1 ಪೇತ್ರ 3:5 - ದೇವ್ನಿ ಖ್ಹಾಚಿ ವಚನ್

⁵ ಫಾಚ಼್‌ಲ್ಯಾ ಹಗಾಮ್ಮ ದೇವ್‌ಪರ್‌ ಭರೋಖ್ಹೊ ರಾಖಿಮ್ಹೆಲ್ಯುಥುತೆ ಭಕ್ತೆ ಹುಯಿರ‍್ಹಿಥಿತೆ ತಯೇಡಖ್ಹಾರು ಜಿನು ಅಮ್ಮಸ್ ಇವ್ಣು ಇವ್ಣೇಸ್ ಬಾವ್ರಿಯೇವ್‍ನಿ ದಾಬುಕ್ಮ ರ‍್ಹೀನ್ ಶನ್‌ಗಾರ್ ಕರಿಲಿದಿಯೆಥಿ.

1 ಪೇತ್ರ 3:5 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:37

ತದೆ ಇನ ಚಾರ್ ಉಪ್ಪರ್ ಚಾರಿಖ್ಹ್ ವರಖ್ಹ್ ಹುಯಿರ‍್ಹಾಥ ಅಜು಼ ಯೋ ಮುಂಡಚ್ಚಿ ಹುಯಿರ‍್ಹೀಥಿ. ಯೋ ದೇವ್ನಿ ಮಂದಿರ್‌ನ ಕದೇಬಿ ಮ್ಹೇಲಿನ್ ಕೋ ಜಾ಼ತಿಥಿಂತೆ, ಉಪವಾಸ್ ಅಜು಼ ಪ್ರಾರ್ಥನೆ ಕರ್ತಿಹುಯಿನ್, ರಾತ್-ದನ್ ದೇವ್ನಿ ಆರಾದನೆ ಕರ್ತಿ ರ‍್ಹೇತಿಥಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:14

ಇವ್ಣೆ ಅಖ್ಖುಜ಼ಣು ಏಕ್‍ಮನ್‍ಥಿ ಎಕ್ಟುಹುಯಿನ್ ದೇವ್ನಿ ಪ್ರಾರ್ಥನೆಮ ಥು. ಹಿಜ್ಜಾ಼ ಥೋಡಿಜ಼ಣಿ ತಯೇಡಾಬಿ, ಯೇಸುನಿ ಆಯಾ ಮರಿಯಾಬಿ ಇನ ಭೈಯೇಬಿ ಅಪೊಸ್ತಲರ‍್ನಿ ಜೋ಼ಡ್ಮ ಥೂ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:36

ಯೊಪ್ಪ ಖ್ಹಯೇರ್‌ಮ ತಬಿಥಾಬಿ ಯೇಸುನಿ ಏಕ್‌ ಶಿಷ್ಯೇ ಥಿ. ಗ್ರೀಕ್‍ನಿ ಬೋಲಿಮ ಇನು ನಾಮ್ ‘ದೊರ್ಕ’ ಇನಿ ಮತ್‌ಲಬ್ ‘ಚೀತಳ್‌ಕರಿ’ ಯೋ ಕದೇಬಿ ಅಛ಼್ಛುಕಾಮ್ ಕರಾವಳಿ ಅಜು಼ ದಾನಧರಮ್‍ ದ್ಯವಾಳಿ ಹುಯಿರ‍್ಹಿಥಿ.

ಎಫೆಸ 5:33

ಯೊ ತುಮುನಾಬಿ ಹುವಾಸ್, ತುಮಾರಮ ಹರೇಕ್ ಬಾವ್ರಿ ಇನುಯೋ ಪ್ಯಾರ್ ಕರಾನಿತರಸ್ ಇವ್ಣಿ ಬಾವ್ಣೆನ ಪ್ಯಾರ್ ಕರ‍್ನು. ಅಖ್ಖಿ ಬಾವಣ್‍ ಇವ್ಣ ಬಾವ್ರಿಯೇನ ಇಜ಼್ಜಥ್ಥಿ ಚಾ಼ಲಿಲೇವ್ಣು.

