1 ಪೇತ್ರ 2:12 - ದೇವ್ನಿ ಖ್ಹಾಚಿ ವಚನ್

¹² ತುಮಾರಿ ಚಾ಼ಲ್‍ಚ಼ಲಣ್‍ ಅಲ್ಹಾವ್‌ ಅದ್ಮಿವ್‌ನ ಇಚ಼್‌ಮ ಯೋಗ್ಯಹುಯಿರ‍್ಹವಾದೆ, ತದೆ ಇವ್ಣೆ ಖೆವಿಸ್ ವಾತ್ನಿ ಬಾರೇಮ ತುಮುನ ಖರಾಬ್‍ಕರಿ ಚಾ಼ವ್‌ಣ್ಯ ಕರಾಸ್ಕಿ ಯೋಸ್ ತುಮಾರಿ ವಾತೆಮ ತುಮಾರಿ ಅಛ್ಛಿ ಚಾ಼ಲ್‍ಚ಼ಲಣ್ಣಾ ಡೋಳೆಖ್ಹು ದೇಖಿನ್, ದೇವ್ ಆವನ ದನೂಮ ಅಪ್ಣುನ ಇವ್ಣೆ ಖ್ಹರಾವ್‌ಶೆ.

1 ಪೇತ್ರ 2:12 Iomraidhean Croise

ಮತ್ತಾಯ 10:25

ಶಿಷ್ಯ ಇನ ಗುರುನಿಮತ್‌ ಬಣ್ಯೋತೊ ಬಶ್‌, ಅಜು಼ ಆಳ್‌ ಇನ ಯಜಮಾನ್ನಿ ಮತ್‍ ಬಣ್ಯೋತೊ ಬಶ್‌. ಘರ್‌ನೊ ಯಜಮಾನ್ನಸ್‌, ಬೆಲ್ಜೆಬೂಲ್ ಕರಿ ಇವ್ಣೆ ಚಿಕ್‌ರ‍್ಯುತೊ, ಯೋ ಘರ್‌ನ ಬಿಜಾ಼ಖ್ಹಾರ ಅದ್ಮಿನ ಅಜು಼ಕೆತ್ರೆ ಖರಾಬ್ ನಾಮ್‍ಥಿ ಚಿಕರ್‌ಶೆ ಕೊಯ್ನಿಕಿಶು?

ಮತ್ತಾಯ 5:11

“ಮಾರ ಖ್ಹಾಜೇಥಿ ಅದ್ಮಿಖ್ಹಾರು ತುಮೂನ ಖ್ಹರಮ್‌ ಕಾಡಿನ್, ಖ್ಹತೈನ್, ತುಮಾರಪರ್ ಖ್ಹಾರಿಸ್ ತರ‍್ಹಾನು ಖರಾಬ್‌ನ ಬೋಲಿನ್, ಝೂ಼ಟಿ ಲಗಾಡ್ಯುತೊ, ತುಮೆ ಧನ್ಯ ಹುಯಿರ‍್ಹಾಸ್‌.

ಮತ್ತಾಯ 5:16

ಅಮ್ಮಸ್ ತುಮಾರು ಉಜಾ಼ಳು ಅದ್ಮಿನ ಖ್ಹಾಮ್ಣೆ ಉಜಾ಼ಖ್ಹ್‌ ಹುವಾದೆ, ಅನೇಥಿ ತುಮೆ ಕರಾತೆ ಅಛ್ಛು಼ಕಾಮ್ನ ಇವ್ಣೆ ದೇಖಿನ್‌, ಸೊರ್ಗಾಮ ಛಾ಼ತೆ ತುಮಾರ ಬಾನ ಖ್ಹರಾವ್‌ಶೆ.

