1 ಥೆಸ 3:6 - ದೇವ್ನಿ ಖ್ಹಾಚಿ ವಚನ್

⁶ ಕತೋಬಿ ತಿಮೊಥೆ ಹಮ್ಕೇಸ್ ತುಮಾರಕಂಥು ಹಮಾರಕನ ಆಯೊ. ಅಜು಼ ತುಮಾರಿ ವಿಶ್ವಾಸ್‍ಬಿ ಪ್ಯಾರ್‌ನಿ ಬಾರೇಮ ಅಛ್ಛಿ ಖಬರ್‌ನ ಇನೆ ಹಮೂನ ಬೋಲಿನ್, ಕದೆಕದೇಬಿ ಲಾಡ್‌ಥಿ ಖ್ಹಯಾಲ್ ಕರಿನ್ ಹಮೆ ಕಿಮ್ಕಿ ತಿಮ್ಮಸ್ ತುಮೇಬಿ ಹಮೂನ ದೇಖಾನ ಹರ್‌ಖ್ಹುಕರ್ತಥ ಕರಿ ಬೋಲಿರಾಖ್ಯೊಸ್.

1 ಥೆಸ 3:6 Iomraidhean Croise

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:1

ಪೌಲನೆ ದೆರ್ಬೆ ಅಜು಼ ಲುಸ್ತ್ರಕರಿ ಖ್ಹಯೇರ್‌ಮ ಗಯೊ.ಹಿಜ್ಜಾ಼ ತಿಮೊಥೆಕರಿ ಏಕ್‍ಜ಼ಣೊ ಕ್ರಿಸ್ತನೊ ವಿಶ್ವಾಸಿ ಥೊ. ತಿಮೊಥೆನಿ ಆಯ ಯೆಹೂದ್ಯವಾಳಿ ಹುಯಿರ‍್ಹೀಥಿ ಅಜು಼ ಬಾ ಗ್ರೀಕ್‍ವಾಳೊ ಹುಯಿರ‍್ಹೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:1

ಇನಕೇಡೆಥು ಪೌಲನೆ ಅಥೇನ್ಸನ ಮ್ಹೇಲಿನ್ ಕೊರಿಂಥ ಖ್ಹಯೇರ‍್ನ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:5

ಇಮ್ಮಸ್ ಮೆಕೆದೋನ್ಯಮ ಥಾತೆ ಸೀಲ ಅಜು಼ ತಿಮೊಥೆ ಇವ್ಣೆ ಪೌಲಕನ ಆಯ. ಇನಪಾರ್ ಅದ್ಮಿಖ್ಹಾರಾನ ಇವ್ಣಿವಾತೆನ ಬೋಲಿ ಖ್ಹಮ್‌ಜಾ಼ಡಮ ಪೌಲನೆ ಇನಿ ವಖ್ಹತ್‍ಖ್ಹಾರು ಕಾಡಿನಾಖ್ಯೊ. ಯೇಸುಸ್ ಮೆಸ್ಸಿಯಕರಿ ಬೋಲಾನು ಇನೆ ಯೆಹೂದ್ಯರ್‌ನ ದೇಖಾಡಿದಿದೊ.

1 ಕೊರಿಂಥ 11:2

ತುಮೆ ಅಖ್ಖಾಸ್‍ಮಾಬಿ ಮನ ಖ್ಹಯಾಲ್‌ಕರಿನ್ ಮೇ ತುಮೂನ ದೀರಾಖ್ಯೋತೆ ಪದತ್ತಿನ ಘಟ್‍ಥಿ ಧರಿರಾಖ್ಯಸ್‍ಕರಿ ತುಮೂನ ಖ್ಹರವುಸ್.

1 ಕೊರಿಂಥ 13:13

ಅನಖ್ಹಾಜೆ ಹಮ್ಕೆ ವಿಶ್ವಾಸ್, ಟಿವೈರ‍್ಹವಾನು, ಪ್ಯಾರ್ ಆ ತೀನಸ್ ಬಚಿರ‍್ಹೇಸ್. ಆ ಅಖ್ಖಾಮ ಮೋಟು ಪ್ಯಾರಸ್.

ಗಲಾತ್ಯ 5:6

ಕ್ರಿಸ್ತ ಯೇಸುಮ ರ‍್ಹವಾಳನ ಖ್ಹತ್ನ ಹುಯುತೋಬಿ ನಾಹುಯುತೋಬಿ ಫಾಯಿದೊ ಕೊಯ್ನಿ. ಕತೋಬಿ ಪ್ಯಾರ್‌ಥಿ ರ‍್ಹೇಸ್ತೆ ವಿಶ್ವಾಸಸ್ ಫಾಯಿದಾನು ಹುಯಿರ‍್ಹುಸ್.

