1 ಪೇತ್ರ 3:8 - ದೇವ್ನಿ ಖ್ಹಾಚಿ ವಚನ್

⁸ ಇನಖ್ಹಾಜೆ ತುಮೆಖ್ಹಾರು ಏಕ್‌ ದಿಲ್‌ವಾಳ ಹುಯಿರ‍್ಹಿನ್ ಆರ್‌ಗೋರ್‌ ಕರಾವಾಳ ಹುಯಿನ್ ಜಿವೊ; ಏಕ್‌ಥಿ ಏಕ್‌ ಮಾಲುಮ್ ಕರಿಲ್ಯಾವಾನ ಕೊಶೀಷ್ ಕರೊ. ಏಕ್‌ಥಿ ಏಕ್‌ ಭೈಯೆ ಭೇನೆನಿತರ ಪ್ಯಾರ್‌ಕರೊ. ಅಜು಼ ಗೋರ್‌ ಕರವಾಳು ಶೇದೇವ್‍ಬಿ ಹುಯಿರ‍್ಹೇವೊ.

1 ಪೇತ್ರ 3:8 Iomraidhean Croise

ಮತ್ತಾಯ 18:33

ಮೇ ತಾರಪರ್ ಗೋರ್‌ ವತಾಳ್ಯೊತೆ ಇಮ್ಮಸ್, ತೂಬಿ ತಾರ ಜೋ಼ಡ್ಮ ಕಾಮ್ ಕರಾವಾಳೊ ಯೋ ಆಳ್‌ನ ಮಾಪ್‌ ನಾ ಕರ್ನುಥೂಕಿ ಶು?’ ಕರಿ ಬೋಲಿನ್,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:33

ಕತೋಬಿ ಏಕ್‌ ಸಮಾರ್ಯವಾಳು ಚಾ಼ಲ್ತೊಹುಯಿನ್‌, ಯೋ ಥೋತೆ ಹಿಜ್ಜಾ಼ ಐನ್, ಇನ ದೇಖಿ ಗೋರ್‌ಖೈನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:1

ಪೆಂತಕೊಸ್ಟ್ ಪೂಜಾ಼ನ ದನ್ನೆ ಇವ್ಣೆ ಅಖ್ಖುಜ಼ಣು ಏಕ್‍ಝ಼ಗೊ ಮಳ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:3

ಇನವ್ಹಾಣೆ ಹಮೆ ಸೀದೋನ್‍ಖ್ಹಯೇರ‍್ನ ಜೈ಼ನ್ ಪೋಚ್ಯ. ಯೂಲ್ಯನೆ ಪೌಲನಪರ್ ಗೋರ್‌ ಕರಾವಳೊಹುಯಿನ್, ಇನ ದೋಸ್ತಿಖ್ಹಾರನಕನ ಮದತ್ ಲೀಲ್ಯಾವನಖ್ಹಾಜೆ ಇನ ಹುಕುಮ್ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:7

ಯೋ ಟಾಪುನೊ ಮೋಟೊ ಅಧಿಕಾರಿಮ ಏಕ್‍ಜ಼ಣೊ ಪೋಪ್ಲಿಯಾನು ಖೇತರ್‌ ಗದ್ದೆ ಹಮೆಥಾತೆ ಝ಼ಗೊನ ಖನ್ನೇಸ್‍ಮ ಥೂ. ಯೋ ಹಮೂನ ಸ್ವಾಗತ್ ಕರೀನ್ ತೀನ್ ದನ್‌ಲಗು ಹಮೆ ಇನೇಥಿ ಸತ್ಕಾರ್ ಲಿದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:32

ಅಖ್ಖ ವಿಶ್ವಾಸಿನೊ ದಿಲ್‌ಬಿ ಜಾನ್‌ಬಿ ಎಕ್ಕಸ್ ಹುಯಿರ‍್ಹುಥು. ಇವ್ಣ ಟೋಳ್‍ಮಾನು ಕೋಣ್‌ಬಿ ರ‍್ಹವೊ ಇವ್ಣುನ ಥೂತೆ ಶೊತ್ಮ ಖಿವು ಏಕ್‌ಬಿ ಹಮಾರು ಕರಿ ಬೋಲ್ಯುಥುಕೊಯ್ನಿ. ಇನ ಬದಲ್ ಹರೇಕ್‍ನಾಬಿ ವಾಟಪಾಡಿಲೇತೂಥು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:10

