1 ಪೇತ್ರ 5:12 - ದೇವ್ನಿ ಖ್ಹಾಚಿ ವಚನ್

¹² ಮೇ ತುಮೂನ ಹುಮ್ಮಖ್ಹ್ ದೆವಾನಾಬಿ ಅಜು಼ ದೇವ್ನಿ ಖ್ಹಾಚಿಕೃಪೆ ಕರಿ ಸಾಕ್ಷಿ ಬೋಲಾನಾಬಿ ಮೇ ನ್ಹಾನೇಥಿ ಚಿಟ್ಟಿ ಲೀಖಿನ್, ವಿಶ್ವಾಸ್‌ನೊ ಭೈಕರಿ ಗಣ್ತಿಕರಿರಾಖ್ಯೊತೆ ಸಿಲ್ವಾನನ ಹಾತ್‌ಮ ಮೋಕ್ಲಿರಾಖ್ಯೊಸ್. ಆ ಖ್ಹಾಚಿ ಕೃಪೆಥಿ ಭೀರೆವೊ.

1 ಪೇತ್ರ 5:12 Iomraidhean Croise

ಯೋಹಾನ 21:21

ಯೋ ಶಿಷ್ಯನ ದೇಖಿನ್‌, ಪೇತ್ರನೆ ಯೇಸುನ, “ಪ್ರಭು ಅನಿ ಬಾರೇಮ ಶಾತ್‌?” ಕರಿ ಪುಛಾ಼ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:23

ಬಾರ್ನಬ ಅಂತಿಯೋಕ್ಯನ ಪೋಚಾ಼ನಿವಖ್ಹತೆ ದೇವ್ನ ಅದ್ಮಿವೋನ ವಿಶ್ವಾಸ್ ಭಡಾವ್ತೊ ಹುಯಿನ್ ಪ್ರಭುಮ ಹುಮ್ಮಖ್ಹ್‌ ಕರಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:22

ತದೆ ಅಪೊಸ್ತಲರ್‌ಬಿ ಸಬೆನ ಗಲ್‌ಢಖ್ಹಾರಾಬಿ ಬಿಜು಼ ಸಬೇನು ಖ್ಹಾರೂಸ್, ಪೌಲ ಬಾರ್ನಬನಿ ಜೋ಼ಡೆ ಇವ್ಣಮಾಥುಸ್ ಥೋಡುಅದ್ಮಿನ ಚೂ಼ಣಿನ್ ಅಂತಿಯೋಕ್ಯ ಖ್ಹಯೇರ‍್ನ ಮೋಕಲ್ನುಕರಿ ತೀರ್ಮಾನ್ ಕರ‍್ಯು. ಇನಖ್ಹಾಜೆ ಬಾರ್ಸಬ ಕರಿ ಬೋಲೈರ‍್ಹೋತೆ ಯೂದನಾಬಿ, ಸೀಲನಾಬಿ ಚೂ಼ಣಿನ್,ಯೋ ಖ್ಹಾರಾನ ಮುಖ್ಯಖ್ಹಾರು ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:24

ಮೇ ಮಾರ ಶೊಂತ್ ಜಾನ್ನಿ ಬಾರೇಮ ಸೋಚುಕೊಯ್ನಿ. ಪ್ರಭು ಹುಯಿರ‍್ಹೋತೆ ಯೇಸುನೆ ಮನ ದೀರಾಖ್ಯೋತೆ ಕಾಮ್ನ ಪೂರ ಕರಾನುಸ್ ಮನ ಖ್ಹಾರೇಥಿ ಮುಖ್ಯ. ಯೊ ದೇವ್ನು ವಾರ್‌ಖ್ಹಾನಿ ಬಾರೇಮಾನಿ ಸುವಾರ್ತೆನ ಸಾಕ್ಷಿನು ಕಾಮ್ ಹುಯಿರ‍್ಹೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:2

ಇನೆ ಅಪ್ಣುನ ವಿಶ್ವಾಸ್‍ಥಿ ದೇವ್ನಿ ಕೃಪೆನ ಆಖ್ಹ್‌ರಾಮ ಲಾಯೊ. ಹಮ್ಕೆ ಅಪ್ಣೆ ಇನಮಹಿ ಜಿವುಕರಿಯೇಸ್. ಇನಖ್ಹಾಜೆ ದೇವ್ನಿ ಮಹಿಮೆಮ ಅಪ್ಣೆ ಭಾಗ್‍ಹುಯಿರ‍್ಹಾಸ್‍ಕರಿ ನಂಬಿನ್ ಇನಮಹಿ ಅಪ್ಣೆ ಹುಮ್ಮಖ್ಹ್‌ ಲಿಯೇಸ್.

