1 ಥೆಸ 2:9 - ದೇವ್ನಿ ಖ್ಹಾಚಿ ವಚನ್

⁹ ಭೈ ಭೇನೊ ಹಮೆ ತುಮಾರಾಮ ಕಿನಾಪರ್‌ಬಿ ಭಾರೊ ನಾ ನಾಕ್ಣು ಕರಿ ರಾತ್-ದನ್ ಕಾಮ್ ಕರೀನ್, ಜಿವ್ಣು ಚ಼ಲಾವ್ತಹುಯಿನ್, ದೇವ್ನಿ ಸುವಾರ್ತೆನ ತುಮೂನ ಬೋಲಿವತಾಳ್ಯ, ಯೋ ಹಮಾರಿ ಲತಾಡಬಿ ಮ್ಹಿನತ್ ಖ್ಹಾರು ತುಮಾರಿ ಯಾದ್ಮ ರ‍್ಹವಾದೆ.

1 ಥೆಸ 2:9 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:7

ದೇವ್ನೆ ಚೂ಼ಣ್ಯೋತೆ ಅದ್ಮಿ ರಾತ್-ದನ್ ಇನ ಮದತ್‌ಖ್ಹಾಜೆ ಬಿಂತಿಕರ‍್ಯೊತೊ, ಯೋ ಇವ್ಣಿ ಬಾರೇಮ ದೇರ್‌ಕರ‍್ಯುತೋಬಿ ಇವ್ಣಿ ನ್ಯಾವ್‌ನ ಫೇಡವಸ್‍ಕೊಂತೆ ರ‍್ಹಿಶೇಕಿ ಶು? ಯೋ ಇವ್ಣಿ ಮದತ್ ಕರಾನ ವೇರಸ್‌ ಕರ್ಶೆ ಕೊಯ್ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:37

ತದೆ ಇನ ಚಾರ್ ಉಪ್ಪರ್ ಚಾರಿಖ್ಹ್ ವರಖ್ಹ್ ಹುಯಿರ‍್ಹಾಥ ಅಜು಼ ಯೋ ಮುಂಡಚ್ಚಿ ಹುಯಿರ‍್ಹೀಥಿ. ಯೋ ದೇವ್ನಿ ಮಂದಿರ್‌ನ ಕದೇಬಿ ಮ್ಹೇಲಿನ್ ಕೋ ಜಾ಼ತಿಥಿಂತೆ, ಉಪವಾಸ್ ಅಜು಼ ಪ್ರಾರ್ಥನೆ ಕರ್ತಿಹುಯಿನ್, ರಾತ್-ದನ್ ದೇವ್ನಿ ಆರಾದನೆ ಕರ್ತಿ ರ‍್ಹೇತಿಥಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:3

ತದೆ ಇವ್ಣೆ ಪೌಲನಿ ಘೋಣಿಸ್ ಡೇರಾನುಘರ್ ಬಣಾವಾಳು ಹುಯಿರ‍್ಹುಥೂತೆ ಇನಖ್ಹಾಜೆ ಇವ್ಣಕೇಡೆ ರ‍್ಹೀನ್, ಇವ್ಣ ಜೋ಼ಡೆ ಕಾಮ್‍ಕರ್ತೊ ಆಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:24

ಮೇ ಮಾರ ಶೊಂತ್ ಜಾನ್ನಿ ಬಾರೇಮ ಸೋಚುಕೊಯ್ನಿ. ಪ್ರಭು ಹುಯಿರ‍್ಹೋತೆ ಯೇಸುನೆ ಮನ ದೀರಾಖ್ಯೋತೆ ಕಾಮ್ನ ಪೂರ ಕರಾನುಸ್ ಮನ ಖ್ಹಾರೇಥಿ ಮುಖ್ಯ. ಯೊ ದೇವ್ನು ವಾರ್‌ಖ್ಹಾನಿ ಬಾರೇಮಾನಿ ಸುವಾರ್ತೆನ ಸಾಕ್ಷಿನು ಕಾಮ್ ಹುಯಿರ‍್ಹೂಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:31

ಇನಖ್ಹಾಜೆ ಡೋಳಾನು ಆಂಝು಼ ನಾಕ್ತೊ ಹುಯಿನ್ ಮೇ ತೀನ್ ವರಖ್ಹ್ ದನ್ ತುಮಾರಿ ಜೋ಼ಡೆರ‍್ಹೀನ್ ಮೇ ತುಮೂನ ರ‍್ಹೇಣ್‍ದನ್ ಶಿಕಾಡ್ತೊಹುಯಿನ್ ತುಮೂನ ಹೊಷಾರ್ ಕರ‍್ಯೊತೆ ಯಾದ್ಮ ರಾಖೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:1

