1 ಪೇತ್ರ 1:10 - ದೇವ್ನಿ ಖ್ಹಾಚಿ ವಚನ್

¹⁰ ದೇವ್ನೆ ತುಮುನ ವತಾಳ್ಯೊತೆ ವಾರ್‌ಖ್ಹಾನಿ ಬಾರೇಮ ಪಹಿಲೇಸ್ ಖ್ಹಮ್‌ಜಾ಼ಡ್ಯೂತೆ ಪ್ರವಾದಿಖ್ಹಾರು ಆ ರಕ್ಷಣೆನಿ ಬಾರೇಮ ಬರೋಬರ್‌ಥಿ ಪುಛೈ಼ನ್ ಪರ್ಖಿನ್ ದೇಖ್ಯು.

1 ಪೇತ್ರ 1:10 Iomraidhean Croise

ಮತ್ತಾಯ 13:17

ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ದೇಖುಕರಾತೆ ಕಾಮ್‍ಅಖ್ಖಾನ ಕೈಯೆಕ್ಕಿ ಪ್ರವಾದಿ ಖ್ಹಾರುಬಿ ಅಜು಼ ಕೈಯೆಕ್ಕಿ ನೀತಿವಾಳು ಅದ್ಮಿಖ್ಹಾರು ದೇಕ್ಣುಕರಿ ಆಖ್ಹ್‌ಕರ‍್ಯು ತೋಬಿ ಇವ್ಣೆ ದೇಖಾನ ಕೋ ಹುಯುನಿ. ತುಮೆ ಖ್ಹಮ್‌ಜು಼ಕರಾತೆ ಸಮಾಚಾರ‍್ನ ಇವ್ಣೆ ಖ್ಹಮಜ಼್‌ಣು ಕರಿ ಆಖ್ಹ್‌ ಕರ‍್ಯುತೋಬಿ ಖ್ಹಮ್‌ಜ್ಯು ಕೊಯ್ನಿ.

ಮತ್ತಾಯ 26:24

ವಚನ್‌ಮ ಲೀಖೈರ‍್ಹೂತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಮರ್‌ಶೆ, ಕತೋಬಿ ಕೋಣ್ ಅದ್ಮಿನೊ ಛಿಯ್ಯಾನ ಧರಿದಿಶೇಕಿ, ಇನಿ ಹಾಲ್ನ ಶಾತ್‌ ಬೋಲು! ಯೋ ಅದ್ಮಿ ಪೈದಾ ನಾಸ್ ಹುಯುಹೊತ್ತೊ ಇನ ಅಛ್ಛು಼ ಥೂ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:24

ಶನಕತೊ ಘಣು ಪ್ರವಾದಿಖ್ಹಾರು ಅಜು಼ ರಾಜ಼ಖ್ಹಾರು ತುಮೆ ದೇಖುಕರಾತೆ ಆ ಖ್ಹಾರಾನ ದೇಕ್ಣು ಕರಿ ಆಖ್ಹ್ ಕರ‍್ಯುತೋಬಿ, ಇವ್ಣೆ ದೇಖ್ಯು ಕೊಯ್ನಿ. ತುಮೆ ಖ್ಹಮ್‌ಜು಼ಕರಾತೆ ಖ್ಹಮಜ಼್‌ಣು ಕರಿ ಆಖ್ಹ್‌ ಕರ‍್ಯುತೋಬಿ ಖ್ಹಮ್‌ಜ್ಯು ಕೊಯ್ನಿ ಕರಿ ಮೇ ತುಮೂನ ಬೋಲುಸ್”.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:44

ಅಜು಼ ಯೇಸುನೆ ಇವ್ಣುನ, “ಮೇ ತುಮಾರ ಜೋ಼ಡೆಸ್ ಥೋತೆ ತದ್ದೇಸ್, ಆ ಖ್ಹಾರು ತುಮೂನ ಬೋಲ್ಯೊಥೋನಿ. ಮೋಶೇನು ಧರ್ಮಶಾಸ್ತ್ರ, ಪ್ರವಾದಿಯೇನು ಪುಸ್ತಕ್‌ಮ ಅಜು಼ ಕೀರ್ತನೇಮ ಮಾರಿ ಬಾರೇಮ ಲೀಖೈರ‍್ಹೂತೆ ಅಖ್ಖು ಪೂರಹುವಾನು ಜ಼ರೂರತ್ ಛಾ಼ ಕರಿ ಮೇ ತುಮೂನ ಬೋಲ್ಯೊಥೊ ಕೊಯ್ನಿಕಿ ಶು?” ಕರಿ ಬೋಲ್ಯೊ.

