1 ಥೆಸ 1:10 - ದೇವ್ನಿ ಖ್ಹಾಚಿ ವಚನ್

¹⁰ ದೇವ್ನೆ ಮರ‍್ಯಾಹುಯಾಮಾಥು ಉಠಾಡ್ಯೋತೆ ಅಜು಼ ಸೊರ್ಗಮಾಥೊ ಆವ್‌ಶೇತೆ ಇನ ಛಿಯ್ಯಾನಖ್ಹಾಜೆ ತುಮೆ ಟಿವವ್‍ಕರಸ್ ಕರೀಬಿ ಆ ಅದ್ಮಿಸ್ ಬೋಲಾಸ್. ಆ ಯೇಸು ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದಾಥಿ ಅಪ್ಣುನ ಬಚಾ಼ಡವಾಳೊ ಹುಯಿರೋಸ್.

1 ಥೆಸ 1:10 Iomraidhean Croise

ಮತ್ತಾಯ 1:21

ಯೋ ಏಕ್‌ ಪರ್ಖ್ಹೊ ಲಡ್ಕಾನ ಜ಼ಣ್‌ಶೆ, ತೂ ಇನ ಯೇಸುಕರಿ ನಾಮ್ ಮ್ಹೇಲ್ನು. ಶನಕತೊ, ಯೋ ಇನ ಅದ್ಮಿಯೇವ್ನ ಪಾಪ್‌ಮಾಥು ಬಚಾ಼ವ್‍ಶೆ” ಕರಿ ಬೋಲ್ಯೊ.

ಮತ್ತಾಯ 16:27

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.

ಮತ್ತಾಯ 16:28

ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಹಜ್ಜಾ಼ ಭಿಯುತೆ ಇವ್ಣಾಮ ಥೋಡು ಜ಼ಣು ಅದ್ಮಿನೊ ಛಿಯ್ಯೊ ಇನ ರಾಜ್ಯಮ ಆವ್‌ಶೇತೆ ದೇಖಲಗೂಬಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.

ಮತ್ತಾಯ 3:7

ಕತೋಬಿ ಫರಿಸಾಯರ್‌ವಾಳಮ ಅಜು಼ ಸದ್ದುಕಾಯವಾಳಮ ಕೈಯೆಕ್ಕಿ ಜ಼ಣು ಇನಾಕನ ಬ್ಯಾಪ್ತಿಸ್ಮ ಕರೈಲೆವಾನ ಆವ್‍ಕರಾತೆ ದೇಖಿನ್‌, ಯೋಹಾನನೆ ಇವ್ಣುನ, “ಅಲಾ ಖ್ಹಾಪ್‌ನಿ ಪಿಳ್ಗಿವಾಳವೊ! ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದೇಥಿ ತುಮೆ ಬಚಿಜಾ಼ಶು ಕರಿ, ತುಮೂನ ಬೋಲ್ಯುತೆ ಕೋಣ್?

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:25

ಯೋ ಹಗಾಮ್ಮ ಯೆರೂಸಲೇಮ್ಮ ಸಿಮೆಯೋನ್‌ ಕರಿ ಏಕ್‍ಜ಼ಣೊ ಥೊ. ಯೋ ಏಕ್‌ ನೀತಿವಾಳೊ ಅಜು಼ ದೇವ್‌ಥಿ ಡರವಾಳೊ ಅದ್ಮಿ ಹುಯಿರ‍್ಹೋಥೊ, ಇಸ್ರಾಯೇಲ್‌ ಅದ್ಮಿಯೇನ ಸಮಾಧಾನ್‍ ಕರಾವಾಳೊ ಕದೆ ಆವ್‍ಶೆಕರಿ ಟಿವವ್‍ಕರ್‌ತೊಥೊ. ಅಜು಼ ಪವಿತ್ರಾತ್ಮ ಇನಿ ಜೋ಼ಡೆ ಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:7

ಅದ್ಮಿನಿ ಝೂ಼ಂಡೆಖ್ಹಾರು ಯೋಹಾನ್ನ ಹಾತೇಥಿ ಬ್ಯಾಪ್ತಿಸ್ಮ ಕರೈಲ್ಯವಾನಟೇಕೆ ಆಯು. ತದೆ ಯೋಹಾನನೆ ಇವ್ಣುನ, “ಅಲಾ ಖ್ಹಾಪ್‌ನಿ ಪಿಳ್ಗಿವಾಳವೊ! ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದೇಥಿ ಛು಼ಕಿಜಾ಼ವಾನಿಮತ್, ತುಮುನ ಝೇತಾಯುತೆ ಕೋಣ್?

