1 ಪೇತ್ರ 2:16 - ದೇವ್ನಿ ಖ್ಹಾಚಿ ವಚನ್

¹⁶ ಛುಟ್ಕಾರ್ ಲೀಲೆವೊ, ಕತೋಬಿ ಖರಾಬ್ ಫನೈನ ಲಪಾಡನಖ್ಹಾಜೆ ತುಮಾರಿ ಛುಟ್ಕಾರ್‌ನ ನಕೊ ಉಪಯೋಗ್‍ಕರೊ. ಕತೋಬಿ ತುಮೆ ದೇವ್ನ ಸೇವಕ್‌ನಿತರ ಚಾ಼ಲಿಲೆವೊ.

1 ಪೇತ್ರ 2:16 Iomraidhean Croise

ಮತ್ತಾಯ 23:13

“ಮೋಶೆನಿ ವಚನ್ನ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ಅದ್ಮಿಖ್ಹಾರು ಸೊರ್ಗಾನು ರಾಜ್ಯಮ ಜಾ಼ವಾನು ಬಾಕಲ್‌ನ ತುಮೆ ಖ್ಹಾಮ್ಣೆ ಮೂಚಿನಾಖೋಸ್, ತುಮೇಬಿ ಮಹಿ ಕೋಜಾ಼ಯ್ನಿ ಅಜು಼ ಮಹಿ ಜಾ಼ವ್ಣುಕರಿ ಕರಾವಾಳಾನಾಬಿ ಕೋ ಮ್ಹೇಲೋನಿ.

ಯೋಹಾನ 15:22

ಮೇ ಐನ್ ಆ ಜಗತ್ನಿ ಅದ್ಮಿವೊನಿ ಜೋ಼ಡೆ ವಾತೆ ನಾ ಬೋಲ್ಯೊಹೊತ್ತೊ, ಇವ್ಣುನ ಪಾಪಿ ದೋಷಿಕರಿ ಬೋಲಾಯುಹೊತ್‌ ಕೊಯ್ನಿ. ಕತೋಬಿ ಹಮ್ಕೆ ಮೇ ಐನ್ ವಾತೆ ಬೋಲಿರಾಖ್ಯೊಸ್ ಇನಖ್ಹಾಜೆ ಇವ್ಣ ಪಾಪ್ನ ಖಿವು ಭಾಣುಬಿ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:18

ತುಮೆ ಪಾಪ್‌ಥಿ ಛುಟ್ಕಾರ್ ಲ್ಯವಾಳಹುಯಿನ್ ನೀತಿನ ಗುಲಾಮ್‌ ಹುಯಿರ‍್ಹಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:22

ಕತೋಬಿ ಹಮ್ಕೆ ತುಮೆ ಪಾಪ್‌ಥಿ ಛುಟ್ಕಾರ್ ಲ್ಯವಾಳಹುಯಿನ್, ದೇವ್ನ ಗುಲಾಮ್‌ ಹುಯಿರಾಸ್. ತುಮೂನ ಮಳಾನು ಫಾಯಿದೊ ಪರಿಶುದ್ ಭಣಿ ಲೀಜಾ಼ಸ್ ಇನು ಫಲ್ ಹಮೇಶಾನಿ ಜಿ಼ಂದ್‌ಗಿ ಹುಯಿರ‍್ಹುಸ್.

1 ಕೊರಿಂಥ 7:22

ಶನಕತೊ ಪ್ರಭುಥಿ ಬುಲಾವನಿ ವಖ್ಹ್‌ತೆ ಗುಲಾಮ್ ರ‍್ಹವಾಳೊ ಪ್ರಭುಮ ಛುಟ್ಕಾರ್ ಹುಯಿರ‍್ಹೊಸ್. ಪ್ರಭು ಬುಲಾವನಿ ವಖ್ಹ್‌ತೆ ಛು಼ಟೊರ‍್ಹವಾಳೊ ಹಮ್ಕೆ ಕ್ರಿಸ್ತನ ಗುಲಾಮ್ ಹುಯಿರ‍್ಹೋಸ್.

ಗಲಾತ್ಯ 5:1

ಕ್ರಿಸ್ತನೆ ಅಪ್ಣುನ ಕಬ್‌ಜಾ಼ಮ ನಾರ‍್ಹೇವ್ಣುಕರಿ ಅಪ್ಣುನ ಛುಟ್ಕಾರ್ ಕರೀನ್ ಮ್ಹೇಲ್ಯೊ. ಇನಾಮ ಘಟ್‍ಥಿ ಭೀರೆವೊ. ಅಜು಼ ಪಾಛು಼ ದಿಲ್‌ ಫರೈನ್ ಗುಲಾಮ್‌ಗಿರಿನ ನೊಗಾಮ ಪಾಛಾ಼ ನಕೊ ಖ್ಹಪ್‌ಡಿಜಾಶು.

ಗಲಾತ್ಯ 5:13

ಭೈಯೇ ಭೇನೆವೊ, ತುಮೆ ಛುಟ್ಕಾರ್‌ಥಿ ರ‍್ಹೇವ್ಣುಸ್‌ಕರಿ ದೇವ್ನೆ ತುಮುನ ಬುಲಾಯೊ. ಕತೋಬಿ ತುಮುನ ಛಾ಼ತೆ ಛುಟ್ಕಾರ್‌ನ ಶರೀರ್‌ನ ಇಛ್ಛಾನಿ ಪರಕ್ಮ ಉಪಯೋಗ್‌ ನಾಕರ‍್ನುತೆ, ಪ್ಯಾರ್‌ಥಿ ಏಕ್‌ಥಿ ಏಕ್‌ ಸೇವೆಕರೊ.

