1 ಯೋಹಾನ 2:1 - ದೇವ್ನಿ ಖ್ಹಾಚಿ ವಚನ್

¹ ಮಾರ ಪ್ಯಾರ್‌ನ ಲಡ್ಕಾವೊ, ತುಮೆ ಪಾಪ್ ನಾಕರ‍್ನುತೆ ರ‍್ಹೇವ್ಣು ಮೇ ಆ ಅಖ್ಖು ತುಮೂನ ಲೀಖುಕರುಸ್. ಏಕ್‍ ವೇಳ್ಮ ಕೋಣ್‌ತೋಬಿ ಪಾಪ್ ಕರ‍್ಯುಸ್‍ಉಶೇತೊ ಅಪ್ಣ ಭಣೀಥು ಬಾಕನ ಬೋಲಿಲ್ಯವಾನ ಏಕ್‍ಜ಼ಣೊ ಛಾ಼. ಯೋಸ್ ನೀತಿವಾಳೊ ಯೇಸುಕ್ರಿಸ್ತ ಮದತ್‌ಕರಾವಾಳು ಹುಯಿರೋಸ್.

1 ಯೋಹಾನ 2:1 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:22

ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್, ಛಿಯ್ಯೊ ಕೋಣ್ ಕರಿ ಬಾನಸ್ ಮಾಲುಮ್ ಪಣ್ಕಿ ಬಿಜಾ಼ನ ಕಾಹೆ. ಬಾ ಕೋಣ್ ಕರಿ ಛಿಯ್ಯೋಸ್ ಪಣ್ಕಿ ಬಿಜು಼ ಕೋಣ್‌ಬಿ ಮಾಲುಮ್ ಕೋಕರಿರಾಖ್ಯೂನಿ. ಅಜು಼ ಛಿಯ್ಯೊ, ಕಿನ ಬಾನಿ ಬಾರೇಮ ಮಾಲುಮ್ ಕರಾವಸ್ಕಿ, ಇವ್ಣೆಸ್ ಬಾನ ಮಾಲುಮ್‌ ಕರಿಲ್ಯವಾಳು ಹುಯಿರ‍್ಹೂಸ್”.

ಯೋಹಾನ 13:33

ಮಾರ ಲಡ್ಕಾ, ಬಿಜು಼ ಥೋಡಿ ವಖ್ಹತ್ ಮೇ ತುಮಾರ ಜೋ಼ಡೆ ರ‍್ಹೀಶ್. “ಮನ ಢೂಂಡ್‌ಶು, ಕತೋಬಿ ಯೆಹೂದ್ಯರ್‌ನ ಬೋಲ್ಯೋತೆ ಇಮ್ಮಸ್, ಮೇ ಜ಼ವುಸ್ತೆ ಹಿಜ್ಜಾ಼ ತುಮೆ ಕೋ ಆವಾನ ಉಶೇನಿ” ಕರಿ ಮೇ ಹಮ್ಕೆ ತುಮೂನಾಬಿ ಬೋಲುಸ್.

ಯೋಹಾನ 14:16

ತದೆ ಮೇ ಬಾಕನ ಬೋಲಿಲೀಶ್‌, ತದೆ ಯೋ ತುಮೂನ ಬಿಜೇಕ್‍ಜ಼ಣೊ ಮದತ್‌ ಕರವಾಳನ ತುಮಾರಿ ಜೋ಼ಡ್ಮ ರ‍್ಹವಾನ ಮೋಕಲ್‌ಶೆ. ಯೋ ಮದತ್ ಕರಾವಾಳೊ ಹರ್‌ಹಮೇಶ ತುಮಾರ ಜೋ಼ಡೆ ರ‍್ಹಿಶೆ.

ಯೋಹಾನ 14:6

ಯೇಸುನೆ ಇನ, “ಮೇಸ್ ಮಾರಗ್‌ಬಿ, ಖ್ಹಾಚಾಬಿ, ಜಾನ್‌ಬಿ ಹುಯಿರ‍್ಹೋಸ್. ಮಾರೇಥಿ ಕೊಂತೆ ಕೋಣ್‌ಬಿ ಬಾಕನ ಆವಾನ ಕೋ ಹುವಾನಿ.

ಯೋಹಾನ 21:5

ತದೆ ಯೇಸುನೆ ಇವ್ಣುನ, “ದೋಸ್ತಿವೊ ತುಮೂನ ಮಾಛ್ಲು಼ ಮಳ್ಯುಕಿ ಶು?” ಕರಿ ಪುಛಾ಼ಯೊ. ಇವ್ಣೆ, “ಕೊಯ್ನಿ” ಕರಿ ಜವಾಬ್‌ ದಿದಾ.

