1 ಥೆಸ 3:11 - ದೇವ್ನಿ ಖ್ಹಾಚಿ ವಚನ್

¹¹ ಅಪ್ಣೊ ಬಾ ದೇವ್ ಅಜು಼ ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಹಮೂನ ತುಮಾರಕನ ಆವಾನಟೇಕೆ ಮಾರಗ್‌ನ ಖ್ಹೂದು ಕರಾದೆ.

1 ಥೆಸ 3:11 Iomraidhean Croise

ಮತ್ತಾಯ 6:14

ತುಮೆ ಅದ್ಮಿಖ್ಹಾರನಿ ಗಲತ್‌ನ ಮಾಪ್‌ ಕರ‍್ಯಾತೊ, ಪರಲೋಕ್‍ಮ ಛಾ಼ತೆ ತುಮಾರೊ ಬಾಬಿ ಜಿನು ತುಮಾರಿ ಗಲತ್‍ನಾಬಿ ಮಾಪ್‌ ಕರ್ಶೆ.

ಮತ್ತಾಯ 6:18

ಅಮ್ ಕರ‍್ಯೋತೊ, ತೂ ಉಪವಾಸ್ ಛಾ಼ ಕರಿ ಅದ್ಮಿಯೇನ ಮಾಲುಮ್‌ ಕೋ ಪಡ್‌ಶೇನಿ, ಕತೋಬಿ ದಿಲ್ಮ ರ‍್ಹವಾಳ ತಾರ ಬಾನ ಯೋ ಮಾಲುಮ್‌ಪಡ್‍ಶೆ. ದಿಲ್ಮ ಚಾ಼ಲಸ್ತೆ ಇನ ದೇಖವಾಳೊ ತಾರೊ ಬಾ, ತುನ ಇನಾಮ್ ದಿಶೆ.

ಮತ್ತಾಯ 6:26

ಆಕಾಶ್‌ಪರ್ ಉಡಾಸ್ತೆ ಜಿನಾವರ್‌ನ ದೇಖೊ, ಯೋ ಪಿಕಾವಕೊಯ್ನಿ, ವ್ಹಾಡಕೊಯ್ನಿ, ಕಣ್ಗಿ ಭರಿನ್ ಮ್ಹೇಲಾಕೊಯ್ನಿ. ಇಮ್‌ ರ‍್ಹಯುತೋಬಿ, ಸೊರ್ಗಾಮ ಛಾ಼ತೆ ತುಮಾರೊ ಬಾ, ಯೋ ಖ್ಹಾರಾನ ಪಾಳಿನ್ ಪರ್ವೇಶ್ ಕರಾಸ್. ಇವ್ಣೆಥಿಬಿ ತುಮೆ ಕೆತ್ರೇಕ್ಕಿ ಊಚ಼ ಹುಯಿರ‍್ಹಾಸ್ನಿ?

ಮತ್ತಾಯ 6:32

ಆ ತಮಾಮ್‍ನಖ್ಹಾಜೆ ದೇವ್‌ಮ ಅಲಕ್‌ ಅದ್ಮಿಖ್ಹಾರು ಕದೇಬಿ ವೇಚ಼್‌ಣೆ ಕರಸ್. ಆ ಖ್ಹಾರು ತುಮೂನ ಜ಼ರೂರತ್ ಛಾ಼ಕರಿ ಪರಲೋಕ್‍ಮ ಛಾ಼ತೆ ತುಮಾರ ಬಾನ ಮಾಲುಮ್.

ಮತ್ತಾಯ 6:4

ಅಜು಼ ದಿಲ್ಮ ಚಾ಼ಲಾತೆ ಇನ ದೇಖವಾಳೊ ತಾರೊ ಬಾ, ತುನ ಇನಾಮ್ ದಿಶೆ.

ಮತ್ತಾಯ 6:6

ಕತೋಬಿ ತೂ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ತಾರ ಮಹಿನಕೋಣಾಮ ಜೈ಼ನ್, ಬಾಕಲ್‌ ಲಗಾಡಿನ್, ದಿಲ್ಮ ಛಾ಼ತೆ ತಾರ ಬಾನ ಪ್ರಾರ್ಥನೆ ಕರ್‌. ತದೆ ದಿಲ್ಮ ಚಾ಼ಲಾಸ್ತೆ ಇನ ದೇಖವಾಳೊ ತಾರೊ ಬಾ, ತುನ ಇನಾಮ್ ದಿಶೆ.

