1 ಪೇತ್ರ 2:8 - ದೇವ್ನಿ ಖ್ಹಾಚಿ ವಚನ್

⁸ ಅಜು಼ ಪವಿತ್ರ ದಪ್ತರ್‌ಮ ಅಜೇ಼ಕ್ಆಡಿ ಶಾತ್‌ ಲಿಖಾಸ್‌ಕತೊ “ಅದ್ಮಿ ಧೊಕ್‌ಡೈನ್ ಇವ್ಣೆ ರಡ್ಕಾನೊ ಬಂಡೊ ಹುಯಿರೋಸ್” ಇವ್ಣೆ ದೇವ್ನಿ ವಚನ್ನ ಅವಿಧೇಯ ಹುವಾತೆ ಇನಖ್ಹಾಜೆ ಯೊ ಬಂಡಾನ ಠೋಕರ್ ಲಾಗಿನ್‍ಪಟ್ಕಸ್. ಇನಖ್ಹಾಜೇಸ್ ಇವ್ಣೆ ಚೂ಼ಣೈಗಯೂತೆ.

1 ಪೇತ್ರ 2:8 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:34

ಸಿಮೆಯೋನ್ನೆ ಇವ್ಣುನ ಆಶೀರ್ವಾದ್‌ ಕರೀನ್, ಇನಿ ಆಯ ಮರಿಯನ, “ಆ ಲಡ್ಕಾಥಿ ಇಸ್ರಾಯೇಲ್‌ ದೇಖ್ಹ್‌ಮ ಕೈಯೆಕ್ಕಿ ಜ಼ಣು ಪಡಿಜಾ಼ಶೆ ಅಜು಼ ಕೈಯೆಕ್ಕಿ ಉಟ್‌ಶೆ. ಕೈಯೆಕ್ಕಿ ಜ಼ಣು ಅನಿ ವಿರೋದ್ ವಾತೆ ಬೋಲ್‌ಶೇತೇಸ್, ಆ ದೇವ್‍ಥಿ ಆಯೋತೆ ಕರಿ ಬೋಲಾನು ಖ್ಹಣೇದ್ ಹುಯಿರ‍್ಹಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:22

ಕತೋಬಿ ದೇವ್ ಇನ ಇರಾದನ ದೆಖಾಡಿನ್ ಇನಿ ಶಕತ್ನ ವತಾಳಿನ್ ಭಡಾವ್‍ಣುಕರಿ ರ‍್ಹಯೊತೋಬಿ, ಇಮ್‌ ಕರ‍್ಯೊಕೊಂತೆ ಇನ ಇರಾದಮ ನಾಶಹುವಾಳನ ಘಣು ಠಂಡೊ ಹುಯಿನ್ ಖ್ಹಮಾಳಿಲ್ಯವಾನ ಆಖ್ಹ್‌ಕರ‍್ಯೊತೊ, ಕೋಣ್ ಶಾತ್‌ ಕರಾನ ಉಶೆ.

1 ಕೊರಿಂಥ 1:23

ಅಪ್ಣೆತೋಬಿ ಶಿಲ್‌ಬೇಪರ್ ಮರೈಗಯೋತೆ ಕ್ರಿಸ್ತನಿ ಬಾರೇಮ ಬೋಲಿಯೇಸ್. ಆ ಹೈರುತೆ ಯೆಹೂದ್ಯರ್‌ನ ಅಡ್ಡಿ ಹುಯಿರ‍್ಹೂಸ್. ಯೆಹೂದ್ಯರ್‌ಕಾಹೆತೆ ಅದ್ಮಿನ ಘೈಲಾನಿತರ ದೇಖಾವಸ್.

2 ಕೊರಿಂಥ 2:16

ನಾಶನನ ಮಾರಗ್‍ಮ ರ‍್ಹವಾಳ ಅದ್ಮಿವೋನ ಮರಣ್ಣು ವಾಖ್ಹ್‌ಹುಯಿರಾಸ್, ರಕ್ಷಣೆನ ಮಾರಗ್‍ಮ ರ‍್ಹವಾಳ ಅದ್ಮಿನ ಜಿವ್ತುಜಾನ್ನೊ ಮಾರಗ್ ಹುಯಿರ‍್ಹಾಸ್. ಅಮ್‍ರ‍್ಹವಾಪರ್ ಆ ಕಾಮ್‍ಕರ‍್ವಾನ ಕೋಣ್ ಯೋಗ್ಯ ಹುಯಿರುಸ್?

ಗಲಾತ್ಯ 5:11

ಭೈಯೇ ಭೇನೆವೊ, ಅದ್ಮಿ ಖ್ಹತ್ನ ಕರಾವ್ಣು ಕರಿ ಮೇ ಬೋಧನೆ ಕರುಕೊಯ್ನಿ. ಖ್ಹತ್ನನು ಜ಼ರೂರತ್ ಛಾ಼ಕರಿ ಮೇ ಬೋಧನೆ ಕರಾವಾಳೊ ಹುಯೋತೊ ಮೇ ಬಿಜೂ಼ಬಿ ಖ್ಹತಾಪ್ಣಿನ ಮಹಿ ಶನ ಛೂ಼? ಅದ್ಮಿ ಖ್ಹತ್ನ ಕರಾವ್ಣುಕರಿ ಮೇ ಹಮ್ಕೆ ಬೋಧನೆ ಕರಾವಾಳೊ ರ‍್ಹಯೋತೊ ಶಿಲ್‌ಬೇನಿ ಬಾರೇನಿ ಮಾರಿ ಬೋಧನೆಥಿ ಶನೂಸ್ ಕಚ಼್ಚರ್‌ ಕೊರ‍್ಹಿಶೇನಿ.