ಫಿಲಿಪ್ಪಿ 1:8

ಕ್ರಿಸ್ತ ಯೇಸುನ ಛಾ಼ತೆ ಗೋರ್‌ಥೀಸ್ ತುಮಾರ ಹರೇಕ್ನ ಖ್ಹಾಜೆ ಕೆತ್ರೇಕ್ಕಿ ತರ್ಖ್ಹುಕರುಸ್. ಅನ ದೇವಸ್ ಸಾಕ್ಷಿ.

ಕೊಲೊಸ್ಸೆ 1:4

ಶನಕತೊ ಕ್ರಿಸ್ತ ಯೇಸುಮ ತುಮೆ ರಾಖಿರಾಖ್ಯತೆ ವಿಶ್ವಾಸ್ ಅಜು಼ ದೇವ್ನ ಅದ್ಮಿವ್‌ಪರ್ ಛಾ಼ತೆ ತುಮಾರಿ ಲಾಡ್ನ ಬಾರೇಮ ಹಮೆ ಖ್ಹಮ್‌ಜಿರಾಖ್ಯಾಸ್‌.

ಕೊಲೊಸ್ಸೆ 4:18

ಪೌಲಕರಿ ಮೇ ಮಾರ ಹಾತೇಥಿಸ್ ಲೀಖ್ಯೋತೆ ಖ್ಹಲಾಮ್ ಹುಯಿರೀಸ್. ಮೇ ಜೇಲ್‌ಮ ಥೋಕರಿ ಬೋಲಾನು ಯಾದ್ ಕರಿಲೆವೊ. ದೇವ್‌ನೊ ವಾರ್‌ಖ್ಹೊ ತುಮಾರಿ ಜೋ಼ಡ್ಮ ರ‍್ಹವಾದೆ.

1 ಥೆಸ 1:3

ಅಜು಼ ವಿಶ್ವಾಸ್‍ಥಿ ತುಮೆ ಕರ‍್ಯಾತೆ ಕಠಣ್ ಕಾಮ್ನಾಬಿ, ಪ್ಯಾರ್‌ಥಿ ತುಮೆ ಕರ‍್ಯಾತೆ ಮ್ಹಿನತ್‌ನಾಬಿ, ಅಪ್ಣೊ ಪ್ರಭು ಯೇಸು ಕ್ರಿಸ್ತಪರ್‌ನಿ ತುಮಾರಿ ಭರೋಖ್ಹಾನಖ್ಹಾಜೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್ನ ಖ್ಹಾಮ್ಣೆ ಹಮೆ ಹಮೇಶ ಯಾದ್ ಕರಿಯೇಸ್.

1 ಥೆಸ 2:17

ಮಾರ ಭೈಯೇ ಭೇನೆವೊ, ಹಮೆ ಥೋಡದನ್ ತುಮಾರೇಥಿ ದೂರ್ ರ‍್ಹಿಯತೋಬಿ ಮನ್‌ಮ ದೂರ್ ಕರ‍್ಯಕೊಂತೆ ತುಮೂನ ಆಮಖ್ಹಾಮೆ ದೇಕ್ಣು ಕರಿ ಹರ್‌ಖ್ಹೀನ್ ಘಣು ಕೋಶಿಶ್ ಕರ‍್ಯಾ.

1 ಥೆಸ 2:9

ಭೈ ಭೇನೊ ಹಮೆ ತುಮಾರಾಮ ಕಿನಾಪರ್‌ಬಿ ಭಾರೊ ನಾ ನಾಕ್ಣು ಕರಿ ರಾತ್-ದನ್ ಕಾಮ್ ಕರೀನ್, ಜಿವ್ಣು ಚ಼ಲಾವ್ತಹುಯಿನ್, ದೇವ್ನಿ ಸುವಾರ್ತೆನ ತುಮೂನ ಬೋಲಿವತಾಳ್ಯ, ಯೋ ಹಮಾರಿ ಲತಾಡಬಿ ಮ್ಹಿನತ್ ಖ್ಹಾರು ತುಮಾರಿ ಯಾದ್ಮ ರ‍್ಹವಾದೆ.

1 ಥೆಸ 3:7

ಹಮಾರ ಭೈಯೆ ಭೇನೆವೊ, ಹಮಾರಿ ಅಖ್ಖಿ ಅಜಾ಼ಮಾಬಿ, ಖ್ಹತಾಪ್ಣಿಮಾಬಿ ತುಮಾರಿ ವಿಶ್ವಾಸ್‍ಥಿ ಹಮೂನ ಭಾಲಿಹುಯು.

