1 ಥೆಸ 1:9 - ದೇವ್ನಿ ಖ್ಹಾಚಿ ವಚನ್

⁹ ತದೆ ಹಮೆ ತುಮಾರಕನ ಆಯಾತೆ ತದೆ ತುಮೆ ಹಮೂನ ಖಿವಿ ತರಿಕಾಥಿ ಬುಲೈಲಿದಾಕರಿ ಆ ಅದ್ಮಿಖ್ಹಾರು ಬೋಲುಕರಸ್. ಅಜು಼ ತುಮೆ ಮೂರತ್ನ ಪೂಜಾ಼ಥು ದೇವ್‌ಭಣಿ ಕಿಮ್‌ಫರ‍್ಯ ಅಜು಼ ಜಿವ್‌ತಜಾನ್ನ ದೇವ್ನ ಕಿಮ್ ಸೇವೆ ಕರ‍್ಯಾ, ಕರಿ ಬೋಲಸ್.

1 ಥೆಸ 1:9 Iomraidhean Croise

ಮತ್ತಾಯ 16:16

ತದೆ ಸೀಮೋನ ಪೇತ್ರನೆ, “ತೂ ಆವ್ಣುತೆ ಕ್ರಿಸ್ತ, ಜಿವ್ತೊ ದೇವ್‌ನೊ ಛಿಯ್ಯೊ” ಕರಿ ಜ಼ವಾಬ್ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:15

ಲೋಗ್ ತುಮೆ ಅಮ್ ಶನ ಕರುಕರಸ್ತೆ? ಹಮೇಬಿ ತುಮಾರಿನಿ ತರಾಸ್ ಅದ್ಮಿ. ತುಮುನ ಸುವಾರ್ತೆ ಬೋಲಾನ ಆಯಾತೆ, ತುಮೆ ಅಥ್ರಾನು ಫಾಯಿದೊಕೊಂತೆ ಕಾಮ್ನ ಮ್ಹೇಲಿನ್ ಆಬ್‌ ಧರ್ತಿನ, ದರ‍್ಯಾವ್‌ನಾಬಿ, ಇನಾಮ ಛಾ಼ತೆ ಖ್ಹಾರೂಸ್ ಉಬ್‌ಜಾ಼ಯೋತೆ ಜಿವ್ತೊಜಾನ್ ರ‍್ಹವಾಳೊ ದೇವ್ನಿ ಸುವಾರ್ತೆನ ಬೋಲಾನ ಹಮೆ ಆಯಾತೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:26

“ಖಿವಿ ಝ಼ಗೋಮ ‘ತುಮೆ ಮಾರು ಅದ್ಮಿಕಾಹೆಕರಿ’ ಇವ್ಣುನ ಬೋಲಾಯುಕಿ ಯೋ ಝ಼ಗೋಮಸ್‌, ‘ಇವ್ಣೆ ಜಾನ್ನಸ್ವರೂಪ್ ಹುಯಿರೋತೆ ದೇವ್ನ ಲಡ್ಕಾ ಕರಿ ಬೋಲೈಲಿಶೆ”.

1 ಕೊರಿಂಥ 12:2

ತುಮೆ ಅಲ್ಹಾವ್‌ ಅದ್ಮಿ ರ‍್ಹವಾನಿ ವಖ್ಹ್‌ತೆ ವಾಟ್‌ ಭೈಕಿನ್ ಕಿಮ್ ಮುಕ್ಕ ಮೂರತ್‍ಭಣಿ ಫರಿರಾಥ ಕರಿ ತುಮೆ ಮಾಲುಮ್ ಕರಿರಾಖ್ಯಸ್.

1 ಥೆಸ 2:1

ಹಮಾರ ಭೈ ಭೇನೊ, ಹಮೆ ತುಮಾರಕನ ಆಯತೆ ತುಮೂನ ಫಾಯಿದೊಕೊಂತೆ ಕೊಹುಯುನಿ ಕರಿ ಮಾಲುಮ್‌ ಛಾ಼.

1 ಥೆಸ 2:13

ಅಜು಼ ತುಮೆ ಹಮಾರೇಥಿ ದೇವ್ನಿ ವಚನ್ನ ಖ್ಹಮ್‍ಜ್ಯಾತೆ ತದೆ, ಅದ್ಮಿನಿ ವಚನ್ ಕರಿ ಸೋಚ್ನುನಾತೆ, ದೇವ್‍ನೀಸ್ ಕರಿ ಮಾನೀನ್ ಇನಖ್ಹಾಜೇಬಿ ಹಮೆ ಲಗತ್ತರ್ ದೇವ್ನ ಧನ್ಯವಾದ್ ಕರಿಯೇಸ್. ಯೋ ಖ್ಹಾಚ಼ಮಾಬಿ ದೇವ್‍ನೀಸ್ ವಚನ್. ಯೊ ವಚನ್ ನಂಬವಾಳ ತುಮಾರಾಮ ಶಕಥ್ಥಿ ಕಾಮ್ ಚ಼ಲಾವಸ್.

1 ತಿಮೊ 4:10

ಅಜು಼ ಹಮೆ ಕಠಣ್‍ಥಿ ಖ್ಹಮಾಳಿನ್ ವಾಖ್ಯೊ ಪಡುಕರ‍್ಯೇಸ್. ಹಮೆ ಹಮಾರ ಭರೋಖ್ಹಾನ ಜಿವ್ತ ದೇವ್ನ ಉಪ್ಪರ್ ರಾಖಿಮ್ಹೇಲ್ಯಸ್. ಯೋ ಅಖ್ಖಾನ ಬಚಾ಼ಡವಾಳೊ ಅಜು಼ ಜಾ಼ಖ್ಹತ್ ವಿಶ್ವಾಸ್ ಕರವಾಳನ ರಕ್ಷಕ್ ಹುಯಿರೋಸ್.

ಇಬ್ರಿ 12:22

ಕತೋಬಿ ತುಮೆ ಚೀಯೋನ್ ಪರ್ಭತ್‌ಕನ ಅಜು಼ ಜಿವ್ತಜಾನ್ನ ದೇವ್ನ ನಂಗರ್ ಹುಯಿರುತೆ ಸೊರ್ಗಾನ ಯೆರೂಸಲೇಮ್‌ನ, ಜ಼ತ್ರಾಮ ಭರೈರುತೆ ಲಾಖೋಲಾಕ್ ದೇವ್ನ ದೂತರ್‌ಕನಾಬಿ,

1 ಯೋಹಾನ 5:21

ಪ್ಯಾರ್‌ನ ಲಡ್ಕಾವೊ ಮೂರತ್ ದೂರ್ ರ‍್ಹೀನ್ ತುಮುನ ಬಚಾ಼ಡಿಲೇವೊ.

ಪ್ರಕಾಶಿತ್ 17:2

ಪಾಪೇಲು ಸಂಬಂದ್ ಕತೊ ಧರ್ತಿನ ರಾಜ಼ವ್‌ಬಿ ಇನಿ ಜೋ಼ಡ್ಮ ವ್ಯಬಿಚಾರ್ ಕರ‍್ಯು ಅಜು಼ ಜಗತ್‌ನು ಅದ್ಮಿಖ್ಹಾರು ಇನ ವ್ಯಬಿಚಾರ್‌ಕರಿ ದ್ರಾಕ್ಷಿನೊರಖ್ಹ್‌ನ ಪೀನ್ ಮೈಕಮ್‌ ಹುಯಿಗು” ಕರಿ ಬೋಲ್ಯೊ.