1 ಯೋಹಾನ 4:4 - ದೇವ್ನಿ ಖ್ಹಾಚಿ ವಚನ್

⁴ ಪ್ಯಾರ್‌ನ ಲಡ್ಕಾವೊ, ತುಮೆತೋಬಿ ದೇವ್‌ಮ ಮಳಿರ‍್ಹವಾಳ. ಅಜು಼ ಇನ ತುಮೆ ಜೂತಿರ‍್ಹವಾಳ ಹುಯಿರ‍್ಹಾಸ್ ಇವ್ಣೆ ಜಗತ್‌ಮ ಛಾ಼ತೆ ದುರಾತ್ಮಥೀಬಿ ತುಮಾರಮ ಛಾ಼ತೆ ಆತ್ಮ ಮಹಾನ್ ಹುಯಿರ‍್ಹೂಸ್ ಇನಖ್ಹಾಜೇಥಿಸ್ ಯೋ ಝೂ಼ಟ ಪ್ರವಾದಿಯೇವ್‍ನ ಆತ್ಮನ ಜೂತಿಗಯ.

1 ಯೋಹಾನ 4:4 Iomraidhean Croise

ಯೋಹಾನ 12:31

ಆ ಜಗತ್ನ ತೀರ್ಪ್ ಹುವಾನಿ ಘಡಿ ಆಸ್; ಯೊ ಆ ಜಗತ್ನ ರಾಜ಼್‌ಭಾರ್‌ ಚ಼ಲಾಯೊತೆ ಆ ಅದಿಪತಿನ ಭಾರ್‌ ಧಕೇಲ್‌ಶೆ.

ಯೋಹಾನ 14:30

ಬಿಜು಼ ಮೇ ತುಮಾರ ಜೋ಼ಡೆ ಜಾ಼ಖ್ಹತ್ ವಾತೆ ಕೋ ಬೋಲೂನಿ, ಶನಕತೊ ಆ ಜಗತ್ನ ಅದಿಕಾರಿ ವಳ್ಯಾವಸ್. ಇನ ಮಾರಪರ್ ಖೆವಿಸ್ ಹಕ್‌ ಕೊಯ್ನಿ.

ಯೋಹಾನ 16:11

ನ್ಯಾವ್‌ನಿ ಬಾರೇಮ ಆ ಜಗತ್ನ ಅದಿಪತಿನ ನ್ಯಾವ್‍ನಿ ತೀರ್ಪ್ ಹುಯಿಗಯು.

ಯೋಹಾನ 17:23

ಮೇ ಇವ್ಣಾಮ ರ‍್ಹೀಶ್ ಅಜು಼ ತೂ ಮಾರಾಮ ರ‍್ಹೀಶ್ ಅನೇಥಿ ಇವ್ಣೆ ಅಮ್ಮಸ್ ಭರ್‌ಪೂರ್‌ಥಿ ಏಕ್‌ ಹುಯಿರ‍್ಹಿಶೆ, ತದೆ ತುನೇಸ್ ಮನ ಮೋಕ್ಯಲ್ಯೋತೆ ಕರಿ ಅಜು಼ ತುನೆ ಮನ ಪ್ಯಾರ್ ಕರ‍್ಯೊತೆ ಇಮ್ಮಸ್, ಅವ್ಣುನಾಬಿ ಪ್ಯಾರ್ ಕರಿರಾಖ್ಯೋಸ್ ಕರಿ ಆ ಜಗತ್ನ ತದೆ ಮಾಲುಮ್‌ ಪಡ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:31

ಇಮ್‍ಕತೊ ಅನ ಅಪ್ಣೆ ಕಿಮ್ ಜ಼ವಾಬ್‍ದಿಯೆ, ದೇವ್ ಅಪ್ಣ ಭಣಿರ‍್ಹಯೋತೊ ಕೋಣ್ ಅಪ್ಣುನ ವಿರೋದ್ ಕರ್ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:37

ಕೊಯ್ನಿ ಆ ಖ್ಹಾರಮಾಬಿ ಹಮೆ ಹಮೂನ ಪ್ಯಾರ್ ಕರವಾಳಾಥಿ ಜೈಕಾರ್ ಲೀರಾಖವಾಳಥಿಬಿ ಘಣ ಮೋಟಹುಯಿರಾಸ್.

