1 ಪೇತ್ರ 3:9 - ದೇವ್ನಿ ಖ್ಹಾಚಿ ವಚನ್

⁹ ಖರಾಬ್‌ನ ಖರಾಬ್, ಚಾ಼ವ್‍ಣ್ಯನ ಚಾ಼ವ್‌ಣ್ಯ ನಾಕರ‍್ನುತೆ ಆಶೀರ್ವಾದ್‌ ಕರೊ ಅನಖ್ಹಾಜೆಸ್ ದೇವ್ನೆ ತುಮುನ ಬುಲೈರಾಖ್ಯೋಸ್ನಿ. ಅಮ್ ಕರಾವಾಳ ಹುಯಿರ‍್ಹಾತೊ ತುಮೆ ಆಶೀರ್ವಾದ್‌ನ ಹಕ್‌ಥಿ ಲೀಲಿಶು.

1 ಪೇತ್ರ 3:9 Iomraidhean Croise

ಮತ್ತಾಯ 19:29

ಅಜು಼ ಮಾರ ನಾಮ್‍ಪರ್ ಘರ್‌ನರ‍್ಹೆವೊ, ಭೈಯೇನ ರ‍್ಹವೊ, ಭೇನೇನ ರ‍್ಹವೊ, ಬಾನ ರ‍್ಹವೊ, ಆಯಾನ ರ‍್ಹವೊ, ಲಡ್ಕಾವ್ನ ರ‍್ಹವೊ, ಖೇತರ್‌ನ ರ‍್ಹವೊ ಮ್ಹೇಲಿದಿದೂತೆ ಹರೇಕ್ನ ಖ್ಹೋ ಪಟ್ ಜಾ಼ಖ್ಹತ್ ಮಳ್‌ಶೆ ಅಜು಼ ಹರ್‌ಹಮೇಶಾನಿ ಜಿ಼ಂದ್‌ಗೀಬಿ ಮಳ್‌ಶೆ.

ಮತ್ತಾಯ 25:34

ತದೆ ರಾಜಾ಼ ಇನಿ ಖಾವಿ ಬಾಜೂ಼ಮ ಭಿಯುತೆ ಅದ್ಮಿ ಖ್ಹಾರಾನ, ‘ಮಾರ ಬಾನೆ ಆಶೀರ್ವಾದ್‌ ಕರ‍್ಯೊತೆ ತುಮೆ ಆವೊ, ಜಗತ್‌ ಉಬ್‌ಜ್ಯುತೆ ತಪ್‌ಥು ತುಮಾರಖ್ಹಾಜೆ ತೈಯಾರ್ ಹುಯಿರ‍್ಹೂತೆ ರಾಜ್ಯನ ಅಲ್ಲೇವೊ.

ಮತ್ತಾಯ 5:39

ಕತೋಬಿ ಮೇ ತುಮೂನ ಬೋಲಾನು ಶಾತ್‍ಕತೊ, ಕೋಣ್‌ತೋಬಿ ತುನ ಖರಾಬ್ ಕರ‍್ಯುತೊ, ಯೋ ಅದ್ಮಿನ ಬದ್‌ಲಾ ನಕೊ ಲೀಶ್‌. ಕೋಣ್‌ತೋಬಿ ಏಕ್‌ಜ಼ಣು ತಾರ ಖಾವಕಲ್ಲಪರ್ ಮಾರ‍್ಯುತೊ, ಇನ ಬಿಜೇಕ್ ಕಲ್ಲು ವತಾಳ್.

ಮತ್ತಾಯ 5:44

ಕತೋಬಿ ಮೇ ತುಮೂನ ಬೋಲಾನು ಶಾತ್‌ಕತೊ, ತುಮಾರ ದುಶ್‌ಮನ್ನ ಪ್ಯಾರ್ ಕರೊ; ತುಮೂನ ಖ್ಹತಾವವಾಳನಟೇಕೆ ದೇವ್ನ ಪ್ರಾರ್ಥನೆ ಕರೊ.

