1 ಪೇತ್ರ 2:11 - ದೇವ್ನಿ ಖ್ಹಾಚಿ ವಚನ್

¹¹ ಪ್ಯಾರ್‌ನ ದೋಸ್ತಿವೊ ಆ ಜಗತ್ಮ ಪರದೇಖ್ಹ್‌ವಾಳಬಿ ತಮಾಖ್ಹೊ ದೆಖಾವಾಳುಬಿ ಹುಯಿರಾತೆ ತುಮೆ ತುಮಾರ ಆತ್ಮಾನ ವಿರೋದ್ ಹುಯಿನ್ ಜಂಗ್ ಭೀಡಾತೆ ಶರೀರ್‌ನು ನಿಕಳ್ಯ ಜಾನ್‌ಥಿ ದೂರ್ ರ‍್ಹೇವ್ಣುಕರಿ ಮೇ ತುಮುನ ಗಿಂಗೈಲೆವುಸ್.

1 ಪೇತ್ರ 2:11 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:34

“ತುಮಾರಿ ಬಾರೇಮ ಜ಼ತನ್‌ಥಿ ರ‍್ಹವೊ! ಜಾ಼ಖ್ಹತ್ ಖಾವಾಣ್‌ಪಿವಾಣ್ಣಿ ಅಹಂಕಾರ್‌ಥೀಬಿ ಕಯೇಪ್‍ಥೀಬಿ ಜಗತ್ನಿ ಸೋಚ್‍಼ಥೀಬಿ ತುಮಾರು ಮನ್‌ ವಜ಼ನ್‍ಹುಯಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:20

ಇನ ಬದಲ್‍ಥಿ ಅಪ್ಣೆ ಇವ್ಣುನ ಏಕ್‌ ಚಿಟ್ಟಿ ಲೀಖ್ಯೆ; ಯೊ ಶಾತ್‍ಕತೊ ಮೂರತ್ನ ಝಾ಼ಳ್ ಉತಾರಹುಯನಾಬಿ, ವ್ಯಬಿಚಾರ್‌ಥಿಬಿ, ಬಿಜು಼ ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು ಕರಿ ಅಕ್ಕಲ್ ದೇವ್ಣು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:29

ಯೋ ಅಖ್ಖು ಖಿವುಕತೊ; ಮೂರತ್ನ ಝಾ಼ಳ್ ಉತಾರಹುಯನಾಬಿ, ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು. ಅಜು಼ ವ್ಯಬಿಚಾರ‍್ನು ಪಾಪ್ನಕಾಮ್‌ಥಿ ತುಮುನ ಬಚಾ಼ಡಿಲೆವೊ. ಆ ಅಖ್ಖು ನಾಕರ‍್ನುತೆ ತಿಮ್‌ ಹೊಷಾರ್‌ಥಿ ರ‍್ಹಯಾತೊ ತುಮೆ ಅಛ್ಛು಼ ಕರ್ಶು. ತುಮುನ ಅಛ್ಛು಼ ಹುವಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:1

ಇನಖ್ಹಾಜೆ ಭೇನೆ, ಭೈಯೇವೊ, ದೇವ್ನಿ ಗೋರ್‌ಥಿ ಗಿಂಗೈಲ್ಯವಾನು ಶಾತ್‍ಕತೊ, ತುಮಾರು ತುಮೇಸ್ ಶರೀರ್‌ನ ದೇವ್ನ ಪರಿಶುದ್‌ಬಿ ಖ್ಹರಾವ್ಣಿತರಾಬಿ ಹುಯಿರ‍್ಹವಾನು ಜಿವ್‌ತಜಾನ್ನ ಬಲಿದೀನ್ ಸಮರ್ಪಣ್‌ಕರೊ. ಆಸ್‌ತುಮೆ ದೇವ್ನಕರಾನಿ ಖ್ಹಾಚಿ ಆರಾದನೆ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:23

