1 ಥೆಸ 2:16 - ದೇವ್ನಿ ಖ್ಹಾಚಿ ವಚನ್

¹⁶ ಯೆಹೂದ್ಯರ್‌ಕಾಹೆತೆ ಅದ್ಮಿನ ರಕ್ಷಣೆ ಮಳಾದೆ ಕರಿ ಸುವಾರ್ತೆನ ಬೋಲ್‍ಯೇಸ್ತೆ ಹಮುನಾಬಿ ಭೀರಾಕ್‌ಣು ಕರಿ ಕರ‍್ಯು. ಅಮ್ ಕರಾಥಿ ಇವ್ಣು ಪಾಪ್ನು ಕಾಮ್‌ಖ್ಹಾರು ಭರೈನ್ ಉಛ಼್‌ಳಾಯು. ಕತೋಬಿ ದೇವ್‌ನೊ ಇರಾದೊ ಇವ್ಣಾಪರ್ ಪೂರ ಹೋತುಹುಯಿನ್ ಆಯೊ!

1 ಥೆಸ 2:16 Iomraidhean Croise

ಮತ್ತಾಯ 12:45

ಜೈ಼ನ್‌, ಇನೇಥಿಬಿ ಖರಾಬ್ ಹುಯಿರ‍್ಹೂತೆ ಬಿಜು಼ ಖ್ಹಾತ್ ಭೂತ್‌ನ ಇನ ಜೋ಼ಡೆ ಬುಲೈಲಿನ್ ಆವಸ್. ಇವ್ಣೆ ಯೋ ಅದ್ಮಿನ ಮಹಿ ಪೇಶಿನ್, ಹಿಜ್ಜಾ಼ಸ್ ರ‍್ಹವಾಲಗಸ್‌, ತದೆ ಯೋ ಅದ್ಮಿನಿ ಖ್ಹರ್ತಿಮಾನಿ ಹಾಲ್‌ ಪಹಿಲೆಥೀಬಿ ಖರಾಬ್ ಹುಯಿಜಾ಼ಸ್. ಅಮ್ಮಸ್ ಆ ಪಿಳ್ಗಿನು ಖರಾಬ್ ಅದ್ಮಿನ ಉಶೆ” ಕರಿ ಬೋಲ್ಯೊ.

ಮತ್ತಾಯ 23:32

ಅಛ್ಛು಼ಸ್, ತುಮಾರ ಗುರುಗುರಬ್‍ಲ್ಯಾನಿ ಪಾಪ್ನ ತುಮೆ ಪೂರ ಕರೊ!

ಮತ್ತಾಯ 24:14

ರಾಜ್ಯನು ಆ ಅಛ್ಛಿ ಸಮಾಚಾರ್ ಜಗತ್‌ನು ತಮಾಮ್‌ ದೇಖ್ಹ್‌ವಾಳ ಅದ್ಮಿನ ಸಾಕ್ಷಿನಟೇಕೆ ಬೋಲಾವ್‌ಶೆ; ತದೆ ಖ್ಹರ್ತಿನದನ್‍ ಆವ್‌ಶೆ.

ಮತ್ತಾಯ 24:6

ಅತ್ರೇಸ್ ಕಾಹೆತೆ ತುಮಾರ ಖನ್ನೆ ಜಂಗ್ ಭೀಡುಕರಾತೆ ಅವಾಜ಼್ ಅಜು಼ ದೂರ್‌ಮ ಚಾ಼ಲುಕರಾತೆ ಜಂಗ್‌ನಿ ಬಾರೇಮಾನಿ ಖಬರ್ ತುಮೆ ಖ್ಹಮಜ಼್‌ಶು, ಕತೋಬಿ ಡರ್‌ಶು ನಕೊ. ಖ್ಹರ್ತಿ ಆವಾನ ಅಗಾಡಿ ಆ ಖ್ಹಾರು ಚಾ಼ಲ್ನುಸ್ ಚಾ಼ಲ್ನು.

