1 ಪೇತ್ರ 1:2 - ದೇವ್ನಿ ಖ್ಹಾಚಿ ವಚನ್

² ಪವಿತ್ರಾತ್ಮಥಿ ಅಭಿಷೇಕ್ ಕರೈಲಿದಹುಯಿನ್ ವಿಧೇಯ ಹುವಾನಖ್ಹಾಜೆ, ಯೇಸು ಕ್ರಿಸ್ತನ ಲ್ಹೋಯಿಥಿ ಛಿಡ್‍ಕೈನ್, ಬಾ ಹುಯಿರ‍್ಹೋತೆ ದೇವ್ನಿ ಭವಿಶ್ಯನಿ ಗ್ಯಾನ್‌ಥಿ ಚೂ಼ಣೈಗಯಹುಯಾನ ಲೀಖಾನು ಶಾತ್‍ಕತೊ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಘಣು ಮಳಾದೆ.

1 ಪೇತ್ರ 1:2 Iomraidhean Croise

ಮತ್ತಾಯ 24:22

ದೇವ್ ಯೋ ಖ್ಹಾರ ದನ್ನ ಕಮ್ ನಾ ಕರ‍್ಯೋತೊ, ಏಕ್‌ ಅದ್ಮಿ ಜಿನ್‌ಕುಬಿ ಬಚಿಜಾಶೆಕೊಯ್ನಿ; ಕತೋಬಿ ಇನೆ ಚೂ಼ಣಿಲಿದೊತೆ ಅದ್ಮಿನಖ್ಹಾಜೆ ದೇವ್ ಯೋ ಖ್ಹಾರ ದನ್ನ ಕಮ್ ಕರ್ಶೆ.

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಮತ್ತಾಯ 24:31

ಅಜು಼ ಯೋ ತುತ್ತೂರಿನೊ ಮೋಟೊ ಅವಾಜ಼್‌ಥಿ, ಇನ ದೂತರ್‌ನ ಜ಼ಮೀನ್ನಿ ಚಾರ‍್ಹೆ ಬಾಜೂ಼ಮ ಮೋಕಲ್‌ಶೆ, ಇವ್ಣೆ ಇನೆ ಚೂ಼ಣಿಲಿದೊತೆ ಇವ್ಣುನ ಆಬ್‌ನ ಏಕ್‌ ಬಾಜು಼ಥು ಧರಿನ್ ಬಿಜೇಕ್ ಬಾಜೂ಼ಲಗು ಎಕ್ಟು ಕರ್ಶೆ.

ಮಾರ್ಕ 13:20

ಪ್ರಭು ಯೋ ಖ್ಹಾರ ದನ್ನ ಕಮ್ ನಾ ಕರ‍್ಯೋತೊ, ಏಕ್‌ ಅದ್ಮಿಬಿ ಬಚಿಕೊರ‍್ಹಿಷೇನಿ. ಕತೋಬಿ ಇನೆ ಚೂ಼ಣಿಲಿದೊತೆ ಖ್ಹಾರ ಅದ್ಮಿನಖ್ಹಾಜೆ ಯೋ ಖ್ಹಾರ ದನ್ನ ಕಮ್ ಕರಿರಾಖ್ಯೋಸ್.

ಮಾರ್ಕ 13:22

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಮಾರ್ಕ 13:27

ತದೆ ಯೋ ಇನ ದೂತರ್‌ನ ಜ಼ಮೀನ್ನಿ ಚಾರ‍್ಹೆ ಬಾಜೂ಼ಮ ಮೋಕ್ಲಿನ್‌ ಧರ್ತಿನ ಕಡೇಶಿಥು ಧರೀನ್ ಆಬ್‍ನಿ ಖ್ಹರ್ತಿಲಗು, ಇನೆ ಚೂ಼ಣಿಲಿದೊತೆ ಖ್ಹಾರ ಅದ್ಮಿನ ಜಗತ್‌ನು ಏಕ್‌ ಬಾಜು಼ಥು ಧರಿನ್ ಬಿಜೇಕ್ ಬಾಜೂ಼ಲಗು ಎಕ್ಟು ಕರ್ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:7