2 ಥೆಸ 1:3

ಹಮಾರ ಭೈಯೆ ಭೇನೊ, ತುಮಾರಿ ಬಾರೇಮ ಹಮೆ ಹಮೇಶ ದೇವ್ನ ಧನ್ಯವಾದ್ ಕರಿಯೇಸ್. ಅಮ್ ಕರಾನು ಹಮೂನ ಬರೊಬರಸ್‌ ದೆಖಾಯು, ಶನಕತೊ ತುಮಾರಿ ವಿಶ್ವಾಸ್ ಘಣು ಭಡುಕರಾಸ್ ಅಜು಼ ಏಕ್‌ಥಿಏಕ್‌ ತುಮಾರಿ ಪ್ಯಾರ್ ದನ್‌ಪರ್-ದನ್ ಭಡ್ತು ಜಾ಼ವಾದೆ.

1 ತಿಮೊ 1:5

ಪಾಕ್‌ ದಿಲ್‌, ಅಛ್ಛಿ ಖ್ಹಯಾಲ್, ಶುದ್ಧಮನ್‌ಥೀಬಿ ವಿಶ್ವಾಸ್‍ಥಿ ಪೈದಹುಯುತೆ ಪ್ಯಾರ್ ದೇವ್ನಿ ಹುಕುಮ್‌ನಿ ಶುಶತ್ ಹುಯಿರ‍್ಹಿಸ್.

2 ತಿಮೊ 1:3

ಮೇ ಕೆದೇಬಿ ರಾತ್-ದನ್ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ತಾರಿ ಬಾರೇಮ ಯಾದ್‌ಕರಿನ್, ದೇವ್ನ ಖ್ಹಲಾಮ್ ಕರುಸ್. ಅಜು಼ ಇನು ಸೇವೆನ ಮಾರ ಬಾಬ್‌ದಾದವ್‍ನಿತರ ಶುದ್‍ ದಿಲ್‌ಥಿ ಕರುಸ್

ಫಿಲೆಮೋನ 1:5

ಶನಕತೊ ದೇವ್ನ ಅದ್ಮಿವೋನಖ್ಹಾಜೆ ಛಾ಼ತೆ ತಾರಿ ಪ್ಯಾರ್ ಅಜು಼ ಪ್ರಭು ಯೇಸುಮ ಛಾ಼ತೆ ವಿಶ್ವಾಸ್‌ನಿ ಬಾರೇಮ ಖ್ಹಮ್‍ಜಿರಾಖ್ಯೊಸ್.

ಇಬ್ರಿ 13:3

ಜೇಲ್‌ಮ ರ‍್ಹವಾಳನ ಜೋ಼ಡ್ಮ ತುಮೇಬಿ ಜೇಲ್ ಜೋಡ್ಮರ‍್ಯವಾಳ ಕರಿ ಮಾಲುಮ್‌ ಕರೀನ್ ಇವ್ಣ ಶರೀರ್‌ನ ಹುಯೂತೆ ಖ್ಹತಾಪ್ಣಿ ತುಮುನಾಬಿ ಹುಯುಕರಿ ಲಹಿನ್ ಇವ್ಣುನ ಖ್ಹಯಾಲ್ ಕರಿಲೆವೊ.

ಇಬ್ರಿ 13:7

ತುನ ಕೋಣ್ ದೇವ್ನಿ ವಚನ್ನ ಭೋದನ್ ಕರಸ್ಕಿ ಯೊ ತುಮಾರ ಸಬೆನ ಮೋಟಾವ್ನ ಖ್ಹಯಾಲ್ ಕರಿಲೆವೊ. ಅಜು಼ ಜಿವ್ಣನ ಖ್ಹರ್ತಿಲಗು ಖಿವಿ ಪರಕ್ಮ ಚಾ಼ಲಿಲಿದುಕರಿ ಖ್ಹಯಾಲ್ ಕರೀನ್ ಇವ್ಣ ವಿಶ್ವಾಸ್ ಪಾಡಿಚಾ಼ಲೊ.

1 ಯೋಹಾನ 3:23

ದೇವ್ನಿ ಹುಕುಮ್ ಶಾತ್‍ಕತೊ ಅಪ್ಣೆ ದೇವ್‌ನೊ ಛಿಯ್ಯೊ ಪ್ರಭು ಯೇಸುನ ನಾಮ್‍ಪರ್ ವಿಶ್ವಾಸ್‍ಕರೀನ್‍ ಇನೆ ಹುಕುಮ್ ಕರಿರಾಖ್ಯೊತೆ ಇಮ್ಮಸ್ ಏಕ್‌ಥಿಏಕ್ ಪ್ಯಾರ್‌ಕರ‍್ನು ಕರಿ ಬೋಲಾನುಸ್.