ಯೋಹಾನ 5:14

ಅನ ಬಾದ್‌ಮ ಯೇಸು ಯೋ ಅದ್ಮಿನ ಮಂದಿರ್‌ಮ ದೇಖಿನ್‌, “ದೇಕ್, ಹಮ್ಕೆ ತುನ ಅಛ್ಛು಼ ಹುಯಿರ‍್ಹುಸ್‍ ಇನಖ್ಹಾಜೆ ಪಾಪ್ ಕರಾನು ಮ್ಹೆಂದೆ,ಶನಕತೊ ಅನೇಥಿ ತುನ ಖೆವೂಬಿ ಜಾ಼ಖ್ಹತ್ ಮುಶಿಬತ್ ನಕೊ ಆವಾದೆ.ಕರಿ ಬೋಲ್ಯೊ.

ಯೋಹಾನ 5:36

ಮಾರಿ ಸಾಕ್ಷಿ ಯೋಹಾನ್‌ಥೀಬಿ ಮೋಟಿ ಸಾಕ್ಷಿ ಹುಯಿರಿಶ್. ಶನಕತೊ ಬಾ ಖೆವುಕಾಮ್ ಪೂರ ಕರಾನ ಮನ ದಿದೊತೆ ಯೋ ಕಾಮ್ನ ಕರುಕರೂಸ್.ಕರಿಬೋಲಾನ ಆ ಕಾಮಸ್ ಸಾಕ್ಷಿ.

ಯೋಹಾನ 6:27

ಖ್ಹಡಿಜಾ಼ಸ್ತೆ ಖಾಣಾನಖ್ಹಾಜೆ ನಕೊ ರಾಬೊ; ತುಮೂನ ಹರ್‌ಹಮೇಶಾನಿ ಜಿ಼ಂದ್‌ಗಿ ದ್ಯವಾನ ಹುವಾಸ್ತೆ ಖಾಣಾನಖ್ಹಾಜೆ ರಾಬೊ, ಅಮ್ನು ಖಾಣನ ಅದ್ಮಿನೊ ಛಿಯ್ಯೊ ತುಮೂನ ದಿಶೆ, ಅನಖ್ಹಾಜೆಸ್ ಬಾ ಹುಯಿರ‍್ಹೋತೆ ದೇವ್ನೆ ಇನ ನೇಮಕ್ ಕರ‍್ಯೊ, ಶಾಸನ್ನೊ ಮುದ್ರೊ ಮಾರಿರಾಖ್ಯೋಸ್‌” ಕರಿ ಬೋಲ್ಯೊ.

ಯೋಹಾನ 8:11

ಯೋ ತಯೇಡಾನೆ, “ಕೋಣ್‌ಬಿ ಕೋ ಬಚ್ಯೂನಿಲಾ ಪ್ರಭು! ಕರಿ ಬೋಲಿ. ತದೆ ಯೇಸುನೆ ಇನ, “ಇಮ್‍ಕತೊ, ಮೇಬಿ ತಾರಪರ್ ಗಲತ್‌ ಕೋ ಲಗಾಡುನಿ. ಹಮ್ಕೆ ತೂ ಜಾ಼, ಅಜು಼ಪಾಛು಼ ಪಾಪ್ ನಕೊ ಕರೀಶ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:52

ಜಿವ್ತಥಾತೆ ಪ್ರವಾದಿಮ ಖ್ಹಾರಜ಼ಣನ ತುಮಾರ ಗುರುಖ್ಹಾರು ಖ್ಹತಾಯು. ನೀತಿವಾಳೊ ಎಕ್ಕಸ್‍ಜ಼ಣೊ ಹುಯಿರೋತೆ ಯೊ ಪಹಿಲೆಸ್ ಆವ್‍ಶೆಕರಿ ಖ್ಹಮ್‍ಜಾ಼ಯುಥು. ಕತೋಬಿ ತುಮಾರು ಗುರುಖ್ಹಾರು ಯೋ ಪ್ರವಾದಿಖ್ಹಾರನ ಮಾರಿನಾಖ್ಯು. ಹಮ್ಕೆ ತುಮೆ ಧರಿದೀನಸ್ ಇನ ಮರೈನಾಖ್ಯ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:10