1 ಕೊರಿಂಥ 2:12

ಅಪ್ಣೆ ಜಗತ್‌ಮಛಾ಼ತೆ ಆತ್ಮಾನ ಲೀರಾಖ್ಯಾಕೊಯ್ನಿ ದೇವ್ ಅಪ್ಣುನ ಫುಗಟ್ನಿ ಗೋರ್‌ಥಿ ದಿದೊತೆ ವರಾನ ಮಾಲುಮ್ ಕರಿಲ್ಯವಾನಖ್ಹಾಜೆ ದೇವ್‍ಥಿ ಆಯಿತೆ ಆತ್ಮನಾಸ್ ಲೀರಾಖ್ಯಸ್.

1 ಕೊರಿಂಥ 6:13

ಖಾಣು ಅಖ್ಖು ಪೇಟ್ನಖ್ಹಾಜೇಸ್. ಪೇಟ್ ಖಾಣನ ಖ್ಹಾಜೆಸ್ ಛಾ಼.” ಕರಿ ಬೋಲೆಜಾ಼ಯ್ ಯೋ ಖ್ಹಾಚಾಸ್. ಆ ಭೇನ ಪೂರ ಕರಾವಾಳೊ ದೇವಸ್. ಶರೀರ್‌ಛಾ಼ತೆ ವ್ಯಬಿಚಾರ್‌ ಕರಾನಖ್ಹಾಜೆ ಕಾಹೆ ಪ್ರಭುನ ಸೇವೆ ಕರಾನಖ್ಹಾಜೆಸ್. ಪ್ರಭು ಶರೀರ್‌ನಖ್ಹಾಜೆ ಛಾ಼.

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

2 ಕೊರಿಂಥ 6:16

ದೇವ್ನ ಮಂದಿರ್‌ನಾಬಿ ಮೂರತ್‌ನಾಬಿ ಏಕ್‍ಕರಾನ ಉಶೇಕಿ ಶು? ಅಪ್ಣೆ ದೇವಸ್ ಬೋಲಿರಾಖ್ಯುತೆ ತಿಮ್ ಜಿವ್ತಜಾನ್ನೊ ಮಂದಿರ್‌ ಹುಯಿರಾಸ್ನಿ. ಮಾರ ಅದ್ಮಿವೋಮ ಮೇಸ್ ಘರ್ ಕರೀಶ್, ಇವ್ಣಾಮ ಮೇಸ್ ಜಿವ್ಣು ಕರ್ತೊಹುಯಿನ್ ಇವ್ಣಿಜೋ಼ಡೆ ಫರ್ತೊರ‍್ಹಿಶ್, ಮೇಸ್ ಇವ್ಣೊ ದೇವ್ ಹುಯಿರ‍್ಹಿಶ್. ಇವ್ಣೆ ಮನ ಪ್ರಜೆಹುಯಿರ‍್ಹಿಶೆ ಕರಿ ಬೋಲ್ಯೊ.

ಎಫೆಸ 2:2

ಅಗ್ಗಳ್ ತುಮೆ ಆ ಜಗತ್ನಿ ರೀತಿಥೀಬಿ, ವಹಿರಾನ ಗೋಳಾಮ ಅದಿಕಾರ್ ಚ಼ಲಾವತೆ ಅದಿಪತಿನ ಕತೊ ವಿಧೇಯ ಕೊಹುವಾಂತೆ ಲಡ್ಕಾವ್‌ಮ ಹಮ್ಕೆ ಚ಼ಲಾವತೆ ಆತ್ಮನಿಘೊಣಿ ಜಿವ್ಣು ಚಾ಼ಲಾಯ.

ಎಫೆಸ 3:17

ಕ್ರಿಸ್ತ ತುಮಾರ ವಿಶ್ವಾಸ್‍ಥಿ ತುಮಾರ ದಿಲ್ಮ ಜಿವಾದೆಕರಿಬಿ, ಯೊ ಇನಿ ಮಹಿಮೆನಿ ಶಕತ್ ದ್ಯವಾದೆ.

