1 ಯೋಹಾನ 2:8 - ದೇವ್ನಿ ಖ್ಹಾಚಿ ವಚನ್

⁸ ಕತೋಬಿ ಮೇ ತುಮೂನ ಲೀಖುಕರುತೆ‍ ನವಿ ಹುಕುಮ್‍ನಿತರಾಸ್ ಛಾ಼. ಹೈರುತೆ ಇನಾಮಾಬಿ ತುಮಾರಮಾಬಿ ಖ್ಹಾಚು಼ಹುಯಿರ‍್ಹುಸ್. ಶನಕತೊ ಅಂಧಾರು ಚ಼ಲ್ಯುಜೈನ್‌, ಖ್ಹಾಚು಼ ಉಜಾ಼ಳು ಹಮ್ಕೆ ಉಜಾ಼ಖ್ಹ್‌ ಹೂಕರಸ್.

1 ಯೋಹಾನ 2:8 Iomraidhean Croise

ಮತ್ತಾಯ 4:16

ಅಮ್ ಅಂಧಾರಾಮ ಜಿವ್‍ಕರ್ತುಥೂತೆ ಆ ತಬರ್‌ಖಾನು ಅದ್ಮಿಖ್ಹಾರು ಮೋಟು ಉಜಾ಼ಖ್ಹ್‌ ದೆಖಾಯು. ಮರಣ್ಣಿ ಛಾ಼ಳೊ ಢಪೈರ‍್ಹುಥುತೆ ತಬರ್‌ಖಾಮ ಜಿವ್‍ಕರ್ತುಥೂತೆ ಇವ್ಣಾಪರ್ ಉಜಾ಼ಳು ಘೈಗೈಗು.”

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:79

ಅಜು಼ ಅಂಧಾರಮಾಬಿ, ಮರಣ್ಣಿ ಛಾ಼ಳಿಮ ರ‍್ಹವಾಳ ಖ್ಹಾರಾನ ಉಜಾ಼ಳು ದಿಶೆ, ಅಪ್ಣುನ ಸಮಾಧಾನ್ನಿ ವಾಟ್‌ ವತಾಳಿನ್ ಚ಼ಲಾವ್‌ಷೆ” ಕರಿ ಬೋಲ್ಯೊ.

ಯೋಹಾನ 1:9

ಯೊ ಖ್ಹಾಚು಼ ಉಜಾ಼ಳು ಹುಯಿರುಥು ಅಜು಼ ಯೊ ಜಗತ್‌ಮ ಆವಾಳು ಥು, ಯೊ ಅಖ್ಖಾ ಅದ್ಮಿನ ಉಜಾ಼ಖ್ಹ್‌ ದೆವಾಳು ಹುಯಿರ‍್ಹುಥು.

ಯೋಹಾನ 12:35

ತದೆ ಯೇಸುನೆ ಇವ್ಣುನ ಬೋಲ್ಯೊ, “ಬಿಜು಼ ಥೋಡ ದನ್ನಸ್‌ ಉಜಾ಼ಳು ತುಮಾರಾಮ ರ‍್ಹಿಶೆ, ಅಂಧಾರು ತುಮಾರಪರ್ ಢಪಾವನ ಅಗಾಡಿಸ್ ಉಜಾ಼ಳು ರ‍್ಹವಾನಿವಖ್ಹ್‌ತೆಸ್ ಚಾ಼ಲೊ. ಅಂಧಾರಾಮ ಚಾ಼ಲವಾಳಾನ ಯೋ ಕಿಜ಼್ಜಾ ವಳ್ಯೊಜಾ಼ಸ್ ಕರಿ ಮಾಲುಮ್‌ ಕೋಪಡಾನಿ.

