1 ಪೇತ್ರ 2:21 - ದೇವ್ನಿ ಖ್ಹಾಚಿ ವಚನ್

²¹ ಅನಖ್ಹಾಜೆಸ್ ತುಮೆ ಬುಲೈರ‍್ಹಾಸ್ತೆ.ಕ್ರಿಸ್ತ ಜಿನುಬಿ ತುಮಾರಖ್ಹಾಜೆ ಖ್ಹತಾಪ್ಣಿಪಡಿನ್, ತುಮೆ ಇನ ಖೋಜ಼್‌ನಿ ಖ್ಹಣೇದ್‍ಮ ಚಾ಼ಲ್‌ನುಕರಿ ತುಮುನ ಏಕ್‌ ಸಾಕ್ಷಿನ ವತಾಳಿನ್ ಜೈರ‍್ಹೊಸ್.

1 ಪೇತ್ರ 2:21 Iomraidhean Croise

ಮತ್ತಾಯ 10:38

ಕೋಣ್ ಇನಿ ಶಿಲ್‌ಬೇನ ಪಳ್ಳಿನ್‌, ಮಾರ ಪೀಠೆ ಕೋ ಆವಾನಿಕಿ, ಯೋ ಮಾರೊ ಶಿಷ್ಯ ಹುವಾನ ಲ್ಹಾಯೇಕ್‌ನೊ ಕಾಹೆ.

ಮತ್ತಾಯ 11:29

ಮೇ ಹಂಕಾರ್‌ಭರ‍್ಯೊ ಕಾಹೆ ಅಜು಼ ಕೌಳೊ ದಿಲ್‌ವಾಳೊ ಹುಯಿರ‍್ಹೋತೆ ಇನಖ್ಹಾಜೆ, ಮಾರು ನೊಗಾನ ತುಮಾರಪರ್ ಪಾಡಿಲೀನ್ ಮಾರೇಥಿ ಶಿಕಿಲೇವೊ. ತದೆ ತುಮಾರು ಆತ್ಮಾನ ಅರಾಮ್‌ ಮಳ್‌ಶೆ.

ಮತ್ತಾಯ 16:24

ಅನಕೇಡೆಥು ಯೇಸುನೆ ಇನ ಶಿಷ್ಯರ್‌ನ, “ಕಿನಾತೋಬಿ ಮಾರ ಪೀಠೆ ಆವ್ಣುಕರಿ ಮನ್ ಉಶೇತೊ, ಯೋ ಖ್ಹುದ್‌ನ ಭೈಕಿಜೈ಼ನ್, ಇನಿ ಶಿಲ್‌ಬೇನ ಪಾಡಿಲೀನ್, ಮಾರ ಪೀಠೆ ಆವಾದೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:26

ಕ್ರಿಸ್ತ ಅಮ್ನಿಖ್ಹಾರಿ ಖ್ಹತಾಪ್ಣಿ ಖೈನ್, ಇನಿ ಮಹಿಮೆಮ ಜಾ಼ವಾನು, ಜ಼ರೂರತ್ ಛಾ಼ನಿ ಕರಿ ಬೋಲಿನ್,

ಯೋಹಾನ 13:15

ಮೇ ತುಮೂನ ಕರ‍್ಯೊತೆ ಇಮ್ಮಸ್ ತುಮೇಬಿ ಕರ‍್ನು, ಕರಿ ಮೇ ತುಮೂನ ಖ್ಹಂಜ಼್‌ಕಾರ್ ವತಾಳಿರಾಖ್ಯೋಸ್‌.

ಯೋಹಾನ 16:33

ತುಮೆ ಮಾರಾಮ ರ‍್ಹೀನ್, ತುಮೂನ ಶಾಂತಿ ಮಳ್‌ಣು ಕರಿ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್. ಜಗತ್‌ಮ ತುಮೂನ ಖ್ಹತಾಪ್ಣಿ ಛಾ಼, ಕತೋಬಿ ಘಟ್ ರ‍್ಹವೊ,ಶನಕತೊ ಮೇ ಜಗತ್ನ ಜೂತಿರಾಖ್ಯೋಸ್‌” ಕರಿಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:3

ಜಗತ್ನ ಉದ್ಧಾರ್ ಕರಾವಾಳೊ, ಖ್ಹತಾಪ್ಣಿನ ಲೇವ್ಣೂಸ್‍ ಪಡ್ಯುಥು. ಅಜು಼ ಮರಿಜೈನ್ ಪಾಛು಼ ಉಟ್ನುಸ್ ಪಡ್ಯುಥು ಕರಿ ಮೇ ಬೋಲುಕರುಸ್ತೆ ಯೋ ಕ್ರಿಸ್ತ” ಕರಿ ಮಾಲುಮ್‌ ಕರಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:16

ಯೊ ಮಾರ ನಾಮ್ನಖ್ಹಾಜೆ ಕೆತ್ರು ಲತಾಡ ಲಿಶೆಕರಿ ಮೇಸ್ ಇನ ವತಾಳಿಶ್.” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:29