ಮಾರ್ಕ 1:3

ಏಕ್‌ ಜ಼ಣೊ ಉಜ್ಜಾ಼ಡಿ ಝ಼ಗೋಮ, “ಪ್ರಭುನಿ ವಾಟ್ನ ಖ್ಹವಾರೊ, ಇನಿ ವಾಟ್ನ ಖ್ಹೂದು ಕರೊ” ಕರಿ ಚಿಕ್ರುಕರಾಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:30

ಅನಿ ಖ್ಹಾರಿ ಬಾರೇಮ, ಆ ಜಗತ್‍ನುಅದ್ಮಿ ಕದೇಬಿ ಪಸ್ತಾವಸ್. ಆ ಅಖ್ಖು, ತುಮೂನ ಜ಼ರೂರತ್ ಛಾ಼ಕರಿ ಪರಲೋಕ್‌ನೊ ತುಮಾರ ಬಾನ ಮಾಲುಮ್‌.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:32

“ನ್ಹಾನಿ ಝೂ಼ಂಡ್‌, ಡರ್‌ನಕೊ; ಯೋ ರಾಜ್ಯನ ತುಮೂನ ದ್ಯವಾನ ತುಮಾರೊ ಬಾನ ಖ್ಹುಶಿ ಛಾ಼.

ಯೋಹಾನ 20:17

ಯೇಸುನೆ ಇನ, “ಮನ ಧರ್‌ನಕೊ, ಶನಕತೊ ಮೇ ಬಿಜೂ಼ಬಿ ಬಾಕನ ಕೋ ಜೈ಼ರ‍್ಹೋನಿ. ಕತೋಬಿ ತೂ ಮಾರ ಭೈಯೇಕನ ಜೈ಼ನ್‌, “ಮೇ ಮಾರೊ ಬಾ ಅಜು಼ ಇವ್ಣೊ ಬಾ, ಮಾರೊ ದೇವ್ ಅಜು಼ ಇವ್ಣೊ ದೇವ್ ಹುಯಿರ‍್ಹೋತೆ ಇನಕನ ಪಾಛೊ಼ ವಳ್ಯೊಜ಼ವುಸ್‌ ಕರಿ ಬೋಲ್” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:3

ದೇವ್‌ನೊ ಛಿಯ್ಯೊಹುಯಿರೊತೆ ಅಪ್ಣೊ ಪ್ರಭು ಯೇಸುಕ್ರಿಸ್ತನಿ ಬಾರೇಮ ಬೋಲಾನು ಹುಯಿರ‍್ಹುಸ್. ಅದಮ್‍ಜ಼ಮಾನನಿ ರೂಪ್‌ಮ ಯೋ ದಾವೀದನು ಖೂಮ್ಮ ಪೈದಹುಯೊ.

2 ಕೊರಿಂಥ 6:18

ಮೇ ತುಮಾರೊ ಬಾ ಹುಯಿರೊಸ್; ಅಜು಼ ತುಮೆ ಮಾರ ಛಿಯ್ಯಾ, ಛೋ಼ರಿಯೇ ಹುಯಿರಾಸ್ ಕರಿ ಬೋಲಸ್ ಸರ್ವಶಕತ್‍ವಾಳೊ ಹುಯಿರೋತೆ ಪ್ರಭು.”

ಗಲಾತ್ಯ 1:4

ಯೊ ಅಪ್ಣುನ ಹಮ್ಕೇನ ಖರಾಬ್ ಹಗಾಮ್‌ಥು ಛೋ಼ಡಾವ್ಣುಕರಿ ಅಪ್ಣೊ ಬಾ ಅಜು಼ ದೇವ್ನಿ ಖ್ಹೂಜ಼್‌ನಿ ಘೋಣಿ ಅಪ್ಣ ಪಾಪ್ನಖ್ಹಾಜೆ ಇನುಯೋಸ್ ಮರಣ್ಣ ದಿನಾಖ್ಯೊ.

ಕೊಲೊಸ್ಸೆ 1:2

ಕೊಲೊಸ್ಸೆಮ ಕ್ರಿಸ್ತಮಛಾ಼ತೆ ಪರಿಶುದ್ಧರ್‌ನ ಅಜು಼ ವಿಶ್ವಾಸ್‌ವಾಳ ಹುಯಿರ‍್ಹಾತೆ ಭೈಯೇವ್ನ ಅಪ್ಣೊ ಬಾ ದೇವ್‍ಥಿಬಿ ಪ್ರಭು ಯೇಸು ಕ್ರಿಸ್ತಥಿಬಿ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ.

1 ಥೆಸ 3:13

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ಇನು ಪರಿಶುದ್ದ ಪರಿವಾರ್‌ನಿ ಖ್ಹಮೇದ್ ಆವಾನಿ ವಖ್ಹತ್‌ಮ, ಬಾ ದೇವ್ನ ಖ್ಹಾಮ್ಣೆ ತುಮೆ ಪವಿತ್ರಥಿ ಅಜು಼ ಗಲ್ತಿಕೊಂತೆ ಇಮ್‌ ರ‍್ಹವಾನಿಮತ್ ತುಮಾರ ದಿಲ್ನ ಖ್ಹಾರು ಘಟ್ ಕರಾದೆ.