ಮತ್ತಾಯ 3:12

“ಇನ ಹಾತ್‌ಮ ಖ್ಹುಪ್‌ಡು ಧರಿರಾಖ್ಯೋಸ್‌, ಇನ ಖಳಾಮಾನು ರಾಶ್‌ನ ತೂರಿನ್‌, ಅಛ಼್ಛ ಕರೀನ್, ಘವ್‌ನ ಕಣ್ಗಿಮ ಭರಿಲೀನ್‌ ಪೊಟ್ಟಾನ ಉಝಾ಼ವಕೊಂತೆ ಆಗ್‌ಮ ಬಾಳಿನಾಕ್‌ಷೆ” ಕರಿ ಬೋಲ್ಯೊ.

ಮಾರ್ಕ 16:16

ನಂಬಿನ್, ಬ್ಯಾಪ್ತಿಸ್ಮ ಕರೈಲೆವಾಳು ದೇವ್ನಿ ನ್ಯಾವ್‍ನಿ ತೀರ್ಪ್‌ಥಿ ಬಚಿನ್ ಪರ್‌ಲೋಕ್‌ಮ ಜಾ಼ಶೆ; ಕೋಣ್ ನಂಬಾಕೊಯ್ನಿಕಿ ಇವ್ಣುನ ನಿಶತ್‌ಮಳ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:45

ಅನದೆಖ್ಯುತೆ ಯೆಹೂದ್ಯರ್ ಖ್ಹಾರಾನೆ ಘಣು ಬಳಾಪೊಕರಿನ್ ಪೌಲನೆ ಬೋಲ್ಯೊತೆ ವಾತೆನ ವಿರೋದ್ ಹುಯಿನ್ ಅಬ್ಬಾಜ಼ಬ್ಬಿಥಿ ದೂಷಣೆನಿ ವಾತೆಬೋಲ್‍ತು ರ‍್ಹಿಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:50

ಕತೋಬಿ ಯೆಹೂದ್ಯರ್ ಖ್ಹಾರು ಥೋಡಿ ಇವ್ಣಿ ಜಾ಼ತ್ನಿ ಭಕ್ತೆ ಶೌಕಾರ್ ತಯೇಡಾವ್‍ನ ಅಜು಼ ಖ್ಹಯೇರ‍್ನ ಗಲ್‌ಢಖ್ಹಾರು ದೇವ್ನ ಆರಾದನೆ ಕರುಕರ್ತುಥು. ಇವ್ಣೆ ಖ್ಹಾರು ಮಳಿನ್ ಪೌಲ ಬಾರ್ನಬನ ಉಪ್ಪರ್ ಇರಾದೊ ಕರ್ನುತೆ ತಿಮ್ ಇವ್ಣುನ ವಹೇರ‍್ಯ ಬಣ್ಣುತೆ ತಿಮ್ ಕರೀನ್, ಪೌಲ ಬಾರ್ನಬನ ಯೊ ತಬರ್‌ಖಾಥು ಭಾರ್‌ ನಖ್ಹಾಡಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:19

ಇನಕೇಡೆಥು ಥೋಡು ಯೆಹೂದ್ಯರ್, ಅಂತಿಯೋಕ್ಯಥೂಬಿ ಅಜು಼ ಇಕೋನ್ಯಥು ಐನ್ ಪೌಲನ ವಿರೋದ್ ಅದ್ಮಿಖ್ಹಾರಾನ ಭೀರಾಖಿನ್, ಪೌಲನಪರ್ ಬಂಡೊಫೇಕಿನ್ ಯೋ ಮರಿಗಯೊಕರಿ ಲಾಝಿನ್ ಖ್ಹಯೇರ್‌ಥಿ ಭಾರ್‌ ಖೇಚಿಲಾಯಿ ನಾಖೀದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:2

ಕತೋಬಿ ವಿಶ್ವಾಸ್ ಕರ‍್ಯುಕೊಂತೆ ಯೆಹೂದ್ಯರ್‌ನೆ ಅಲ್ಹಾವ್‌ ಅದ್ಮಿಖ್ಹಾರಾನ ವಿಶ್ವಾಸಿ ಭೈಯೇನ ವಿರೋದ್ ಉಠಾಡಿ ಭೀರಾಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:5