ದೇವ್ನೆ ಚೂ಼ಣ್ಯೋತೆ ಅದ್ಮಿ ರಾತ್-ದನ್ ಇನ ಮದತ್‌ಖ್ಹಾಜೆ ಬಿಂತಿಕರ‍್ಯೊತೊ, ಯೋ ಇವ್ಣಿ ಬಾರೇಮ ದೇರ್‌ಕರ‍್ಯುತೋಬಿ ಇವ್ಣಿ ನ್ಯಾವ್‌ನ ಫೇಡವಸ್‍ಕೊಂತೆ ರ‍್ಹಿಶೇಕಿ ಶು? ಯೋ ಇವ್ಣಿ ಮದತ್ ಕರಾನ ವೇರಸ್‌ ಕರ್ಶೆ ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:18

ಶುರುಮಾಥು ಆ ಖ್ಹಾರು ಕಾಮ್ನ ಖ್ಹಮ್‌ಜಾ಼ಡ್ಯೊತೆ ಪ್ರಭು ಬೋಲುಕರಸ್, ಕರಿ ಲೀಖೈರ‍್ಹುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:23

ಯೊ ಯೇಸುಸ್ ದೇವ್ನಿ ಘಟ್ ಖ್ಹೂಜ಼್‌ಥೀಬಿ, ಆವ್‌ಶೇತೆ ಹಗಾಮ್ನಿ ಪರಕ್ಮ ದೆವೈಜಾ಼ವದಿನ್, ತುಮೆ ಅಲಕ್ಅದ್ಮಿವೋನ ದೀನ್ ಶಿಲ್‌ಬೇಪರ್ ಮೇಕ್ ಮರೈನ್ ಮಾರಿನಾಖ್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:32

“ಮೇ ಹಮ್ಕೆ ತುಮೂನ ದೇವ್‍ನಾಬಿ ಇನ ವಾರ್‌ಖ್ಹಾನಿ ವಚನ್ನಾಬಿ ದೆವುಕರೂಸ್. ಯೊ ತುಮಾರಮ ಭಕ್ತಿನ ಭಡಾವನಾಬಿ, ಪರಿಶುದ್‌ಥಿ ತುಮೂನ ಹಕ್ನ ದ್ಯವಾನಾಬಿ ಶಕತ್‌ವಾಳೊ ಹುಯಿರೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:5

ಇನು ನಾಮ್ನಿ ಮಹಿಮೆನಖ್ಹಾಜೇಸ್ ಅಖ್ಖಾಸ್ ದೇಖ್ಹ್‌ನು ಅದ್ಮಿಖ್ಹಾರು ಅನ ವಿಶ್ವಾಸ್‍ಕರಿನ್, ವಿಧೇಯಹುಯಿನ್ ಚಾ಼ಲನಿತರ ಕರಾನ ಅಪೊಸ್ತಲಹುವಾನಿ ಮೋಕಾನ ಯೇಸುಕ್ರಿಸ್ತಥಿಸ್ ದೇವ್ನೆ ಮನ ದೀರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:7

ಅಜು಼ ಇಮ್ಮಸ್ ದೇವ್ ಪ್ಯಾರ್‌ಕರಾತೆ ಅಜು಼ ಇನು ಶೊಂತ್ ಅದ್ಮಿವೊ ಕರಿ ಹುಯಿರ‍್ಹುತೆ ರೋಮ್‌ವಾಳ ತುಮುನ ಲೀಖುಕರುತೆ‍ ಶಾತ್‌ಕತೊ: ಬಾ ಹುಯಿರ‍್ಹೋತೆ ದೇವ್‍ಥೀಬಿ ಪ್ರಭು ಯೇಸುಕ್ರಿಸ್ತಥೀಬಿ ತುಮೂನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:2

ದೇವ್, ಯೋ ಅಗಾಡಿಸ್ ಮಾಲುಮ್ ಕರಿರಾಖ್ಯೊತೆ ಇಸ್ರಾಯೇಲ್‌ ಅದ್ಮೆವ್‌ನ ಝಿಟ್ಕಾರ್‌ ದಿದೊಕೊಯ್ನಿ. ದೇವ್ನಿ ವಚನ್ ಎಲೀಯನಿ ಬಾರೇಮ ಶಾತ್ ಬೋಲಸ್‍ಕರಿ ತುಮೂನ ಮಾಲುಮ್ ಕೊಯ್ನಿಕಿಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:28

