1 ಪೇತ್ರ 2:6 - ದೇವ್ನಿ ಖ್ಹಾಚಿ ವಚನ್

⁶ ಪವಿತ್ರ ದಪ್ತರ್‌ಮ ಶಾತ್‌ ಬೋಲಸ್‍ಕತೊ “ಹಂದೇಕ್, ಚೀಯೋನ್‌ಮ ಕೋಣಾನೊಬಂಡೊ ಮ್ಹೇಲುಸ್, ಯೊ ಚೂ಼ಣೈಗಯುಹುಯು, ಘಣ ಮೋಲ್ನು ಹುಯಿರುಸ್ ಇನಾಪರ್ ವಿಶ್ವಾಸ್ ರಾಖವಾಳೊ ಕದೇಬಿ ಆಖ್ಹ್ ತೋಡಿಲಿಶೆಕೊಯ್ನಿ”

1 ಪೇತ್ರ 2:6 Iomraidhean Croise

ಮತ್ತಾಯ 12:18

ಹಂದೇಕ್‌, ಮಾರೊ ಸೇವಕ್, ಅನ ಮೇ ಚೂ಼ಣಿ ರಾಖ್ಯೋಸ್, ಆ ಮಾರೊ ಪ್ಯಾರ್‌ನೊ ಹುಯಿರ‍್ಹೋಸ್, ಅನೇಥಿ ಮೇ ಖ್ಹುಶಿ ಛೂ಼. ಮೇ ಮಾರು ಆತ್ಮಾನ ಇನಾಪರ್‌ ರಾಖುಸ್, ಅಜು಼ ಯೋ ಅಲಕ್‌ ಅದ್ಮಿವೋನಾಬಿ ಮಾರಿ ನ್ಯಾವ್‌ನ ಬೋಲಿವತಾಳ್‌ಶೆ.

ಮಾರ್ಕ 12:10

‘ಘರ್ ಭಾಂದಾವಾಳು ನಕೊಕರಿ ಧಕೇಲೈ ಗಯೋತೆ ಬಂಡೋಸ್, ಹೋಣುತೆ ಕೋಣಾನೊ ಬಂಡೊ ಹುಯೊ. ಅಮ್ಕರಿ ಧರ್ಮಶಾಸ್ತ್ರಮ ಪಢಿರಾಖ್ಯಸ್ನಿ!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:17

ಕತೋಬಿ ಇವ್ಣುನ ದೇಖಿನ್ ಯೇಸುನೆ, “ಘರ್ ಭಾಂದಾವಾಳು ನಕೊಕರಿ ಝಿಟ್ಕಾರಯೋತೆ ಬಂಡೋಸ್, ಹೋಣುತೆ ಕೋಣಾನೊ ಬಂಡೊ ಹುಯೊ” ಕರಿ ಲೀಖೈರ‍್ಹೂತೆ ಇನಿ ಮತ್‌ಲಬ್ ಶಾತ್‌?” ಕರಿ ಪುಛಾ಼ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:35

ಅದ್ಮಿಖ್ಹಾರು ಭೀರಿನ್‌, ಯೆಹೂದ್ಯರ್‌ನ ಅದಿಕಾರಿಖ್ಹಾರು ಯೇಸುನಿ ನಕ್ಲೆ ಕಾಡುಕರ್ತುಥೂತೆ ಇನ ದೇಖುಕರ್ತುಥು. ಇವ್ಣೆ, “ಅನೆ ಬಿಜಾ಼ನ ಬಚಾ಼ಡ್ಯೊ, ಯೋ ದೇವ್ನೆ ಚೂ಼ಣ್ಯೋತೆ ಕ್ರಿಸ್ತ ಉಶೇತೊ, ಇನು ಯೋಸ್‌ ಬಚಾ಼ಡಿಲ್ಯವಾದೆ! ಕರಿ ಬೋಲ್ಯು.

ಯೋಹಾನ 7:38

ಧರ್ಮಶಾಸ್ತ್ರಮ ಬೋಲೈರ‍್ಹುತೆ ಇಮ್ಮಸ್, ‘ಕೋಣ್ ಮಾರಪರ್ ವಿಶ್ವಾಸ್‌ ಕರಾಸ್ಕಿ ಇನ ಮಹಿಥು ಜಾನ್ನಪಾಣಿನು ಝೀಲ್ ಇನಾಮ ವ್ಹವ್‍ಶೆ” ಕರಿ ಚಿಕ್ರಿನ್ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:16

“ಭೈಯೇಭೇನೆವೊ, ಯೇಸುನ ಧರಿದ್ಯವಾಳನ ವಾಟ್‌ ವತಾಳ್ಯೊತೆ ಯೂದನಿ ಬಾರೇಮ ಪವಿತ್ರಾತ್ಮನೆ ದಾವೀದ್‍ಥಿ ಪವಿತ್ರ ಪುಸ್ತಕ್‌ಮ ಬೋಲೈರ‍್ಹುತೆ ವಾತೆ ಪೂರಹೋಣುಸ್‌ಪಡ್ಯುಥು,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:11

ಪವಿತ್ರ ದಪ್ತರ್‌ಮ ಬೋಲೈರ‍್ಹುತೆ ತಿಮ್, “ಇನಪರ್ ವಿಶ್ವಾಸ್ ಕರಾವಾಳೊ ಕದೇಬಿ ಖ್ಹರಮಾವ್‌ಶೆ ಕೊಯ್ನಿ”

ಎಫೆಸ 1:4

ಜಗತ್‌ ಉಬ್‌ಜಾ಼ತಿ ಪಹಿಲೇಸ್ ಅಪ್ಣೆ ಇನಖ್ಹಾಮ್ಣೆ ಪರಿಶುದ್ಧಬಿ ದೋಷ್‌ಕೊಂತೇಬಿ ಹುಯಿರ‍್ಹೇಣು ಕರಿ ದೇವ್ನೆ ಕ್ರಿಸ್ತನಿ ಗಳ್‌ಜೋ಼ಡ್ಮ ಅಪ್ಣುನ ಚೂ಼ಣಿಲಿದೊ. ಶನಕತೊ ಆ ಇನಿ ಪ್ಯಾರ್ ಹುಯಿರ‍್ಹಿಸ್.

