1 ಪೇತ್ರ 5:2 - ದೇವ್ನಿ ಖ್ಹಾಚಿ ವಚನ್

² ತುಮುನ ದೆವೈರ‍್ಹೂಸ್ತೆ ದೇವ್ನ ಮಂಧಾನ ಕಾವ್ಲಿಕರೊ. ಜು಼ಲಮ್‌ಥಿ ಕಾಹೆ ದೇವ್ನಿ ಮರ್ಜಿನಿತರ ಪಸಂದ್‍ನಿ ಘೋಣಿ, ರಪ್ಯಾನಿ ಖರಾಬ್ ಆಖ್ಹ್‌ಥಿ ಕಾಹೆ ಖ್ಹಾಚ ದಿಲ್‌ಥಿ ಕಾವ್ಲಿಕರೊ.

1 ಪೇತ್ರ 5:2 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:32

“ನ್ಹಾನಿ ಝೂ಼ಂಡ್‌, ಡರ್‌ನಕೊ; ಯೋ ರಾಜ್ಯನ ತುಮೂನ ದ್ಯವಾನ ತುಮಾರೊ ಬಾನ ಖ್ಹುಶಿ ಛಾ಼.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:29

ಮೇ ಚ಼ಲ್ಯೊಜಾ಼ವದೀನ್ ಖರಾಬ್ ಜ಼ರಕ್‌ಖ್ಹಾರು ತುಮಾರಕನ ಆವ್‍ಶೆಕರಿ ಮನ ಮಾಲುಮ್. ಯೊ ಮಂಧಾನ ಗೋರ್‌ ಕರ್ಶೆಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:13

ಇನಖ್ಹಾಜೆ ಪೌಲನೆ, “ತುಮೆ ಆಂಝು಼ನಾಖಿನ್ ತುಮೆ ಶನ ಮಾರು ದಿಲ್‌ತೋಡಾವೊಸ್? ಮೆ ಯೇಸುನ ನಾಮ್ನಖ್ಹಾಜೆ ಯೆರೂಸಲೇಮ್ಮ ಭಂದಿಹುವಾನು ಕಾಹೆತೆ ಪ್ರಭುನಖ್ಹಾಜೆ ಮರನಾಬಿ ತಯಾರ್ ಛೂ಼” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:15

ಅಮ್‍ಛಾ಼ತೆ ಇನಾಖ್ಹಾಜೆ ರೋಮ್ ಖ್ಹಯೇರ್‌ಮ ಛಾ಼ತೆ ತುಮೂನಾಬಿ ಸುವಾರ್ತೆ ಬೋಲಾನ ಮೇ ಹುಮ್ಮಖ್ಹ್‌ಥಿ ತಯಾರ್ ಹುಯಿರ‍್ಹೋಸ್.

1 ಕೊರಿಂಥ 9:7

ಖಿವು ಶಿಪಾಯಿಬಿ ಇನು ಶೊಂತ್ ಖರ್ಚ್‌ಥಿ ಚಾ಼ಕ್ರಿ ಕರ್ಶೆಕಿ ಶು? ದ್ರಾಕ್ಷಿನಬಾಗ್‌ನ ಪಿಕಾವವಾಳೊ ಇನುಫಲ್ ಖಾಯಿಕೊಂತೆ ರ‍್ಹಿಶೆಕಿಶು? ಇನ ಮಂಧಾನ ಪಾಳವಾಳೊ ಖೇವೊರ‍್ಹೇವೊ ಇನು ದೂದ್ನ ಪಿಯಾಕೊಂತೆ ರ‍್ಹಿಶೆ?

1 ತಿಮೊ 3:3

ಯೋ ಪೀನ್ ಲಡೈ ಕರಾವಾಳೊ ನಾ ಹುಯಿರ‍್ಹೇಣು, ನತರ್‌ಕಿ ಮಾರ್‌ತೋಡ್ ಕರಾವಾಳೊಸ್ಕಿ ನಾ ಹುಯಿರ‍್ಹೇಣು, ಕತೋಬಿ ಯೋ ಶೇದೇವ್‌ನಿಘೋಣಿ ಅಜು಼ ಸಮಾಧಾನ್‌ಥಿ ರ‍್ಹೇಣು; ಇನ ಪೈಶಾನಿ ಲಾಲಚ್‌ ನಾ ರ‍್ಹೇಣು.

