1 ಪೇತ್ರ 1:8 - ದೇವ್ನಿ ಖ್ಹಾಚಿ ವಚನ್

^8-9 ತುಮೆ ದೇವ್ನ ಡೋಳೇಥಿ ನಾ ದೇಖ್ಯಾತೋಬಿ ಇನ ಪ್ಯಾರ್ ಕರೋಸ್. ತುಮೆ ಹಮ್ಕೆ ಇನ ನಾದೇಖ್ಯಾತೊಬಿ ಇನಾಮ ವಿಶ್ವಾಸ್‍ಥಿ ಖ್ಹುಶಿ ಕರ್ಶು. ಶನಕತೊ ತುಮಾರು ವಿಶ್ವಾಸ್‍ನು ಫಲ್‍ಹುಯಿರ‍್ಹುತೆ ಆತ್ಮನು ರಕ್ಷಣೇನ ಲಿಲ್ಯಾವವಾಳ ಹುಯಿನ್ ಮಹಿಮೆನಿ ಖ್ಹುಶಿಕರ್‌ಶು.

1 ಪೇತ್ರ 1:8 Iomraidhean Croise

ಮತ್ತಾಯ 10:37

ಬಾನ ರ‍್ಹವೊ, ಆಯಾನ ರ‍್ಹವೊ, ಮಾರೇಥಿಬಿ ಜಾ಼ಖ್ಹತ್ ಪ್ಯಾರ್‌ಕರ‍್ಯುತೊ ಮನ ಲ್ಹಾಯೇಕ್‌ನೊ ಕಾಹೆ. ಛಿಯ್ಯಾನ ರ‍್ಹವೊ, ಛೋ಼ರಿನ ರ‍್ಹವೊ ಮಾರೇಥಿಬಿ ಜಾ಼ಖ್ಹತ್ ಪ್ಯಾರ್‌ಕರ‍್ಯುತೊ ಮಾರೊ ಶಿಷ್ಯ ಹುವಾನ ಲ್ಹಾಯಕ್‌ ಕಾಹೆ.

ಯೋಹಾನ 14:15

ತುಮೆ ಮನ ಪ್ಯಾರ್‌ಕರವಾಳ ರ‍್ಹಯಾತೊ, ಮಾರಿ ಹುಕುಮ್‌ನ ಪಾಡಿ ಚಾ಼ಲ್‌ಶು.

ಯೋಹಾನ 14:21

“ಮಾರಿ ಹುಕುಮ್‌ನ ಮಾನಿನ್‌, ಇನೀನಿಘೋಣಿ ಚಾ಼ಲವಾಳೋಸ್‌ ಮನ ಪ್ಯಾರ್ ಕರಾವಾಳೊ ಹುಯಿರ‍್ಹೋಸ್. ಕೋಣ್ ಮನ ಪ್ಯಾರ್ ಕರಾಸ್ಕಿ ಮಾರೊ ಬಾ ಇನ ಪ್ಯಾರ್ ಕರ್ಶೆ; ಮೇಬಿ ಇನ ಪ್ಯಾರ್ ಕರೀಶ್ ಅಜು಼ ಮೇಸ್ ಇನ ದೆಖೈಲೀಶ್‌” ಕರಿ ಬೋಲ್ಯೊ.

ಯೋಹಾನ 14:24

ಮನ ಪ್ಯಾರ್‌ಕರಾಕೊಂತೆ ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲಾಕೊಯ್ನಿ; ತುಮೆ ಖ್ಹಮ್‌ಜು಼ಕರಾತೆ ಮಾರಿ ವಾತೆ ಕಾಹೆ, ಮನ ಮೋಕ್‌ಲ್ಯೊತೆ ಬಾನಿಸ್‌ ವಾತೆ.

ಯೋಹಾನ 16:22

ಇಮ್ಮಸ್ ತುಮೂನಾಬಿ ಹಮ್ಕೆ ದುಖ್ ರ‍್ಹಯುತೋಬಿ, ಮೇ ತುಮೂನ ಪಾಛೊ಼ ದೇಖಿಶ್‌, ತದೆ ತುಮಾರು ದಿಲ್‌ ಖ್ಹುಶೀಥಿ ಭರೈಜಾ಼ಶೆ, ಅಜು಼ ಕಿನೇಥೀಬಿ ತುಮಾರಿ ಖ್ಹುಶಿನ ದೂರ್ ಕಾಡಾನ ಕೋ ಉಶೇನಿ.