ಶನಖ್ಹಾಜೆಕತೊ ಇವ್ಣೆ ಸುವಾರ್ತೆನ ಝಿಟ್ಕಾರ‍್ಯು, ಅಜು಼ ಯೆಹೂದ್ಯರ್ ಕೊಂತೆ ಇವ್ಣೆ ತುಮಾರೇಥಿ ದೇವ್ನ ವಿರೋದಿಹುಯು. ಕತೋಬಿ ದೇವ್ನಿ ಚು಼ನಾವ್ಣಿನಿ ಕಾರಣ್‍ಥಿ ಇವ್ಣೆ ಇನ ಪ್ಯಾರ್‌ವಾಳ ಹುಯಿರಾಸ್,ಇನ ಪಿಳ್ಗಿವಾಳು ಕಾರಣ್‍ಹುಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:16

ಅಮ್ಮಸ್ ಯೆಹೂದ್ಯರ್‌ಕಾಹೆತೆ ಅದ್ಮಿವೊನಖ್ಹಾಜೆ ಯೇಸುಕ್ರಿಸ್ತನಿ ಸೇವಕ್‌ಹುವಾನಖ್ಹಾಜೆ ಮನ ದೇವ್ನಿ ಆಶೀರ್ವಾದ್‌ ಹುಯು. ಮೇ ದೇವ್ನಿ ಸುವಾರ್ತೆನಿ ಸೇವೆನ ಏಕ್‌ ಯಾಜಕ್‍ನಿತರ ಚ಼ಲೈನ್ ಪವಿತ್ರಾತ್ಮಥಿ ದೇವ್ನ ಸಮರ್ಪಣ್‌ಕರಾನ ಕೋಶಿಷ್ ಕರುಕರೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:19

ತುಮಾರಿ ವಿಧೇಯತೆ, ಖ್ಹಾರಾಸ್ ಅದ್ಮಿವ್‌ನ ಮಾಲುಮ್ ಹುವಾನಿತರ ಹುಯು. ಇನಖ್ಹಾಜೆ ಮೇ ತುಮಾರಿ ಬಾರೇಮ ಖುಷಿಕರುಸ್. ಕತೋಬಿ ತುಮೆ ಅಛ್ಛಾ಼ನಿ ಬಾರೇಮ ಗ್ಯಾನಿ ಖ್ಹಾರಹುಯಿನ್ ಖಾರಾಬ್‌ನಿ ಬಾರೇಮ ಶನು ಕಳಂಕ್‌ಕೊಂತೆ ರ‍್ಹೇಣು ಕರಿ ಆಖ್ಹ್‌ಕರುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:26

ಹಮ್ಕೆ ಯೋ ಖ್ಹಾಚು಼ ಪ್ರವಾದ್‍ನೆನು ನಿಯಮ್‌ಥಿ ಹಮ್ಕೆ ಭಡ್‍ಕೈನ್ ಲೈರಾಖ್ಯುಸ್; ಅಜು಼ ಹರ್‌ಹಮೇಶ ರ‍್ಹವಾಳ ದೇವ್ನಿ ಹುಕುಮ್‌ನಿಮತ್ ಅಖ್ಖಾಸ್ ಜ಼ಗ್‌ಜಾ಼ತ್ನ ಅದ್ಮಿವೋನ ಮಾಲುಮ್‍ಪಡಾನಿ ಘೋಣಿ ಕರಿರಾಖ್ಯುಸ್, ಅಮ್ ವಿಧೇಯ ಹೋಣು ಅಜು಼ ವಿಶ್ವಾಸ್‌ ಕರ‍್ನು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:13

ಶನಕತೊ ತುಮೆ ಶರೀರ್‌ನ ಆಖ್ಹ್‌ನ ಖ್ಹಯಾಲ್‍ವಾಳಹುಯಿನ್ ಜಿವ್ಯಾತೊ ಮರ್‌ಶು. ಕತೋಬಿ ಆತ್ಮಥಿ ಶರೀರ್‌ನ ಪಾಪ್ನಕಾಮ್ನ ಮಾರ‍್ಯುತೊ, ತುಮೆ ಜಿವ್‌ಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:33

ದೇವಸ್ ಚೂ಼ಣಿಲಿದ ಹುಯಾನ ಉಪ್ಪರ್ ಕೋಣ್ ಗಲತ್‌ ಬೋಲ್‌ಶೆ? ದೇವಸ್ ಗಲ್ತಿಕರಾವಾಳು ಕಾಹೆಕರಿ ಛುಟ್ಕಾರ್‌ ಕರಾವಾಳೊ ಹುಯಿರ‍್ಹೋಸ್.