ಮಾರ್ಕ 10:17

ಯೇಸು ನಿಕ್ಳಿನ್‌ ವಾಟ್‌ ಧರೀನ್ ಜಾ಼ವಾನಿ ವಖ್ಹತ್‌ಮ, ಏಕ್‌ ಜ಼ಣೊ ನಾಖ್ಹ್‌ತೊ ಐನ್, ಇನ ಖ್ಹಾಮೆ ಗುಡ್‍ಘ್ಯ ಟೇಕಿನ್, “ಅಛ್ಛೊ಼ ಗುರು, ಹಮೇಶಾನಿ ಜಿ಼ಂದ್‌ಗಿ ಮಳ್‌ಣುಕತೊ, ಮೇ ಶಾತ್‌ ಕರ‍್ನು?” ಕರಿ ಫುಛಾ಼ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:25

ತದೆ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ ಏಕ್‌ ಜ಼ಣು ಉಠಿ ಐನ್, ಯೇಸುನ ಖ್ಹಪ್‌ಡಾವ್ಣು ಕರಿ, “ಗುರು, ಹಮೇಶಾನಿ ಜಿ಼ಂದ್‌ಗಿ ಮಳ್‌ಣುಕತೊ ಮೇ ಶಾತ್‌ ಕರ‍್ನು? ಕರಿ ಯೇಸುನ ಫುಛಾ಼ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:18

ಯೆಹೂದ್ಯರ್‌ನೊ ಏಕ್‌ ಅದಿಕಾರಿ ಯೇಸುನ, “ಅಛ್ಛೊ಼ ಗುರು, ಹಮೇಶಾನಿ ಜಿ಼ಂದ್‌ಗಿ ಮನ ಮಳ್‌ಣುಕತೊ, ಮೇ ಶಾತ್‌ ಕರ‍್ನು? ಕರಿ ಪುಛಾ಼ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:14

ತುಮೂನ ಖ್ಹತಾವವಾಳನ,ದೇವ್‌ಕನ ಆಶೀರ್ವಾದ್‌ ಕರೊ ಶಾಪ್ ನಕೊದೆವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:17

ಏಕ್‌ ಹಲ್ಲ ಕೋಣ್ ತೋಬಿ ತುಮಾರ ಜೋ಼ಡೆ ಖರಾಬ್ ಚಾ಼ಲ್‌ಥಿ ಚಾ಼ಲಿಲಿದುತೊ ಬದಲ್ ಖರಾಬ್ ನಕೊಕರೊ. ಖ್ಹಾರಾನಿ ನಜ಼ರ್‌ಮಾಬಿ ಮರ್ಯಾದಿಥಿ ಶಾತ್‌ ಛಾ಼ಕಿ ಇನಾಸ್ ಕರೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:28

ಕೋಣ್ ಇನ ಪ್ಯಾರ್ ಕರಾಸ್ಕಿ ಅಜು಼ ಕಿನ ದೇವ್ನಿ ಖ್ಹೂಜ಼್‌ನಿ ಪರಕ್‍ಥಿ ಬುಲಾಯಹುಯಾತೆ ಇವ್ಣಾಮ ಖ್ಹಾರಿಬಾರೇಮ ಅಛ್ಛಾ಼ ಕಾಮ್ನಸ್ ಕರಸ್‍ಕರಿ ಅಪ್ಣುನ ಮಾಲುಮ್ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:30

ಕತೋಬಿ ಯೋ ಪಹಿಲೆ ಕಿನ ಚೂ಼ಣ್ಯೊಕಿ ಇವ್ಣುನ ಬುಲಾಯೊ; ಕಿನ ಬುಲಾಯೋಕಿ ಇವ್ಣುನ ನೀತಿವಾಳಕರಿ ಬಣಾಯೊ; ಕಿನ ನೀತಿವಾಳುಕರಿ ಬಣಾಯೋಕಿ ಇವ್ಣುನ ಮಹಿಮೆಮ ಭಾಗ್‌ ದಿದೊ.