ಮತ್ತಾಯ 9:8

ಅದ್ಮಿಖ್ಹಾರು ಅನದೇಖಿನ್‌, ಡರಿನ್‌, ದೇವ್ನೆ ಅದ್ಮಿನ ಅಮ್ನಿ ಅದಿಕಾರ್ ದಿದೋತೆ ಇನಖ್ಹಾಜೆ ದೇವ್ನ ಖ್ಹರಾಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:68

“ಇಸ್ರಾಯೇಲ್‌ನೊ ದೇವ್ ಹುಯಿರ‍್ಹೋತೆ ಪ್ರಭುನ ಧನ್ಯವಾದ್ ಹುವಾದೆ! ಇನ ಅದ್ಮಿಕನ ಐನ್, ಇವ್ಣಾಪರ್ ಗೋರ್‌ಕರೀನ್, ಇವ್ಣುನ ಛುಟ್ಕಾರ್‌ ಕರಿರಾಖ್ಯೋಸ್;

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:44

ಇವ್ಣೆ ತುನ ಅಜು಼ ತಾರಿ ಭೀತ್‌ನ ಮಹಿ ಛಾ಼ತೆ ಖ್ಹಾರ ಅದ್ಮಿನ ಬರ್ಬಾತ್ ಕರ್ಶೆ, ಏಕ್‌-ಬಂಡಾಪರ್ ಬಿಜ್ಜೇಕ್‌ ಬಂಡೊ ಭೀರೆವ್ಣುನಾತೆ ಇಮ್‌ ಇವ್ಣೆ ಕರ್ಶೆ, ಶನಕತೊ, ದೇವ್ನೆ ತುನ ಬಚಾ಼ಡ್‌ಣು ಕರಿ ಆಯೋತೆ ವಖ್ಹತ್‌ನ, ತೂ ಪರ್ಖಿ ಕೊಯ್ನಿ!” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:22

ಅದ್ಮಿನ ಛಿಯ್ಯಾನ ಖ್ಹಾಜೇಥಿ ಅದ್ಮಿಖ್ಹಾರು ತುಮೂನ ಖ್ಹರಮ್‌ ಕಾಡಿನ್, ದಾವೊ ಕರೀನ್, ಭಾರ್ ಕಾಡಿನಾಖಿನ್, ತುಮಾರು ನಾಮ್ ಬೋಲಾನುಬಿ ಖರಾಬ್‌ಕರಿ ಝಿಟ್ಕಾರ‍್ಯುತೊ, ತುಮೆ ಧನ್ಯ ಹುಯಿರ‍್ಹಾಸ್.

ಯೋಹಾನ 13:31

ಯೂದ ಜಾ಼ವಾನ ಬಾದ್‌ಮ, ಯೇಸುನೆ, “ಹಮ್ಕೆ ಅದ್ಮಿನೊ ಛಿಯ್ಯಾನ ಮಹಿಮೆ ಹುಯು; ಅಜು಼ ಇನೇಥಿ ದೇವ್ನ ಮಹಿಮೆ ಪ್ರಕಟ್ ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:14

ಯೆಹೂದ್ಯರ್‌ಕಾಹೆತೆ ಅದ್ಮಿನ ದೇವ್ನೆ ದೇಕ್‌ಭಾಲ್‌ ಕಿಮ್ ಕರ‍್ಯೊಕರಿ ಸಿಮೋನನೆ ಖ್ಹಮ್‍ಜಾ಼ಡಿರಾಖ್ಯೊಸ್. ಪಹಿಲಿಬಾರ್ ಯೆಹೂದ್ಯರ್‌ಕಾಹೆತೆ ಅದ್ಮಿನ ಏಕ್‌ ಜ಼ಣಾನ ದೇವ್ನೆ ಇನಿ ಕೃಪೆಥಿ ಸ್ವೀಕಾರ್ ಕರಿರಾಖ್ಯೊಸ್, ಇವ್ಣುನ ಇನು ಅದ್ಮಿಕರಿ ಕರಿಲಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:13

ಹಮ್ಕೆ ಮಾರಪರ್ ಇವ್ಣೆ ಢೋವಾಡುಕರಾತೆ ಗಲತ್‌ನ, ಸಬೂತ್‌ಕರಿ ತಾರಖ್ಹಾಮ್ಣೆ ಓತಾಳನ ಕೋ ಉಶೇನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:7

ಯೆರೂಸಲೇಮ್‌ಥು ಆಯುಥೂತೆ ಯೆಹೂದ್ಯರ್, ಪೌಲ ಹಿಜ್ಜಾ಼ ಆವಾದಿನ್ ಇನ ಅಶ್‌ಪಿಶ್ ಭೀರಿನ್ ಇನಪರ್ ಘಣು ಗಲತ್‌ ಲಗಾಡ್ಯು. ಇವ್ಣೆ ಶಾತ್ಬಿ ಸಾಬಿತ್ ಕರಾನ ಕೋಹುಯುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:22