ಯೋಹಾನ 12:46

ಮೇ ಉಜಾ಼ಳು ಹುಯಿನ್ ಆ ಜಗತ್‌ಮ ಐರ‍್ಹೋಸ್ತೆ, ಮನ ನಂಬವಾಳು ಏಕ್‌ಬಿ ಅಂಧಾರಾಮ ನಾ ರ‍್ಹೇವ್ಣುಕರಿಸ್.

ಯೋಹಾನ 13:34

ಹಮ್ಕೆ ಮೇ ತುಮೂನ ಏಕ್‌ ನವಿ ಹುಕುಮ್‌ ದೆವುಸ್ ತುಮೆ ಏಕ್‌ಥಿ-ಏಕ್‌ ಲಾಡ್‌ ಕರೊ. ಮೇ ತುಮೂನ ಲಾಡ್‌ ಕರ‍್ಯೊತೆ ತಿಮ್ಮಸ್, ತುಮೇಬಿ ಏಕ್‌ಥಿ-ಏಕ್‌ ಲಾಡ್‌ ಕರ್ನುಸ್‍ಕರ‍್ನು.

ಯೋಹಾನ 8:12

ಅನ ಬಾದ್‌ಮ ಯೇಸು ಪಾಛೊ಼ ಅದ್ಮಿಖ್ಹಾರನ ವಾತೆ ಬೋಲ್ತೊಹುಯಿನ್, “ಮೇಸ್ ಜಗತ್ನ ಉಜಾ಼ಳು ಹುಯಿರ‍್ಹೋಸ್, ಮಾರಪೀಠೆ ಆವಾಳು ಅಂಧಾರಮ ಚಾ಼ಲ್‌ಶೆಸ್‌ ಕೊಯ್ನಿ ಅಜು಼ ಯೊ ಜಾನ್ನು ಉಜಾ಼ಳು ಲೀರ‍್ಹಾವಳೊ ಹುಯಿರೊಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:30

ಗಯೂತೆ ಹಗಾಮ್ಮ ಅದ್ಮಿಖ್ಹಾರು ದೇವ್ನ ಮಾಲುಮ್ ಕರ‍್ಯುಕೊಯ್ನಿ. ಕತೋಬಿ ದೇವ್ನೆ ಯೊ ಶಾತ್ಬಿ ಕರ‍್ಯೊಕೊಯ್ನಿ. ಹಮ್ಕೆತೋಬಿ ಜಗತ್ನಿ ಅಖ್ಖಿಬಾಜು಼ಮ ರ‍್ಹವಾಳು ಅದ್ಮಿಖ್ಹಾರು ಖರಾಬ್ ಮಾರಗ್‌ನ ಮ್ಹೇಲಿನ್ ಇನಾಭಣಿ ಫರ್‌ನುಕರಿ ಹುಕುಮ್ ದೆವುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:12

ಘಣೇಥಿ ರಾತ್ ನಿಕ್ಳಿಜೈ಼ನ್ ವ್ಹಾಣು ಖನ್ನೆ ಅಯಿಗು. ಇನಖ್ಹಾಜೆ ಅಪ್ಣೆ ಅಂಧಾರನು ಖ್ಹಾರು ಕಾಮ್ನ ಫೇಕಿನ್ ಉಜಾ಼ಳಾಮ ಜಂಗ್ ಭೀಡಾನು ಕಫ್ಫನ್ನ ಫೆರ‍್ಹಿಲಿಯೆ.

2 ಕೊರಿಂಥ 8:9

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ವಾರ್‌ಖ್ಹಾನ ತುಮೆ ಮಾಲುಮ್ ಕರಿರಾಖ್ಯಸ್. ಕಿಮ್‌ಕತೊ ಯೋ ಧನ್‍ ದೌಲತ್‌ವಾಳೊ ರ‍್ಹಯೊತೋಬಿ ಯೋ ಗರೀಬ್ ಹುವಾಥೀಸ್ ತುಮೆ ಧನ್‌ ದೌಲತ್‌ವಾಳ ಬಣನಿತರ ಯೋ ತುಮಾರಖ್ಹಾಜೆ ಗರೀಬ್‍ಹುಯೊ.