ಗಲಾತ್ಯ 3:14

ಅನೇಥಿ ಅಬ್ರಹಾಮ್‌ನ ಹುಯೂತೆ ಆಶೀರ್ವಾದ್‌ ಯೇಸುಥಿ ಯೆಹೂದ್ಯರ್‌ಕಾಹೆತೆ ಅದ್ಮಿವ್‌ನ ಮಳಾನಿಘೊಣಿ ಹೋಣುಕರಿ ಅಮ್ ವಿಶ್ವಾಸ್‌ನಿ ಬಾರೇಥಿ ದೇವ್‍ಥಿ ವಾಗ್ದಾನ್ ಹುಯೂತೆ ಪವಿತ್ರಾತ್ಮ ಅಪ್ಣುನ ಮಳಾನಿತರ ಹುಯು.

ಎಫೆಸ 4:32

ಇನ ಬದಲ್ ಏಕ್‌ಥಿಏಕ್ ದಯಕರವಾಳಬಿ, ಗೋರ್‌ ಕರವಾಳಬಿ ಹುಯಿ‍ರ‍್ಹೆವೊ. ದೇವ್ನೆ ತುಮುನ ಕ್ರಿಸ್ತಮ ಮಾಪ್ ಕರ‍್ಯೊತೆ ಇಮ್ಮಸ್ ತುಮೇಬಿ ಏಕ್‌ಥಿಏಕ್ ಮಾಪ್ ಕರೊ.

1 ಥೆಸ 5:15

ಕೋಣ್‌ಬಿ ಖರಾಬ್‌ನ ಬದಲ್ ಖರಾಬ್ ನಾ ಕರ್ನುತೆ ಇಮ್‌ ದೇಖಿಲೆವೊ. ಕತೋಬಿ ತುಮೆ ಏಕ್‌ಥಿಏಕ್ ಅಜು಼ ಹರೇಕ್ ಅದ್ಮಿನಾಬಿ ಅಛ಼್ಛುಕರೊ.

ಇಬ್ರಿ 12:17

ಯೊ ಹುವಾದಿನ್ ಇನಿ ಬಾನಿ ಆಶೀರ್ವಾದ್‌ ಲೇವ್ಣುಕರಿ ಡೋಳಾನು ಆಂಝು಼ ನಾಕ್ತೊಹುಯಿನ್ ಬಿಂತಿಕರ‍್ಯೊತೊಬಿ, ಇನೆ ಕರ‍್ಯೊತೆ ಇನ ಬದ್ಲಾವನ ಇನ ಕೊಹುಯುನಿ.

ಇಬ್ರಿ 6:14

“ಮೇ ತುನ ವಾಗ್ದಾನ್ ಕರುಸ್ ಮೇ ತುನ ವಾರ್‌ಖ್ಹೊ ದೀನ್ ತಾರು ಪಿಳ್ಗಿನ ಭಡೈಷ್‌” ಕರಿ ಖಲಿ ಬೋಲ್ಯೊ.

1 ಪೇತ್ರ 5:10

ಕ್ರಿಸ್ತ ಯೇಸುಮ ತುಮುನ ಹಮೇಶಾನಿ ಮಹಿಮೆನ ಬುಲಾಯೋತೆ ಭರ್‌ಪೂರ್‌ ವಾರ್‌ಖ್ಹಾನೊ ದೇವಸ್, ತುಮೆ ಥೋಡುವಖ್ಹತ್ ಖ್ಹತಾನ ಬಾದ್ಮ ತುಮುನ ಅಛ್ಛಿರ‍್ಹಾಮ ಲೀಅಯಿನ್ ತಳ್‌ಗಠೈನ್‌ ತಾಖತ್‍ದಿಷೆ.