ಯೋಹಾನ 5:39

ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.

ಯೋಹಾನ 7:52

ಇನ ಇವ್ಣೆ, “ತೂಬಿ ಗಲಿಲಾಯವಾಳೊಕಿ ಶು? ಧರ್ಮಶಾಸ್ತ್ರನ ಅಛ್ಛಿನಿತರ ಪಢೀನ್‌ ಶಿಕಿಲೆ. ಗಲಿಲಾಯಥು ಖೆವೂ ಪ್ರವಾದೀಬಿ ಆವ್‌ಶೆ ಕೊಯ್ನಿ ಕರಿ ತದೆ ತುನ ಮಾಲುಮ್‌ ಪಡ್‌ಶೆ” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:43

ಇನ ನಂಬಾವಾಳನು ಹರೇಕ್‍ಜ಼ಣು ಪಾಪ್ನ ಇನ ನಾಮ್‍ಥಿ ಕ್ಷಮಾಪಣ್ ಮಳ್‌ಶೇತೆ. ಆ ಖ್ಹಾಚಸ್‌ಕರಿ ಪ್ರವಾದಿಖ್ಹಾರು ಸಾಕ್ಷಿ ಬೋಲಿರಾಖ್ಯುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:11

ಆ ಯೆಹೂದ್ಯವಾಳು ಥೆಸಲೋನಿಕನ ಯೆಹೂದ್ಯರ್‌ಥಿಬಿ ಪೌಲ ಸೀಲನೆ ಬೋಲ್ಯಾತೆ ಅಛ್ಛಿ ಸಂದೇಶ್ನ ಖುಲ್ಲ ದಿಲ್‌ಥಿ ಘಣು ಶಂತೋಖ್ಹ್‌ ಥಿ ಖ್ಹಮ್‌ಜ್ಯು. ಅಜು಼ ಯೋ ವಾತೆ ಖ್ಹಾಚು಼ಸ್‍ಕರಿ ಬೋಲಾನು ಮಾಲುಮ್ ಕರಿಲ್ಯವಾನಖ್ಹಾಜೆ ಪವಿತ್ರ ಪುಸ್ತಕನ ಹರೇಕ್ನೆ ಬರೋಬರ್ ಫಢ್ಯುತೆ ಇನಖ್ಹಾಜೆ ಥೆಸಲೋನಿಕ ವಾಳೇಥಿಬಿ ಅಛ್ಛಿಗುಣ್‌ವಾಳು ಹುಯಿರ‍್ಹುಥು

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:23

ಇನಖ್ಹಾಜೆ ಪೌಲ ಅಜು಼ ಇವ್ಣೆ ಸಭೆ ಮಳಾನ ಏಕ್‍ದನ್ ಖ್ಹಣೇದ್‍ಕರ‍್ಯು, ಯೋ ರೋಜ಼್ಮ ಕೈಯೆಕ್ಕಿ ಜ಼ಣು ಪೌಲನ ಘರ್ಮ ಘಣಿ ಗಣ್ತೀಥಿ ಸಬೆಮಳ್ಯು. ಇನೆ ವ್ಹಾಣೇಥು ಖ್ಹಾಂಜ಼್‌‌ಲಗು ದೇವ್ನ ರಾಜ್ಯನಿ ಬಾರೇಮ ಇನಿ ವಾತೇನ ಇವ್ಣುನ ಸಾಕ್ಷಿನ ಬೋಲ್ತೊಹುಯಿನ್.ಅಜು಼ ಮೋಶೇನು ಧರ್ಮಶಾಸ್ತ್ರ ಪ್ರವಾದಿನು ದಪ್ತರ್‌ನ ಆಧಾರ್ ಲಿದೊ. ಯೇಸುನಿ ಬಾರೇನಿ ವಾತೆಮ ಇವ್ಣುನ ವಿಶ್ವಾಸ್ ರಾಖಾನಿಘೊಣಿ ಕೋಶಿಶ್ ಕರ‍್ಯೊ. ಅನಖ್ಹಾಜೆ ಇನೆ