1 ತಿಮೊ 2:10

ದೇವ್ನಿವಿಶ್ವಾಸಿ ತಯೇಡಾನ ರ‍್ಹೇವ್ಣುತೆ ಚಾ಼ಲ್‌ಚ಼ಲಣ್ಣ ಅಛ್ಛಾ಼ಕಾಮ್‌ಥಿ ಶನ್‌ಗಾರ್ ಕರಿಲೇವ್ಣು.

1 ತಿಮೊ 2:15

ತೋಬಿ ತಯೇಡ ವಿಶ್ವಾಸ್‌ಮ, ಪ್ಯಾರ್‌ಮ, ಪವಿತ್ರಾಥಿ ರ‍್ಹವಾಮ ಅಜು಼ ಧೋಬೆಡಿ ರ‍್ಹಯೀತೊ, ಲಡ್ಕಾ ಪೈದಹುವಾನಿ ವಖ್ಹತ್‌ಮ ಬಚಿಜಾಶೆ.

1 ತಿಮೊ 5:10

ಅಜು಼ ಇನು ಗುಣ್ ಅಛ್ಛು಼ ಕಾಮ್ ಕರಾಮಸ್ ರ‍್ಹೇಣು. ಅಜು಼ ಇನ ಲಡ್ಕಾವ್ನ ಅಛ್ಛಿನಿತರ ಪಾಳಿರಾಕ್ಣು, ಘರ್‌ಕನ ಆವವಾಳಾನ ಸ್ವಾಗತ್ ಕರಾವಾಳಿ ಹುಯಿರ‍್ಹೇಣು. ಬಿಜು಼ ರ‍್ಹೇಸ್ತೆ ವಿಶ್ವಾಸಿನಿ ಜೋ಼ಡ್ಮ ಧೋಬೆಡಿನಿತ್ರ ಚಾ಼ಲಿಲೇವ್ಣು. ಖ್ಹತಾಪ್ಣಿಮ ರ‍್ಹೇಸ್ತೆ ಅದ್ಮಿವ್‌ನ ಮದತ್ ಕರಾವಾಳಿ ಹುಯಿರ‍್ಹೇಣು. ಅಜು಼ ಅಛ್ಛು಼ಕಾಮ್ನ ಸಮರ್ಪಣ್‌ ಕರಿರಾಖವಾಳಿ ಹುಯಿರ‍್ಹೇಣು.

1 ತಿಮೊ 5:5

ಖ್ಹಾಚಮಾಬಿ ದಿಕ್‌ದೆಶಾರ್‌ ಕೊಂತೆ ಏಕ್‌ ಮುಂಡಚ್ಚಿ ರ‍್ಹಯೀತೊ, ಯೋ ದೇವ್‌ಪರ್‌ ಇನೊ ಭರೋಖ್ಹೊ ನಾಖಿನ್, ಇನಿ ಮದತ್ನಖ್ಹಾಜೆ ದನ್-ರಾತ್ ದೇವ್ನ ಪ್ರಾರ್ಥನೆ ಕರಾವಾಳಿ ಹುಯಿರ‍್ಹೇಣು.

ಇಬ್ರಿ 11:11

ಅಬ್ರಹಾಮ್ ಭುಡೊ ಹುಯಿರ‍್ಹೊಥೊ ಆನಾಹುಯಿನ್ ಸಾರ ವಾಗ್ದಾನ್ ಕರ‍್ಯೊತೆ ನಂಬ್‍ಣುಕರಿ ಇನಿ ಉಂಬರ್ ಹುಯಿಗುತೋಬಿ ವಿಶ್ವಾಸ್‌ಥೀಸ್ ಬೇಜೂನಿ ಹುವಾನ ಶಕತ್‌ಲಿದಿ.

1 ಪೇತ್ರ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ಬಾಬಿ ದೇವ್‌ಬಿ ಹುಯಿರ‍್ಹವಾಳನ ಧನ್ಯವಾದ್ ಹುವಾದೆ! ಶನಕತೊ ಯೋ ಯೇಸು ಕ್ರಿಸ್ತನ ಮರ‍್ಯಾಹುಯಾಮಾಥು ಜಿವ್ತೊಕರಿನ್, ಇನಿ ಮೋಟಿ ಗೋರ್‌ಥೀಸ್ ಅಪ್ಣುನ ನವೊ ಜ಼ಲಮ್ ಅಜು಼ ಜಾನ್ನ ಭರೋಖ್ಹಾನ ದಿರಾಖ್ಯೊಸ್.