ಕತೋಬಿ ತಾರಿ ಸೋಚ್ನ ತಾರ ಮ್ಹೋಡೇಖ್ಹೂಸ್ ಖ್ಹಮ್‌ಜಾ಼ನ ಪಸಂದ್ ಕರ್ಯೆಸ್. ಶನಕತೊ ಅಖ್ಖೂಸ್ ಅದ್ಮಿಖ್ಹಾರು ಆ ಝೂ಼ಂಡ್‌ಮ ಕ್ರಿಸ್ತನು ವಿರೋದ್ ಕರೀನ್ ವಾತೆ ಬೋಲುಕರಸ್‍ಕರಿ ಹಮೂನ ಮಾಲುಮ್‌” ಕರಿ ಬೋಲ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:17

ಏಕ್‌ ಹಲ್ಲ ಕೋಣ್ ತೋಬಿ ತುಮಾರ ಜೋ಼ಡೆ ಖರಾಬ್ ಚಾ಼ಲ್‌ಥಿ ಚಾ಼ಲಿಲಿದುತೊ ಬದಲ್ ಖರಾಬ್ ನಕೊಕರೊ. ಖ್ಹಾರಾನಿ ನಜ಼ರ್‌ಮಾಬಿ ಮರ್ಯಾದಿಥಿ ಶಾತ್‌ ಛಾ಼ಕಿ ಇನಾಸ್ ಕರೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:13

ಫಾಯಿದೊಕೊಂತೆ ಮಿಝ಼್‌ವಾನ್, ಪೀನ್ ನಿಶಾಚ಼ಡೈಲ್ಯವಾನು ಅಪ್ಣ ಶರೀರ್ ಸಂಬದ್‌ಥಿ ಕರಾನು ಪಾಪ್, ಲಡೈಝ಼ಗ್‍ಡೊ, ಪೇಟ್ನೊ ಬಳಾಪೊ ಆ ಖ್ಹಾರೇಥಿ ದೂರ್‌ಹುಯಿನ್ ಉಜಾ಼ಳಮ ರ‍್ಹಾವಾಳನಿತರ ಚಾ಼ಲಿಲಿಯೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:18

ಶನಕತೊ ಅಮ್ನಿ ಪರಕ್ಮ ಕ್ರಿಸ್ತನ ಸೇವೆಕರವಾಳೊ ದೇವ್‍ಥಿ ಪಸಂದ್‌ ಕರೈಲ್ಯವಾಳೋಬಿ, ಅದ್ಮೆವ್‍ನ ಅಛ್ಛು಼ ಕರವಾಳೊಬಿ ಹುಯಿರ‍್ಹವಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:9

ದೇವ್ ಇವ್ಣುನ ವತಾಳನು ಗೋರ್‌ನಖ್ಹಾಜೆ ಯೆಹೂದ್ಯರ್‌ಕಾಹೆತೆ ಇವ್ಣೆ ದೇವ್ನ ಮಹಿಮೆ ಕರಾದೆಕರಿ ಕ್ರಿಸ್ತಾನೆ ಅಮ್‌ಕರ‍್ಯೊ ಕರಿ ಮೆ ಬೋಲುಕರುಸ್. ಆ ಧರ್ಮಶಾಸ್ತ್ರಮ ಅಮ್ ಬೋಲಾಸ್, “ಇನಖ್ಹಾಜೆ ಯೆಹೂದ್ಯರ್ ಕಾಹೆತೆ ಇವ್ಣ ಬೀಚ್ಮ ಮೇ ತುನ ಸ್ತುತಿಕರುಸ್; ಮೇ ತಾರ ನಾಮ್ನ ಸ್ತುತಿನು ಗೀದ್‌ ಬೋಲುಸ್.” ಕರಿ ಬೋಲೈರ‍್ಹುಸ್.