ಎಫೆಸ 6:10

ಖ್ಹರ್ತಿಮ, ತುಮೆ ಪ್ರಭುಮಾಬಿ ಇನಿ ಘಣಿ ಮೋಟಿ ಶಕತ್‍ಮಾಬಿ ತಾಖತ್‍ವಾಳ ಹುವೊ.

1 ಯೋಹಾನ 2:1

ಮಾರ ಪ್ಯಾರ್‌ನ ಲಡ್ಕಾವೊ, ತುಮೆ ಪಾಪ್ ನಾಕರ‍್ನುತೆ ರ‍್ಹೇವ್ಣು ಮೇ ಆ ಅಖ್ಖು ತುಮೂನ ಲೀಖುಕರುಸ್. ಏಕ್‍ ವೇಳ್ಮ ಕೋಣ್‌ತೋಬಿ ಪಾಪ್ ಕರ‍್ಯುಸ್‍ಉಶೇತೊ ಅಪ್ಣ ಭಣೀಥು ಬಾಕನ ಬೋಲಿಲ್ಯವಾನ ಏಕ್‍ಜ಼ಣೊ ಛಾ಼. ಯೋಸ್ ನೀತಿವಾಳೊ ಯೇಸುಕ್ರಿಸ್ತ ಮದತ್‌ಕರಾವಾಳು ಹುಯಿರೋಸ್.

1 ಯೋಹಾನ 2:13

ಬಾಖ್ಹಾರ ತುಮೆ ಶುರುವಾಥೂಸ್ ರ‍್ಹಾವಾಳನ ತುಮೆ ಮಾಲುಮ್‌ ಕರಿರಾಖ್ಯತೆ ಇನಖ್ಹಾಜೆ ಮೆ ತುಮೂನ ಲೀಖುಕರುಸ್. ಜಾ಼ನ್ಜ಼ಮಾನ್ ಹುಯಿರಾತೆ ತುಮೆ ವಹೇರ‍್ಯಾನ ಜೂತಿರಾಖ್ಯಸ್ ಇನಖ್ಹಾಜೆ ತುಮೂನ ಲೀಖುಕರುಸ್.

1 ಯೋಹಾನ 3:20

ಖಿವಿ ಬಾರೇಮತೋಬಿ ಅಪ್ಣೊ ದಿಲ್ನಿ ಸಾಕ್ಷಿ ಅಪ್ಣುನ ಗುರ್‌ಕಾಯುತೋಬಿ, ಅಖ್ಖುಸ್ ಮಾಲುಮ್ ರ‍್ಹವಾಳೊ ದೇವ್ ಅಪ್ಣ ದಿಲ್ನಿ ಸಾಕ್ಷಿಥೀಬಿ ಮೋಟೊಕರಿ ಅಪ್ಣುನ ಮಾಲುಮ್ ಛಾ಼.

1 ಯೋಹಾನ 3:24

ದೇವ್ನಿ ಹುಕುಮ್‌ನ ಪಾಡಿಚಾ಼ಲವಾಳೊ ಇನಾಮ ತಳ್‍ಗಾಠಿನ್ ರ‍್ಹೇಸ್. ದೇವ್ ಇವ್ಣಾಮ ತಳ್‌ಗಾಠಿ ರ‍್ಹೇಸ್‍. ದೇವ್ ಅಪ್ಣಾಮ ತಳ್‍ಗಾಠಿ ಛಾ಼ಕರಿ ಯೋ ಅಪ್ಣುನ ಕೃಪೆಥಿ ದೀರಾಖ್ಯೋತೆ ಪವಿತ್ರಾತ್ಮಥೀಸ್ ಮಾಲುಮ್ ಕರಿಲಿಯೇಸ್.