ಅಲ್ಹಾವ್‌ ಅದ್ಮಿಬಿ ಯೆಹೂದ್ಯರ್‌ಮಾನು ಥೋಡುಜ಼ಣು ಇವ್ಣ ಅದಿಪತಿ ಖ್ಹಾರನಿ ಜೋ಼ಡ್ಮ ಮಳಿನ್, ಪೌಲಬಿ ಬಾರ್ನಬನ ಬಂಡೊ ಫೇಕಿನ್ ಮಾರ‍್ನುಕರಿ ಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:13

ಕತೋಬಿ ಪೌಲ ಬೆರೋಯಮ ದೇವ್ನು ವಚನ್ನ ಬೋಲುಕರಸ್ ಕರಿ ಬೋಲಾನು ಖ್ಹಮ್‌ಜಿನ್‌ ಥೆಸಲೋನಿಕನು ಯೆಹೂದ್ಯಮಾಬಿ ಬೆರೋಯಮಾಬಿ ಐನ್ ಹಿಜ಼್ಜಾನ ಅದ್ಮಿಖ್ಹಾರಾನ ಕಲಾವ್ಣಿಕರಿನ್ ಗಲಾಟ್ ಉಠಾಡ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:9

ಥೋಡುಜ಼ಣು ಇವ್ಣ ಮನ್ನ ಕಠಣ್ ಕರ‍್ಲಿನ್ ಪ್ರಭುನ ಮಾರಗ್‌ನ ಖರಾಬ್ ಕರಿ ಬೋಲ್ಯು.ಇನಖ್ಹಾಜೆ ಪೌಲನೆ ಇವ್ಣುನ ಮ್ಹೇಲಿನ್ ವಿಶ್ವಾಸಿವ್‌ನ ಇನ ಜೋ಼ಡೆ ಬುಲೈಲಿನ್ ಗಯೊ ಅಜು಼ ಇವ್ಣುನ ತುರನ್ನಕರಿ ಬೋಲೈಲ್ಯವಾಳಾನಿ ತರ್ಕಕರಾನಿ ಪಾಠಶಾಲಾಮ ಬುಲೈಲೀಜೈ಼ನ್ ಹರೇಕ್ ದನ್ ಚರ್ಚೆಕರ್ತೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:21

ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೀಚ್ಮ ರ‍್ಹವಾಳು ಖ್ಹಾರೂಸ್ ಯೆಹೂದ್ಯರ್‌ನ, “ತುಮೆ ತುಮಾರ ಲಡ್ಕಖ್ಹಾರನ ಖ್ಹತ್ನ ನಾಕರಾವ್ಣು ಇವ್ಣು ಪದತ್ತಿನಿಘೋಣಿ ನಾಚಾ಼ಲಿಲೇವ್ಣು ಕರಿ ಮೋಶೆ ಧರ್ಮಶಾಸ್ತ್ರನಿ ಘೋಣಿ ನಾಚಾ಼ಲ್ನುಕರಿ ಬೋಲಾನು ಶಿಕಾಡುಕರಸ್ ಕರಿ ತಾರಿ ಬಾರೇಮ ಬೋಲುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:12

ಇನವ್ಹಾಣೆ ಥೋಡು ಯೆಹೂದ್ಯರ್‌ಖ್ಹಾರು ಎಕಾಡಿ ಐನ್ ಎಕ್ಟುಹುಯು ಅಜು಼ ಮಹಿ ಮಹಿಸ್ ಮಶ್ಲತ್ ಭಂದೈನ್ ಹಮೆ ಪೌಲನ ಮರಾಲಗು ಖಾಣುಪಾಣಿ ಛಿಮ್‍ಶುಕೊಯ್ನಿ. ಕರಿ ಆಣ್‌ಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:9

ತದೆ ಯೆಹೂದ್ಯರ್ ಖ್ಹಾರು ಯೋ ವಕೀಲ್ನಿಜೋ಼ಡ್ಮ ಮಳಿನ್ ಆ ಬೋಲುಕರಾತೆ ವಾತೆಖ್ಹಾರಿ ಖ್ಹಾಚಿಸ್‌ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:2