1 ಕೊರಿಂಥ 14:25

ಯೋ ಅದ್ಮಿನಿ ದಿಲ್‌ಮಾನಿ ಗಪ್ಲತ್‌ನಿ ವಾತೆಖ್ಹಾರಿ ಭಾರ್‌ ಆವಸ್. ಯೋ ಅಡ್‍ಪಡೀನ್ ದೇವ್ನ ಆರಾದನೆ ಕರೀನ್ “ದೇವ್ ಖ್ಹಾಚಮಾಸ್ ತುಮಾರ ಇಚ಼್‌ಮ ಛಾ಼.” ಕರಿ ಬೋಲಸ್.

2 ಕೊರಿಂಥ 1:12

ಹಮೆ ಆ ವಾತ್ನಿ ಬಾರೇಮ ಕಂಡಿ ಛ಼ಡೈಲಿಯೇಸ್ಕಿ, ಹಮೆ ಖಲಿ ಅದ್ಮಿವೋನಿ ಅಕ್ಕಲ್‍ನ ಲಿದಾಕೊಂತೆ ದೇವ್ನ ವಾರ್‌ಖ್ಹಾನ ಆಖ್ಹ್‌ರಾಮ ಪರಿಶುದ್ಧಬಿ ನಿಯತ್‍ವಾಳಾಬಿ ಹುಯಿನ್ ಆ ಜಗತ್ಮ ತುಮಾರಿ ಬಾರೇಮ ಚಾ಼ಲಿಲಿದಾಕರಿ ಹಮಾರು ದಿಲ್‌ ಹಮೂನ ಸಾಕ್ಷಿ ಬೋಲಸ್.

2 ಕೊರಿಂಥ 13:7

ತುಮೆ ಖಿವೂಬಿ ಖರಾಬ್ ನಾಕರ‍್ನು ಕರಿ ಹಮೆ ದೇವ್ನ ಪ್ರಾರ್ಥನೆ ಕರಿಯೇಸ್. ಅನಾಮ ಹಮೇಸ್ ಯೋಗ್ಯ ಕರಿ ದೆಖಾವ್ಣು ಕರಿ ಹಮಾರಿ ಖ್ಹಯಾಲ್ ಕಾಹೆ. ಹಮೆ ನಾಲಾಯಕ್‌ ಹುಯಿನ್ ದೆಖಾಯಾತೋಬಿ ತುಮೆ ಅಛ್ಛು಼ಸ್ ಕರ್ನುಕರಿ ಹಮಾರಿ ಖ್ಹಯಾಲ್.

2 ಕೊರಿಂಥ 8:21

ಶನಕತೊ ಪ್ರಭುನಿ ನಜ಼ರ‍್ಮ ಖಲಿಖಾಯೆತೆ ಅದ್ಮಿನ ಖ್ಹಾರನಿ ನಜ಼ರ್‌ಮಾಬಿ ಮರ್ಯಾದೆ ರ‍್ಹವಾನು ಖಿವು ಬರೋಬರ್ ಕರಿ ಸ್ವಿಕಾರ್‌ಕರ‍ಸ್‍ಕಿ ಅಜು಼ ಅದ್ಮಿನಿ ಬಾರೇಮಾಬಿ ದೇವ್ನಿ ಬಾರೇಮಾಬಿ ಕೆಹು ಬರೋಬರ್ ಕರಿ ಖ್ಹಯಾಲ್ ಕರಸ್ಕಿ ಯೋಸ್ ಖ್ಹಾರಾನ ಹಮೆ ಕೋಶಿಶ್ ಕರುಕರಿಯೇಸ್.

ಎಫೆಸ 2:3

ಪಹಿಲೆ ಅಪ್ಣೇಬಿ ಇವ್ಣಿನಿತರಸ್ ಥಾ, ಶರೀರ್‌ನು ಆಖ್ಹ್‌ದಾಖ್ಹ್‌ನ ಪೂರ ಕರಾನಟೇಕೆ ಅಪ್ಣೆ ಕೊಶೀಷ್ ಕರುಕರ್ತಥ. ಶರೀರ್‌ನ ಆಖ್ಹ್‌ಮ ಪಡೀನ್, ಶರೀರ್ ಅಜು಼ ದಿಲ್ನಿ ಆಖ್ಹ್‌ನ ಅಪ್ಣೆ ಕರ‍್ಯಾ. ಇವ್ಣಿ ಛ಼ಂದ್‌ನಿತರ ಅಪ್ಣೇಬಿ ಜಿನು ಅಲಕ್‌ನಿಘೋಣಿ ದೇವ್ನ ಇರಾದಮ ಪಡ್ಯ.