ಯೇಸು ಕ್ರಿಸ್ತನೊ ದಾಸಬಿ ಅಪೊಸ್ತಲ ಹುವಾನಖ್ಹಾಜೆ ಬುಲಾಯೊಹುಯೋಬಿ ದೇವ್ನು ಸುವಾರ್ತೆನ ಬೋಲಾನಖ್ಹಾಜೆ ಚೂ಼ಣಾಯೊಹುಯೊ ಪೌಲ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:16

ಅಮ್ಮಸ್ ಯೆಹೂದ್ಯರ್‌ಕಾಹೆತೆ ಅದ್ಮಿವೊನಖ್ಹಾಜೆ ಯೇಸುಕ್ರಿಸ್ತನಿ ಸೇವಕ್‌ಹುವಾನಖ್ಹಾಜೆ ಮನ ದೇವ್ನಿ ಆಶೀರ್ವಾದ್‌ ಹುಯು. ಮೇ ದೇವ್ನಿ ಸುವಾರ್ತೆನಿ ಸೇವೆನ ಏಕ್‌ ಯಾಜಕ್‍ನಿತರ ಚ಼ಲೈನ್ ಪವಿತ್ರಾತ್ಮಥಿ ದೇವ್ನ ಸಮರ್ಪಣ್‌ಕರಾನ ಕೋಶಿಷ್ ಕರುಕರೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:19

ಅಜು಼ ಖ್ಹಣೇದ್ನ ಕಾಮ್‍ಥೀಬಿ, ಅದ್ಭುತ್‌ಕಾಮ್‌ನಿ ತಾಖತ್ತಿ ಅಜು಼ ದೇವ್ನುಆತ್ಮನ ಕಾಮ್‍ಥೀಬಿ ಕರಿರಾಖ್ಯೊಸ್. ಇನಖ್ಹಾಜೆ ಯೆರೂಸಲೇಮ್‍ಥೊ ಧರೀನ್ ಇಲ್ಲುರಿಕ ತಬರ್‌ಖಾಲಗು ಜಾ಼ವಾನಿ ವಖ್ಹ್‌ತೆ ಮೇ ಕ್ರಿಸ್ತನಿ ಸುವಾರ್ತೆನ ಅಖ್ಖಿ ಪೂರಫೈಲಾಯೊ.

1 ಕೊರಿಂಥ 4:12

ಶೊಂತ್ ಹಾಥ್ಥಿ ಮ್ಹಿನತ್‌ಕರಿನ್ ಜಿವೇಸ್. ಹಮುನ ಶಾಪದಿದೂತೆ ಇವ್ಣುನ ವಾರ್‌ಖ್ಹೊ ದಿಯೇಸ್. ಲೋಗ್‌ ಖ್ಹತಾಪ್ಣಿ ದ್ಯವಾನಿ ವಖ್ಹ್‌ತೆ ಹಮೆ ಖ್ಹಮಾಳಿಲಿಯೆಸ್.

1 ಕೊರಿಂಥ 9:15

ಮೇತೊ ಅನಾಮ ಏಕ್‌ನಾಬಿ ಪಾಲನ್ ಕರ‍್ಯೊಕೊಯ್ನಿ. ಮನ ಶಾತ್ತೊಬಿ ಮಳ್‌ಣುಕರಿ ಉದ್ದೇಶ್‌ಥಿ ಲೀಖುಕರುಕೊಯ್ನಿ. ಕಿನಾತೋಬಿ ಆ ಖ್ಹರಾವ್ಣಿಥಿ ಫಾಯಿದೊ ನಾಹುಯುತೊ ಮೇ ಮರಿಜಾ಼ವನೂಸ್ ಅಛ್ಛು಼.

1 ಕೊರಿಂಥ 9:18

ಇಮ್‍ಕತೊ ಮನ ಮಳಾತೆ ಇನಾಮ್ ಶಾತ್? ಮೇ ಸುವಾರ್ತೆನ ಬೋಲಾನಿ ವಖ್ಹ್‌ತೆ ಇನೇಥಿ ಮಳಾತೆ ಪ್ರತಿಫಲ್‌ನಿ ಹಕ್‌ನ ಲೇಯಿಕೊಂತೆ ಇನ ಫುಗಟ್ಮ ಬೋಲನುಸ್ ಮನ ಮಳ್ಯುತೆ ಪ್ರತಿಫಲ್ ಹುಯಿರ‍್ಹುಸ್.