1 ಕೊರಿಂಥ 1:30

ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

1 ಕೊರಿಂಥ 6:11

ತುಮಾರಮ ಕೈಯೇಕ್‌ಜ಼ಣು ಇಮ್ಮಸ್ ಹುಯಿರ‍್ಹುಥು. ಕತೋಬಿ ತುಮೆ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್‌ಥಿಬಿ ಅಜು಼ ಅಪ್ಣ ದೇವ್ನ ಆತ್ಮಥೀಬಿ ಧೊವೈನ್ ಶುದ್ಧಹುಯಿರ‍್ಹುಸ್. ದೇವ್‍ಥಿ ನೀತಿವಾಳಕರಿ ಚೂ಼ಣೈರ‍್ಹಾಸ್.

2 ಕೊರಿಂಥ 10:5

ಅಪ್ಣಿ ದೇವ್ನಿ ಗ್ಯಾನ್ನ ವಿರೋದ್ ಉಠಾತೆ ಅಹಂಕಾರ್‌ನ ಅಪ್ಣೆ ನಾಶ್‍ಕರಿನ್, ಹರೇಕ್ ಖ್ಹೂಜ್‍ನಾಬಿ ಕ್ರಿಸ್ತನ ಸಮರ್ಪಣ್‌ ಹುವಾನಿತರ ಯೋ ಅಖ್ಖಾನ ಕೊಂಡಿಲಿಯೇ.

2 ಕೊರಿಂಥ 13:14

ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನಿ ಕೃಪೆಬಿ ದೇವ್ನಿ ಪ್ಯಾರ್‌ಬಿ, ಪವಿತ್ರಾತ್ಮನಿ ಲಾಡ್‌ಬಿ ತುಮಾರ ಖ್ಹಾರಾಸ್‍ನಿ ಜೋ಼ಡ್ಮ ರ‍್ಹವಾದೆ.

ಕೊಲೊಸ್ಸೆ 3:12

ಇನಖ್ಹಾಜೆ ದೇವ್‍ಥಿ ಚೂ಼ಣೈಗಯು ಹುಯುಬಿ, ಪರಿಶುದ್ಧರ್‌ಬಿ ಪ್ಯಾರ್‌ನ ಹುಯಿರ‍್ಹಾತೆ ತುಮೆ ಗೋರ್‌, ದಯಾ, ಹೇಟು ಹುವಾನು, ಶೇದೇವ್‌ಥಿ, ಖ್ಹಮಾಳಾನು ಕರಿ ಆಖ್ಹಾರು ಅಛ್ಛಿಗುಣ್‍ನ ಭರ‍್ಹಿಲೆವೊ.

2 ಥೆಸ 2:13

ಪ್ರಭು ಪ್ಯಾರ್ ಕರಾಸ್ತೆ ಭೈಯೆ ಭೇನೆವೊ, ಹಮೆ ತುಮಾರಿ ಬಾರೇಮ ಹಮೇಶ ದೇವ್ನ ಧನ್ಯವಾದ್ ಕರಾವಳ ಹುಯಿರ‍್ಹಾಸ್. ಶನಕತೊ ತುಮೆ ಪವಿತ್ರಾತ್ಮಾಥಿ ಪಾಕ್‌ ಹುಯಿನ್, ಖ್ಹಾಚಿಪರ್ ವಿಶ್ವಾಸ್‌ರಾಖಿನ್ ರಕ್ಷಣೆನ ಲೀಲ್ಯಾವದೆಕರಿ ದೇವ್ನೆ ತುಮೂನ ಶುರುವಾತ್‌ಮಾಸ್ ಚೂ಼ಣಿರಾಖ್ಯೊಸ್.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:1

ದೇವ್‌ನೊ ಸೇವಕ್‌ಬಿ ಅಜು಼ ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೌಲನೆ ಲೀಖ್ಯೋತೆ. ದೇವ್ನೆ ಚೂ಼ಣ್ಯೋತೆ ಅದ್ಮಿ ಖ್ಹಾರಾನಿ ಖ್ಹಾಚಾಮ ಚ಼ಲಾವನಟೇಕೆ ವಿಶ್ವಾಸ್‌ನ ಭಡಾವಾನಖ್ಹಾಜೆ ಅಜು಼ ಯೊ ಇವ್ಣುನ ಭಕ್ತಿನಿ ಜಿವ್ಣಮ ಚ಼ಲಾವಸ್.

