1 ಥೆಸ 3:12 - ದೇವ್ನಿ ಖ್ಹಾಚಿ ವಚನ್

¹² ತುಮಾರಪರ್ ಹಮಾರಿ ಪ್ಯಾರ್ ಕಿಮ್ಕಿ ಇಮ್ಮಸ್ ತುಮಾರಿ ಪ್ಯಾರ್ ಬಿಜಾ಼ಪರ್‌ಬಿ ಭಢ್ವಾದೆ ಇಮ್ಮಸ್ ತುಮಾರಟೇಕೆ ಹಮಾರಿ ಪ್ಯಾರ್‌ಬಿ ಜಾ಼ಖ್ಹತ್ ಹುಯಿರ‍್ಹವಾನಿಘೊಣಿ ಪ್ರಭು ಆಶೀರ್ವಾದ್‌ ಕರ‍್ವಾದೆ.

1 ಥೆಸ 3:12 Iomraidhean Croise

ಮತ್ತಾಯ 22:39

ಆಸ್ ಹುಕುಮ್‌ನಿಘೋಣಿ ಛಾ಼ತೆ ಬೇನೆ ಮುಖ್ಯ ಹುಕುಮ್ ಖೆವಿಕತೊ, ತಾರು ತೂ ಕಿಮ್ ಪ್ಯಾರ್ ಕರಾಸ್ಕಿ ಇಮ್ಮಸ್, ತಾರ ಭೀಡೆವಾಳಾನ ಪ್ಯಾರ್ ಕರ‍್ನು’ ಕರಿ ಬೋಲನುಸ್.

ಮತ್ತಾಯ 7:12

ಅದ್ಮಿಖ್ಹಾರು ತುಮೂನ ಶಶ್ಶಾತ್ ಕರ‍್ನುಕರಿ ತುಮೆ ಆಖ್ಹ್ ಕರೋಸ್ಕಿ, ಯೋಸ್ ತುಮೆ ಇವ್ಣುನ ಕರೊ: ಮೋಶೇನು ಧರ್ಮಶಾಸ್ತ್ರ ಅಜು಼ ಪ್ರವಾದಿಯೇನು ವಚನ್ನು ಮತ್‌ಲಬ್ ಆಸ್ ಹುಯಿರ‍್ಹೂಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:5

ಅಪೊಸ್ತಲರ‍್ನೆ ಪ್ರಭುನ, “ಹಮಾರಿ ವಿಶ್ವಾಸ್‌ನ ಭಡಾವ್” ಕರಿ ಬೋಲಿಲಿದ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:8

ಏಕ್‌ಥಿಏಕ್ ಪ್ಯಾರ್‌ಕರ‍್ನುಕರಿ ಬೋಲಾನು ಕರಜ಼ಸ್ ಪಣ್ಕಿ ತುಮೂನ ಬಿಜು಼ ಖೆವು ಕರಜ಼್ ನಾರ‍್ಹೇವ್ಣು. ಶನಕತೊ ಬಿಜೇಕ್‍ಜ಼ಣಾನ ಪ್ಯಾರ್ ಕರಾವಾಳೊ ಧರ್ಮಶಾಸ್ತ್ರನಸ್ ಚ಼ಲೈರಾಖ್ಯೊಸ್.

2 ಕೊರಿಂಥ 9:10

ಬಿತ್ನೆ ಕರಾವಾಳನ ದಾಣನಾಬಿ ಖಾವಾಳನ ಖಾಣು. ದ್ಯಾವಾಳೊ ದೇವ್ ತುಮುನಾಬಿ ಬಿತ್‌ಕರವಾಳನ ದಾಣೊದೀನ್ ಘಣುಕರೀನ್ ತುಮಾರು ನೀತಿನ ಫಲ್ನ ಘಣು ಕರ್ಶೆ.

ಗಲಾತ್ಯ 5:22

ಕತೋಬಿ ದೇವ್ನ ಆತ್ಮಾಥಿ ಉಬ್‌ಜಾ಼ನು ಫಲ್ ಶಾತ್‌ಕತೊ, ಪ್ಯಾರ್, ಶಂತೋಖ್ಹ್‌, ಸಮಾಧಾನ್, ಖ್ಹಮಾಳಿ ರ‍್ಹವಾನು, ದಯಾ, ಬಿಜೇಕ್ನ ಮದತ್‌ಕರಾನು, ವಿಶ್ವಾಸ್, ಆಸ್‌ಹುಯಿರ‍್ಹುಸ್.

ಗಲಾತ್ಯ 5:6

ಕ್ರಿಸ್ತ ಯೇಸುಮ ರ‍್ಹವಾಳನ ಖ್ಹತ್ನ ಹುಯುತೋಬಿ ನಾಹುಯುತೋಬಿ ಫಾಯಿದೊ ಕೊಯ್ನಿ. ಕತೋಬಿ ಪ್ಯಾರ್‌ಥಿ ರ‍್ಹೇಸ್ತೆ ವಿಶ್ವಾಸಸ್ ಫಾಯಿದಾನು ಹುಯಿರ‍್ಹುಸ್.