1 ಕೊರಿಂಥ 15:1

ಭೈಯೇ ಭೇನೆವೊ, ಮೇ ತುಮೂನ ಬೋಲ್ಯೊತೆ ಸುವಾರ್ತೆನ ಹಮ್ಕೆ ತುಮಾರಿ ಯಾದ್ಮ ಲ್ಯವೂಸ್, ಖ್ಹಮ್‌ಜಾ಼ಡುಸ್. ತುಮೆ ಇನ ಮಾನಿಲಿದ. ಇನಾಮ ಭಿಯಾಸ್‌.

2 ಕೊರಿಂಥ 1:19

ಶನಕತೊ ಸಿಲ್ವಾನಾಬಿ, ತಿಮೊಥೆಬಿ ಬಿಜು಼ ಮೇ ತುಮುನ ಬೋಧನೆ ಕರ‍್ಯೊತೆ ದೇವ್‌ನೊ ಛಿಯ್ಯೊಹುಯಿರ‍್ಹೊತೊ ಯೇಸುಕ್ರಿಸ್ತ ಓಹೊ ಕರಿಬಿ ಕೊಯ್ನಿಕರಿಬಿ ಬೇ ತರ ಕೋಥೂನಿ. ಕ್ರಿಸ್ತಮ ಕದೇಬಿ ರ‍್ಹೇಸ್ತೆ “ಓಹೊ” ಕರೀಸ್.

2 ಕೊರಿಂಥ 1:24

ತುಮಾರಿ ವಿಶ್ವಾಸ್‌ನ ಕಬ್‌ಜಾ಼ಮ ರಾಖಾನ ಹಮೆ ಕೋಶಿಶ್ ಕರುಕರೇಸ್ ಕರಿ ಮೇ ಬೋಲುಕರುಕೊಯ್ನಿ. ತುಮೆ ವಿಶ್ವಾಸ್‌ಮ ಘಟ್‍ಛಾ಼ ಕತೋಬಿ ಹಮೆ ತುಮಾರಿ ಖ್ಹುಶಿನಖ್ಹಾಜೆ ತುಮಾರಿ ಜೋ಼ಡ್ಮಕಾಮ್‍ ಕರಾವಾಳ ಹುಯಿರ‍್ಹಾಸ್.

ಎಫೆಸ 3:3

ದೇವ್ನೆ ಇನ ದಿಲ್ನ ಮಾಯ್ನನ ಬೋಲಿದಿದೊ. ಅನಿಬಾರೇಮ ಮೆ ಪಹಿಲೆಸ್ ತುಮುನ ಥೋಡಿ ವಾತೆಥಿ ಲೀಖಿನ್ ಮೋಕ್ಲಿರಾಖ್ಯೊಸ್.

ಎಫೆಸ 6:21

ಮಾರಿ ಬಾರೇಮ ಮಾರು ಕಾಮ್ ಖ್ಹಾರು ತುಮುನ ಮಾಲುಮ್ ಹೋಣುಕರಿ ಪ್ಯಾರ್‌ನೊ ಭೈಬಿ ಪ್ರಭುಮ ವಿಶ್ವಾಸ್‌ವಾಳೊ ಸೇವೆಮ ಛಾ಼ತೆ ತುಖಿಕ ತುಮುನ ಅಖ್ಖು ಬೋಲಿದಿಶೆ.

ಕೊಲೊಸ್ಸೆ 1:7

ಅನ ತುಮೆ ಹಮಾರ ಜೋ಼ಡ್ಮ ಪ್ಯಾರ್‌ನೊ ಸೇವಕ್ ಹುಯಿರ‍್ಹೋತೆ ಎಪಫ್ರಥಿ ಶಿಕಿಲಿದ. ಯೋ ತುಮಾರ ಖ್ಹಾಜೆ ಕ್ರಿಸ್ತನೊ ವಿಶ್ವಾಸ್‌ವಾಳೊ ಸೇವಕ್ ಹುಯಿರ‍್ಹೋಸ್.

