1 ಥೆಸ 2:10 - ದೇವ್ನಿ ಖ್ಹಾಚಿ ವಚನ್

¹⁰ ನಂಬವಾಳ ಹುಯಿರ‍್ಹಾತೆ ತುಮಾರ ಜೋ಼ಡೆ ಹಮಾರಿ ಚಾ಼ಲ್‍ಚ಼ಲಣ್‍ಮ ಖ್ಹಾಚಿಥಿಬಿ ಪರಿಶುದ್ಧಬಿ, ನೀತಿವಾಳಬಿ ಅಜು಼ ನಿರ್ದೋಷಿ ಥಾ, ಕರಿ ಬೋಲಾನ ತುಮೇಬಿ ಸಾಕ್ಷಿ ಅಜು಼ ದೇವ್‌ಬಿ ಸಾಕ್ಷಿ ಹುಯಿರ‍್ಹಾಸ್.

1 ಥೆಸ 2:10 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:41

ಅಪ್ಣುನತೋಬಿ, ನಿಶತ್ ಮಳಿರ‍್ಹೀಸ್ತೆ ಇನಾಮ ನ್ಯಾವ್‌ ಛಾ಼; ಶನಕತೊ ಅಪ್ಣೆ ಕರ‍್ಯಾತೆ ಗಲತ್‌ನಖ್ಹಾಜೆ, ಅಪ್ಣುನ ನಿಶತ್ ಮಳಿರ‍್ಹಿಸ್‌. ಕತೋಬಿ ಅನೆ ಶನೀಬಿ ಗಲತ್‌ ಕೋ ಕರ‍್ಯೋನಿ!”

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:18

ಯೋ ಗಲ್‌ಢಖ್ಹಾರಾನ, ಪೌಲನೆ, “ಮೇ ಏಷ್ಯಾ ತಬರ್‌ಖಾಮ ಐನ್ ಗೋಡೊಮ್ಹೇಲ್ಯೊ ತಪ್‌ಥೂಬಿ ತುಮಾರ ಇಚ಼್‌ಮ ಅಖ್ಖಿ ವೇಳ್‌ಮಾಬಿ ಕಿಮ್ ಚಾ಼ಲಿಲಿದೊ ಕರಿ ತುಮುನಾಸ್ ಮಾಲುಮ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:26

ಇನಖ್ಹಾಜೆ ಹಮ್ಕೆ ಮೆ ತುಮೂನ ಖ್ಹಾಚ಼ಮಾಬಿ ಬೋಲಾನಿ ಏಕ್‌ ವಾತೆ ಶಾತ್‍ಕತೊ; ತುಮಾರಮ ಕೋಣ್‌ತೋಬಿ ನಾಶ್‌ಹುಯುತೊ ಇನ ಮೇ ಜಿಮ್ಮೆದಾರಿ ಕಾಹೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:16

ಇನಾಖ್ಹಾಜೆ ದೇವ್ ಬಿಜು಼ ಅದ್ಮಿನ ಖ್ಹಾಮ್ಣೆ ಮಾರೇಥಿ ಹುವಾಯೆತ್ರೆ ದಿಲ್ನಿಸಾಕ್ಷಿನ ಕದೇಬಿ ಪಾಕ್‌ ರಾಖಾನ ಕೋಶಿಶ್ ಕರುಸ್.

2 ಕೊರಿಂಥ 1:12

ಹಮೆ ಆ ವಾತ್ನಿ ಬಾರೇಮ ಕಂಡಿ ಛ಼ಡೈಲಿಯೇಸ್ಕಿ, ಹಮೆ ಖಲಿ ಅದ್ಮಿವೋನಿ ಅಕ್ಕಲ್‍ನ ಲಿದಾಕೊಂತೆ ದೇವ್ನ ವಾರ್‌ಖ್ಹಾನ ಆಖ್ಹ್‌ರಾಮ ಪರಿಶುದ್ಧಬಿ ನಿಯತ್‍ವಾಳಾಬಿ ಹುಯಿನ್ ಆ ಜಗತ್ಮ ತುಮಾರಿ ಬಾರೇಮ ಚಾ಼ಲಿಲಿದಾಕರಿ ಹಮಾರು ದಿಲ್‌ ಹಮೂನ ಸಾಕ್ಷಿ ಬೋಲಸ್.