ಎಫೆಸ 6:6

ಅದ್ಮಿಖ್ಹಾರು ಪಸಂದ್ ಕರಾನಿತರ ಛಾ಼ರ್ವಣಿನಖ್ಹಾಜೆ ಯಜಮಾನ್ ದೇಖುಕರಾನಿ ವಖ್ಹ್‌ತೆ ಖಲಿ ಕಾಮ್ ನಾಕರ‍್ನುತೆ, ಕ್ರಿಸ್ತನಿ ಆಳ್‌ನಿಘೋಣಿ ದೇವ್ನಿ ಮರ್ಜಿನ ಪೂರ ಮನ್‌ಥಿ ಚಾ಼ಲಿಲೆವೊ.

ಕೊಲೊಸ್ಸೆ 3:24

ಪ್ರಭುಥಿ ಸೇವೆನು ಪ್ರತಿಫಲ್ ಮಳ್‍ಶೇಕರಿ ಖ್ಹಯಾಲ್ಮ ರಾಖಿರಾಖೊ. ಪ್ರಭು ಕ್ರಿಸ್ತ ಅದ್ಮೆವ್‍ನ ಕರ‍್ಯೊತೆ ವಾಗ್ದಾನ್ ತುಮಾರ ಯಾದ್ಮ ರ‍್ಹವಾದೆ.

1 ಥೆಸ 2:5

ತುಮೂನ ಮಾಲುಮ್‌ಛಾ಼ತೆ ತಿಮ್ ಹಮೆ ಕದೇಬಿ ಕಿನ ಖ್ಹರಾಯಬಿ ಕೊಯ್ನಿ ಅಜು಼ ಲಾಲಚ್‌ನ ಲಪಾಡನಖ್ಹಾಜೆ ವೇಷ ಫೇರ‍್ಯಕೊಯ್ನಿ. ಇನ ದೇವಸ್ ಸಾಕ್ಷಿ.

ಯಾಕೋಬ 1:25

ಕತೋಬಿ ಛುಟ್ಕಾರ್ ದ್ಯಾವಾಳು ಅಖ್ಖುಪೂರ ಹುಯಿರ‍್ಹುತೆ, ಧರ್ಮಶಾಸ್ತ್ರನ ದಿಮಾಕ್‍ಲಗಾಡಿ ಫಡೀನ್ ಬಿಜೂ಼ಬಿ ಖ್ಹಯಾಲ್ ಕರಿನ್ ಇನಿನಿತರ ಚಾ಼ಲವಾಳೊ ವಚನ್ನ ಖ್ಹಮ್‌ಜಿನ್‌ ಭೈಕಿ ನಾ ಜಾ಼ವ್ಣುತೆ ಯೋ ಪರಕ್ಮ ಇನ ಕಾಮ್‍ಥಿ ಧನ್ಯಹುಯಿರ‍್ಹಿಶೆ.

ಯಾಕೋಬ 2:12

ಛುಟ್ಕಾರ್ ದ್ಯಾವಾಳು ಧರ್ಮಶಾಸ್ತ್ರನಿ ಪರಕ್ಮ ತುಮೆ ತೀರ್ಪ್‌ ಲೀಲ್ಯಾವಾಳನ ಬರೊಬರ್‌ಥಿ ವಾತ್‍ಬೋಲೊ ಅಜು಼ ವಿಧೇಯ ಹುವೊ

2 ಪೇತ್ರ 2:19

ಅಥ್ರಾನವಾಳು ಛುಟ್ಕಾರ್ ದಿಯೇಸ್ ಕರಿ ಇವ್ಣುನ ವಾಗ್ದಾನ್ ಕರಸ್. ಕತೋಬಿ ಇವ್ಣೆಸ್ ಖರಾಬ್ ಫನೈನ ಗುಲಾಮ್ ಹುಯಿರ‍್ಹೋಸ್. ಶನಕತೊ ಖೆವು ಏಕ್‌ನ ಖ್ಹಾಮ್ಣೆ ಹರಸ್ಕಿ ಇನ ಯೋ ಗುಲಾಮ್‌ ಹುಯಿರ‍್ಹೋಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:4

ಶನಕತೊ ಭಕ್ತಿಕೊಂತೆ, ಅಪ್ಣ ದೇವ್ನ ವಾರ್‌ಖ್ಹಾನ ಭಾಣುಕರಿಲೀನ್‍ ಖ್ಹರಮ್‌ಕೊಂತೆ ಕಾಮ್ನ ಕರವಾಳುಬಿ, ಅಪ್ಣೊ ಎಕ್ಕಸ್ ಯಜಮಾನ್‌ಬಿ ಪ್ರಭು ಯೇಸುಕ್ರಿಸ್ತನ ಝಿಟ್ಕಾರವಾಳು ಥೋಡುಜ಼ಣು ಗಪ್ಲಥ್ಥಿ ಸಬೆಮ ಮಹಿ ಪೇಶಿರ‍್ಹುಸ್. ಅವ್ಣೆ ಅಗಾಡಿಥೂಸ್ ನಿಶತ್‌ನ ನೇಮಕ್‍ಹುಯಿರ‍್ಹುಸ್‍ ಕರಿ ಪವಿತ್ರ ವಚನ್‌ಮ ಲೀಖೈರುಸ್.