ಹಿಜ್ಜಾ಼ ಗಲ್‌ಢಯಾಜಕ್‌ಬಿ ಅಜು಼ ಯೆಹೂದ್ಯರ್‌ನ ಘಲ್ಡಾವ್‌ನ ಪೌಲನಿ ವಿರೋದ್ ಛಾ಼ಡಿ ಬೋಲ್ಯೊ. ಇನ ಯೆರೂಸಲೇಮ್ಮ ಪಾಛು಼ ಮೋಕಲ್ನುಕರಿ ಇವ್ಣೆ ಪೆಸ್ತಾನ ಗಿಂಗೈಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:7

ಯೆರೂಸಲೇಮ್‌ಥು ಆಯುಥೂತೆ ಯೆಹೂದ್ಯರ್, ಪೌಲ ಹಿಜ್ಜಾ಼ ಆವಾದಿನ್ ಇನ ಅಶ್‌ಪಿಶ್ ಭೀರಿನ್ ಇನಪರ್ ಘಣು ಗಲತ್‌ ಲಗಾಡ್ಯು. ಇವ್ಣೆ ಶಾತ್ಬಿ ಸಾಬಿತ್ ಕರಾನ ಕೋಹುಯುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:12

ಆವ್ಣುತೆ ರಕ್ಷಣೆ ಬಿಜು಼ ಕಿನಾಮಬಿ ಮಳ್‍ಶೆಕೊಯ್ನಿ; ಇನ ನಾಮ್‍ಥೀಸ್ ಪಣ್ಕಿ ಆಬ್‌ನ ಹೇಟ್ ಅದ್ಮಿನ ದೀರಾಖ್ಯುತೆ ಬಿಜ಼ ಖೆವ ನಾಮ್‌ಥಿಬಿ ಅಪ್ಣುನ ರಕ್ಷಣೆ ಕೋಉಷೇನಿ. ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:23

ಕೆತ್ರಾಕಿ ದನ್ನಪಾರ್ ಯೆಹೂದ್ಯವಾಳು ಸೌಲನ ಮಾರಿನಾಕ್ಣುಕರಿ ಖ್ಹೂಜ಼್ ಕರ‍್ಯು.

1 ಕೊರಿಂಥ 10:33

ಮೇತೊ ಮಾರಿ ಶೊಂತ್‍ ನಫ್ಫಾನಖ್ಹಾಜೆ ಢೂಂಡುಕೊಂತೆ ಖ್ಹಾರುಸ್ಜ಼ಣು ರಕ್ಷಣೆ ಲೇವ್ಣುಕರಿ ಇವ್ಣಿ ನಫ್ಫಾನಖ್ಹಾಜೆ ಅಖ್ಖಜ಼ಣಾಮ ಅಖ್ಖೀಸ್ ವಾತೇಮ ಖ್ಹರೈಲೆವುಸ್.

ಗಲಾತ್ಯ 5:11

ಭೈಯೇ ಭೇನೆವೊ, ಅದ್ಮಿ ಖ್ಹತ್ನ ಕರಾವ್ಣು ಕರಿ ಮೇ ಬೋಧನೆ ಕರುಕೊಯ್ನಿ. ಖ್ಹತ್ನನು ಜ಼ರೂರತ್ ಛಾ಼ಕರಿ ಮೇ ಬೋಧನೆ ಕರಾವಾಳೊ ಹುಯೋತೊ ಮೇ ಬಿಜೂ಼ಬಿ ಖ್ಹತಾಪ್ಣಿನ ಮಹಿ ಶನ ಛೂ಼? ಅದ್ಮಿ ಖ್ಹತ್ನ ಕರಾವ್ಣುಕರಿ ಮೇ ಹಮ್ಕೆ ಬೋಧನೆ ಕರಾವಾಳೊ ರ‍್ಹಯೋತೊ ಶಿಲ್‌ಬೇನಿ ಬಾರೇನಿ ಮಾರಿ ಬೋಧನೆಥಿ ಶನೂಸ್ ಕಚ಼್ಚರ್‌ ಕೊರ‍್ಹಿಶೇನಿ.

