1 ಯೋಹಾನ 2:5 - ದೇವ್ನಿ ಖ್ಹಾಚಿ ವಚನ್

⁵ ಕೋಣ್‍ತೋಬಿ ಇನಿ ವಚನ್ನ ಲೀನ್ ಚಾ಼ಲ್ಯೋತೊ ಇನಾಮ ಖ್ಹಚ಼ಂಬಿ ದೇವ್‌ಪರ್‌ನ ಪ್ಯಾರ್ ಭರ್‌ಪೂರ್‌ ಹುಯಿರ‍್ಹುಸ್. ಅಥ್ರಾನ ಕಾಮ್‍ಥಿ ಅಪ್ಣೆ ಇನಾಮ ಛಿಯೆಕರಿ ಮಾಲುಮ್ ಕರಿಲಿಯೇಸ್.

1 ಯೋಹಾನ 2:5 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:28

ತದೆ ಯೇಸುನೆ, “ಇನೇಥಿಬಿ, ದೇವ್ನಿ ವಚನ್ನ ಖ್ಹಮ್‌ಜೀನ್‌, ಇನ ಪಾಡಿಚಾ಼ಲವಾಳುಸ್‌ ಧನ್ಯರ್ ಹುಯಿರ‍್ಹುಸ್‍” ಕರಿ ಬೋಲ್ಯೊ.

ಯೋಹಾನ 14:21

“ಮಾರಿ ಹುಕುಮ್‌ನ ಮಾನಿನ್‌, ಇನೀನಿಘೋಣಿ ಚಾ಼ಲವಾಳೋಸ್‌ ಮನ ಪ್ಯಾರ್ ಕರಾವಾಳೊ ಹುಯಿರ‍್ಹೋಸ್. ಕೋಣ್ ಮನ ಪ್ಯಾರ್ ಕರಾಸ್ಕಿ ಮಾರೊ ಬಾ ಇನ ಪ್ಯಾರ್ ಕರ್ಶೆ; ಮೇಬಿ ಇನ ಪ್ಯಾರ್ ಕರೀಶ್ ಅಜು಼ ಮೇಸ್ ಇನ ದೆಖೈಲೀಶ್‌” ಕರಿ ಬೋಲ್ಯೊ.

ಯೋಹಾನ 14:23

ಯೇಸುನೆ ಇನ, “ಕೋಣ್ ಮನ ಪ್ಯಾರ್ ಕರಾಸ್ಕಿ, ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್‌ಷೆ. ಮಾರೊ ಬಾ ಇನ ಪ್ಯಾರ್ ಕರ್ಶೆ, ಅಜು಼ ಮಾರೊ ಬಾಬಿ ಮೇ ಭೇಜ಼ಣ ಇನಾಕನ ಐನ್, ಇನಜೋ಼ಡೆ ಜಿವ್‌ಶು.

ಯೋಹಾನ 15:5

ಮೇ ದ್ರಾಕ್ಷಿನೊ ವೇಲೊ, ಅಜು಼ ತುಮೆ ಡಾಳಿಯೆ. ಏಕ್‌ ಜ಼ಣೊ ಮಾರಾಮ ಅಜು಼ ಮೇ ಇನಾಮ ರ‍್ಹಯೋತೊ, ಯೋಸ್‌ ಜಾ಼ಖ್ಹತ್ ಪಂಡು ದಿಶೆ; ಕತೋಬಿ ತುಮೆ ಮನ ಮ್ಹೆಂದಿನ್ ಶಾತ್ಬಿ ಕರಾನ ಕೋ ಹುವಾನಿ.

ಯೋಹಾನ 6:56

ಮಾರಿ ಬೋಟಿನ ಖೈನ್, ಮಾರೂ ಲ್ಹೋಯಿನ ಪಿಯ್ಯಾವಾಳು ಯೊ ಮಾರಾಮ ರ‍್ಹೇಸ್‌, ಅಜು಼ ಮೇ ಇವ್ಣಾಮ ಜಿವಿರ‍್ಹೀಶ್‌.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:1

ಇನಖ್ಹಾಜೆ ಹಮ್ಕೆ ಯೇಸುಕ್ರಿಸ್ತಮ ಗಳ್‍ಜೋ಼ಡ್ ರ‍್ಹವವಾಳಾನ ಖಿವಿ ಅಪರಾದ್ನಿ ತೀರ್ಮಾನ್‍ಬಿ ಕೊಯ್ನಿ.

1 ಕೊರಿಂಥ 1:30

ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

2 ಕೊರಿಂಥ 5:17

ಇನಖ್ಹಾಜೆ ಕೋಣ್‌ತೋಬಿ ಕ್ರಿಸ್ತಮ ರ‍್ಹಯುತೊ, ಯೊ ನವೇಥಿ ಉಬ್ಜಿರ‍್ಹೋಸ್. ಹಂದೇಖೊ, ಜೂ಼ನು ಚಾ಼ಲ್ಯೂತೆ ಅಖ್ಖೂಸ್ ನೂಛೈ಼ಗಯು; ನವೇಥಿ ಜ಼ಲಮ್‍ಲಿದು.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಯಾಕೋಬ 2:22

ಇನಿ ವಿಶ್ವಾಸ್ ಕಾಮ್ನಿಜೋ಼ಡ್ಮ ಚಾ಼ಲ್ಯು ಅಜು಼ ಯೋ ಕಾಮ್‌ಥಿಸ್ ಇನಿ ವಿಶ್ವಾಸ್‌ನಿ ಖ್ಹಯಾಲ್ ಚಾ಼ಲಿಗಿ ಕರಿ ದೇಖೆಸ್‍ನಿ?

