್ ಹುಯಿರ‍್ಹೀಸ್. ಪ್ರಭು ಪಾಛೊ಼ ಆವ್‌ಶೇತೆ ವಖ್ಹತ್‌ಮ, ಜಿವ್ತಾ ಛಿಯ್ಯೇತೆ ಅಪ್ಣೆ ಮರಿಗಯೂತೆ ಇವ್ಣೇಥಿ ಪಹಿಲೆ ಕೋ ಜಾ಼ಶುನಿ.

1 ಥೆಸ 5:10

ಅಪ್ಣೆ ಜಿವ್ತ ರ‍್ಹಯಾತೋಬಿ ನತರ್ ಮರಿಗಯಾತೋಬಿ ಇನ ಜೋ಼ಡೆಸ್ ಜಿವ್ಣು ಕರಿ ಬೋಲಿನ್, ಯೇಸುನೆ ಅಪ್ಣಖ್ಹಾಜೆ ಇನ ಜಾನ್ನ ದಿದೊ.

1 ಥೆಸ 5:6

ಇನಖ್ಹಾಜೆ ಅಪ್ಣೆ ಬಿಜಾ಼ನಿಮತ್ ನಿಂದರ್‌ ನಾಲೇವ್ಣುತೆ, ಹೊಷಾರಿ ರ‍್ಹಿಯೆ ಅಜು಼ ಅಪ್ಣು ಅಪ್ಣೆ ದಾಬುಕ್ಮ ರ‍್ಹಿಯೆ.

2 ಪೇತ್ರ 3:4

“ಯೋ ಫಾಚೊ಼ಫರಿನ್ ಆವ್‌ಶೆ ಕರಿ ಬೋಲಾನು ವಾಗ್ದಾನ್ ಶಾತ್‍ಹುಯು? ಅಪ್ಣೊ ಗುರುಗುರುಬ್‍ಲ್ಯೊ ಖ್ಹಾರು ಮರಿಗಯು; ಖ್ಹಾರುಸ್ ಜಗತ್‌ ಉಬ್‍ಜ್ಯುಥಪ್‍ತುಬಿ ಕಿಮ್‍ಥೂಕಿ ತಿಮ್ಮಸ್ ಛಾ಼ನಿ” ಕರಿ ಬೋಲಸ್.

2 ಪೇತ್ರ 3:8

ಪ್ಯಾರ್‌ನ ದೋಸ್ತಿವೊ ಪ್ರಭುನ ಗಣ್ತಿಮ ಏಕ್‌ ದನ್ ಹಜಾ಼ರ್‌ ವರಖ್ಹ್‌ನಿ ಘೋಣಿಬಿ ಅಜು಼ ಹಜಾ಼ರ್‌ ವರಖ್ಹ್‌ ಏಕ್‌ ದನ್ನಿ ಘೋಣಿಬಿ ಖಾಲಿ ಛಾ಼ ಕರಿ ಬೋಲಾನು ಭೈಕೊನಕೊ.