ಅಪ್ಣೆ ದೇವ್ನ ವಹೇರ‍್ಯ ಹುಯಿರ‍್ಹವಾನಿ ವಖ್ಹ್‌ತೇಸ್. ಅಪ್ಣುನ ಇನ ಛಿಯ್ಯಾನಿ ಮರಣ್‍ಥಿ ಅಪ್ಣುನ ಇನ ದೋಸ್ತಿಖ್ಹಾರ ಕರಿ ಬಣೈರಾಖ್ಯೊಸ್. ಹಮ್ಕೆ ಅಪ್ಣೆ ದೇವ್ನ ದೋಸ್ತಿಹುಯಿರಾತೆ ಇನಖ್ಹಾಜೆ ದೇವ್ ಇನ ಛಿಯ್ಯಾನ ಜಾನ್‌ಥಿ ಅಪ್ಣುನ ಕೆತ್ರೆ ಜಾ಼ಖ್ಹತ್ ರಕ್ಷಣೆ ನಾಮಳ್‍ನು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:15

ಇಮ್‍ಕತೊ ಶಾತ್? ಅಪ್ಣೆ ಧರ್ಮಶಾಸ್ತ್ರನಿ ಅಧೀನ್‍ ನಾ ರ‍್ಹೇವ್ಣುತೆ ವಾರ್‌ಖ್ಹಾನಿ ಅಧೀನ್ ಹುಯಿರ‍್ಹಿಯೇಸ್‍ಕರಿ ಪಾಪ್ ಕರೇಜಾ಼ಯ್ಕಿ ಶು? ಕೊಯ್ನಿಕತೊ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:34

ಅಪರಾದಿಕರಿ ನಿಶತ್‌ ಕರಾವವಾಳು ಕೋಣ್? ಕ್ರಿಸ್ತಯೇಸು ಮರಣ್‍ಲಿದೊ. ಅಜು಼ ಎತ್ರೇಸ್ ಕಾಹೆತೆ ಮರ‍್ಯಹುಯಮಾಥು ಉಠಿನ್ ದೇವ್ನ ಖಾವಿಬಾಜು಼ಮ ಬೇಶಿನ್. ಯೋಸ್ ಅಪ್ಣಖ್ಹಾಜೆ ಬಿಂತೀನಿವ್ಹಾರ್ ಕರಾವಾಳೊ ಹುಯಿರೋಸ್.

1 ಕೊರಿಂಥ 15:34

ನೀತಿನಖ್ಹಾಜೆ ಹೊಷಾರಿ ಹುವೊ, ಪಾಪ್ನ ನಕೊಕರೊ. ಥೋಡಜ಼ಣಾನ ದೇವ್ನಿ ಬಾರೇಮ ಮಾಲುಮ್ಮಸ್‍ಕೊಯ್ನಿ. ತುಮೂನ ಖ್ಹರಮ್‌ ಲಾಗಾದೆಕರಿ ಮೇ ಆ ವಾತ್ ಬೋಲುಕರುಸ್.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಗಲಾತ್ಯ 4:19

ಮಾರ ಪ್ಯಾರ್‌ನ ಲಡ್ಕಾವ್‍ನಿಘೋಣಿ ಛಾ಼ತೆ ಗಲಾತ್ಯವಾಳವೊ, ಆಯ ಇನ ಲಡ್ಕಾನಖ್ಹಾಜೆ ಜ಼ಣತ್‌ನಿ ಅಜ಼ ಪಡಾನಿಘೋಣಿ, ಕ್ರಿಸ್ತ ಯೇಸುನು ಚಾ಼ವ್‌ಭಾವ್ ತುಮಾರಮ ಆವಲಗು ತುಮಾರ ಖ್ಹಾಜೆ ಮೆ ಎಥ್ರಾನಿಸ್ ಅಜ಼ ಪಡುಕರುಸ್.

ಎಫೆಸ 2:18

ಇನಾಖ್ಹಾಜೆ ಕ್ರಿಸ್ತಥಿ ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿ ಹಮೆಬಿ ತುಮೆ ಎಕ್ಕಸ್ ಆತ್ಮಥಿ ಬಾಕನ ಆವಾನ ವಾಟ್‍ಹುಯು.

ಎಫೆಸ 4:26

ಇರಾದೊ ಕರ‍್ಯತೋಬಿ ಪಾಪ್ ನಕೊಕರ್ಶು, ದನ್ ಡುಬಾಥಿ ಪಹಿಲೆಸ್ ತುಮಾರೊ ಇರಾದೊ ಖ್ಹರ್ತಿ ಹುಯಿಜಾ಼ವದೆ.