ಯೋಹಾನ 20:29

ಯೇಸುನೆ ಇನ, “ತೂ ಮನ ದೇಖ್ಯೋತೆ ಇನಖ್ಹಾಜೆ ವಿಶ್ವಾಸ್ ಕರ‍್ಯೊ; ಕತೋಬಿ ಮನ ದೇಖಾಕೊಯ್ನಿತೆ ವಿಶ್ವಾಸ್‌ ಕರಾವಾಳುಸ್‌ ಖ್ಹಾಚಮಾಬಿ ಧನ್ಯರ್” ಕರಿ ಬೋಲ್ಯೊ.

ಯೋಹಾನ 8:42

ಯೇಸುನೆ ಯೆಹೂದ್ಯರ್‌ನ, “ಖ್ಹಾಚಮಾಬಿ ದೇವಸ್ ತುಮಾರೊ ಬಾ ಹುಯಿರ‍್ಹೊಹೋತ್ತೊ, ತುಮೆ ಮನ ಪ್ಯಾರ್ ಕರ‍್ಯಾಹೋತ್‌, ಶನಕತೊ ಮೇ ದೇವ್‌ಕಂಥೊ ಆಯೊ ಅಜು಼ ಹಮ್ಕೆ ಹಜ್ಜಾ಼ ಛು಼. ಮೇ ಆಯೋತೆ ಮಾರಿ ಶೊಂತ್‌ ಅದಿಕಾರ್‌ಪರ್‌ ಕಾಹೆ, ಪಣ್ಕಿ ದೇವ್ನೇಸ್ ಮನ ಮೋಕ್‌ಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:34

ಇನಪಾರ್ ಪೌಲ ಅಜು಼ ಸೀಲನ ಇನ ಘರೆ ಬುಲೈಲೀಜೈ಼ನ್ ಖಾಣು ಖಡಾಯೊ. ಯೋ ಇನ ಘರ್‌ವಾಳಾನ ಜೋ಼ಡ್ಮ ದೇವ್ನ ನಂಬಿನ್ ಶಂತೋಖ್ಹ್‌ ಪಡ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:17

ಶನಕತೊ ಖಾವಪೀಯಾನು ದೇವ್ನು ರಾಜ್ಯ ಕಾಹೆ. ನೀತಿ, ಸಮಾಧಾನ್, ಪವಿತ್ರಾತ್ಮಮ ಛಾ಼ತೆ ಖ್ಹುಶಿಸ್ ಹುಯಿರ‍್ಹಿಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:13

ಭರೋಖ್ಹಾನ ದ್ಯವಾಳೊ ದೇವ್ ಪವಿತ್ರಾತ್ಮನಿ ಶಕಥ್ಥಿ ಘಣು ಭರೋಖ್ಹಾಥಿ ನಂಬಾವಾಳನ ಖ್ಹುಶಿ ಅಜು಼ ಸಮಾಧಾನ್‌ಥಿ ಭರಾದೆ, ಅನಖ್ಹಾಜೇಥಿ ಶಕಥ್ಥಿ ಆಖ್ಹ್‌ಮ ಭಡ್ತಾ ಜಾ಼ವ್ಣುತೆ ತಿಮ್ ತುಮೂನ ವಿಶ್ವಾಸ್‍ಥಿ ಮಳಾತೆ ಹರೇಕ್ ಖುಷಿ ಸಮಾಧಾನ್ ದ್ಯವಾದೆ.

1 ಕೊರಿಂಥ 16:22

ಕೋಣ್‌ತೋಬಿ ಪ್ರಭುನ ಪ್ಯಾರ್ ಕರಾಕೊಂತೆ ರ‍್ಹೇಸ್ಕಿ ಯೊ ಶಾಪ್‌ವಾಳೊ ಹುವಾದೆ! ಮಾರೊ ‘ಪ್ರಭು ತೂ ಆವ್’!

2 ಕೊರಿಂಥ 1:22

ಹಮೆ ಇನವಾಳಕರಿ ವತಾಳನಖ್ಹಾಜೆ ಇನೆ ಹಮಾರಪರ್ ಮುದ್ರೊ ನಾಖಿರಾಖ್ಯೋಸ್. ಯೋ ಹಮೂನ ಕರ‍್ಯೊತೆ ವಾಗ್ದಾನ್ನ ಚ಼ಲಾವ್‌ಷೆ ಕರಿ ಬೋಲಾನ ಪವಿತ್ರಾತ್ಮನಾಸ್ ಅಪ್ಣ ದಿಲ್ಮ ದೀರಾಖ್ಯೊಸ್.