1 ಯೋಹಾನ 4:13

ದೇವ್ ಇನಿ ಆತ್ಮಾನ ಅಪ್ಣಾಮ ದೀರಾಖ್ಯೋತೆ ಇನಖ್ಹಾಜೇಸ್ ಅಪ್ಣೆ ಇನಾಮ ಛಿಯೆಕರಿ ಮಾಲುಮ್ ಕರಿಲಿಯೇಸ್.

1 ಯೋಹಾನ 4:16

ಅಮ್ಮಸ್ ದೇವ್ ಅಪ್ಣಾಮ ರಾಖಿರಾಖ್ಯೊತೆ ಪ್ಯಾರ್‌ನ ಅಪ್ಣೆ ಮಾಲುಮ್ ಕರಿರಾಖ್ಯಸ್. ಇನ ಅಪ್ಣೆ ವಿಶ್ವಾಸ್ ಕರಿಯೇಸ್. ದೇವ್ ಪ್ಯಾರ್‌ವಾಳೊ ಹುಯಿರ‍್ಹೊಸ್. ಪ್ಯಾರ್‌ಮ ರ‍್ಹವವಾಳೊ ದೇವ್‌ಮ ರ‍್ಹವಾಳೊ ಹುಯಿರೇಸ್‌. ದೇವ್ ಇವ್ಣಾಮ ರ‍್ಹವಾಳೊ ಹುಯಿರ‍್ಹೊಸ್ ದೇವ್ ಪ್ಯಾರ್ ಹುಯಿರ‍್ಹೊಸ್.

1 ಯೋಹಾನ 4:6

ಅಪ್ಣೆತೋಬಿ ದೇವ್‌ಮ ಮಳ್ಯಹುಯ. ದೇವ್ನ ಮಾಲುಮ್‌ ಕರಿರಾಖವಾಳೊ ಅಪ್ಣಭಣಿ ಕಾನ್‍ದೇಸ್. ದೇವ್‌ಮ ಮಳಿರ‍್ಹೆಯಿಕೊಂತೆ ಅಪ್ಣುನ ಕಾನ್‍ದೇಯ್‍ ಕೊಯ್ನಿ. ಅನಖ್ಹಾಜೆಥೀಸ್ ಖ್ಹಾಚ಼ನ ಬೋಲಾನು ಆತ್ಮಖಿವು ಅಜು಼ ಝೂ಼ಟು ಬೋಲಾತೆ ಆತ್ಮ ಖಿವುಕರಿ ಅಪ್ಣುನ ಮಾಲುಮ್‌ ಹುವ್ವಾಸ್‌.

1 ಯೋಹಾನ 5:19

ಹಿಡಿ ಜಗತ್ತಸ್ ಕೇಡ್‌ ಕರವಾಳನ ಕಬ್‌ಜಾ಼ಮ ರ‍್ಹಯುತೋಬಿ ಅಪ್ಣೆ ದೇವ್ನ ಮಳಿರ‍್ಹವಾಳ ಕರಿ ಅಪ್ಣುನ ಮಾಲುಮ್ ಛಾ಼.

1 ಯೋಹಾನ 5:4

ಶನಕತೊ ದೇವ್‍ಥಿ ಪೈದ ಹುಯೋತೆ ಹರೇಕ್ ಜ಼ಣುಬಿ ಜಗತ್ನ ಜುತಿಲೇಸ್. ಜಗತ್ನಜುತಾನು ಅಪ್ಣಿ ವಿಶ್ವಾಸ್‌ಥೀಸ್.

ಪ್ರಕಾಶಿತ್ 12:11

ಇವ್ಣೆ ಮರಣ್‌ಲಗೂಬಿ ಭೈಯೇ ಭೇನೆನ ಇವ್ಣ ಜಾನ್ನ ಪ್ಯಾರ್ ಕರ‍್ಯಕೊಂತೆ, ಮೇಂಢಾನ ಚೆಲ್ಕುಹುಯಿರ‍್ಹವಾಳನ ಲ್ಹೋಯಿಥಿಬಿ ಇನು ಸಾಕ್ಷಿನು ಅಜು಼ ಬೋಲಾಯುತೆ ವಚನ್‌ಥಿಬಿ ಇನ ಜೂತಿಲಿದು.