ಕತೋಬಿ ಮಾರದಿಲ್ಮ ಬಿಜೇಕ್ ನಿಯಮ್ ಮೇ ದೇಖುಕರುಸ್ ಮಾರ ಶರೀರ್‌ಮ ಛಾ಼ತೆ ಪಾಪ್ನ ನಿಯಮ್ಮ ಕೊಂಡೈರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:13

ಶನಕತೊ ತುಮೆ ಶರೀರ್‌ನ ಆಖ್ಹ್‌ನ ಖ್ಹಯಾಲ್‍ವಾಳಹುಯಿನ್ ಜಿವ್ಯಾತೊ ಮರ್‌ಶು. ಕತೋಬಿ ಆತ್ಮಥಿ ಶರೀರ್‌ನ ಪಾಪ್ನಕಾಮ್ನ ಮಾರ‍್ಯುತೊ, ತುಮೆ ಜಿವ್‌ಶು.

2 ಕೊರಿಂಥ 5:20

ದೇವಸ್ ಹಮಾರೇಥಿ ತುಮೂನಾಬಿ ಗಿಂಗೈಲ್ಯವಾನಿಮತ್ ಹಮೆ ಹಮ್ಕೆ ಕ್ರಿಸ್ತ ಭಣೀಥು ವಾತೆ ಬೋಲವಾಳ ಹುಯಿರ‍್ಹಾಸ್ ದೇವ್ನಿಜೋ಼ಡೆ ಹಮೆ ರ‍್ಹೇವ್ಣುಕರಿ ಕ್ರಿಸ್ತನ ಬದಲ್ ಹಮೆ ತುಮೂನ ಗಿಂಗೈಲಿಯೇಸ್.

2 ಕೊರಿಂಥ 6:1

ಹಮೆ ದೇವ್ನಿ ಜೋ಼ಡ್ಮ ಕಾಮ್ ಕರಾವಾಳ ಹುಯಿರ‍್ಹಾಸ್.ಇನಾಖ್ಹಾಜೆ ತುಮೂನ ಶಾತ್ ಬೋಲಿಲಿಯೇಸ್ ಕತೊ,ತುಮೆ ದೇವ್‍ಥಿ ಲೀರಾಖ್ಯಾತೆ ವಾರ್‌ಖ್ಹಾನ ಗುಮೈನಕೊಲಿಶು ಕರಿ ಗಿಂಗೈಲಿಯೇಸ್

2 ಕೊರಿಂಥ 7:1

ಪ್ಯಾರ್‌ನ ದೋಸ್ತಿವೊ ಅಪ್ಣೆ ದೇವ್‍ಥಿ ವಾಗ್ದಾನ್ ಲೀರಾಖ್ಯಾತೆ ಇನಾಖ್ಹಾಜೆ ಶರೀರ್ ಆತ್ಮಮಾಥು ಗಲೀಜ಼್‌ನ ಕಾಡಿನಾಖಿನ್ ಅಪ್ಣುನ ಶುದ್ದ ಕರಿಲಿನ್ ಬಿಜು಼ ದೇವ್‍ಮಾ ಡರ್‌ಥಿ ರ‍್ಹೀನ್ ಪರಿಶುದ್ದ ಜಿವ್ಣು ಚ಼ಲಾವಾನ ಕೋಶಿಶ್ ಕರೀಯೆ.

ಗಲಾತ್ಯ 5:24

ಕ್ರಿಸ್ತ ಯೇಸುಮ ರ‍್ಹವವಾಳು ಇವ್ಣ ಶರೀರ್‌ನು ಆಖ್ಹ್‌ದಾಖ್ಹ್‌ ಅಜು಼ ಖರಾಬ್ ಆಖ್ಹ್‌ನ ಖ್ಹಮೇದ್ ಶಿಲ್‌ಬೇಪರ್ ನಾಖವಾಳ ಹುಯಿರ‍್ಹುಸ್.