ವಿಶ್ವಾಸಿ ಭೇನ್ ಭೈಯೇನ ಏಕ್‌ಥಿಏಕ್ ಪ್ಯಾರ್ ಕರೊ, ಮರ್ಯಾದಿ ದ್ಯವಾಮ, ಏಕ್‌ಥಿಏಕ್‌ ಖ್ಹಾಮೆರ‍್ಹೇವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:5

ಖ್ಹಮಾಳಾನು ಅಜು಼ ಭಾಲಿ ದೆವಾಳೊ ದೇವ್, ತುಮೆ ಕ್ರಿಸ್ತಯೇಸುನ ಪೀಛೆಜಾ಼ವಾನೊ ಎಕ್ಕಸ್ ದಿಲ್‌ದ್ಯವಾದೆ.

1 ಕೊರಿಂಥ 1:10

ಬೇನೆ, ಭೈಯೇವೊ, ಅಪ್ಣೊ ಪ್ರಭು ಯೇಸುಕ್ರಿಸ್ತನ ನಾಮ್‍ಥಿ ಮೇ ತುಮೂನ ಬಿಂತಿ ಕರುಸ್ತೆ ಶಾತ್‍ಕತೊ, ಅಬ್ಬಾಜ಼ಬ್ಬಿ ನಾ ಬೋಲ್ನುತೆ, ಅಷಿಲ್ ಕಮ್‍ಶಿಲ್ ಕರಿ ಬೇಭಾಗ್‌ ನಾ ರ‍್ಹೇವ್ಣು. ಎಕ್ಕಸ್ ದಿಲ್‌ಥಿ ಎಕ್ಕಸ್ ಖ್ಹಯಾಲ್‌ಥೀಬಿ ಎಕ್ಟುರ‍್ಹೀನ್ ಜಿವ್ಣು ಕರೊ,

1 ಕೊರಿಂಥ 12:26

ಶರೀರ್‌ನು ಏಕ್‌ ಭಾಗ್ನ ಅಜ಼ಹುಯಿತೊ ಅಖ್ಖಾಸ್ ಭಾಗ್ನಾಬಿ ಅಜ಼ ಹುವಾಸ್; ಏಕ್‌ ಭಾಗ್ನ ಖ್ಹರಾವ್ಣಿ ಮಳ್ಯುತೊ ಅಖ್ಖಾಸ್ ಭಾಗ್ನಾಬಿ ಖುಷಿ ಹುವಾಸ್.

ಎಫೆಸ 4:2

ತುಮೆ ದೇವ್‌ಮ ಬುಲಾಯತೆ ಇನಖ್ಹಾಜೆ ಹೇಟು ಹುಯಿರ‍್ಹವಾನು, ಶೇದೇವ್‌ಥಿ ರ‍್ಹವಾನು, ಖ್ಹಮಾಳಿರ‍್ಹವಾಳ ಹುಯಿನ್ ಪ್ಯಾರ್‌ಥಿ ಏಕ್‌ಥಿ ಏಕ್ ಖ್ಹಮಾಳಿರ‍್ಹವೊ.

ಎಫೆಸ 4:31

ಖ್ಹಾರು ವಹೇರ್‌, ಇರಾದೊ, ಖೀಜ಼್, ಝ಼ಗ್‍ಡೊ, ಚಾ಼ವ್‌ಣ್ಯ ಅನಖ್ಹಾರನಬಿ ಹರೇಕ್ ಥರಾನು ಖರಾಬ್ ಕಾಮ್ನ ತುಮಾರೇಥಿ ಕಾಡಿನಾಖೊ.

ಎಫೆಸ 4:32

ಇನ ಬದಲ್ ಏಕ್‌ಥಿಏಕ್ ದಯಕರವಾಳಬಿ, ಗೋರ್‌ ಕರವಾಳಬಿ ಹುಯಿ‍ರ‍್ಹೆವೊ. ದೇವ್ನೆ ತುಮುನ ಕ್ರಿಸ್ತಮ ಮಾಪ್ ಕರ‍್ಯೊತೆ ಇಮ್ಮಸ್ ತುಮೇಬಿ ಏಕ್‌ಥಿಏಕ್ ಮಾಪ್ ಕರೊ.