ಕಿನ ದೇವ್ನೆ ತದೇಸ್‌ ಚೂ಼ಣಿಲಿದೊಕಿ. ಇನೆ ಇವ್ಣುನ ಇನ ಛಿಯ್ಯಾನಿಘೋಣಿ ಹುವಾನ ಎಕ್ಟು ಕರಿರಾಖ್ಯೋಸ್.ಅಮ್ ಇನೊಛಿಯ್ಯೊ ಕೈಏಕ್ ಭೈಯೇ ಭೇನೆವ್‌ನ ಬೀಚ್ಮ ಫೈಲೊಟೊ ಛಿಯ್ಯೊಕರಿ ಬೋಲಾವನಿತರ ಕರಿರಾಖ್ಯೊಸ್.

1 ಕೊರಿಂಥ 11:1

ಮೇ ಕ್ರಿಸ್ತನ ಪೀಛೆ ಕಿಮ್ ಚಾ಼ಲೂಸ್ಕಿ ಇಮ್‌ ಮಾರ ಪೀಛೆ ತುಮೆ ಚಾ಼ಲವಾಳ ಹುಯಿರ‍್ಹೇವೊ.

ಎಫೆಸ 5:2

ಕ್ರಿಸ್ತನೆ ಅಪ್ಣುನ ಪ್ಯಾರ್‌ಕರೀನ್ ಅಪ್ಣಖ್ಹಾಜೆ ಇನುಯೋಸ್ ದೇವ್ನ ಢಪ್ಕಾರಬಿ ಕಾಣ್‌ಕೆ ಹುಯಿನ್, ಬಲಿ ಸಮರ್ಪಣ್‌ ಹುಯೋತೆ ಪರಕ್ಮಸ್ ತುಮೇಬಿ ಪ್ಯಾರ್‌ಥಿ ಜಿವೊ.

ಫಿಲಿಪ್ಪಿ 2:5

ಕ್ರಿಸ್ತ ಯೇಸುಮ ಥೋತೆ ದಿಲ್‌ ತುಮಾರಮಾಬಿ ರ‍್ಹವಾದೆ.

1 ಥೆಸ 3:3

ತುಮೂನ ಮಾಲುಮ್‌ ಛಾ಼ಕಿ, ದೇವ್ನ ನಾಮ್ಹೆಲ್ನುತೆ ತಿಮ್ ಖ್ಹತಾಪ್ಣಿ ಖ್ಹಮಾಳಿಲ್ಯವಾನು, ಐರ‍್ಹೂತೆ ದೇವ್ನಿ ಮರ್ಜಿ ಹುಯಿರ‍್ಹೀಸ್.

1 ಥೆಸ 4:2

ಇನಖ್ಹಾಜೆ ದೇವ್ನ ಖ್ಹಾಜಾ಼ನಟೇಕೆ ಕಿಮ್ ಜಿವ್ಣು ಕರಿ ಹಮಾರೆಥಿ ಶಿಕಿನ್ ಯೋಸ್ ತರಿಕಾಥಿ ಜಿವ್‌ಕರಾಸ್. ತುಮೆ ಬಿಜೂ಼ಬಿ ಜಾ಼ಖ್ಹತ್ ಚಾ಼ಲ್ನುಕರಿ ಪ್ರಭು ಯೇಸುಮ ಬಿಂತಿ ಕರಿಯೇಸ್.

2 ತಿಮೊ 3:12

ಕ್ರಿಸ್ತ ಯೇಸುಮ ದೇವ್ನಿ ಮರ್ಜಿನಿಘೋಣಿ ಜಿ಼ಂದ್‌ಗಿ ಜಿವ್ಣುಕರಾನ ಆಖ್ಹ್ ಕರಾಸ್ತೆ ಹರೇಕ್ ಜ಼ಣು ಲತಾಡ ಪಡ್ಣುಸ್ ಪಡಾಸ್‌.

ಇಬ್ರಿ 2:10

ಹರೇಕ್‌ಬಿ ಕಿನಖ್ಹಾಜೆ ಕಿನೇಥಿ ಬಣ್ಯುಕಿ. ಯೊ ಘಣು ಜ಼ಣು ಛಿಯ್ಯಾವ್‍ನ ಮಹಿಮೆನ ಮಳಾವನಖ್ಹಾಜೆ; ಇವ್ಣ ಬಚಾ಼ಡವಾಳ ಮೋಟಾನ ಖ್ಹತಾವಥಿ ರಕ್ಷಣೆಲ್ಯವಾನು ಬರಬರಸ್.

1 ಪೇತ್ರ 1:20

ಯೊ ಜಗತ್‌ ಉಬ್‌ಜಾ಼ನ ಅಗಾಡಿಸ್ ದೆವೈಜಾ಼ವಾಳೂ ಹುಯಿರ‍್ಹಿನ್, ಆ ಖ್ಹರ್ತಿನ ಹಗಾಮ್ಮ ತುಮಾರಖ್ಹಾಜೆ ದೆಖಾಯೊ.