ಎಫೆಸ 2:19

ಅಮ್‌ರ‍್ಹವಾಪರ್ ತುಮೆ ಹಮ್ಕೆ ಬಿಜ಼ ದೇಖ್ಹ್‌ವಾಳ ರ‍್ಹವೊ ಯೆಹೂದ್ಯರ್ ಕಾಹೆತೆ ರ‍್ಹವೊ ನಾ ಹುಯಿರ‍್ಹೇಣುತೆ ದೇವ್ನ ಅದ್ಮಿಯೇನ ಜೋ಼ಡೆ ಎಕ್ಕಸ್ಜ಼ಗೊವಾಳಬಿ ದೇವ್ನ ಘರ್‌ವಾಳಬಿ ಹುಯಿರ‍್ಹಾಸ್.

ಎಫೆಸ 4:1

ಇನಖ್ಹಾಜೆ ಪ್ರಭುನ ಸೇವೆನಖ್ಹಾಜೆ ಖೈದಿ ಹುಯಿರ‍್ಹೊಸ್ತೆ ಮೆ ತುಮೂನ ಬೋಲಿಲೆವ್‌ಸ್ ಶಾತ್‌ಕತೊ ದೇವ್ ತುಮುನ ಬುಲಾವನಿವಖ್ಹ್‌ತೆ ತುಮೆ ದೇವ್‍ಥಿ ಬುಲೈರಾಸ್ತೆಖ್ಹಾಜೆ ಯೊ ಬುಲಾವ್ಣಿನ ಲ್ಹಾಯೇಕ್ ಹುಯಿನ್ ಜಿವ್ಣು ಕರೊ.

2 ತಿಮೊ 2:22

ಜ಼ವಾನೀನಿ ಖರಾಬ್ ಲಾಲಚ್‌ಥಿ ದೂರ್ ರ‍್ಹೇ. ನೀತಿಥಿ, ವಿಶ್ವಾಸ್‍ಥಿ, ಪ್ಯಾರ್ ಅಜು಼ ಸಮಾಧಾನ್‌ಥಿ ಜಿವಾನಖ್ಹಾಜೆ, ಪಾಕ್‌ ಮನ್‌ಥಿ ಪ್ರಭುನ ಪುಕಾರವಾಳಾನ ಜೋ಼ಡೆ ರ‍್ಹಾವನ ಕೋಶಿಶ್ ಕರ್‌.

ಇಬ್ರಿ 11:13

ಅವ್ಣೆಖ್ಹಾರು ವಿಶ್ವಾಸ್‌ರ‍್ಹವಾಳು ಹುಯಿನಸ್‌ ಮರಿಗಯು. ದೇವ್ನ ವಾಗ್ದಾನ್ನ ನಾಲಿದೂತೋಬಿ ಯೋ ಅಖ್ಖಾನ ದೂರ್‌ಥೀಸ್ ದೇಖಿನ್ ಸ್ವಾಗತ್‍ಕರೀನ್ ಖುಷಿಪಡ್ಯು; ಇವ್ಣೆ ಜ಼ಮೀನ್‌ಪರ್ ಅಲ್ಹಾವ್ ದೇಖ್ಹ್‌ವಾಳಬಿ, ತಮಾಖ್ಹೊ ದೇಖಾನ ಆಯುಹುಯು ಕರಿ ಮಾನಿಲಿದು.

ಇಬ್ರಿ 6:9

ಕತೋಬಿ ಪ್ಯಾರ್‌ನ ದೋಸ್ತಿವೊ ಅಮ್ನಿ ಪರಕ್‍ಥಿ ಹಮೆ ವಾತೆಬೋಲ್ಯತೋಬಿ ತುಮಾರಿ ವಿಚಾರ್‌ಮ ರಕ್ಷಣೆನ ಹೋಣುತೆ ಯೋ ಖ್ಹಾರಾಮ ತುಮೆ ಛಾ಼ಕರಿ, ಹಮೇ ಖ್ಹಾಚಾಮ ವಿಶ್ವಾಸ್ ಕರಿಯೇಸ್;

ಯಾಕೋಬ 4:1

ತುಮಾರಮ ಲಡೈ ಝ಼ಗ್‌ಡೊಖ್ಹಾರು ಕಿಜ್ಜಾ಼ಥು ಆವಸ್? ತುಮಾರ ದಿಲ್‌ದಿಮಾಕ್‍ಮ ಲಡಾತೆ ಲಾಲ್‍ಛಿಥೀಸ್‍ ಕಾಹೇಕಿಶು?