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:52

ಜಿವ್ತಥಾತೆ ಪ್ರವಾದಿಮ ಖ್ಹಾರಜ಼ಣನ ತುಮಾರ ಗುರುಖ್ಹಾರು ಖ್ಹತಾಯು. ನೀತಿವಾಳೊ ಎಕ್ಕಸ್‍ಜ಼ಣೊ ಹುಯಿರೋತೆ ಯೊ ಪಹಿಲೆಸ್ ಆವ್‍ಶೆಕರಿ ಖ್ಹಮ್‍ಜಾ಼ಯುಥು. ಕತೋಬಿ ತುಮಾರು ಗುರುಖ್ಹಾರು ಯೋ ಪ್ರವಾದಿಖ್ಹಾರನ ಮಾರಿನಾಖ್ಯು. ಹಮ್ಕೆ ತುಮೆ ಧರಿದೀನಸ್ ಇನ ಮರೈನಾಖ್ಯ.

ಇಬ್ರಿ 11:13

ಅವ್ಣೆಖ್ಹಾರು ವಿಶ್ವಾಸ್‌ರ‍್ಹವಾಳು ಹುಯಿನಸ್‌ ಮರಿಗಯು. ದೇವ್ನ ವಾಗ್ದಾನ್ನ ನಾಲಿದೂತೋಬಿ ಯೋ ಅಖ್ಖಾನ ದೂರ್‌ಥೀಸ್ ದೇಖಿನ್ ಸ್ವಾಗತ್‍ಕರೀನ್ ಖುಷಿಪಡ್ಯು; ಇವ್ಣೆ ಜ಼ಮೀನ್‌ಪರ್ ಅಲ್ಹಾವ್ ದೇಖ್ಹ್‌ವಾಳಬಿ, ತಮಾಖ್ಹೊ ದೇಖಾನ ಆಯುಹುಯು ಕರಿ ಮಾನಿಲಿದು.

ಇಬ್ರಿ 11:40

ಶನಕತೊ ದೇವ್ನೆ ಅಪ್ಣಖ್ಹಾಜೆ ಮಹಾನ್ ಖ್ಹಾಜ್‌ಥಿ ತಯಾರ್ ಕರೀನ್, ಅಪ್ಣಿ ಜೋ಼ಡ್ಮ ತಬ್ನು ವಿಶ್ವಾಸಿಖ್ಹಾರು ಭರ್‌ಪೂರ್‌ ಹೋಣುಕರಿ ನಿರ್ಧಾರ್ ಕರ‍್ಯೊ.

1 ಪೇತ್ರ 1:11

ಇವ್ಣಾಮಥೂತೆ ಕ್ರಿಸ್ತನು ಆತ್ಮ ಕ್ರಿಸ್ತನ ಆವ್ಣುತೆ ವದೇಖ್ಹ್‌ ಅಖ್ಖಾನಾಬಿ, ಯೋ ಅಖ್ಖಾನವಾರ್ ಉಷೇತೆ ಮಹಿಮೆನಾಬಿ, ಪಹಿಲೇಸ್ ಖ್ಹಮ್‌ಜಾ಼ಡಾದೀನ್ ದೇವ್ ಖೆವ ಹಗಾಮ್ನ ನತರ್ ಕೆಥ್ರಾನ ಹಗಾಮ್ನ ವತಾಳ್‌ಶೇಕರಿ ಬೋಲಾನು ಇವ್ಣೆ ಪರ್ಖಿನ್ ದೇಖ್ಯು.

1 ಪೇತ್ರ 1:13

ಇನಾಖ್ಹಾಜೆ ತುಮೆ ತುಮಾರ ದಿಲ್ನ ಘಟ್‍ಕರಿಲೀನ್, ಅಛ್ಛಿ ಸೋಚ್‌ವಾಳ ಹುಯಿರ‍್ಹಿನ್, ಯೇಸು ಕ್ರಿಸ್ತ ಆವಾನಿ ವಖ್ಹ್‌ತೆ ತುಮುನ ಮಳ್‌ಶೇತೆ ವಾರ್‌ಖ್ಹಾನ ಉಪ್ಪರ್ ತುಮಾರಿ ಪೂರ ಭರೋಖ್ಹೊ ರ‍್ಹವಾದೆ.