2 ಕೊರಿಂಥ 11:11

ಮೆ ಬೋಲ್ನುಕತೊ ತುಮುನ ಪ್ಯಾರ್‌ಕರುಕೊಯ್ನಿ? ಶನಖ್ಹಾಜೆಕತೊ ಯೋ ದೇವ್ನಾಸ್ ಮಾಲುಮ್ ಛಾ಼.

2 ಕೊರಿಂಥ 11:31

ಕದೆ ಕದೇಬಿ ಸ್ತುತಿಹುವಾಳೊ ಪ್ರಭು ಯೇಸುನೊ ಬಾಬಿ, ದೇವ್‌ಬಿ ಹುಯಿರಾವಳೊ ಮೇ ಝೂ಼ಟಿ ಕೋಬೋಲುನಿ ಕರಿ ಮಾಲುಮ್ ಕರಿರಾಖ್ಯೋಸ್.

2 ಕೊರಿಂಥ 4:2

ಗಪ್ಲತ್‍ನು ಬಿಜು಼ ಖ್ಹರಮ್‌ ಕಡೈಲ್ಯಾವಾನ ಖ್ಹಾರ ಮಾರಗ್‍ಥಿ ಹಮೆ ದೂರ್ ಹುಯಿರಾಸ್‍. ಬಿಜು಼ ಹಮೆ ಮಶ್ಲತ್ ಭಂದೈಯೇ಼ ಕೊಯ್ನಿ. ದೇವ್ನಿ ವಚನ್‍ಮ ಮಿಲಾವಟ್ ಕರಿಯೆಕೊಯ್ನಿ. ಹಮೆ ಖ್ಹಾಚ಼ನ ಛೋ಼ಡಿನ್ ಬೋಲ್ಯೆಸ್‍. ಹಮೆ ನೀತಿವಾಳಕರಿ ಹರೇಕ್ ಅದ್ಮಿನಿ ದಿಲ್ನಿಸಾಕ್ಷಿ ದೇವ್ನ ಖ್ಹಾಮ್ಣೆ ಮಾನಿಲ್ಯವಾನಿ ಪರಕ್ಮ ಚಾ಼ಲೆಯೇಸ್.

2 ಕೊರಿಂಥ 5:11

ಪ್ರಭುನೊ ಡರ್‌ಕತೊ ಶಾತ್‌ಕರಿ ಹಮೂನ ಮಾಲುಮ್‌ಛಾ಼. ಇನಾಖ್ಹಾಜೆ ಅದ್ಮಿವೋನ ಮಾಲುಮ್ ಕರಿಯೇಸ್. ಕತೋಬಿ ಅಪ್ಣೆ ದೇವ್ನ ಮಾಲುಮ್‌ ಹುಯಿರುಸ್. ಯೊ ತುಮಾರಿ ದಿಲ್ನಿಸಾಕ್ಷಿನಾಬಿ ಮಾಲುಮ್ ಹುಯಿರ‍್ಹುಸ್‌ಕರಿ ಮೆ ವಿಶ್ವಾಸ್ ಕರಾವಾಳೊ ಹುಯಿರೊಸ್.

2 ಕೊರಿಂಥ 7:2

ತುಮಾರ ದಿಲ್ಮ ಹಮೂನ ಝ಼ಗೊದೆವೋ; ಹಮೆ ತುಮಾರಮ ಕಿನಾಬಿ ಅನ್ಯಾಯ್‌ ಕರ‍್ಯಾಕೊಯ್ನಿ, ಕಿನಾಬಿ ಕೇಡ್ ಕರ‍್ಯಾಕೊಯ್ನಿ, ಕಿನಾಬಿ ಠಗಾಯಕೊಯ್ನಿ.