ಎಫೆಸ 4:22

ಇನಖ್ಹಾಜೆ ತುಮುನ ಶಿಕಾಡ್ಯುತೆ ಭೋದನ್ ಶಾತ್‌ಕತೊ ತುಮೆ ತುಮಾರಿ ಅಗ್ಲಿ ಚಾ಼ಲ್‌ನಿತರಾನು ಜೂ಼ನಿ ಆದತ್‌ನ ಕಾಡಿನಾಖೊ; ಯೊ ಧೋಕ ಖೈರಾಖ್ಯಾಸ್ತೆ ಖರಾಬ್ ಆಖ್ಹ್‌ಥಿ ಭರೈರ‍್ಹುಸ್‌. ಯೊ ನಾಶ್‌ ಹುಯಿಜಾ಼ವನು ಹುಯಿರುಸ್.

ಫಿಲಿಪ್ಪಿ 1:27

ಕಿಮ್‌ಬಿ ಕ್ರಿಸ್ತನಿ ಸುವಾರ್ತೆನ ಲ್ಹಾಯೇಕ್‌ಹುಯಿನ್ ಚಾ಼ಲಿಲೆವೊ. ತದೆ ಮೆ ಐನ್ ತುಮುನ ದೇಖ್ಯೊತೋಬಿ ಚಾ಼ಲಸ್, ದೂರ್ ರ‍್ಹೀನ್ ತುಮಾರಿ ಖಬರ್‌ನ ಖ್ಹಮ್‌ಜೊ ಚಾ಼ಲಸ್, ತುಮೆ ತುಮಾರ ವಿರೋದಿನ ಖಿವಿ ವಿಚಾರ್‌ಮಾಬಿ ನಾಡರ‍್ನುತೆ ಏಕ್‌ ದಿಲ್‌ಥಿ ಘಟ್‍ಥಿ ಭೀರಿನ್ ಸುವಾರ್ತೆಮ ರಾಖ್ಯತೆ ವಿಶ್ವಾಸ್ನಖ್ಹಾಜೆ ಏಕ್‌ ಮನ್‌ಥಿ ಲಡವಾಳ ಹುಯಿರ‍್ಹಾಸ್‍ಕರಿ ಮೆ ಲ್ಹಾವ್ಸ್.

ಫಿಲಿಪ್ಪಿ 4:8

ಕಡೇಶಿಮ ಮಾರ ಭೇನೆ ಭೈಯೇವೊ, ಖಿವು ಖ್ಹಾಚು಼ಕಿ, ನ್ಯಾವ್‌ನೂಕಿ, ಗಣ್ತಿನುಕಿ, ಪಾಕ್‌ನೂಕಿ, ಲಾಡ್ನೂಬಿ, ಖ್ಹಾಜ಼್‌ನುಬಿ ಹುಯಿರ‍್ಹುಸ್ಕಿ, ಖಿವು ಅಛ್ಛಿ ಚಾ಼ಲ್‌ಚ಼ಲಣ್‌ಬಿ, ಕೀರತ್ನ ಲ್ಹಾಯೇಕ್ಕಿ, ಯೊ ಅಖ್ಖಾನಿ ಬಾರೇಮ ಸೋಚಾವಳ ಹುಯಿ‍ರ‍್ಹೆವೊ.

1 ಥೆಸ 4:12

ಅಮ್ ಕರ‍್ಯಾತೊ ತುಮೂನ ವಿಶ್ವಾಸ್‌ಮಕೊಂತೆ ಅದ್ಮಿಥಿ ಮರ್ಯಾದಿ ಮಳ್‌ಶೆ ಕಾಹೆತೆ ತುಮೆ ಕಿನಾಪರ್‌ಬಿ ವಜ಼ನ್ ಕೊ ರ‍್ಹಿಶುನಿ.