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:11

ಗಲಿಲಾಯವಾಳ ಅದ್ಮಿವೊ, ತುಮೆ ಶನ ಆಸ್ಮಾನ್ನಾಸ್ ದೇಖುಕರಸ್? ತುಮಾರಕಂಥು ಯೇಸು ಕಿಮ್ ಪರ್‌ಲೋಕ್ನ ಛ಼ಡಿಗಯೊತೆ ತುಮೆ ದೇಖ್ಯಾಕಿ ಇಮ್ನಿ ಪರಕ್ಮಾಸ್ ಪಾಛು಼ ಆವ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:31

ಜಗತ್ನ ಅದ್ಮಿಖ್ಹಾರಾನು ನ್ಯಾಯನ ಫೆಡಾವನಖ್ಹಾಜೆ ದೇವ್ನೆ ಏಕ್‍ದನ್ನ ಖ್ಹಣೇದ್ ಕರಿರಾಖ್ಯೋಸ್. ತದೆ ನ್ಯಾವ್‌ನ ಫೇಡಾವನಖ್ಹಾಜೆ ಇನೆ ಏಕ್‍ಜ಼ಣಾನ ಕೇತ್ರಾಕಿ ವರಖ್ಹ್‌ನ ಪಾರಸ್ ಚೂ಼ಣಿರಾಖ್ಯೊಸ್. ಅನ ಹರೇಕ್‌ಜ಼ಣಾನ ಮಾಲುಮ್ ಕರಾವನಖ್ಹಾಜೆ ಆ ಏಕ್‍ಜ಼ಣಾನ ಮರ‍್ಯಹುಯಮಾಥು ಜಿವ್ತು ಉಠಾಡಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:24

ಯೇಸುನ ದೇವ್ನೆ ಮರಣ್ಣಿ ಖ್ಹತಾಪ್ಣಿಥಿ ಛೋ಼ಡೈನ್ ಉಠಾಡ್ಯೊ. ಶನಕತೊ ಮರಣ್ ಇನ ಧರಿಲ್ಯವಾನ ಕೊ ಹುಯುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:32

ಇನಖ್ಹಾಜೆ ದೇವ್ನೆ ಮರ‍್ಯಹುಯಾಮ ಜಿವ್ತೊಕರಿನ್ ಮ್ಹೇಲ್ಯೊತೆ ಯೇಸುನಾಸ್, ಇನ ಹಮೆಅಖ್ಖು ಸಾಕ್ಷಿ ಹುಯಿರಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:15

ಅಮ್ ತುಮೆ ಜಾನ್‍ದೇವಳಾನಸ್ ಮರೈನಾಖ್ಯ. ಕತೋಬಿ ದೇವ್ನೆ ಇನ ಮರ‍್ಯಾಹುಯಾಮಾಥು ಉಠಾಡ್ಯೊ; ಅನಿ ಬಾರೇಮ ಹಮೇಸ್ ಸಾಕ್ಷಿಖ್ಹಾರು ಹುಯಿರಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:21

“ಕತೋಬಿ ಅಖ್ಖಾಸ್ನ ಬರೋಬರ್ ಕರಾನ ದನ್ ಆವಾಲಗು ಯೊ ಪರಲೋಕ್‌ಮಾಸ್ ರ‍್ಹೇವ್ಣುಕರಿ ದೇವ್ ಘಣಾದನ್ನ ಪಾಛ಼ಳ್ ಇನ ಪವಿತ್ರ ಪ್ರವಾದಿಥಿ ವಾತೆ ಬೋಲಾನಿ ವಖ್ಹತ್‌ಮ; ಆ ದನ್ನಿ ಬಾರೇಮ ಬೋಲ್ಯೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:10