1 ಥೆಸ 5:9

ಶನಕತೊ ದೇವ್ನೆ ಅಪ್ಣುನ ಚೂ಼ಣ್ಯೋತೆ ಇನ ಇರಾದಮ ಖ್ಹಪಡ್ನುಕರಿ ಕಾಹೆ ಪಣ್ಕಿ, ಅಪ್ಣೊ ಪ್ರಭು ಯೇಸು ಕ್ರಿಸ್ತಥಿ ಮಳ್ಯುತೆ ರಕ್ಷಣೆನ ಲೀಲೆವ್ಣು ಕರಿ ಚೂ಼ಣ್ಯೋತೆ.

1 ಪೇತ್ರ 2:6

ಪವಿತ್ರ ದಪ್ತರ್‌ಮ ಶಾತ್‌ ಬೋಲಸ್‍ಕತೊ “ಹಂದೇಕ್, ಚೀಯೋನ್‌ಮ ಕೋಣಾನೊಬಂಡೊ ಮ್ಹೇಲುಸ್, ಯೊ ಚೂ಼ಣೈಗಯುಹುಯು, ಘಣ ಮೋಲ್ನು ಹುಯಿರುಸ್ ಇನಾಪರ್ ವಿಶ್ವಾಸ್ ರಾಖವಾಳೊ ಕದೇಬಿ ಆಖ್ಹ್ ತೋಡಿಲಿಶೆಕೊಯ್ನಿ”

1 ಪೇತ್ರ 2:7

ಹಮ್ಕೆ ವಿಶ್ವಾಸ್ ಕರವಾಳ ತುಮೂನ ಯೋ ಘಣ ಮೋಲ್ನೊ ಹುಯಿರ‍್ಹೊಸ್ ಕತೋಬಿ ವಿಶ್ವಾಸ್‌ಕರ‍್ಯುಕೊಂತೆ ಇವ್ಣುನ, “ಘರ್ ಭಾಂದಾವಾಳು ಝಿಟ್ಕಾರ‍್ಯೊಹುಯೊ ಬಂಡೊಸ್ ಘಣು ಮುಖ್ಯ ಕೋಣಾನೊ ಬಂಡೊ ಹುಯೊ”.

2 ಪೇತ್ರ 2:3

ಇವ್ಣೆ ಪೈಶಾನಿ ಲಾಲ್‍ಛಿವಾಳು ಹುಯಿರ‍್ಹಿನ್, ಬಣೈಹುಯ್ ಖೇಣಿನ ಬೋಲ್ತುಹುಯಿನ್‌, ತುಮಾರೇಥಿ ನಫ್ಫೊ ಕರಿಲ್ಯಾವಾಳು ಹುಯಿರ‍್ಹಿಶೆ.ಇನಖ್ಹಾಜೆ ಘಣಾದನ್‍ಥು ಇವ್ಣುನ ಛಾ಼ತೆ ನಿಶತ್ನು ತೀರ್ಪ್ ಇವ್ಣುನ ಟಿವೈರ‍್ಹುಸ್. ಇವ್ಣುನ ಆವನಿ ನಾಶನ ಇವ್ಣೇಥಿ ಛು಼ಕಿಜಾ಼ಶೇಸ್ ಕೊಯ್ನಿ.

ಯೂದನೆ ಲೀಖ್ಯೋತೆ ಚಿಟ್ಟಿ 1:4

ಶನಕತೊ ಭಕ್ತಿಕೊಂತೆ, ಅಪ್ಣ ದೇವ್ನ ವಾರ್‌ಖ್ಹಾನ ಭಾಣುಕರಿಲೀನ್‍ ಖ್ಹರಮ್‌ಕೊಂತೆ ಕಾಮ್ನ ಕರವಾಳುಬಿ, ಅಪ್ಣೊ ಎಕ್ಕಸ್ ಯಜಮಾನ್‌ಬಿ ಪ್ರಭು ಯೇಸುಕ್ರಿಸ್ತನ ಝಿಟ್ಕಾರವಾಳು ಥೋಡುಜ಼ಣು ಗಪ್ಲಥ್ಥಿ ಸಬೆಮ ಮಹಿ ಪೇಶಿರ‍್ಹುಸ್. ಅವ್ಣೆ ಅಗಾಡಿಥೂಸ್ ನಿಶತ್‌ನ ನೇಮಕ್‍ಹುಯಿರ‍್ಹುಸ್‍ ಕರಿ ಪವಿತ್ರ ವಚನ್‌ಮ ಲೀಖೈರುಸ್.