1 ಥೆಸ 4:16

ಶನಕತೊ ಪ್ರಭು ಇನುಯೋಸ್ ಹುಕುಮ್‌ನಿ ಆವಾಜ಼್‌ಥೀಬಿ, ಗಲ್‌ಢೊ ದೂತಾನೊ ಆವಾಜ಼್‌ಥೀಬಿ, ಅಜು಼ ದೇವ್ನಿ ತುತ್ತೂರಿನ ಆವಾಜ಼್‌ಥೀಬಿ ಪರ್‌ಲೋಕ್‌ಥು ಉತ್ರಿನ್ ಆವ್‌ಶೆ. ತದೆ ಯೇಸು ಕ್ರಿಸ್ತನಿ ವಿಶ್ವಾಸ್ಮ, ಮರಿಗಯೂತೆ ಇವ್ಣೆ ಪಹಿಲೆ ಉಠಿ ಆವ್‌ಶೆ.

1 ಥೆಸ 5:23

ಶಾಂತಿ ದೆವಾಳೊ ದೇವಸ್ ತುಮೂನ ಪೂರಿ ತರಿಕಾಥಿ ಪವಿತ್ರ ಕರಾದೆ. ತುಮಾರು ಆತ್ಮ, ಜಾನ್‌ ಅಜು಼ ಶರೀರ್ ಖ್ಹಾರು ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ದೆಖಾವಾನಿ ವಖ್ಹತ್‌ಲಗು ಪೂರ ದೋಷ್‌ಕೊಂತೆ ರಾಖಿಮ್ಹೇಲೊ.

2 ಥೆಸ 2:16

ಅಪ್ಣುನ ಪ್ಯಾರ್ ಕರೀನ್, ಕೆದೇಬಿ ರ‍್ಹವಾನು ಹುಮ್ಮಖ್ಹ್‌ನಬಿ, ಅಛ಼್ಛು ಭರೋಖ್ಹಾನಬಿ ಇನಿ ವಾರ್‌ಖ್ಹೇಥಿ ದಿದೋತೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್‌ಬಿ ಅಪ್ಣೊ ಪ್ರಭು ಯೇಸು ಕ್ರಿಸ್ತ ಯೋಸ್ ತುಮಾರ ದಿಲ್‌ಮನ್ನ ಧಿಲ್‌ಪತ್‌ ದ್ಯವಾದೆ.

2 ಥೆಸ 3:16

ಶಾಂತಿವಾಳೊ ಪ್ರಭು ಖ್ಹುದ್ ತುಮೂನ ಖ್ಹಾರಿಸ್ ವಖ್ಹತ್‌ಮ ಅಜು಼ ಖ್ಹಾರಿಸ್ ತರ‍್ಹಾಮ ಶಾಂತಿ ದ್ಯವಾದೆ. ಪ್ರಭು ತುಮಾರ ಖ್ಹಾರಸ್ನ ಜೋ಼ಡೆ ರ‍್ಹವಾದೆ.

2 ಥೆಸ 3:5

ತುಮೆ ದೇವ್ನಿ ಲಾಡ್‌ಮಾಬಿ ಕ್ರಿಸ್ತನು ಖ್ಹಮಾಳಿಲ್ಯಾವಾಮಾಬಿ ಮಳಾನಿಘೊಣಿ ಪ್ರಭುಸ್ ತುಮೂನ ಚಲಾವದೆ.

1 ಯೋಹಾನ 3:1

ಅಪ್ಣೆ ದೇವ್ನ ಲಡ್ಕಾ ಕರಿ ಬೋಲೈಲೇವ್ಣುಕತೊ ಬಾ ಅಪ್ಣುನ ಕೆಥ್ರಾನಿ ಪ್ಯಾರ್ ಕರಿರಾಖ್ಯೊಸ್ ದೇಖೊ; ಖ್ಹಚಂಬಿ ಅಪ್ಣೆ ದೇವ್ನ ಲಡ್ಕಾ ಹುಯಿರಾಸ್. ಆ ಜಗತ್‌ ಇನ ಮಾಲುಮ್‌ಕರ‍್ಲಿದುಕೊಂತೆ ಇನಾಖ್ಹಾಜೆ ಅಪ್ಣುನಾಬಿ ಮಾಲುಮ್‌ ಕರ‍್ಲೆಯ್‍ಕೊಯ್ನಿ.

ಪ್ರಕಾಶಿತ್ 21:3

ಆ ನಾಹುಯಿನ್ ಸಿಂಹಾಸನ್‌ಥು ಏಕ್‌ ಮೋಟು ಅವಾಜ಼್ ಮೆ ಖ್ಹಮ್‌ಜೊ. ಯೊ ಅವಾಜ಼್ ದೇಖೊ, ದೇವ್ನು ಘರ್‌ ಅದ್ಮಿನಿ ಜೋ಼ಡ್ಮ ಛಾ಼. ಯೊ ಇವ್ಣಿ ಜೋ಼ಡ್‌ಮರ‍್ಹಿಷೆ. ಇವ್ಣೆ ಇನವಾಳ ಹುಯಿರ‍್ಹಿಷೆ ಅಜು಼ ಯೊ ಇವ್ಣೊ ದೇವ್ ಹುಯಿರ‍್ಹಿಷೆ.