ಕೊಲೊಸ್ಸೆ 4:7

ಪ್ಯಾರ್‌ನೊ ಭೈಬಿ ವಿಶ್ವಾಸ್‌ನೊ ಸೇವಕ್‌ಬಿ ಅಜು಼ ಪ್ರಭುನಿ ಸೇವೆಮ ಛಾ಼ತೆ ತುಖಿಕ ಮಾರಿ ಬಾರೇನಿ ವಾತೆಖ್ಹಾರಿ ತುಮುನ ಖ್ಹಮ್‍ಜಾ಼ಡ್‍ಶೆ.

ಕೊಲೊಸ್ಸೆ 4:9

ತುಮಾರಮ ವಿಶ್ವಾಸ್‌ವಾಳೊ ಅಜು಼ ಲಾಡ್‌ನೊ ಭೈ ಓನೇಸಿಮನಿ ಜೋ಼ಡ್ಮ ಇನ ಮೇ ಮೋಕ್ಲಿರಾಖ್ಯೊಸ್. ಇವ್ಣೆ ಹಜ಼್ಜ ಚಾ಼ಲುಕರಾತೆ ವಾತೆಖ್ಹಾರಿ ಖ್ಹಮ್‍ಜಾ಼ಡ್‍ಶೆ.

1 ಥೆಸ 1:1

ಬಾ ದೇವ್‍ಮಾಬಿ ಅಜು಼ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತಮಾಬಿ ಛಾ಼ತೆ ಥೆಸಲೋನಿಕ ಸಬೆನ ಅದ್ಮಿವೋನ ಪೌಲ, ಸಿಲ್ವಾನಾಬಿ ಅಜು಼ ತಿಮೊಥೆ ಹುಯಿರ‍್ಹಾತೆ ಹಮೆ,ಲೀಖಾನು ಶಾತ್‍ಕತೊ ತುಮೂನ ವಾರ್‌ಖ್ಹೊಬಿ ಅಜು಼ ಶಾಂತಿ ಮಳಾದೆ.

2 ಥೆಸ 1:1

ಅಪ್ಣೊ ಬಾ ಹುಯಿರ‍್ಹೋತೆ ದೇವ್‌ಮ ಅಜು಼ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತಮ ಛಾ಼ತೆ ಥೆಸಲೋನಿಕ ಸಬೆನ, ಪೌಲ, ಸಿಲ್ವಾನ ಅಜು಼ ತಿಮೊಥೆ ಕರಿ ಹಮೆ ಲೀಖುಕರೇಸ್ತೆ ಶಾತ್‌ಕತೊ,

ಇಬ್ರಿ 13:22

ಭೈಯೇ ಭೇನೇವೊ ಆ ಅಕ್ಕಲ್‌ನಿ ವಾತೇನ ಖ್ಹಮಾಳಿ ರ‍್ಹೇವ್ಣುಕರಿ ಹುಮ್ಮಖ್ಹ್‌ ದ್ಯವಾನ ತುಮುನ ಗಿಂಗೈಲೆವುಕರುಸ್. ಶನಕತೊ ತುಮುನ ಲೀಖಾಯುತೆ ಆ ಚಿಟ್ಟಿ ಘಣು ಕೊಯ್ನಿ.

1 ಪೇತ್ರ 1:13

ಇನಾಖ್ಹಾಜೆ ತುಮೆ ತುಮಾರ ದಿಲ್ನ ಘಟ್‍ಕರಿಲೀನ್, ಅಛ್ಛಿ ಸೋಚ್‌ವಾಳ ಹುಯಿರ‍್ಹಿನ್, ಯೇಸು ಕ್ರಿಸ್ತ ಆವಾನಿ ವಖ್ಹ್‌ತೆ ತುಮುನ ಮಳ್‌ಶೇತೆ ವಾರ್‌ಖ್ಹಾನ ಉಪ್ಪರ್ ತುಮಾರಿ ಪೂರ ಭರೋಖ್ಹೊ ರ‍್ಹವಾದೆ.