2 ಕೊರಿಂಥ 12:4

ಯೋ ಸೊರ್ಗಲಗು ಉಡಿಜೈ಼ನ್ ಅದ್ಮಿವೋಥಿ ಬೋಲ್ನುನಾತೆ ವಾತೆನ ಖ್ಹಮ್‌ಜ್ಯೊಕರಿ ಮಾಲುಮ್. ಯೋ ವೇಳ್ಮ ಇನೆ ಶರೀರ್‌ನ ಲೀರಾಖ್ಯೊಥೋಕಿ ಕೊಯ್ನಿ ಶರೀರ್ ಕೋಲಿರಾಖ್ಯೊಥೋನಿಕಿ ಮನ ಮಾಲುಮ್‌ಕೊಯ್ನಿ. ದೇವ್ನಾಸ್ ಮಾಲುಮ್‌.

2 ಕೊರಿಂಥ 4:18

ಅಪ್ಣೆ ದೆಖಾವತೆ ಇನಅಖ್ಖು ದೆಖ್ಯೆಕೊಂತೆ ಛಾ಼ತೆ ಇನ ದೇಖವಾಳ ಹುಯಿರಾಸ್. ಶನಕತೊ ದೆಖಾವತೆ ಅಖ್ಖು ಥೋಡಿ ವಖ್ಹತ್‌ಖಲಿ ರ‍್ಹೇಸ್. ದೆಖಾವಕೊಂತೆ ಯೋ ಹರ್‌ಹಮೇಶ ರ‍್ಹೇಸ್.

2 ಕೊರಿಂಥ 5:7

ಶನಕತೊ ಹಮೆ ಕಿನ ದೇಖು ಕರಿಯೇಸ್‍ಕಿ ಇನೇಥಿ ಜಿವ್‍ಕರಿಯೇಕೊಯ್ನಿ. ಕತೋಬಿ ಕೆವ್ಹಾನ ವಿಶ್ವಾಸ್ ಕರಿರಾಖ್ಯಾಸ್‌ಕಿ ಇನೇಥಿ ಜಿವ್‌ಕರಿಯೇಸ್

2 ಕೊರಿಂಥ 9:15

ಖ್ಹರಾವಾನ ಹೋಯಿಕೊಂತೆ ಎತ್ರು ದೇವ್ನ ವಾರ್ಖ್ಹಾನಿ ವರನಖ್ಹಾಜೆ ಇನ ಧನ್ಯವಾದ್ ಹುವಾದೆ.

ಗಲಾತ್ಯ 5:22

ಕತೋಬಿ ದೇವ್ನ ಆತ್ಮಾಥಿ ಉಬ್‌ಜಾ಼ನು ಫಲ್ ಶಾತ್‌ಕತೊ, ಪ್ಯಾರ್, ಶಂತೋಖ್ಹ್‌, ಸಮಾಧಾನ್, ಖ್ಹಮಾಳಿ ರ‍್ಹವಾನು, ದಯಾ, ಬಿಜೇಕ್ನ ಮದತ್‌ಕರಾನು, ವಿಶ್ವಾಸ್, ಆಸ್‌ಹುಯಿರ‍್ಹುಸ್.

ಗಲಾತ್ಯ 5:6

ಕ್ರಿಸ್ತ ಯೇಸುಮ ರ‍್ಹವಾಳನ ಖ್ಹತ್ನ ಹುಯುತೋಬಿ ನಾಹುಯುತೋಬಿ ಫಾಯಿದೊ ಕೊಯ್ನಿ. ಕತೋಬಿ ಪ್ಯಾರ್‌ಥಿ ರ‍್ಹೇಸ್ತೆ ವಿಶ್ವಾಸಸ್ ಫಾಯಿದಾನು ಹುಯಿರ‍್ಹುಸ್.

ಎಫೆಸ 3:19

ಖ್ಹಯಾಲ್‌ಥೀಬಿ ಘಣು ಜಾ಼ಖ್ಹತ್ ಕ್ರಿಸ್ತನಿ ಪ್ಯಾರ್ ಮಾಲುಮ್ ಹುವಾದೆ, ದೇವ್ನಿ ಭರ್‌ಪೂರ್‌ ಸ್ವಭಾವ್‍ಥಿ ಪೂರಹುವಾದೆ.

ಎಫೆಸ 6:24

ಅಪ್ಣೊ ಪ್ರಭು ಯೇಸು ಕ್ರಿಸ್ತನ ಹಮೇಶಾಬಿ ಪ್ಯಾರ್ ಕರಾವಾಳ ಅಖ್ಖಾಸ್‌ಪರ್ ದೇವ್ನಿ ವಾರ್‌ಖ್ಹೊ ರ‍್ಹವಾದೆ.

