1 ಥೆಸ 1:8 - ದೇವ್ನಿ ಖ್ಹಾಚಿ ವಚನ್

⁸ ಪ್ರಭುನಿ ವಚನ್ ತುಮಾರೇಥೀಸ್ ಮೆಕೆದೋನ್ಯ ಅಜು಼ ಅಖಾಯಮಾಬಿ ಫೈಲಿಗಯು. ಅತ್ರೇಸ್ ಕಾಹೆತೆ ತುಮೆ ದೇವ್‌ಪರ್‌ ರಾಖಿಮ್ಹೇಲ್ಯಾತೆ ವಿಶ್ವಾಸ್‌ ಖ್ಹಾರಿಸ್ ಬಾಜೂ಼ಮಬಿ ಫೈಲಿಗಯು. ಅನೇಥಿ ತುಮಾರಿ ವಿಶ್ವಾಸ್‌ನಿ ಬಾರೇಮ ಬಿಜು಼ ಶಾತ್ಬಿ ಬೋಲಾನಿ ಜ಼ರೂರತ್ ಕೊಯ್ನಿ.

1 ಥೆಸ 1:8 Iomraidhean Croise

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:12

ಗಲ್ಲಿಯೋಕರಿ ಏಕ್‍ಜ಼ಣೊ ಅಖಾಯ ಮುಲಕ್‌ನೊ ರಾಜ್ಯಪಾಲ್ ಹುಯಿರ‍್ಹವಾನ ಖ್ಹಾಜೆ ಯೆಹೂದ್ಯರ್ ಪೌಲನಿ ವಿರೋದ್ ಎಕ್ಟುಹುಯಿನ್ ಇನ ಧರಿನ್ ನ್ಯಾವ್ನಿಝ಼ಗೊ ಲೀನ್‌ಗಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:8

ಖ್ಹಾರೇಥಿ ಪಹಿಲೆ ತುಮಾರಿ ವಿಶ್ವಾಸ್‌ನಿ ಬಾರೇಮ ಜಗತ್ನ ಅಖ್ಖಿಬಾಜು಼ ಪೂಚ್‍ತಾಚ಼್ ಹೂಕರಸ್. ಇನಖ್ಹಾಜೆ ಮೇ ತುಮಾರಭಣೀಥು ಯೇಸುಕ್ರಿಸ್ತನ ನಾಮ್‌ಥಿ ದೇವ್ನ ಧನ್ಯವಾದ್ ಕರುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:26

ಶನಕತೊ ಮೆಕೆದೋನ್ಯ ಅಜು಼ ಅಖಾಯ ತಬರ್‌ಖಾವಾಳು ವಿಶ್ವಾಸಿ ಯೆರೂಸಲೇಮ್ಮ ದೇವ್ನ ಅದ್ಮಿವೋನ ಮಳಿನ್ ರ‍್ಹವಾಳ ಗರೀಬ್ ವಿಶ್ವಾಸಿನ ಮದತ್ ಕರಾನಖ್ಹಾಜೆ ಖ್ಹಯಾಲ್ ಕರಿರಾಖ್ಯಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:19

ತುಮಾರಿ ವಿಧೇಯತೆ, ಖ್ಹಾರಾಸ್ ಅದ್ಮಿವ್‌ನ ಮಾಲುಮ್ ಹುವಾನಿತರ ಹುಯು. ಇನಖ್ಹಾಜೆ ಮೇ ತುಮಾರಿ ಬಾರೇಮ ಖುಷಿಕರುಸ್. ಕತೋಬಿ ತುಮೆ ಅಛ್ಛಾ಼ನಿ ಬಾರೇಮ ಗ್ಯಾನಿ ಖ್ಹಾರಹುಯಿನ್ ಖಾರಾಬ್‌ನಿ ಬಾರೇಮ ಶನು ಕಳಂಕ್‌ಕೊಂತೆ ರ‍್ಹೇಣು ಕರಿ ಆಖ್ಹ್‌ಕರುಸ್.