1 ಪೇತ್ರ 4:10

ತುಮೆ ಅಖ್ಖು ದೇವ್ನಿ ಅಲಕ್ ಅಲಕ್ ವರಾನಿ ಬಾರೇಮ ಅಛ್ಛೊ಼ ಸೇವಕ್‌ಹುಯಿನ್ ಹರೇಕ್‍ಜ಼ಣು ಇವ್ಣೆ ಲಿದಾತೆ ವಾರ್‌ಖ್ಹಾನಿ ವರಾನ ಅಖ್ಖಾಸ್ನಿ ಸೇವೆನಖ್ಹಾಜೆ ಉಪಯೋಗ್ ಕರಿಲ್ಯವಾದೆ.

2 ಪೇತ್ರ 1:12

ಇನಖ್ಹಾಜೇಸ್, ತುಮೆ ಆ ಖ್ಹಾರಿ ಬಾರೇಮ ಮಾಲುಮ್‌ ಕರಿಲೀನ್, ತುಮೂನ ಮಳಿರ‍್ಹೀತೆ ಖ್ಹಾಚಿಮ ಘಟ್ ರ‍್ಹಯಾತೋಬಿ, ಮೇ ಯೋ ಖ್ಹಾರಾನ ತುಮೂನ ಹಮೇಶ ಕದೇಬಿ ಯಾದ್ ದೆವಾಡ್ತೊ ರ‍್ಹೀಶ್.

2 ಪೇತ್ರ 2:15

ಅವ್ಣೆ ಅಛ಼್ಛ ಮಾರಗ್‌ನ ಮ್ಹೇಲಿನ್, ವಾಟ್‌ ಭೈಕಿಹುಯು ಅಜು಼ ಬೆಯೋರಾನೊ ಛಿಯ್ಯೊ ಬಿಳಾಮಾನೊ ಮಾರಗ್‌ನ ಧರೀಹುಯು ಹುಯಿರ‍್ಹುಸ್, ಆ ಬಿಳಾಮ ಖರಾಬ್ ಕಾಮ್‍ಥಿ ಮಳಾತೆ ಶಂಬ್‍ಳನ ಪ್ಯಾರ್‌ಕರ‍್ಯೊ.

3 ಯೋಹಾ 1:12

ದೆಮೇತ್ರಿಯನಿ ಬಾರೇಮ ಅಖ್ಖುಜ಼ಣು ಅಛ್ಛೊ಼ಸ್‌ಕರಿ ಬೋಲಸ್. ಸಾಕ್ಷಿಬಿ ಲೀರಾಖ್ಯೊಸ್. ಎತ್ರೇಸ್‌ಕೊಂತೆ ಹಮೆ ಇನಿ ಬಾರೇಮ ಸಾಕ್ಷಿ ಬೋಲ್‍ಯೇಸ್; ಹಮಾರಿ ಸಾಕ್ಷಿ ಖ್ಹಾಚು಼ಕರಿ ತುನ ಮಾಲುಮ್ ಛಾ಼.

ಯೂದನೆ ಲೀಖ್ಯೋತೆ ಚಿಟ್ಟಿ 1:3

ಮಾರ ಪ್ಯಾರ್‌ವಾಳ, ಅಪ್ಣೆ ಲೀರಾಖ್ಯಾತೆ ರಕ್ಷಣೇನಿ ಬಾರೇಮ ತುಮೂನ ಲಿಖಾನ ಪೂರ ಆಖ್ಹ್‌ಥಿ ಕೋಶಿಶ್ ಕರಾನಿ ವೇಳ್ಮ, ದೇವ್ನ ಅದ್ಮಿವೋನ ಹರ್‌ಹಮೇಶ ರ‍್ಹವಾನಿಘೋಣಿ ಎಕ್ಕಸ್‍ಹಲ್ಲ ದೆವೈರ‍್ಹೀತೆ ಭರೋಖ್ಹಾನ ಬಚಾ಼ಡಿಲ್ಯವಾನಖ್ಹಾಜೆ, ತುಮೆ ಕರ್ತರ‍್ಹೇಣುಕರಿ ಝೇತೈನ್ ಲೀಖಾನು ಅಛ್ಛು಼ಕರಿ ಮನ ಬೋಲಾಯು.