1 ಕೊರಿಂಥ 9:4

ಹಮುನ ಖಾಣುಪಾಣಿ ಖಾವಾನ ಹಕ್‍ಕೊಯ್ನಿಕಿ ಶು?

2 ಕೊರಿಂಥ 11:27

ಮೇ ಖ್ಹತೀನ್ ರಾಬ್ಯೊ. ಕೆತ್ರಿಕ್ಕಿ ವಖ್ಹತ್ ನಿಂದರ್‌ಕೋಲಿದೋನಿ. ಭುಕ್ ಠೋಖ್ಹ್‌ ಶಾತ್‌ಕರಿ ಮಾಲುಮ್ ಕರಿಲಿದೊ. ಖಾಣುಕೊಂತೆ ಕೆತ್ರಿಕ್ಕಿ ವಖ್ಹತ್ ಪಟ್ನಿ ಪಡ್ಯೊರ‍್ಹಯೊ. ಬರೋಬರ್‌ನು ಲುಂಗ್ಡುಕೊಂತೆ ಠಣ್‍ಮ ಕಾಪ್ತೊ ರ‍್ಹಿಯೊ.

2 ಕೊರಿಂಥ 11:9

ಮೇ ತುಮಾರಕನ ರ‍್ಹಾವಾನಿ ವಖ್ಹತ್‌ಮ ಮಾರಿ ಖೆವಿ ಜ಼ರೂರತ್‍ನಾಬಿ,ಮೇ ಖಿವಿ ಪರಕ್ಮ ತುಮಾರಾಪರ್ ವಜ಼ನ್ ಹುಯಿರ‍್ಹೊ ಕೊಯ್ನಿಕಿ ಖ್ಹಾಮ್ಣೆ ಮೆ ಭೋಜ಼್‌ ಕೊಹುಯಿಶ್ನಿ. ಶನಕತೊ ಮೆಕೆದೋನ್ಯಥಿ ಆಯಾತೆ ಭೇನೆ ಭೈಯೇನೆ ಮಾರಿ ಜ಼ರೂರತ್ ಪೂರಕರ‍್ಯಾ.

2 ಕೊರಿಂಥ 6:5

ಜೇಲ್‌ಮಾಬಿ, ಲಡೈಮಾಬಿ, ಖ್ಹತಾಪ್ಣಿನ ರಬೇಡ್‍ಮಾಬಿ, ನಿಂದರ್‌ ಖರಾಬ್ ಹುಯ್ಗಿತೋಬಿ, ಪಟ್ನಿರ‍್ಹಯೊತೋಬಿ, ಘಣಿ ಸಮಾಧಾನ್ನ ವತಾಳಿಲಿದ.

ಫಿಲಿಪ್ಪಿ 4:16

ಮೇ ಥೆಸಲೋನಿಕಮ ಥೋತೆ ತದೇಬಿ ತುಮೆ ಏಕ್‌ ಬೇಹಲ್ಲ ಮಾರಿ ಜ಼ರೂರತ್ನಖ್ಹಾಜೆ ಮದತ್ ದಿಮೋಕ್‌ಲ್ಯಥಾನಿ.

1 ಥೆಸ 1:3

ಅಜು಼ ವಿಶ್ವಾಸ್‍ಥಿ ತುಮೆ ಕರ‍್ಯಾತೆ ಕಠಣ್ ಕಾಮ್ನಾಬಿ, ಪ್ಯಾರ್‌ಥಿ ತುಮೆ ಕರ‍್ಯಾತೆ ಮ್ಹಿನತ್‌ನಾಬಿ, ಅಪ್ಣೊ ಪ್ರಭು ಯೇಸು ಕ್ರಿಸ್ತಪರ್‌ನಿ ತುಮಾರಿ ಭರೋಖ್ಹಾನಖ್ಹಾಜೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್ನ ಖ್ಹಾಮ್ಣೆ ಹಮೆ ಹಮೇಶ ಯಾದ್ ಕರಿಯೇಸ್.

1 ಥೆಸ 2:2

ಹಮೆ ತುಮಾರಕನ ಥೆಸಲೋನಿಕಮ ಆವಾನ ಅಗಾಡಿಸ್, ಫಿಲಿಪ್ಪಿ ಖ್ಹಯೇರ್‌ಮ ಹಮೂನ ಕೆತ್ರೆ ಖ್ಹತಾಯು ಅಜು಼ ಖ್ಹರಮ್‌ ಕಾಡ್ಯು ಕರಿ ತುಮೂನ ಮಾಲುಮ್ ಛಾ಼. ಹಿಜ್ಜಾ಼ ಎತ್ರೆ ವಿರೋದ್ ಕರ‍್ಯುತೋಬಿ ತುಮೂನ ಸುವಾರ್ತೆನ ಬೋಲಾನಟೇಕೆ ಅಪ್ಣೊ ದೇವ್ನೆ ಹಮೂನ ಭಾಲಿದಿದೊ.