ಇಬ್ರಿ 10:22

ಇನಖ್ಹಾಜೆ ಖರಾಬ್ ದಿಲ್ನಿಸಾಕ್ಷಿನ ಮ್ಹೆಲ್ಯಹುಯ ದಿಲ್‌ಥೀಬಿ ನೀರ್ಛೊ಼ಳ್‍ ಪಾಣಿಥಿ ಪಾಕ್‌ಹುಯ ಶರೀರ್‌ಥೀಬಿ ಖ್ಹಾಚಆತ್ಮಥಿ ಪೂರ ವಿಶ್ವಾಸ್‍ಥಿ ದೇವ್‌ಕನ ಅಯ್ಯೆ.

ಇಬ್ರಿ 11:28

ಫೈಲೋಟ ಲಡ್ಕಾವ್‍ನ ಸಂಹಾರ್ ಕರಾವಾಳೊ ಧೂತ, ಇಸ್ರಾಯೇಲ್‌ವಾಳನ ಫೈಲೋಟ ಲಡ್ಕಾವ್‍ನ ನಾ ಛೀಮ್ಣುತೆ ಲ್ಹೋಯಿ ಛೀಚ಼ಕರೀನ್ ಪಸ್ಕ ಚ಼ಲಾವನಿತರ ಇನೆ ಕರ‍್ಯೊತೆ ವಿಶ್ವಾಸ್‌ಥೀಸ್.

ಇಬ್ರಿ 12:24

ನವ ಒಪ್ಪಂದಾನ ಇಚ಼್‌ಮ ರ‍್ಹವಾಳೊ ಯೇಸುಕನಬಿ ಹೇಬೆಲನ ಲ್ಹೋಯಿಥೀಬಿ ಮಹಾನ್ ವಾತೆ ಬೋಲಾಸ್ತೆ ಛಿಡ್‌ಕಾಯುತೆ ಲ್ಹೋಯಿಕನಾಬಿ ಐರ‍್ಹಾಸ್.

ಇಬ್ರಿ 5:9

ಆ ನಾಹುಯಿನ್ ಇನೆ ಭರ್‌ಪೂರ್‌ ಕರೀನ್, ಇನ ವಿಧೇಯಹುವಾಳ ಅಖ್ಖನಾಬಿ ಹಮೇಶ ರಕ್ಷಣೆನಖ್ಹಾಜೆ ಬಣ್ಯೊ.

1 ಪೇತ್ರ 1:14

ವಾತೆ ಖ್ಹಮ್‌ಜಾ಼ತೆ ಲಡ್ಕವ್ನಿತರ ಚಾ಼ಲೊ, ತುಮೆ ಅಗಾಡಿ ಬಿಣ್‍ಖ್ಹೈಲಿರ‍್ಹಾವಾನಿ ವಖ್ಹ್‌ತೆ ತುಮುನ ಥೂತೆ ನಿಕ್‌ಳ್ಯೊಜಾನ್ನಿ ತರಸ್ ಅಜೂ಼ಬಿ ಚಾ಼ಲಿಲ್ಯಾವಾಳ ನಾಹುಯಿರ‍್ಹೆವ್ಣುತೆ,

1 ಪೇತ್ರ 1:19

ಯೇಸು ಕ್ರಿಸ್ತಕರಿ ಬೋಲಾನು ಶನು ದೋಷ್‍ಕೊಂತೆ, ಶುದ್ದ ಹುಯಿರ‍್ಹುತೆ ಮೇಂಢಾನ ಚೆಲ್ಕಾನು ಕಿಮ್ಮತ್ನ ಲ್ಹೋಯಿಥೀಸ್‍ಕರಿ ತುಮುನ ಮಾಲುಮ್‍ಛಾ಼ನಿ.