ಎಫೆಸ 5:8

ಶನಕತೊ ತುಮೆ ಯೋಹಗಾಮ್ಮ ಅಂಧಾರಮ ಥಾ, ಕತೋಬಿ ಹಮ್ಕೆ ತುಮೆ ಪ್ರಭುನ ಅದ್ಮಿ ಹುಯಿರ‍್ಹಿನ್ ಉಜಾ಼ಳವಾಳ ಹುಯಿರ‍್ಹಾಸ್. ಉಜಾ಼ಳವಾಳನಿತರ ಚಾ಼ಲಿಲೆವೊ.

2 ತಿಮೊ 1:10

ಕತೋಬಿ ಹಮ್ಕೆ ಅಪ್ಣೊ ಬಚಾ಼ಡವಾಳೊ ಹುಯಿರ‍್ಹೋತೆ ಕ್ರಿಸ್ತ ಯೇಸು ದೆಖಾವಾನಿ ಜೋ಼ಡ್ಮ ಅಪ್ಣುನ ಪ್ರಕಟ್‌ಹುಯು. ಇನೆ ಮರಣ್ಣ ನಾಶ್ ಕರ‍್ಯೊ ಅಜು಼ ಜಾನ್ನಬಿ ಮರಾನುಕೊಂತೆ ಸುವಾರ್ತೆ ವತಾಳಿರಾಖ್ಯೊಸ್.

1 ಪೇತ್ರ 1:21

ಇನ ಮರ‍್ಯಾಹುಯಾಮಾಥು ಉಠಾಡಿನ್ ಇನ ಮಹಿಮೆ ದಿದಾಹುಯಾ ದೇವ್‌ಮ ತುಮೆ ಇನೇಥಿ ವಿಶ್ವಾಸ್ ಕರಾವಾಳ ಹುಯಿರ‍್ಹಾಸ್. ಅಮ್‍ರ‍್ಹವಾಪರ್ ತುಮಾರಿ ವಿಶ್ವಾಸ್‍ಬಿ ಟಿವಾವ್ಣಿಬಿ ದೇವ್‍ಮಾಸ್‍ ಭೀಯುಸ್.

1 ಯೋಹಾನ 3:23

ದೇವ್ನಿ ಹುಕುಮ್ ಶಾತ್‍ಕತೊ ಅಪ್ಣೆ ದೇವ್‌ನೊ ಛಿಯ್ಯೊ ಪ್ರಭು ಯೇಸುನ ನಾಮ್‍ಪರ್ ವಿಶ್ವಾಸ್‍ಕರೀನ್‍ ಇನೆ ಹುಕುಮ್ ಕರಿರಾಖ್ಯೊತೆ ಇಮ್ಮಸ್ ಏಕ್‌ಥಿಏಕ್ ಪ್ಯಾರ್‌ಕರ‍್ನು ಕರಿ ಬೋಲಾನುಸ್.

1 ಯೋಹಾನ 4:11

ಪ್ಯಾರ್‌ನ ದೋಸ್ತಿವೊ, ದೇವ್ ಅಪ್ಣುನ ಅಮ್ ಪ್ಯಾರ್ ಕರಾಪರ್ ಅಪ್ಣೇಬಿ ಏಕ್‌ಥಿಏಕ್ ಪ್ಯಾರ್‌ಕರ‍್ನುಸ್‍ ಕರ‍್ನು.

1 ಯೋಹಾನ 4:21

ದೇವ್ನ ಪ್ಯಾರ್‌ಕರವಾಳೊ ಇನ ಭೈ ಭೇನೇನ ಪ್ಯಾರ್‌ಕರ‍್ನು ಕರಿ ಕ್ರಿಸ್ತಯೇಸು ಅಪ್ಣುನ ಹುಕುಮ್ ಕರ‍್ಯೊ.