1 ಥೆಸ 2:6

ಎತ್ರೆಸ್ ಕಾಹೆತೆ ಹಮೆ ಕ್ರಿಸ್ತನು ಅಪೊಸ್ತಲರ್ ಹುಯಿರ‍್ಹಾತೆ ಇನಖ್ಹಾಜೆ, ಹಮೂನ ಮಾನ್-ಮರ್ಯಾದಿನ ವತಾಳ್ಣು ಕರಿ ಬೋಲೆಜಾ಼ಯಿಥು. ತೋಬಿ ಹಮೆ ಅದ್ಮಿಥಿ ಮಳಾಸ್ತೆ ಮಾನ್-ಮರ‍್ಯಾದಿನ ತುಮಾರೇಥಿ ರ‍್ಹವೊ, ಬಿಜಾ಼ಥಿ ರ‍್ಹವೊ ಮಳಾದೆಕರಿ ಆಖ್ಹ್ ಕರ‍್ಯಾಕೊಯ್ನಿ.

1 ಥೆಸ 3:10

ತಮುನ ಡೋಳೊಖ್ಹು ದೇಖಿನ್ ತುಮಾರಿ ವಿಶ್ವಾಸ್‌ನ ಜ಼ರೂರತ್‌ನ ಪೂರಕರ‍್ನುಕರಿ ಹಮೆ ರಾತ್-ದನ್ ಇನಾಮಸ್ ದೇವ್ನ ಪ್ರಾರ್ಥನೆ ಕರುಕರೆಸ್.

1 ತಿಮೊ 1:11

ಆ ಸುವಾರ್ತೆ ಯೋಗ್ಯಹುಯಿರೊತೆ ದೇವ್ನಿ ಮಹಿಮೆನ ದೆಖಾವನಿ ಸುವಾರ್ತೆನಿಮತ್ ಛಾ಼. ಆ ಸುವಾರ್ತೆನಿ ಸೇವೆ ಮನ ದೇವೈರ‍್ಹುಸ್.

1 ತಿಮೊ 4:10

ಅಜು಼ ಹಮೆ ಕಠಣ್‍ಥಿ ಖ್ಹಮಾಳಿನ್ ವಾಖ್ಯೊ ಪಡುಕರ‍್ಯೇಸ್. ಹಮೆ ಹಮಾರ ಭರೋಖ್ಹಾನ ಜಿವ್ತ ದೇವ್ನ ಉಪ್ಪರ್ ರಾಖಿಮ್ಹೇಲ್ಯಸ್. ಯೋ ಅಖ್ಖಾನ ಬಚಾ಼ಡವಾಳೊ ಅಜು಼ ಜಾ಼ಖ್ಹತ್ ವಿಶ್ವಾಸ್ ಕರವಾಳನ ರಕ್ಷಕ್ ಹುಯಿರೋಸ್.

1 ತಿಮೊ 5:5

ಖ್ಹಾಚಮಾಬಿ ದಿಕ್‌ದೆಶಾರ್‌ ಕೊಂತೆ ಏಕ್‌ ಮುಂಡಚ್ಚಿ ರ‍್ಹಯೀತೊ, ಯೋ ದೇವ್‌ಪರ್‌ ಇನೊ ಭರೋಖ್ಹೊ ನಾಖಿನ್, ಇನಿ ಮದತ್ನಖ್ಹಾಜೆ ದನ್-ರಾತ್ ದೇವ್ನ ಪ್ರಾರ್ಥನೆ ಕರಾವಾಳಿ ಹುಯಿರ‍್ಹೇಣು.

2 ತಿಮೊ 1:3

ಮೇ ಕೆದೇಬಿ ರಾತ್-ದನ್ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ತಾರಿ ಬಾರೇಮ ಯಾದ್‌ಕರಿನ್, ದೇವ್ನ ಖ್ಹಲಾಮ್ ಕರುಸ್. ಅಜು಼ ಇನು ಸೇವೆನ ಮಾರ ಬಾಬ್‌ದಾದವ್‍ನಿತರ ಶುದ್‍ ದಿಲ್‌ಥಿ ಕರುಸ್