1 ಥೆಸ 1:5

ಶನಕತೊ, ಹಮೆ ಸುವಾರ್ತೆನ ಖಲಿ ವಾತೇಥಿಸ್ ಕಾಹೆ ಪಣ್ಕಿ, ಶಕತ್‌ಥೀಬಿ, ಪವಿತ್ರಾತ್ಮಥಿಬಿ ಅಜು಼ ಯೋ ಖ್ಹಾಚಸ್ ಕರಿ ಹಮೆ ಪರ್ಖಿನ್ ತುಮಾರಕನ ಲೈರಾಖ್ಯಸ್. ಹಮೆ ತುಮಾರ ಜೋ಼ಡೆ ಥಾತೆ ತದೆ, ತುಮಾರ ನಫ್ಫಾನಖ್ಹಾಜೆ ಕಿಮ್ ಜಿವ್ಣುಕರುಕರ್ತಥ.

1 ಥೆಸ 2:5

ತುಮೂನ ಮಾಲುಮ್‌ಛಾ಼ತೆ ತಿಮ್ ಹಮೆ ಕದೇಬಿ ಕಿನ ಖ್ಹರಾಯಬಿ ಕೊಯ್ನಿ ಅಜು಼ ಲಾಲಚ್‌ನ ಲಪಾಡನಖ್ಹಾಜೆ ವೇಷ ಫೇರ‍್ಯಕೊಯ್ನಿ. ಇನ ದೇವಸ್ ಸಾಕ್ಷಿ.

2 ಥೆಸ 3:7

ಹಮೆ ಜಿವ್ಯಾತೆ ಇಮ್ಮಸ್ ತುಮೇಬಿ ಜಿವ್ಣುಕರಿ ತುಮೂನ ಅಛ್ಛಿನಿತರ ಮಾಲುಮ್ ಛಾ಼. ಹಮೆ ತುಮಾರಕನ ಥಾತೆ ತದೆ ಶೋಂಬೇರಿ ಕೋಥಾನಿ.

1 ತಿಮೊ 4:12

ತೂ ಜಾ಼ನ್ಜ಼ಮಾನ್ ಹುಯಿರೋಸ್ ಇನಖ್ಹಾಜೆ ತುನ ಕೀಳ್‍ಥಿ ನಕೊ ದೇಖಾದೆ. ಕತೋಬಿ ವಿಶ್ವಾಸಿಖ್ಹಾರನ ವಾತೆಚೀತೇಮ, ಚಾ಼ಲ್ ಚ಼ಲಣ್‌ಮ, ಪ್ಯಾರ್ ಅಜು಼ ವಿಶ್ವಾಸ್‌ನ ಪರಿಶುದ್ ಜೀವನ್‍ಥಿ ಮತಲಬ್ ಹುಯಿರ‍್ಹೆ.

2 ತಿಮೊ 3:10

ಕತೋಬಿ ತೂ, ಮಾರಿ ಜೀವನ್ನಿ ತರೀಕ,ಮಾರಿ ಜೀವನ್ನಿ ಉದ್ದೇಶ್,ಮಾರು ವಿಶ್ವಾಸ್ ಅಜು಼ ಮೆ ಖ್ಹಮಾಳಿಲ್ಯವಾನು,ಮಾರಿ ಪ್ಯಾರ್, ಮಾರಿ ಭಾಲಿ ಆ ಅಖ್ಖು ತುನೆ ಚ಼ಲೈರಾಖ್ಯೊಸ್.

1 ಪೇತ್ರ 5:3

ತುಮಾರಿ ಚ಼ಪ್ಪಣ್‌ಮ ದೆವೈರ‍್ಹೂಸ್ತೆ ಇವ್ಣಪರ್ ರಾಜ಼್‌ಭಾರ್ ನಾಚ಼ಲಾವ್ಣುತೆ ಮಂಧಾನ ಜೋ಼ಡೆ ಉದಾಹರಣೆ ಹುಯಿನ್ ಚಾ಼ಲಿಲೆವೊ.