ತುಮೆ ಶಿಲ್‌ಬೇಪರ್ ಛ಼ಡಾಯತೆ ಅಜು಼ ‘ದೇವ್ನೆ ಮರ‍್ಯಹುಯಮಾಥು ಉಠಾಡ್ಯೊತೆ ನಜ಼ರೇತ್‌ನೊ ಯೇಸುಕ್ರಿಸ್ತನ ನಾಮ್‍ಥೀಸ್ ಆ ಲಂಗ್ಡೊಥೋತೆ ಅದ್ಮಿ ಅಛ್ಛೊ಼ ಹುಯು. ಬಿಜು಼ ತುಮಾರ ಖ್ಹಾಮ್ಣೆ ಭಿಯೋಸ್ ಕರಿ ಬೋಲಾನು, ತುಮೂನಾಬಿ ಅಜು಼ ಇಸ್ರಾಯೇಲ್ ಅದ್ಮಿಖ್ಹಾರನ ಆವಾತೆ ಮಾಲುಮ್ ರ‍್ಹವಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:4

ದೇವ್ನೆ ಪಹಿಲೆ ಪವಿತ್ರ ದಪ್ತರ್‌ಮ ಇನ ಪ್ರವಾದಿಥಿ ಬೋಲೈರ‍್ಹೀತೆ ಆ ವಾಗ್ದಾನ್‌ಕರ‍್ಯೊತೆ ಸುವಾರ್ತೆ ಮರ‍್ಯಾಹುಯಾಮಾಥು ಪಾಛು಼ ಜಿವ್ತುಹುಯೋತೆ ಇನಿ ಶಕಥ್ಥಿ ದೇವ್‌ನೊ ಛಿಯ್ಯೊಕರಿ ವತಾಳೈಲಿದೊ. ಯೋಸ್ ಅಪ್ಣೊ ಪ್ರಭು ಯೇಸುಕ್ರಿಸ್ತ ಹುಯಿರೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:7

ಥೋಡುಜ಼ಣು ಅಛ್ಛಾ಼ನ ಕರ್ತುಹುಯಿನ್. ಮಹಿಮೆ, ಇಜ಼್ಜತ್‌, ಹಮೇಶನಜಾನ್ನ ಜಿವ್ಣನ ಢೂಂಡಸ್. ಇವ್ಣುನ ದೇವ್ ಹರ್‌ಹಮೇಶಾನಿ ಜಿ಼ಂದ್‌ಗಿ ದಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:25

ದೇವ್ ಯೇಸುನ ಅಪ್ಣ ಪಾಪ್ನಖ್ಹಾಜೆ ಮರಣ್ಣ ದೀನಾಖಿನ್ ಅಜು಼ ಅಪ್ಣುನ ನೀತಿವಾಳ ಕರಿ ತಿರ್ಮಾನ್‌ ಹುವಾನಖ್ಹಾಜೆಸ್‌ ಜಾನ್‌ಥಿ ಉಠಾಡೈಗಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:34

ಅಪರಾದಿಕರಿ ನಿಶತ್‌ ಕರಾವವಾಳು ಕೋಣ್? ಕ್ರಿಸ್ತಯೇಸು ಮರಣ್‍ಲಿದೊ. ಅಜು಼ ಎತ್ರೇಸ್ ಕಾಹೆತೆ ಮರ‍್ಯಹುಯಮಾಥು ಉಠಿನ್ ದೇವ್ನ ಖಾವಿಬಾಜು಼ಮ ಬೇಶಿನ್. ಯೋಸ್ ಅಪ್ಣಖ್ಹಾಜೆ ಬಿಂತೀನಿವ್ಹಾರ್ ಕರಾವಾಳೊ ಹುಯಿರೋಸ್.

1 ಕೊರಿಂಥ 1:7

ಅಮ್‍ರ‍್ಹವಾಪರ್, ಅಪ್ಣೊ ಪ್ರಭು ಯೇಸುಕ್ರಿಸ್ತ ಪಾಛೊ಼ ಆವಾನುಸ್ ಟಿವೈ ದೇಖುಕರಾತೆ ತುಮೆ, ದೇವ್‍ಥಿ ಆವಾತೆ ಹರೇಕ್ ವರಾನ ಲೀಲ್ಯಾವಾಳ ಹುಯಿರಾಸ್.