1 ಕೊರಿಂಥ 14:36

ನತರ್ ದೇವ್ನಿವಚನ್ ತುಮಾರೇಥಿ ನಿಕಳ್‍ಶೇಕಿ? ಕೊಯ್ನಿ, ಯೋ ತುಮಾರಕನ ಖಲಿ ಆಯೂಕಿ?

2 ಕೊರಿಂಥ 2:14

ಕತೋಬಿ ಮೇ ದೇವ್ನ ಧನ್ಯವಾದ್ ಕರುಸ್. ಯೋ ಹಮೂನ ಕ್ರಿಸ್ತನಿ ಗಳ್‌ಜೋ಼ಡ್ಮ ಕದೇಬಿ ಜೀತ್‍ನಿ ಜಯಭಣಿ ಚ಼ಲಾವ್ತೊ ಹುಯಿನ್ ಅಜು಼ ಇನಿ ಗ್ಯಾನ್ನಿ ಅಛ್ಛಿ ವಾಖ್ಹ್‌ನ ಅಖ್ಖಿಬಾಜು಼ ಹಮಾರೇಥಿ ಫೈಲಾವವಾಳ ದೇವ್ನ.

2 ಕೊರಿಂಥ 3:4

ಆಥ್ರಾನು ಭರೋಖ್ಹೊ ಕ್ರಿಸ್ತಮಥೂಸ್ ದೇವ್ನ ಖ್ಹಾಮ್ಣೆ ಹಮೂನ ಛಾ಼.

ಕೊಲೊಸ್ಸೆ 3:16

ಕ್ರಿಸ್ತನು ವಚನ್ ತುಮಾರಮ ಭಡ್ತುಹುಯಿನ್ ಜಿವಾದೆ. ಹರೇಕ್ ಅಕ್ಕಲ್‌ಮ ಏಕ್‌ಥಿ ಏಕ್‌ ಶಿಕ್ತಹುಯಿನ್ ಉಪದೇಶ್ ಕರತಾಹುಯಿನ್, ಅಕ್ಕಲ್ ಬೋಲ್ತಹುಯಿನ್ ಕೀರ್ತನೆಥೀಬಿ, ಸ್ತುತಿನು ಗೀದ್‍ಥೀಬಿ ಆತ್ಮೀಕ್ ಗೀದ್‍ಥೀಬಿ ಅಜು಼ ತುಮಾರ ದಿಲ್ಮ ದೇವ್ನ ಧನ್ಯವಾದ್ನು ಗೀದ್‌ ಬೋಲೊ.

2 ಥೆಸ 1:4

ಶನಕತೊ ತುಮೆ ಖ್ಹಮಾಳಮಾಬಿ ಖ್ಹತಾಪ್ಣಿಮಾಬಿ ತುಮಾರಮ ದೆಖಾಯುತೆ ವಿಶ್ವಾಸ್ನಖ್ಹಾಜೆಥಿ ದೇವ್ನಿ ಅದ್ಮಿನಿ ಸಬೇಮ ಕಮ್‌ಠೋಕಿ ವಾತೆ ಬೋಲಿಯೇಸ್.

2 ಥೆಸ 3:1

ಹಮಾರ ಭೈಯೆ ಭೇನೆವೊ, ಹಮಾರಖ್ಹಾಜೆ ಪ್ರಾರ್ಥನೆ ಕರೊ, ಪ್ರಭುನಿ ವಚನ್ ತುಮಾರಾಮ ಫೈಲೀತೆ ಇಮ್ಮಸ್, ಬಿಜಿಖ್ಹಾರಿ ಬಾಜು಼ಮಾಬಿ ವಗ್ಗಿಸ್ ಫೈಲೈನ್ ಮಹಿಮೆ ಹುವಾದೆ.