ಎಫೆಸ 2:20

ಅಪೊಸ್ತಲಬಿ ಅಜು಼ ಪ್ರವಾದಿಖ್ಹಾರುಬಿ ಕರಿ ಬೋಲಾನು ಹದಿಪಾಯಪರ್ ತುಮೆ ಘರ್‌ನಿಘೋಣಿ ಭಂದೈರ‍್ಹಾಸ್. ಕ್ರಿಸ್ತ ಯೇಸುಸ್ ಮುಖ್ಯ ಹುಯಿರ‍್ಹೊಸ್ತೆ ಕೋಣಾನೊಬಂಡೊ ಹುಯಿರ‍್ಹೊಸ್.

2 ತಿಮೊ 3:16

ಆ ಖ್ಹಾರಿಸ್ ನಿಯಮ್ ದೇವ್ನಿಖೂಜ್‍಼ಥಿ ಬಣಿರ‍್ಹೂಸ್. ಅಜು಼ ಅದ್ಮಿವ್‌ನ ಖ್ಹಾಚಿ ಪಢಂತ್‍ನ ಶಿಕಾಡನ, ಗಲತ್‌ ಕರವಾಳನ ಬರಾಬರ್‌ ಕರಾನ ಅಜು಼ ಇನಿ ಗಲತ್‌ನಖ್ಹಾಜೆ ಗುರ್‌ಕಾವಾನ, ಅಜು಼ ನೀತಿನ ಶಿಕಾನಾಬಿ ಫಾಯಿದೊ ಹುಯಿರ‍್ಹೂಸ್.

1 ಪೇತ್ರ 2:4

ತುಮೆ ಜಿವ್ತುರ‍್ಹವಾನ ಬಂಡೊ ಹುಯಿರ‍್ಹಾವಾಳಕನ ಐರ‍್ಹಾಸ್. ಯೋ ಬಂಡೊ ಅದ್ಮೆವ್‍ಥಿ ಝಿಟ್ಕಾರ‍್ಯುತೋಬಿ ದೇವ್‍ಥಿ ಚೂ಼ಣೈಗಯಹುಯುಬಿ ಘಣ ಮೋಲ್‍ನೂಬಿ ಹುಯು.

1 ಪೇತ್ರ 2:8

ಅಜು಼ ಪವಿತ್ರ ದಪ್ತರ್‌ಮ ಅಜೇ಼ಕ್ಆಡಿ ಶಾತ್‌ ಲಿಖಾಸ್‌ಕತೊ “ಅದ್ಮಿ ಧೊಕ್‌ಡೈನ್ ಇವ್ಣೆ ರಡ್ಕಾನೊ ಬಂಡೊ ಹುಯಿರೋಸ್” ಇವ್ಣೆ ದೇವ್ನಿ ವಚನ್ನ ಅವಿಧೇಯ ಹುವಾತೆ ಇನಖ್ಹಾಜೆ ಯೊ ಬಂಡಾನ ಠೋಕರ್ ಲಾಗಿನ್‍ಪಟ್ಕಸ್. ಇನಖ್ಹಾಜೇಸ್ ಇವ್ಣೆ ಚೂ಼ಣೈಗಯೂತೆ.

2 ಪೇತ್ರ 1:20

ಖಿವು ಪ್ರವಾದನೆನು ವಚನ್‍ಬಿ ಖಲಿ ಶೊಂತ್‍ ಅದ್ಮಿನಿ ಬುದ್ದಿಥಿ ಬೋಲಿವತಾಳಖ್ಹರ್ಕು ಕಾಹೆ ಕರಿ ಬೋಲಾನು ಮುಖ್ಯಾಥಿ ಪಹಿಲೆ ಮಾಲುಮ್‌ಕರಿಲೆವೊ.

2 ಪೇತ್ರ 3:16

ಪೌಲ ಇನಿ ಖ್ಹಾರಿಸ್ ಚಿಟ್ಟಿಮಾಬಿ ಆ ವಾತೆನಿ ಬಾರೇಮ ಬೋಲಿರಾಖ್ಯೊಸ್. ಆ ಚಿಟ್ಟೀಮ ಛಾ಼ತೆ ಥೋಡಿವಾತೆಖ್ಹಾರು ತುಮುನ ಮಾಲುಮ್‌ ಕರ್‌ಲ್ಯಾವನ ಕಠಣ್ ಹುಯಿರ‍್ಹುಸ್. ಬಿಣ್‍ ಅಕ್ಲೀಬಿ ಅಜು಼ ವಿಶ್ವಾಸ್‌ಮ ಕಮ್‌ಜೋ಼ರ್‌ ಹುಯಿರ‍್ಹವಾಳು ಬಿಜ಼ ಧರ್ಮಶಾಸ್ತ್ರನಿ ಘೋಣಿಸ್ ಅನಾಬಿ ಗಲತ್‌ ಮತ್ಲಬ್‍ದೀನ್ ಇವ್ಣಿ ನಾಶ್‍ನ ಇವ್ಣೆಸ್ ಲೀಲೆಸ್.