ಫಿಲಿಪ್ಪಿ 1:25

ಇನಖ್ಹಾಜೆ ತುಮುನ ವಿಶ್ವಾಸ್ಮ ಭಡೀನ್ ಶಂತೋಖ್ಹ್‌ಥಿ ರ‍್ಹವಾನಖ್ಹಾಜೆ ಮೇ ಬಚಿರ‍್ಹೀನ್ ತುಮಾರ ಅಖ್ಖಾಸ್ನಿ ಜೋ಼ಡ್ಮರ‍್ಹೀಷ್ ಕರಿ ಘಟ್ ವಿಶ್ವಾಸ್ ಛಾ಼.

ಫಿಲಿಪ್ಪಿ 3:3

ಖ್ಹಾಚಿ ಖ್ಹತ್ನ ರ‍್ಹವಾಳು ಕೋಣ್‌ಕತೊ, ದೇವ್ನಿ ಆತ್ಮನಿ ಖ್ಹೂಜ಼್‍ಥಿ ಆರಾದನೆ ಕರವಾಳು ಅಜು಼ ಕ್ರಿಸ್ತ ಯೇಸುಮ ಖುಷಿ ಕರವಾಳುಬಿ, ಶರೀರ್‌ನಿ ಆಖ್ಹ್‌ನಿ ಬಾರೇಮ ಭರೋಖ್ಹೊ ಕೊಂತೇಬಿ ಹುಯಿರ‍್ಹಾಸ್ತೆ ಅಪ್ಣೆಸ್.

ಫಿಲಿಪ್ಪಿ 4:4

ಕೆದೇಬಿ ಪ್ರಭುಮ ಖುಷಿಕರೊ, ಖುಷಿಲೀಲೆವೊಕರಿ ಪಾಛೊ಼ ಬೋಲುಸ್.

ಇಬ್ರಿ 11:1

ವಿಶ್ವಾಸ್‌ಕತೊ ಅಪ್ಣೆ ಸೋಚಿನ್ ಜ಼ಪಿರ‍್ಹೇಸ್ತೆ ಖ್ಹಾರು ಭರೋಖ್ಹೊಬಿ, ಅಜೂ಼ಬಿ ದೆಖಾವಕೊಂತೆ ಜಿನಖ್ಹ್‌ಪರ್ ಆಧಾರ್ ಹುಯಿರ‍್ಹೇಸ್.

ಇಬ್ರಿ 11:27

ವಿಶ್ವಾಸ್‌ಥೀಸ್ ಇನೆ ರಾಜಾ಼ನ ಇರಾದನ ಡರ‍್ಯೊಕೊಂತೆ ಈಜಿಪ್ಟ್ ದೇಖ್ಹ್‌ನ ಮ್ಹೇಲಿನ್ ಗಯೊ. ಶನಕತೊ ಇನೆ ದೇಖವಾಳೊ ಕಾಹೆತೆಯಿನ ದೇಖಾನಿಘೋಣಿ ಘಟ್ ದಿಲ್‌ವಾಳೊ ಹುಯೊ.

1 ಪೇತ್ರ 1:6

ಇನಾಖ್ಹಾಜೆ ತುಮೆ ತಬ್‍ತೋಡಿ ಥೋಡದನ್ ಹೋಣು ಉಷೇತೊ ಕೈಯೇಕ್‌ ಥರಾನಿ ವದೇಖ್ಹ್‌ಮ ದುಖಿ ಹುವಾಳರ‍್ಹಯಾತೋಬಿ, ಖ್ಹುಶಿಕರಾವಾಳ ಹುಯಿರ‍್ಹಾಸ್.

1 ಪೇತ್ರ 2:7

ಹಮ್ಕೆ ವಿಶ್ವಾಸ್ ಕರವಾಳ ತುಮೂನ ಯೋ ಘಣ ಮೋಲ್ನೊ ಹುಯಿರ‍್ಹೊಸ್ ಕತೋಬಿ ವಿಶ್ವಾಸ್‌ಕರ‍್ಯುಕೊಂತೆ ಇವ್ಣುನ, “ಘರ್ ಭಾಂದಾವಾಳು ಝಿಟ್ಕಾರ‍್ಯೊಹುಯೊ ಬಂಡೊಸ್ ಘಣು ಮುಖ್ಯ ಕೋಣಾನೊ ಬಂಡೊ ಹುಯೊ”.

1 ಪೇತ್ರ 5:4

ಮೋಟೊ ಕುರುಬ ದೆಖಾವನಿ ವಖ್ಹ್‌ತೆ ತುಮೆ ಕದೇಬಿ ಮಹಿಮೆನಿ ಕಿರೀಟ್ನ ಲೀಲಿಶು.