1 ತಿಮೊ 2:8

ಅನಖ್ಹಾಜೆ ಅಖ್ಖಿ ಝ಼ಗೋಮ ಪರ್ಖ್ಹೊ ಖ್ಹಾರು ಇರಾದೊಕೊಂತೆ, ಆಡ್‌ಫೇಡ್ ಬೋಲ್ನುನಾತೆ, ಹಾತ್ನ ಪಾಡಿನ್ ದೇವ್‍ಥಿ ಸಮರ್ಪಣ್‌ ಹುಯಿನ್ ಪ್ರಾರ್ಥನೆ ಕರ‍್ನುಕರಿಸ್ ಮಾರಿ ಆಖ್ಹ್ ಹುಯಿರ‍್ಹಿಸ್.

2 ತಿಮೊ 2:9

ಶನಕತೊ ಮೇ ಅಛ್ಛಿ ಖಬರ್‌ನ ಬೋಲುಸ್ತೆ ಇನಖ್ಹಾಜೇಸ್, ಮೇ ಖ್ಹತುಕರೂಸ್ತೆ ಅಜು಼ ಮನ ಖೈದಿನಿಘೋಣಿ ಖ್ಹಂಕಳ್‌ಥೀಬಿ ಭಾಂದಿರಾಖ್ಯುಸ್. ಕತೋಬಿ ದೇವ್ನಿ ವಚನ್ ಭಂದೈರ‍್ಹಿ ಕೊಯ್ನಿ.

3 ಯೋಹಾ 1:12

ದೆಮೇತ್ರಿಯನಿ ಬಾರೇಮ ಅಖ್ಖುಜ಼ಣು ಅಛ್ಛೊ಼ಸ್‌ಕರಿ ಬೋಲಸ್. ಸಾಕ್ಷಿಬಿ ಲೀರಾಖ್ಯೊಸ್. ಎತ್ರೇಸ್‌ಕೊಂತೆ ಹಮೆ ಇನಿ ಬಾರೇಮ ಸಾಕ್ಷಿ ಬೋಲ್‍ಯೇಸ್; ಹಮಾರಿ ಸಾಕ್ಷಿ ಖ್ಹಾಚು಼ಕರಿ ತುನ ಮಾಲುಮ್ ಛಾ಼.

ಪ್ರಕಾಶಿತ್ 14:6

ಬಿಜೇಕ್ ದೇವ್‌ನೊ ದೂತ ಆಬ್‌ನ ಇಚ಼್‌ಮ ಉಡುಕರಾನು ದೇಖ್ಯೊ. ಜ಼ಮೀನ್‌ಪರ್ ಜಿವ್‌ಕರಾತೆ ಹರೇಕ್ ಜ಼ಗ್‌ಜಾ಼ತ್‌, ಖೂಮ್‌, ಬೋಲಿ, ಅದ್ಮಿಖ್ಹಾರನ ಬೋಲಿವತಾಳಾನ ಖ್ಹಾಜೆ ಹರ್‌ಹಮೇಶಾನು ಅಛ್ಛಿ ಸಂದೇಶ್ ಇನಾಕನ ಥು.

ಪ್ರಕಾಶಿತ್ 22:17

ಆತ್ಮ ಅಜು಼ ವ್ಯತುಲ್ಡೀಬಿ, ಆವ್ಣುಕರಿ ಬೋಲ್‌ಶೆ. ಖ್ಹಮ್‌ಜಾ಼ವಾಳೊ, ಆವ್‌ಕರಿ ಬೋಲಾದೆ. ಠೋಖ್ಹ್‌ ರ‍್ಹವಾಳೊ ಆವಾದೆ, ಆಖ್ಹ್ ರ‍್ಹವಾಳೊ ಜಾನ್ನಪಾಣಿನ ಮೋಲ್‌ಕೊಂತೆ ಫುಗಟ್‍ಥಿ ಲಿಲ್ಯಾವದೆ.