1 ಪೇತ್ರ 1:1

ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೇತ್ರನೆ ಪೊಂತ, ಗಲಾತ್ಯ, ಕಪ್ಪದೋಕ್ಯ ಏಷ್ಯಾ ಬಿಥೂನ್ಯ ಕರಿ ತಬರ್‌ಖಾಮ ಛಿಡ್‍ಕೈಗಾತೆ ಪರೈದೇಖ್ಹ್‌ಮ ಜಿವ್‌ಕರಾತೆ ದೇವ್ನ ಅದ್ಮಿವ್‍ನ ಕತೊ,

1 ಪೇತ್ರ 1:17

ಹರೇಕ್ ಜ಼ಣಾನಿ ಚಾ಼ಲ್‌ನ ದೇಖಿನ್ ಯೋ ಬೇದ್‌ಬಾವ್‌ಕೊಂತೆ ತೀರ್ಪ್‌ಕರಾವಾಳನ ತುಮೆ ಬಾಕರಿ ಪುಕಾರವಾಳ ಹುಯಿರ‍್ಹಾತೆ ಇನಾಖ್ಹಾಜೆ ಆ ಲೋಕ್ಮ ತುಮಾರು ಅರಾಮ್‌ನು ಜಿವ್ಣನ ದನ್ನ ಡರ್‌ಭಕ್ತಿಥಿ ಕಾಡೊ.

1 ಪೇತ್ರ 4:12

ಮಾರ ಪ್ಯಾರ್‌ನ ದೋಸ್ತಿವೊ, ತುಮುನ ಛಾ಼ಣನಖ್ಹಾಜೆ ಆವ್‌ಶೇತೆ ದುಖ್‌ನು ತರೀಪ್ಷ ದೇಖಿನ್ ತುಮೆ ಆಶ್ಚರ್ಯ ನಕೊ ಖಾವೊ. ಮಾಲುಮಸ್‍ಕೊಂತೆ ಶಾತ್ಕಿ ಚಾ಼ಲ್ಯು ಕರಿ ಸೋಚೊನಕೊ.

1 ಪೇತ್ರ 4:2

ಇನಖ್ಹಾಜೆ ಛಾ಼ತೆ ಇನ ಜಿವ್ಣನ ಹಗಾಮ್ಮ ಬಿಜೂ಼ಬಿ ಅದ್ಮಿಯೇವ್‌ನಿ ತರಖ್ಹ್‌ನಿ ಪರಕ್ಮ ಜಿವ್ಣುನಾತೆ ದೇವ್ನಿ ಮರ್ಜಿನಿ ಪರಕ್ಮ ಜಿವ್ಣುಕರ‍್ನು.

2 ಪೇತ್ರ 3:1

ಮಾರ ಪ್ಯಾರ್‌ನ ದೋಸ್ತಿವೊ, ಮೇ ಹಮ್ಕೆ ತುಮೂನ ಲೀಖುಕರುಸ್ತೆ ಬೇನಿ ಚಿಟ್ಟಿ. ಆ ಬೇ ಚಿಟ್ಟಿಮಾಬಿ ಆ ಅಖ್ಖಿಬಾರೇಮ ತುಮುನ ಖ್ಹಯಾಲ್ ಲ್ಯಾವಾನ ತುಮಾರ ದಿಲ್ಮ ಪರಿಶುದ್ದ ಸೋಚ್ ಆವಾನಿತರ ಕರಾವನ ಕೋಶಿಶ್ ಕರಿರಾಖ್ಯೊಸ್.