ಗಲಾತ್ಯ 3:13

ಯೇಸು ಕ್ರಿಸ್ತ ಅಪ್ಣುನ ಶಾಪ್‌ಥು ಛೋ಼ಡಾವನ ಇನುಯೋಸ್ ಶಾಪ್‌ವಾಳೊ ಹುಯಿಗೊ. ಶನಕತೊ ಮೋಶೇನು ಧರ್ಮಶಾಸ್ತ್ರಮ ಬೋಲಸ್ತೆ ಪರಕ್ಮ “ಖಂಬಾಪರ್‌ ಠಂಗಾಯುಹುಯು ಹರೇಕ್‍ಜ಼ಣು ಶಾಪ್‌ವಾಳು ಹುಯಿರ‍್ಹುಸ್” ಕರಿ ಲೀಖೈರ‍್ಹುಸ್.

ಫಿಲಿಪ್ಪಿ 3:20

ಅಪ್ಣೆತೋಬಿ ಸೊರ್ಗಾನ ಪ್ರಜೆ ಹುಯಿರಾಸ್, ಅಪ್ಣೊ ಬಚಾ಼ಡವಾಳೊ ಪ್ರಭು ಯೇಸು ಕ್ರಿಸ್ತಸ್ ಹಿಜ಼್ಜಾಥೊ ಆವಾನು ಮ್ಹೋರೆ ದೇಖುಕರೆಸ್.

ಕೊಲೊಸ್ಸೆ 1:18

ಸಬೆಕರಿ ಶರೀರ್‌ನ ಯೋ ಮುಡ್‌ಕ್ಯು ಹುಯಿರ‍್ಹೋಸ್. ಯೋಸ್ ಪಹಿಲೊ ಹುಯಿರ‍್ಹಿನ್ ಖ್ಹಾರಮಸ್ ಪಹಿಲೆ ರ‍್ಹವಾಳೊ ಹುಯಿನ್ ಯೋ ಮರ‍್ಯಾಹುಯಾಮಾಥು ಆಯೋತೆ ಫೈಲೋಟೊಬಿ ಹುಯಿರ‍್ಹೊಸ್.

1 ಥೆಸ 1:7

ಅನೇಥಿ ಮೆಕೆದೋನ್ಯಮ ಅಜು಼ ಅಖಾಯಮ ಕ್ರಿಸ್ತನ ವಿಶ್ವಾಸ್‌ ಕರಾವಾಳು ಖ್ಹಾರು ತುಮೂನ ದೇಖಿನ್ ಶಿಕಾನಿಘೋಣಿ ಹುಯು.

1 ಥೆಸ 2:16

ಯೆಹೂದ್ಯರ್‌ಕಾಹೆತೆ ಅದ್ಮಿನ ರಕ್ಷಣೆ ಮಳಾದೆ ಕರಿ ಸುವಾರ್ತೆನ ಬೋಲ್‍ಯೇಸ್ತೆ ಹಮುನಾಬಿ ಭೀರಾಕ್‌ಣು ಕರಿ ಕರ‍್ಯು. ಅಮ್ ಕರಾಥಿ ಇವ್ಣು ಪಾಪ್ನು ಕಾಮ್‌ಖ್ಹಾರು ಭರೈನ್ ಉಛ಼್‌ಳಾಯು. ಕತೋಬಿ ದೇವ್‌ನೊ ಇರಾದೊ ಇವ್ಣಾಪರ್ ಪೂರ ಹೋತುಹುಯಿನ್ ಆಯೊ!

1 ಥೆಸ 2:7

ಕತೋಬಿ ಕ್ರಿಸ್ತಮ ಅಪೊಸ್ತಲಹುಯಿನ್ ಆಯ ಇನ ಲಡ್ಕಾನ ಖ್ಹದರ್ ಕರಾತೆ ಇಮ್‌ ತುಮಾರಿ ಜೋ಼ಡ್ಮ ರ‍್ಹೇತ ಲಾಡ್‌ಥಿ ಚಾ಼ಲಿಲಿದಾ.