ಫಿಲಿಪ್ಪಿ 1:9

ಅಜು಼ ತುಮಾರಿ ಪ್ಯಾರ್ ಅಜೂ಼ಬಿ ಜಾ಼ಖ್ಹತ್ ಭಡಿನ್ ಪೂರ ಅಕ್ಕಲ್‍ಥೀಬಿ ಖ್ಹಯಾಲ್‌ಥಿ ಮಳಿರ‍್ಹವಾಳ ಹುಯಿರ‍್ಹೇವ್ಣುಕರಿ ಮೆ ತುಮಾರಖ್ಹಾಜೆ ಪ್ರಾರ್ಥನೆ ಕರುಸ್.

1 ಥೆಸ 2:8

ಶನಕತೊ ಹಮೆ ತುಮೂನ ಜಾ಼ಖ್ಹತ್ ಪ್ಯಾರ್ ಕರ‍್ಯಾತೆ ಇನಖ್ಹಾಜೆ ದೇವ್ನಿ ಅಛ್ಛಿ ಸಂದೇಶ್ ಖಲಿ ಬೋಲಾನಟೇಕೆ ಕಾಹೆತೆ ತುಮಾರಖ್ಹಾಜೆ ಜಾನ್ನ ದ್ಯವಾನಾಬಿ ಹಮೆ ತಯಾರ್ ಹುಯಿರಾಸ್.

1 ಥೆಸ 4:1

ಖ್ಹರ್ತಿನಿ ವಾತ್ ಶಾತ್‌ಕತೊ, ಹಮಾರ ಭೈಯೇ ಭೇನೆವೊ ಯೇಸು ಪ್ರಭುನ ಅದಿಕಾರ್‌ಥಿ ತುಮೂನ ಶಾತ್ ಹುಕುಮ್ ದಿದಾಥ ಕರಿ ತುಮೂನ ಮಾಲುಮ್ ಛಾ಼. ತುಮೂನ ಬಿಜು಼ ಥೋಡಿ ವಾತೆ ಬೋಲಾನು ಛಾ಼.

1 ಥೆಸ 5:15

ಕೋಣ್‌ಬಿ ಖರಾಬ್‌ನ ಬದಲ್ ಖರಾಬ್ ನಾ ಕರ್ನುತೆ ಇಮ್‌ ದೇಖಿಲೆವೊ. ಕತೋಬಿ ತುಮೆ ಏಕ್‌ಥಿಏಕ್ ಅಜು಼ ಹರೇಕ್ ಅದ್ಮಿನಾಬಿ ಅಛ಼್ಛುಕರೊ.

2 ಥೆಸ 1:3

ಹಮಾರ ಭೈಯೆ ಭೇನೊ, ತುಮಾರಿ ಬಾರೇಮ ಹಮೆ ಹಮೇಶ ದೇವ್ನ ಧನ್ಯವಾದ್ ಕರಿಯೇಸ್. ಅಮ್ ಕರಾನು ಹಮೂನ ಬರೊಬರಸ್‌ ದೆಖಾಯು, ಶನಕತೊ ತುಮಾರಿ ವಿಶ್ವಾಸ್ ಘಣು ಭಡುಕರಾಸ್ ಅಜು಼ ಏಕ್‌ಥಿಏಕ್‌ ತುಮಾರಿ ಪ್ಯಾರ್ ದನ್‌ಪರ್-ದನ್ ಭಡ್ತು ಜಾ಼ವಾದೆ.

ಯಾಕೋಬ 1:17

ಖ್ಹಾರೂಸ್ ಅಛ಼್ಛು ತೋಫಬಿ, ಪೂರಹುಯುತೆ ಖ್ಹಾರೂಸ್ ವರಾಬಿ ಉಪ್ಪರ್‌ಥು ಆಯು ಹುಯುಸ್, ಯೋಖ್ಹಾರು ಪರಲೋಕನೊ ಉಜಾ಼ಳನೊ ಬಾಥೀಸ್ ಉತ್ರಿಆವಸ್. ದೇವ್ ಛಾ಼ಳನಿತರ ಬದ್ಲಿಜಾವಾಳೊಬಿ ಕಾಹೆ, ಚ಼ಲ್‍ಪ್ಲಾಟಿನೊ ಖ್ಹಾಯಲ್‍ನೋಬಿ ಕಾಹೆ.

2 ಪೇತ್ರ 1:7

ಭಕ್ತಿನ ಜೋ಼ಡೆ ಭೈಯೆ-ಭೇನೇನ ಗಳ್‌ಜೋ಼ಡ್ಮ, ಭೈಯೆ-ಭೇನೇನ ಗಳ್‌ಜೋ಼ಡೆ ಪ್ಯಾರ್‌ನ ಮಳೈಲೆವೊ.

2 ಪೇತ್ರ 3:18

ಅಪ್ಣೊ ಪ್ರಭುಬಿ ರಕ್ಷಕಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನು ವಾರ್‌ಖ್ಹಾಮಾಬಿ ಗ್ಯಾನ್‌ಮಾಬಿ ತುಮೆ ಭಡ್ತಾಜಾ಼ವೊ, ಇನ ಹಮ್ಕೇಬಿ ಜ಼ಗ್‌ಜ಼ಮಾನಲಗೂಬಿ ಮಹಿಮೆ ಹುವಾದೆ! ಆಮೆನ್.