1 ತಿಮೊ 2:2

ರಾಜಾ಼ವ್‌ನಟೇಕೆ, ಖ್ಹಾರ ಅದಿಕಾರಿನಟೇಕೆ ಧನ್ಯವಾದ್. ಅನೇಥಿ ಅಪ್ಣೆ ಸಮಾಧಾನ್ ಶಾಂತಿನ ದೇವ್ನ ಭರ್‌ಪೂರ್‌ ಮರ್ಯಾದಿ ದೇತಹುಯಿನ್ ಅಛ್ಛಿಜೀವನ್ ಚ಼ಲಾವನಖ್ಹಾಜೆ,

1 ತಿಮೊ 4:12

ತೂ ಜಾ಼ನ್ಜ಼ಮಾನ್ ಹುಯಿರೋಸ್ ಇನಖ್ಹಾಜೆ ತುನ ಕೀಳ್‍ಥಿ ನಕೊ ದೇಖಾದೆ. ಕತೋಬಿ ವಿಶ್ವಾಸಿಖ್ಹಾರನ ವಾತೆಚೀತೇಮ, ಚಾ಼ಲ್ ಚ಼ಲಣ್‌ಮ, ಪ್ಯಾರ್ ಅಜು಼ ವಿಶ್ವಾಸ್‌ನ ಪರಿಶುದ್ ಜೀವನ್‍ಥಿ ಮತಲಬ್ ಹುಯಿರ‍್ಹೆ.

1 ತಿಮೊ 5:10

ಅಜು಼ ಇನು ಗುಣ್ ಅಛ್ಛು಼ ಕಾಮ್ ಕರಾಮಸ್ ರ‍್ಹೇಣು. ಅಜು಼ ಇನ ಲಡ್ಕಾವ್ನ ಅಛ್ಛಿನಿತರ ಪಾಳಿರಾಕ್ಣು, ಘರ್‌ಕನ ಆವವಾಳಾನ ಸ್ವಾಗತ್ ಕರಾವಾಳಿ ಹುಯಿರ‍್ಹೇಣು. ಬಿಜು಼ ರ‍್ಹೇಸ್ತೆ ವಿಶ್ವಾಸಿನಿ ಜೋ಼ಡ್ಮ ಧೋಬೆಡಿನಿತ್ರ ಚಾ಼ಲಿಲೇವ್ಣು. ಖ್ಹತಾಪ್ಣಿಮ ರ‍್ಹೇಸ್ತೆ ಅದ್ಮಿವ್‌ನ ಮದತ್ ಕರಾವಾಳಿ ಹುಯಿರ‍್ಹೇಣು. ಅಜು಼ ಅಛ್ಛು಼ಕಾಮ್ನ ಸಮರ್ಪಣ್‌ ಕರಿರಾಖವಾಳಿ ಹುಯಿರ‍್ಹೇಣು.

ಇಬ್ರಿ 13:18

ಹಮಾರ ಖ್ಹಾಜೆ ಪ್ರಾರ್ಥನೆ ಕರೊ. ಅಪ್ಣೆ ಹರೇಕ್ ವಿಚಾರ್‌ಮ ಅಛ಼್ಛ ಹುಯಿನ್ ಚಾ಼ಲಿಲೇವ್ಣುಕರಿ ಸೋಚಿಯೆ. ಶನಕತೊ ಹಮೆ ಅಖ್ಖಿವೇಳ್ಮ ದಿಲ್ನಿಸಾಕ್ಷಿನ ಲೀರಾಖ್ಯಸ್‌ಕರಿ ಮಾನಿರಾಖ್ಯಸ್.

ಇಬ್ರಿ 13:5

ಪೈಶಾನಿಪ್ಯಾರ್‌ಥಿ ದೂರ್ ರ‍್ಹವೊ ತುಮುನ ಛಾ಼ತೆ ಇನಾಮ ಹಕ್ಲಾಲ್‌ ಕರೊ. “ಮೆ ತುಮುನ ಕೆದೇಬಿ ಹಾತ್ ಕೊಮ್ಹೇಲಿಶ್‌ನಿ. ಕೆದೇಬಿ ದೂರ್ ಕರೀಶ್ ಕೊಯ್ನಿ” ಕರಿ ದೇವ್ನೆಸ್ ಬೋಲಿರಾಖ್ಯೊಸ್.