1 ಥೆಸ 5:9

ಶನಕತೊ ದೇವ್ನೆ ಅಪ್ಣುನ ಚೂ಼ಣ್ಯೋತೆ ಇನ ಇರಾದಮ ಖ್ಹಪಡ್ನುಕರಿ ಕಾಹೆ ಪಣ್ಕಿ, ಅಪ್ಣೊ ಪ್ರಭು ಯೇಸು ಕ್ರಿಸ್ತಥಿ ಮಳ್ಯುತೆ ರಕ್ಷಣೆನ ಲೀಲೆವ್ಣು ಕರಿ ಚೂ಼ಣ್ಯೋತೆ.

2 ತಿಮೊ 4:1

ದೇವ್ನ ಖ್ಹಾಮ್ಣೆ ಸಾಕ್ಷಿ ಹುಯಿರಿನ್ ಅಜು಼ ಕ್ರಿಸ್ತಯೇಸುನ ಸಾಕ್ಷಿಕರೀನ್ ಯೋ ಜಿವ್ತುರ‍್ಹವಾಳನ ಅಜು಼ ಮರ‍್ಯಹುಯಾನ ನ್ಯಾವ್‌ನ ತೀರ್ಪ್ ಕರಾವಾಳೊ. ಶನಕತೊ ಯೊ ದೆಖಾವ್‌ಶೆ ಅಜು಼ ಇನಿ ರಾಜ್ಯ ಖನ್ನೆ ಛಾ಼. ಮೆ ತುನ ಕೋಲ್‌ನಾಮ್ ಕರೀನ್ ಹುಕುಮ್ ದೆವುಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13

ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.

ಇಬ್ರಿ 10:27

ಇನಬದಲ್, ಅಖ್ಖೇಥಿ ಡರ್‌ಥಿ ಭರೈರ‍್ಹುತೆ ನ್ಯಾವ್‌ನು ತೀರ್ಪ್‌ನಖ್ಹಾಜೆ ಟಿವೈರ‍್ಹವಾನು ಅಜು಼ ದೇವ್ನ ವಹೇರ‍್ಯಾವ್ನ ಬಳಾನಿ ಇರಾದನಿ ಝ಼ಲ್‌ಪಟ್‌ ಖಲಿ ರ‍್ಹಿಶೆ.

ಇಬ್ರಿ 9:28

ಇಮ್ಮಸ್ ಕ್ರಿಸ್ತ ಜಿನುಬಿ ಕೈಯೆಕ್ಕಿ ಅದ್ಮಿನು ಪಾಪ್ ಕಾಡಾನಖ್ಹಾಜೆ ಎಕ್ಕಸ್ ವಖ್ಹತ್ ಸಮರ್ಪಣ್‌ ಹುಯೊ. ಯೋ ಬೇನೆ ಹಲ್ಲ ದೆಖಾವ್‌ಶೆತೆ ಪಾಪ್ನ ಕಾಡನ ಕಾಹೆಕತೊ ಕೋಣ್ ಟಿವೈರ‍್ಹುಸ್ಕಿ ಇನ ಬಚಾ಼ನಖ್ಹಾಜೆ ಆವ್‌ಶೇತೆ.

1 ಪೇತ್ರ 1:21

ಇನ ಮರ‍್ಯಾಹುಯಾಮಾಥು ಉಠಾಡಿನ್ ಇನ ಮಹಿಮೆ ದಿದಾಹುಯಾ ದೇವ್‌ಮ ತುಮೆ ಇನೇಥಿ ವಿಶ್ವಾಸ್ ಕರಾವಾಳ ಹುಯಿರ‍್ಹಾಸ್. ಅಮ್‍ರ‍್ಹವಾಪರ್ ತುಮಾರಿ ವಿಶ್ವಾಸ್‍ಬಿ ಟಿವಾವ್ಣಿಬಿ ದೇವ್‍ಮಾಸ್‍ ಭೀಯುಸ್.

1 ಪೇತ್ರ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ಬಾಬಿ ದೇವ್‌ಬಿ ಹುಯಿರ‍್ಹವಾಳನ ಧನ್ಯವಾದ್ ಹುವಾದೆ! ಶನಕತೊ ಯೋ ಯೇಸು ಕ್ರಿಸ್ತನ ಮರ‍್ಯಾಹುಯಾಮಾಥು ಜಿವ್ತೊಕರಿನ್, ಇನಿ ಮೋಟಿ ಗೋರ್‌ಥೀಸ್ ಅಪ್ಣುನ ನವೊ ಜ಼ಲಮ್ ಅಜು಼ ಜಾನ್ನ ಭರೋಖ್ಹಾನ ದಿರಾಖ್ಯೊಸ್.