ಎಫೆಸ 3:13

ಇನಾಖ್ಹಾಜೆ ತುಮಾರಖ್ಹಾಜೆ ಮನಹುಯುತೆ ಖ್ಹತಾಪ್ಣಿನ ದೇಖಿನ್ ತುಮೆ ಹಿಮ್ಮತ್‌ ನಾ ಹರ‍್ನುಕರಿ ತುಮುನ ಗಿಂಗೈಲೆವುಸ್. ಆ ವದೆಖ್ಹೊಖ್ಹಾರು ತುಮುನ ಮರ್ಯಾದಿನು ಹುಯಿರ‍್ಹುಸ್.

ಎಫೆಸ 3:8

ಅಖ್ಖಾಸ್ ದೇವ್ನ ಅದ್ಮಿಮ ಕಮ್‍ಶಿಲ್ ರ‍್ಹಿಯೊತೋಬಿ ದೇವ್ನೆ ಕ್ರಿಸ್ತನು ವಾರ್‌ಖ್ಹಾನಿ ಸುವಾರ್ತೆನ ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೋಲಿ ವತಾಳನಖ್ಹಾಜೆ ವಖ್ಹತ್‌ನ ಮನ ದೀರಾಖ್ಯೊಸ್.

1 ಥೆಸ 1:10

ದೇವ್ನೆ ಮರ‍್ಯಾಹುಯಾಮಾಥು ಉಠಾಡ್ಯೋತೆ ಅಜು಼ ಸೊರ್ಗಮಾಥೊ ಆವ್‌ಶೇತೆ ಇನ ಛಿಯ್ಯಾನಖ್ಹಾಜೆ ತುಮೆ ಟಿವವ್‍ಕರಸ್ ಕರೀಬಿ ಆ ಅದ್ಮಿಸ್ ಬೋಲಾಸ್. ಆ ಯೇಸು ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದಾಥಿ ಅಪ್ಣುನ ಬಚಾ಼ಡವಾಳೊ ಹುಯಿರೋಸ್.

2 ಥೆಸ 2:10

ಇವ್ಣೆ ಖ್ಹಾಚಿನ ಪ್ಯಾರ್ ನಾಕರೀನ್‌, ರಕ್ಷಣೆ ಕೋಲೆಯಿಂತೆ ಝಿಟ್ಕಾರಿನ್ ನಾಶನ್ನ ಮಾರಗ್‍ಮ ರ‍್ಹವಾಳನ ಅಖ್ಖೀಸ್ ಥರಾನಿ ಖರಾಬ್‌ ದಿಮಾಕ್‌ಥಿ ಯೋ ಠಗಾವ್‌ಶೆ.

1 ತಿಮೊ 2:4

ಯೊ ತಮಾಮ್‌ ಅದ್ಮಿ ರಕ್ಷಣೆಲೀನ್ ಅಜು಼ ಖ್ಹಾಚಿನ ಪರಖ್‌ಣು ಕರಿ ಬೋಲಾನುಸ್ ಇನಿ ಆಖ್ಹ್.

ಇಬ್ರಿ 6:8

ಕತೋಬಿ ಯೋ ಕಾಟಾನ ಟಾಪ್‍ಣ್ಯನಾಬಿ ಶತ್ತೆನಾಬಿ ಫೋಡಾಯೊತೊ ಯೊ ಫಾಯಿದೊಕೊಂತೆ ಖ್ಹಾಜೆ ಶಾಪ್ನ ಶುಶತ್ ಹುವಾಸ್. ಖ್ಹರ್ತಿಮ ಯೋ ಬಳೈಜಾ಼ಸ್.

ಪ್ರಕಾಶಿತ್ 22:11

ಠಗಾವವಾಳೊ ಅಜೂ಼ಬಿ ಠಗಾವ್ತೊಸ್ ರ‍್ಹವಾದೆ. ಮೈಲು ರ‍್ಹವಾಳೊ ಇನ ಬಿಜೂ಼ಬಿ ಮೈಲು ಕರಿಲಾವದೆ, ನೀತಿವಾಳೊ ಬಿಜೂ಼ಬಿ ನೀತಿವಾಳೊ ಹುವಾದೆ ಅಜು಼ ಪರಿಶುದ್ ಹುಯಿರ‍್ಹಾವಳೊ ಇನ ಅಜೂ಼ಬಿ ಪರಿಶುದ್ ಕರಿಲ್ಯವಾದೆ.