ಫಿಲಿಪ್ಪಿ 2:3

ಇನುಯೋ ಭಡಾನಖ್ಹಾಜೆ ರ‍್ಹವೊ, ಶಿಕ್ಕೊ ಲ್ಯವಾನಖ್ಹಾಜೆ ಶಾತ್ಬಿ ನಾಕರ‍್ನುತೆ, ಹರೇಕ್ ಜ಼ಣುಬಿ ಹೇಟು ಹುವಾಳಹುಯಿನ್ ಬಿಜೇಕ್ ಜ಼ಣಾನ ಇನೇಥಿಬಿ ಊಚೊ಼ಕರಿ ದೇಖಾದೆ.

ಫಿಲಿಪ್ಪಿ 3:16

ರ‍್ಹೀನ್‌ಬಿ, ಅಪ್ಣೆ ಖಿವಿ ರೀತಿಮ ಚಾ಼ಲಿನ್ ಅತ್ರೆಲಗು ಐರ‍್ಹಾಸ್ಕಿ ಇಮ್ಮಸ್ ಚಾ಼ಲಿಯೇ.

ಕೊಲೊಸ್ಸೆ 3:12

ಇನಖ್ಹಾಜೆ ದೇವ್‍ಥಿ ಚೂ಼ಣೈಗಯು ಹುಯುಬಿ, ಪರಿಶುದ್ಧರ್‌ಬಿ ಪ್ಯಾರ್‌ನ ಹುಯಿರ‍್ಹಾತೆ ತುಮೆ ಗೋರ್‌, ದಯಾ, ಹೇಟು ಹುವಾನು, ಶೇದೇವ್‌ಥಿ, ಖ್ಹಮಾಳಾನು ಕರಿ ಆಖ್ಹಾರು ಅಛ್ಛಿಗುಣ್‍ನ ಭರ‍್ಹಿಲೆವೊ.

ಇಬ್ರಿ 13:1

ಕೆದೇಬಿ ವಿಶ್ವಾಸಿ ಭೈಯೇ ಭೇನೆವ್‌ನ ಪ್ಯಾರ್ ವತಾಳೊ.

ಯಾಕೋಬ 2:13

ಶನಕತೊ ಗೋರ್‌ಕರಾಕೊಂತೆ ರ‍್ಹವಾಳಾನ ನ್ಯಾವ್‍ನಿ ತೀರ್ಪ್‌ಮ ಗೋರ್‌ ವತಾಳ್‌ಶೆ ಕೊಯ್ನಿ. ಗೋರ್‌ ನ್ಯಾವ್‍ನಿ ತೀರ್ಪ್‌ನಾಸ್‌ ಜಿತಿಲಿಶೆ.

ಯಾಕೋಬ 3:17

ಕತೋಬಿ ದೇವ್‍ಥಿ ಆವಾನಿ ಗ್ಯಾನ್ ಪಹಿಲೆ ಪರಿಶುದ್ ಹುಯಿರ‍್ಹವಾಳು ಇನಪಾರ್ ಸಮಾಧಾನ್‍ವಾಳು, ಶೇದೇವ್‌ ಹುಯಿರ‍್ಹವಾಳು, ವಿಧೇಯ ರ‍್ಹವಾಳುಬಿ, ಗೋರ್‌ಥೀಬಿ ಅಜು಼ ಅಛ್ಛಿ಼ಫಲ್‍ಥೀಬಿ ಭರೈರ‍್ಹವಾಳು, ಶುದ್ಧಮನ್‌ಥಿ ಬೋಲವಾಳು, ಖ್ಹಾಚು಼ ಬೋಲವಾಳುಕರಿ ಖುಷಿಥಿ ಮಾನಿಲ್ಯಾವನು ಹುಯಿರ‍್ಹುಸ್.