1 ಪೇತ್ರ 2:21

ಅನಖ್ಹಾಜೆಸ್ ತುಮೆ ಬುಲೈರ‍್ಹಾಸ್ತೆ.ಕ್ರಿಸ್ತ ಜಿನುಬಿ ತುಮಾರಖ್ಹಾಜೆ ಖ್ಹತಾಪ್ಣಿಪಡಿನ್, ತುಮೆ ಇನ ಖೋಜ಼್‌ನಿ ಖ್ಹಣೇದ್‍ಮ ಚಾ಼ಲ್‌ನುಕರಿ ತುಮುನ ಏಕ್‌ ಸಾಕ್ಷಿನ ವತಾಳಿನ್ ಜೈರ‍್ಹೊಸ್.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

2 ಪೇತ್ರ 3:12

ದೇವ್ನ ಯೋ ದನ್ನ ಮ್ಹೋರೆ ದೇಕ್‍ತುಹುಯಿನ್‍ ಯೋ ಒಗ್ಗಿಸ್ ಆವಾದೆ ಕರಿ ಆಖ್ಹ್ ಕರ್ತರ‍್ಹೇವೊ. ಯೋ ದನ್ಮ ಆಕಾಶ್‌ನೊ ಗೋಳೊ ಆಗ್‌ಥಿ ನಾಶ್‌ಹುಯಿಜಾ಼ಶೆ; ಚಾ಼ಂದ್, ಚ಼ಂದರ್‌ಮೊ, ತಾರೊ, ಅಜು಼ ಗ್ರಹಖ್ಹಾರು ಘಣ ಅಂಚ಼್‌ಥಿ ಪಿಗ್‌ಳಿಜಾ಼ಶೆ.

2 ಪೇತ್ರ 3:14

ಅನಖ್ಹಾಜೆಸ್ ಪ್ಯಾರ್‌ನ ದೋಸ್ತಿವೊ ತುಮೆ ಆಖ್ಹಾರನ ಮ್ಹೋರೆ ದೇಖವಾಳ ಹುಯಿರ‍್ಹಾಸ್ತೆ ಇನಖ್ಹಾಜೆ ತುಮೆ ದೇವ್‌ಮ ಸಮಾಧಾನ್‌ಥಿಬಿ, ಪರಿಶುದ್ದಬಿ ನಿರ್ದೋಷಿಬಿ ಹುಯಿನ್ ದೆಖಾವನ ಕೋಶಿಶ್ ಕರೊ.

ಪ್ರಕಾಶಿತ್ 1:18

ಕೆದೇಬಿ ಜಿವ್ತುರ‍್ಹವಾಳೊ ಹುಯಿರೊಸ್,ಮರ‍್ಯೊಹುಯೊಥೊ.ಕತೋಬಿ ದೇಕ್ ಜ಼ಗ್‌ಜ಼ಮಾನಮಾಬಿ ಜಿವ್ತು ರ‍್ಹವಾಳೊ ಹುಯಿರೊಸ್. ಮರಣ್ ಅಜು಼ ಪಾತಾಳ್ನ ಬೀಗಾನು ಕೀಲಿ ಮಾರಕನ ಛಾ಼.

ಪ್ರಕಾಶಿತ್ 1:7

“ದೇಖೊ ಯೋ ವಾದ್‍ಳಾನ ಜೋ಼ಡೆ ಆವಾಳೊ ಹುಯಿರೊಸ್, ಹರೇಕ್ನೊ ಡೋಳೊ ಇನ ದೇಕ್‍ಷೆ ಇನ ಭೋಕ್ಯುಹುಯುಬಿ ಇನ ದೇಕ್‍ಷೆ” ಆ ಜಗತ್‌ನು ಅಖ್ಖು ಖೂಮ್‌ವಾಳು ಅಂದ್ರೋಖ್ಹ್‌ ಕರ್ಶೆ. ಒಹೊ ಇಮ್ಮಸ್ ಉಷೆ ಆಮೆನ್.