1 ಯೋಹಾನ 3:24

ದೇವ್ನಿ ಹುಕುಮ್‌ನ ಪಾಡಿಚಾ಼ಲವಾಳೊ ಇನಾಮ ತಳ್‍ಗಾಠಿನ್ ರ‍್ಹೇಸ್. ದೇವ್ ಇವ್ಣಾಮ ತಳ್‌ಗಾಠಿ ರ‍್ಹೇಸ್‍. ದೇವ್ ಅಪ್ಣಾಮ ತಳ್‍ಗಾಠಿ ಛಾ಼ಕರಿ ಯೋ ಅಪ್ಣುನ ಕೃಪೆಥಿ ದೀರಾಖ್ಯೋತೆ ಪವಿತ್ರಾತ್ಮಥೀಸ್ ಮಾಲುಮ್ ಕರಿಲಿಯೇಸ್.

1 ಯೋಹಾನ 4:17

ನ್ಯಾವ್‌ತೀರ್ಪ್‌ನ ದನ್ಮ ಅಪ್ಣೆ ಹಿಮ್ಮಥ್ಥಿ ರ‍್ಹವಾನಖ್ಹಾಜೆ ಇನಿ ಪ್ಯಾರ್ ಅಪ್ಣಾಮ ಛಾ಼. ಆ ಜಗತ್‌ಮ ಅಪ್ಣು ಜಿವ್ಣು ಕ್ರಿಸ್ತಯೇಸುನ ಜಿವ್ಣನಿಘೊಣಿ ರ‍್ಹೇಸ್ತೆ ಇನಖ್ಹಾಜೇಸ್ ಆ ಭರೋಖ್ಹೊ ಅಪ್ಣಾಮ ಭರ್‌ಪೂರ್‌ಥಿ ರ‍್ಹೇಸ್ತೆ.

1 ಯೋಹಾನ 4:18

ಪ್ಯಾರ್ ರ‍್ಹೇಸ್ತೆ ಹಿಜ್ಜಾ಼ ಡರ್‌ಕೊರ‍್ಹೇಯಿನಿ. ಡರ್‌ರ‍್ಹೇಸ್ತೆ ಹಿಜ್ಜಾ಼ ನಿಶತ್‌ ರ‍್ಹೇಸ್. ಕತೋಬಿ ಭರ್‌ಪೂರ್‌ ಪ್ಯಾರ್ ಡರ‍್ನ ಮಾರಿನಖ್ಹಾಡಿದೇಸ್. ಡರವಾಳೊ ಪ್ಯಾರ್‌ಮ ಪೂರ ಹುಯಿರ‍್ಹವಾಳೊ ಕಾಹೆ.

1 ಯೋಹಾನ 5:2

ಅಪ್ಣೆ ದೇವ್ನ ಪ್ಯಾರ್‌ಕರೀನ್ ಇನಿ ಹುಕುಮ್‌ನ ಪಾಡಿಚಾ಼ಲಥೀಸ್‍ ದೇವ್ನ ಲಡ್ಕಾನ ಪ್ಯಾರ್‌ಕರ್‌ಶು ಕರಿ ಮಾಲುಮ್ ಕರಿಲಿಯೇಸ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

2 ಯೋಹಾ 1:6

ದೇವ್ನಿ ಹುಕುಮ್ ಲೀನ್ ವಿಧೇಯ ಹುಯಿನ್ ಚಾ಼ಲಾನುಸ್ ಪ್ಯಾರ್ ಹುಯಿರುಸ್. ಪ್ಯಾರ್‌ಮ ಚಾ಼ಲ್ನುಸ್‍ಕರಿ, ತುಮೆ ಪಹಿಲೆಥುಬಿ ಖ್ಹಮ್‍ಜ್ಯಾತೆ ಹುಕುಮ್‌ ಹುಯಿರಿಸ್. ತುಮೆ ಖ್ಹಾರು ಪ್ಯಾರ್‌ಮಾಸ್ ಜಿವವಾಳ ಹುಯಿರ‍್ಹೇಣು.

ಪ್ರಕಾಶಿತ್ 12:17

ತದೆ ಅರ್ಝ಼ನ ಯೊ ತಯೇಡಾಪರ್ ಘಣು ಖಿಜೈ಼ನ್, ಇನಿ ಪಿಳ್ಗಿಮ ಥೂತೆ ಇವ್ಣಾಪರ್ ಕತೊ, ದೇವ್ನಿ ಹುಕುಮ್‌ನ ಪಾಡಿ ಚಾ಼ಲಿನ್ ಯೇಸುನಿ ಬಾರೇನಿ ಸಾಕ್ಷಿ ಹುಯಿರ‍್ಹವಾಳನಪರ್ ಜಂಗ್ ಭೀಡಿನ್,

ಪ್ರಕಾಶಿತ್ 14:12

ಅನಾಮ ದೇವ್ನಿ ಹುಕುಮ್‌ನಾಬಿ, ಯೇಸುನಿ ಬಾರೇನಿ ವಿಶ್ವಾಸ್‌ನ ಪಾಡಿನ್ ಚಾ಼ಲುಕರಾವಳ ದೇವ್ನ ಅದ್ಮಿಖ್ಹಾರನ ಖ್ಹಮಾಳಿರ‍್ಹವಾನು ಹಜ್ಜಾ಼ ವತಾಳ್ಣು ಪಡಾಸ್‌.