1 ಪೇತ್ರ 2:24

ಅಪ್ಣೆ ಅಪ್ಣ ಪಾಪ್ನ ಭಾಗ್ನ ಮರೀನ್ ನೀತಿವಾಳ ಹುಯಿನ್ ಬಚಾ಼ನಿತರ ಅಪ್ಣ ಪಾಪ್ನ ಯೋಸ್ ಇನ ಶರೀರ್‌ಪರ್‌ ಢೊಯ್ಲಿನ್ ಶಿಲ್‌ಬೆಪರ್ ಮರಿಗೊ. ಇನ ಘಾವ್‍ಥಿ ತುಮುನ ಅಛ್ಛು಼ಹುಯು.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

1 ಪೇತ್ರ 3:9

ಖರಾಬ್‌ನ ಖರಾಬ್, ಚಾ಼ವ್‍ಣ್ಯನ ಚಾ಼ವ್‌ಣ್ಯ ನಾಕರ‍್ನುತೆ ಆಶೀರ್ವಾದ್‌ ಕರೊ ಅನಖ್ಹಾಜೆಸ್ ದೇವ್ನೆ ತುಮುನ ಬುಲೈರಾಖ್ಯೋಸ್ನಿ. ಅಮ್ ಕರಾವಾಳ ಹುಯಿರ‍್ಹಾತೊ ತುಮೆ ಆಶೀರ್ವಾದ್‌ನ ಹಕ್‌ಥಿ ಲೀಲಿಶು.

1 ಪೇತ್ರ 4:1

ಕ್ರಿಸ್ತನೆ ಅಪ್ಣಖ್ಹಾಜೆ ಇನ ಶರೀರ್‌ಮ ಲತಾಡ ಪಡ್ಯುತೆಖ್ಹಾಜೆ ತುಮೇಬಿ ಜಿನು ಯೋ ದಿಲ್‌ವಾಳ ಹುಯಿನ್ ಖ್ಹತಾಪ್ಣಿಲ್ಯವಾನ ತಯಾರ್‌ಹುವೋ. ಶನಕತೊ ಶರೀರ್‌ಮ ಖ್ಹತಾಪ್ಣಿ ಪಡ್ಯೊಹುಯೊ, ಪಾಪ್ ಕರಾನು ಭಿರಾಖವಾಳೊ ಹುಯಿರ‍್ಹೊಸ್.

1 ಪೇತ್ರ 4:13

ಕತೋಬಿ ತುಮೆ ಕೆತ್ರೆಪರಕ್ಮ ಕ್ರಿಸ್ತನಿ ಖ್ಹತಾಪ್ಣಿವ್‌ಮ ಭಾಗ್‌ವಾಳ ಹುಯಿರಾಸ್ಕಿ ಎತ್ರಸ್‍ಪರಕ್ಮ ಖುಷಿ ಪಡೊ. ಇನಖ್ಹಾಜೆ ಯೋ ಮಹಿಮೆಥಿ ಆವಾದಿನ್ ತುಮೆ ದೇಖಿನ್ ಘಣಿ ಖುಷಿಥಿ ಭರೈಜಾಶು.

1 ಯೋಹಾನ 2:6

ದೇವ್‌ಮ ತಳ್‍ಗಾಠಿನ್ ಛೂ಼ಕರಿ ಬೋಲವಾಳೊ ಯೇಸು ಚಾ಼ಲಿಲಿದೋತೆ ತಿಮ್ಮಸ್ ಯೋಬಿ ಜಿವ್ಣು ಕರ‍್ನು.

1 ಯೋಹಾನ 3:16

ಪ್ರಭು ಯೇಸು ಅಪ್ಣಖ್ಹಾಜೆ ಇನ ಜಾನ್ನಾಸ್ ಮ್ಹೇಲ್ಯೊ. ಅನೇಥಿ ಲಾಡ್‌ ಕೆಥ್ರಾನು ಕರಿ ಅಪ್ಣೆ ಖ್ಹಮ್‍ಜಿಲಿದ ಕಿಮ್‌ಕತೊ. ಅಪ್ಣೇಬಿ ಭೈಯೇ ಭೇನೇನಖ್ಹಾಜೆ ಜಾನ್‌ ದೇವವಾಳ ಹುಯಿರಾಸ್‍.

ಪ್ರಕಾಶಿತ್ 12:11

ಇವ್ಣೆ ಮರಣ್‌ಲಗೂಬಿ ಭೈಯೇ ಭೇನೆನ ಇವ್ಣ ಜಾನ್ನ ಪ್ಯಾರ್ ಕರ‍್ಯಕೊಂತೆ, ಮೇಂಢಾನ ಚೆಲ್ಕುಹುಯಿರ‍್ಹವಾಳನ ಲ್ಹೋಯಿಥಿಬಿ ಇನು ಸಾಕ್ಷಿನು ಅಜು಼ ಬೋಲಾಯುತೆ ವಚನ್‌ಥಿಬಿ ಇನ ಜೂತಿಲಿದು.