1 ಪೇತ್ರ 1:20

ಯೊ ಜಗತ್‌ ಉಬ್‌ಜಾ಼ನ ಅಗಾಡಿಸ್ ದೆವೈಜಾ಼ವಾಳೂ ಹುಯಿರ‍್ಹಿನ್, ಆ ಖ್ಹರ್ತಿನ ಹಗಾಮ್ಮ ತುಮಾರಖ್ಹಾಜೆ ದೆಖಾಯೊ.

1 ಪೇತ್ರ 1:22

ತುಮೆ ಖ್ಹಾಚ ಉಪದೇಶ್‍ನ ವಿಧೇಯ ಹುಯಿರ‍್ಹಿನ್ ತುಮಾರ ಆತ್ಮಾನ ಪಾಕ್‍ ಕರಿಲಿದಾತೆ ಇನಾಖ್ಹಾಜೆ ಪಾಕ್‌ಮನ್‌ಥಿ ಭೈಯೆಭೇನೆನಿ ಪ್ಯಾರ್‌ವಾಳ ಹುಯಿರ‍್ಹೇವ್ಣು. ಅಮ್‍ರ‍್ಹವಾಪರ್, ಏಕ್‌ಥಿಏಕ್ ಪಾಕ್‍ದಿಲ್‍ಥೀಬಿ, ಛು಼ಟ ದಿಲ್‌ಥಿ ಪ್ಯಾರ್‌ಕರೊ.

1 ಪೇತ್ರ 2:9

ಕತೋಬಿ ಅಂಧಾರಮ ಛಾ಼ತೆ ತುಮುನ ಬುಲೈನ್ ಇನ ಆಶ್ಚರ್ಯನ ಉಜಾ಼ಳಮ ಮಳೈಲಿದ ಹುಯಾನ ಅದ್ಭುತ್ ಕಾಮ್ನ ಕರಾವಳ ಹೋಣುಕರಿ ತುಮೆ ಚೂ಼ಣೈಗಯುಹುಯು ಜ಼ಗ್‌ಜಾ಼ತ್‌ಬಿ, ರಾಜಾ಼ನ ಖಾನ್‌ದಾನ್ನ ಯಾಜಕ್‍ಬಿ, ಪರಿಶುಧ್ ಅದ್ಮಿಬಿ, ದೇವ್ನ ಶೊಂತ್‌ ಅದ್ಮಿಬಿ ಹುಯಿರ‍್ಹಾಸ್.

2 ಪೇತ್ರ 1:2

ದೇವ್ ತುಮುನ ಪರಿಶುದ್ ಕರಾನಖ್ಹಾಜೆ ಘಣಾದನ್ನ ಅಗ್ಗಳಸ್ ವಿಚಾರ್‌ ಕರಿರಾಖ್ಯೊಸ್. ದೇವ್ನಿ ಬಾರೇಮಾಬಿ ಅಜು಼ ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸುನಿ ಬಾರೇಮಾನಿ ಛಾ಼ತೆ ಗ್ಯಾನ್‌ಥಿ, ತುಮೂನ ವಾರ್‌ಖ್ಹೊ ಅಜು಼ ಶಾಂತಿ ಘಣೇಥಿ ಘಣು ಮಳಾದೆ.

2 ಯೋಹಾ 1:1

ಸಬೇನೊ ಶಾಣಾವ್‍ಮಾಥೊ ಏಕ್‍ಜ಼ಣೊ ಹುಯಿರ‍್ಹೋತೆ ಮೆ ದೇವ್ನೆ ಚೂ಼ಣಿರಾಖ್ಯುತೆ ಖ್ಹಾಚ ಪ್ಯಾರ್‌ನಿ ಭೇನೆನಾಬಿ ಇನ ಲಡ್ಕಾನಾಬಿ ಲೀಖುಕರುಸ್ತೆ ಶಾತ್‍ಕತೊ;

2 ಯೋಹಾ 1:13

ದೇವ್ನೆ ಚೂ಼ಣ್ಯೋತೆ ತುಮಾರಿ ಪ್ಯಾರ್‌ನಿ ಭೇನೆನ ಲಡ್ಕಾ ತುಮುನ ಧನ್ಯವಾದ್ ಬೋಲುಕರಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:2

ತುಮೂನ ಗೋರ್‌ಬಿ, ಶಾಂತಿ, ಪ್ಯಾರ್ ಘಣೇಥಿ ಮಳಾದೆ.