ಯಾಕೋಬ 5:11

ಹಂದೇಖೊ, ಖ್ಹಮಾಳಿಲ್ಯಾವಾಳನ ಧನ್ಯಕರಿ ಅಪ್ಣೆ ಗಣ್ತಿ ಕರಿಯೇಸ್ ಕೊಯ್ನಿಕಿಶು, ತುಮೆ ಯೋಬಮ ಥೂತೆ ಖ್ಹಮಾಳಿಲ್ಯವಾನಿ ಬಾರೇಮ ಖ್ಹಮ್‍ಜೊ, ಪ್ರಭು ಇನ ಖ್ಹರ್ತಿಮ ಕರ‍್ಯೊತೆ ದೇಖೊ. ಪ್ರಭು ಗೋರ್‌ವಾಳೋಬಿ ಅಜು಼ ದಯಾಕರವಾಳೊಬಿ ಹುಯಿರ್‍ಹೊಸ್ ಕರಿ ಖ್ಹಮ್‌ಜಿರಾಖ್ಯಾಸ್‌.

1 ಪೇತ್ರ 1:22

ತುಮೆ ಖ್ಹಾಚ ಉಪದೇಶ್‍ನ ವಿಧೇಯ ಹುಯಿರ‍್ಹಿನ್ ತುಮಾರ ಆತ್ಮಾನ ಪಾಕ್‍ ಕರಿಲಿದಾತೆ ಇನಾಖ್ಹಾಜೆ ಪಾಕ್‌ಮನ್‌ಥಿ ಭೈಯೆಭೇನೆನಿ ಪ್ಯಾರ್‌ವಾಳ ಹುಯಿರ‍್ಹೇವ್ಣು. ಅಮ್‍ರ‍್ಹವಾಪರ್, ಏಕ್‌ಥಿಏಕ್ ಪಾಕ್‍ದಿಲ್‍ಥೀಬಿ, ಛು಼ಟ ದಿಲ್‌ಥಿ ಪ್ಯಾರ್‌ಕರೊ.

1 ಪೇತ್ರ 2:17

ಖ್ಹಾರಸ್ನ ಮರ್ಯಾದಿ ಕರೊ ವಿಶ್ವಾಸಿ ಭೇನೆ ಭೈಯೇವೊನ ಪ್ಯಾರ್‌ಕರೊ. ದೇವ್ನ ಡರೊ. ಅಜು಼ ರಾಜಾ಼ನಬಿ ಮರ್ಯಾದಿ ದೆವೊ.

1 ಪೇತ್ರ 5:5

ಇಮ್ಮಸ್ ಜಾ಼ನ್ಜ಼ಮಾನ್ ಅದ್ಮಿವೊ, ತುಮೆ ಶಾಣಾಥಿ ಹೇಟುಹುಯಿನ್ ಚಾ಼ಲಿಲೆವೊ ತುಮೆ ಅಖ್ಖೂಬಿ ಶೇದೇವ್ ದಿಲ್ನ ಲೀಲ್ಯಾವಾಳ ಹುಯಿನ್ ಏಕ್‌ಥಿಏಕ್ ಚಾ಼ಕ್ರಿಕರೊ. ಶನಕತೊ ದೇವ್ “ಹಂಕಾರಿನ ವಿರೋದ್‌ಕರಾಸ್. ಗೋರ್‌ ಗರಿಬ್‍ನತೋಬಿ ವಾರ್‌ಖ್ಹೊ ದ್ಯವಾಳೊ ಹುಯಿರ‍್ಹೊಸ್”.

2 ಪೇತ್ರ 1:7

ಭಕ್ತಿನ ಜೋ಼ಡೆ ಭೈಯೆ-ಭೇನೇನ ಗಳ್‌ಜೋ಼ಡ್ಮ, ಭೈಯೆ-ಭೇನೇನ ಗಳ್‌ಜೋ಼ಡೆ ಪ್ಯಾರ್‌ನ ಮಳೈಲೆವೊ.

1 ಯೋಹಾನ 3:14

ಅಪ್ಣೆ ಅಪ್ಣ ಭೈಯೇ ಭೇನೆವೊನ ಪ್ಯಾರ್ ಕರಾಥಿ ಮರಣ್‍ಥಿ ನಿಕ್ಳಿನ್ ಕದೇಬಿ ರ‍್ಹವಾನ ಜಾನ್‌ಮ ಛಿಯೆ ಕರಿ ಅಪ್ಣುನ ಮಾಲುಮ್ ಛಾ಼. ಕೋಣ್ ಇವ್ಣ ಭೈಯೇ ಭೇನೇನ ಪ್ಯಾರ್ ಕರಾಕೊಯ್ನಿಕಿ ಇವ್ಣೆ ಮರಣ್‍ಮಾಸ್‍ ಛಾ಼.