ಯಾಕೋಬ 3:13

ತುಮಾರಮ ಗ್ಯಾನೀಬಿ ಅಕ್ಲೀಬಿ ಕೋಣ್? ಅಥ್ರಾನವಾಳು ಅಛ್ಛಿ ಚಾ಼ಲ್‌ಥಿ ಸಮಾಧನ್ನಾ ಕಾಮ್‍ಥಿ ಜಿವಿನ್ ವತಾಳದೆ.

1 ಪೇತ್ರ 2:15

ತುಮೆ ಅಛ್ಛು಼ಕರಾನಿ ವಖ್ಹ್‌ತೆ ತುಮಾರಿ ಬಾರೇಮ ಖರಾಬ್ ವಾತೆಬೋಲಾನು ಬಿಣ್‍ಅಕ್ಲಿ ಅದ್ಮಿವ್‌ನ ಮ್ಹೋಡು ಮುಚಾ಼ನಿತರ ಕರಾನುಸ್ ದೇವ್ನಿ ಖ್ಹೂಜ಼್ ಹುಯಿರ‍್ಹಿಸ್.

1 ಪೇತ್ರ 3:16

ಅಜು಼ ಅಛ಼್ಛು ದಿಲ್‌ನಿಸಾಕ್ಷಿವಾಳ ಹುಯಿ‍ರ‍್ಹೆವೊ. ತದೆ ತುಮೆ ಖರಾಬ್‌ನ ಕರಾವಾಳಕರಿ ತುಮಾರಿ ಬಾರೇಮ ಖರಾಬ್ ವಾತೆ ಬೋಲಿನ್ ಕ್ರಿಸ್ತಮಛಾ಼ತೆ ತುಮಾರಿ ಅಛ್ಛಿ಼ಚಾ಼ಲ್‍ನಿ ಬಾರೇಮ ಖರಾಬ್‍ವಾತ್‍ ಬೋಲಾವಾಳು ತುಮುನ ಚಾ಼ವ್‍ಣ್ಯ ಕಾಡಾನ ಖ್ಹರ್‌ಮೈಜಾ಼ಶೆ.

1 ಪೇತ್ರ 4:11

ಏಕ್ಜ಼ಣೊ ಬೋಧನೆಕರಾವಳೊ ರ‍್ಹಯೊತೊ ದೇವ್ನಿ ವಚನ್ನ ಪಾಡಿಬೋಲವಾಳೊ ಹುಯಿನ್ ಬೋಧನೆ ಕರಾದೆ. ಏಕ್‍ಜ಼ಣೊ ಸೇವೆ ಕರಾವಾಳೊ ರ‍್ಹಯೋತೊ ದೇವ್ ದೇಸ್ತೆ ಶಕತ್ನಿಪರಕ್ಮ ಕರಾದೆ. ಆ ಅಖ್ಖೇಥಿಬಿ ಕ್ರಿಸ್ತಯೇಸುಥಿ ದೇವ್ನ ಧನ್ಯವಾದ್ ಹುವಾಸ್. ಕ್ರಿಸ್ತ ಯೇಸುನ ರಾಜ಼್‌ಭಾರ್‌ಬಿ ಮಹಿಮೆಬಿ, ಶಕತ್‌ಬಿ ಜ಼ಗ್‌ಜ಼ಮಾನಮಾಬಿ ಇನಾಸ್ ರ‍್ಹವಾದೆ ಆಮೆನ್.

2 ಪೇತ್ರ 3:11

ಆಖ್ಹಾರು ಅಮ್ ಬರ್ಬಾತ್ ಹುಯಿಜಾ಼ಶೆಕತೊ ಇನಾಮ ತುಮೆ ಕೆಥ್ರಾನವಾಳ ಹುಯಿರ‍್ಹಿನ್ ಜಿವ್ಣುಕರ‍್ನು? ತುಮೆ ಪರಿಶುದ್ ಹುಯಿನ್‍ಬಿ ಅಜು಼ ದೇವ್ನ ಅದ್ಮಿಖ್ಹಾರು ಹುಯಿನ್ ಜಿವ್ಣುಕರ‍್ನು.