1 ತಿಮೊ 3:8

ಇಮ್ಮಸ್ ಸಬೇಮ ಸೇವಕ್‌ರಾವಾಳೂಬಿ ಮರ್ಯಾದಿ ಲೀಲ್ಯಾವನ ಯೋಗ್ಯ ಹುಯಿರ‍್ಹೇಣು. ಅಜು಼ ಇವ್ಣೆ ಬೇಜೀಬ್‌ವಾಳು. ಇವ್ಣೆ ಪಿಯಾವಾಳುಸ್ಕಿ ಅಜು಼ ಪೈಶಾನಿ ಲಾಲಚ್‌ಮ ನಾ ರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:11

ಇವ್ಣ ಫಾಯಿದಾನಖ್ಹಾಜೆ ಬೋಲ್ನುನಾತೆ ವಚನ್ನ ಬೋಲಿದೀನ್‌, ಹಿಡಿ ಕುಟುಂಬ್‌ನಾಸ್ ನಾಶ್ ಕರುಕರಸ್. ಅನಖ್ಹಾಜೆಸ್ ಇವ್ಣು ಮ್ಹೋಡು ಮೂಚಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:7

ಶನಕತೊ ಸಬೇನೊ ಗಲ್‌ಢೊ ದೇವ್ನಕಾಮ್‌ನು ಇಶಾಬ್‌ದ್ಯವಾಳೊ ಹುಯಿರ‍್ಹೋಸ್ತೆ ಇನಖ್ಹಾಜೆ, ಯೋ ಗಲ್ತಿಕೊಂತೆ ಅದ್ಮಿ ಹುಯಿರ‍್ಹೇಣು, ಛೇಡಾವವಾಳೋಬಿ, ವಗ್ಗಿಸ್‌ಮ ಖೀಜ಼್ ಕರವಾಳೊ ರ‍್ಹವೊ, ಪಿಯವಾಳೊರ‍್ಹವೊ, ಪೈಶಾನಿ ಲಾಲಚ್‌ರ‍್ಹವಾಳೊ, ಲಡಂತು ರ‍್ಹವೊ ನಾ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:1

ಖಾನೂಲ್‌ ಚ಼ಲಾವವಾಳಾನಿ ಅಜು಼ ಅದಿಕಾರಿ ಖ್ಹಾರಾನಿ ವಾತೇನ ಖ್ಹಮಜ಼್‌ಣು ಕರಿ ಅಜು಼ ಖ್ಹಾರೂಸ್ ಅಛ಼್ಛುಕಾಮ್ ಕರಾನ ತೈಯಾರ್ ರ‍್ಹೇಣು ಕರಿ ತಾರ ಅದ್ಮಿ ಖ್ಹಾರಾನ ಯಾದ್ ದೆವಾಡ್.

ಫಿಲೆಮೋನ 1:14

ಕತೋಬಿ ತಾರಿ ವಾತ್‍ಕೊಂತೆ ಶಾತ್ ಕರಾನಬಿ ಮನ ಆಖ್ಹ್‌ಕೊಯ್ನಿ. ‍ಶನಕತೊ ತಾರು ಅಛ಼್ಛುಕಾಮ್ ಶೊಂತ್ ಖ್ಹೂಜ಼್‍ಥಿ ಕರ್ನುಪಣ್ಕಿ ಜು಼ಲಮ್‌ಥಿ ಕರಾನು ನಾ ಹುಯಿರ‍್ಹೇಣು.

ಇಬ್ರಿ 12:15

ತುಮಾರಮ ಕೋಣ್‌ಬಿ ದೇವ್ನಿ ವಾರ್‌ಖ್ಹೇಥಿ ಛು಼ಕಿನ್ ನಾಜಾ಼ವ್ಣುತೇಬಿ, ಖಿವು ಕಡಿಹುಯಿರೀತೆ ಜ಼ಡ್‌ ಕುಡಿಪಾಡಿನ್ ಅಸಮಧಾನ್‌ ಕರೀನ್ ಕೈಏಕ್ ಜ಼ಣಾನ ಮೈಲು ನಾಕರ‍್ನುತೆ ದೇಖಿಲೆವೊ.

2 ಪೇತ್ರ 2:3

ಇವ್ಣೆ ಪೈಶಾನಿ ಲಾಲ್‍ಛಿವಾಳು ಹುಯಿರ‍್ಹಿನ್, ಬಣೈಹುಯ್ ಖೇಣಿನ ಬೋಲ್ತುಹುಯಿನ್‌, ತುಮಾರೇಥಿ ನಫ್ಫೊ ಕರಿಲ್ಯಾವಾಳು ಹುಯಿರ‍್ಹಿಶೆ.ಇನಖ್ಹಾಜೆ ಘಣಾದನ್‍ಥು ಇವ್ಣುನ ಛಾ಼ತೆ ನಿಶತ್ನು ತೀರ್ಪ್ ಇವ್ಣುನ ಟಿವೈರ‍್ಹುಸ್. ಇವ್ಣುನ ಆವನಿ ನಾಶನ ಇವ್ಣೇಥಿ ಛು಼ಕಿಜಾ಼ಶೇಸ್ ಕೊಯ್ನಿ.