1 ತಿಮೊ 2:5

ಶನಕತೊ ಎಕ್ಕಸ್ ದೇವ್ ಅಜು಼ ದೇವ್‌ನಬಿ ಅದ್ಮಿನ ಮಳಾವವಾಳೊ ಎಕ್ಕಸ್ ಜ಼ಣೊ, ಯೋ ಕೋಣ್‌ಕತೊ ಅದ್ಮಿ ಹುಯಿರ‍್ಹೋತೆ ಕ್ರಿಸ್ತ ಯೇಸುಸ್.

1 ತಿಮೊ 3:14

ಮೇ ಭರೋಖ್ಹಾಥಿ ಆ ಚಿಟ್ಟಿ ಲೀಖುಕರುಸ್ ಒಗ್ಗಿಸ್‌ಮ ತಾರಕನ ಆವಾಳೊ ಛು಼.

ಇಬ್ರಿ 9:24

ಶನಕತೊ ಕ್ರಿಸ್ತ ಖ್ಹಾಚ ಮಂದಿರ್‌ ಘೋಣಿನಿತರಾನು ಹಾತೇಖ್ಹು ಭಾಂದ್ಯುಹುಯಿ ಪವಿತ್ರ ಝ಼ಗೋಮ ರ‍್ಹಿಯೊಕೊಂತೆ ಅಪ್ಣಭಣಿಥು ದೇವ್ನಖ್ಹಾಮ್ಣೆ ಹಮ್ಕೆ ದೆಖೈಲ್ಯವಾನಖ್ಹಾಜೆ ಸೊರ್ಗಾಮ ಪ್ರವೇಶ್‌ ಕರ‍್ಯೊ.

ಯಾಕೋಬ 1:27

ವದೇಖ್ಹ್‌ಮ ಪಡ್ಯುರ‍್ಹಿನ್ ದಿಕ್‍ಕೊಂತೆ ಇವ್ಣುನಾಬಿ ಮುಂಡಚ್ಚಿಯೇನಾಬಿ ಬಚಾ಼ಡಿನ್ ಇನ ಜಗತ್‌ನು ದೋಷ್‍ ನಾಲಗ್ನುತೆ ಇನುಯೋಸ್ ಬಚಾ಼ಡಿಲ್ಯಾವನುಸ್ ಬಾ ಹುಯಿರೋತೆ ದೇವ್‌ಕನ ಶುದ್ಧಬಿ ಪಾಕ್‍ಬಿ ಹುಯಿರ‍್ಹವಾನಿ ಭಕ್ತಿ.

ಯಾಕೋಬ 3:9

ಯೋಸ್ ಜೀಬ್‍ಥಿ ಪ್ರಭು ಬಾಹುಯಿರೋತೆ ದೇವ್ನ ಧನ್ಯವಾದ್ ಕರಿಯೇಸ್, ಇನೀನಿಘೋಣಿನಿತರಸ್‍ ಉಬ್ಜಿಗಯುತೆ ಅದ್ಮೆವ್‍ನ ಅಪ್ಣೆ ಶಾಪ್‍ದಿಯೇಸ್.

1 ಪೇತ್ರ 2:22

ಯೋ ಶನು ಪಾಪ್‌ಬಿ ಕರ‍್ಯೊಕೊಯ್ನಿ, ಇನ ಮ್ಹೋಡಾಮಾಥಿ ಖೆವಿ ಠಗಾವಾನಿ ವಾತ್‍ಬಿ ಮಳಿಕೊಯ್ನಿ.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

1 ಯೋಹಾನ 3:18

ಮಾರ ಲಾಡ್ನ ಲಡ್ಕಾವೊ, ತುಮೆಖಾಲಿ ವಾತೆಥೀಬಿ ರ‍್ಹವೊ, ಅಛ್ಛಿವಾತ್‍ ಬೋಲಾಥೀಬಿ ಪ್ಯಾರ್‌ಕರವಾಳ ನಾಹುಯಿರೇವ್ಣುತೆ ಕರ್ನಿಥಿಬಿ ಅಜು಼ ಖ್ಹಾಚಿ ಮೊಹೊಬಥ್ಥಿ ಪ್ಯಾರ್ ಕರಾವಾಳ ಹುಯಿರ‍್ಹೇಣು.

1 ಯೋಹಾನ 3:5

ಪಾಪ್ ಖ್ಹಾರುಸ್ ಕಾಡ್ಣುಕರಿ ಕ್ರಿಸ್ತ ಆಯೊಕರಿ ಬೋಲಾನುಬಿ, ಅಜು಼ ಇನಾಮ ಪಾಪಸ್ ಕೊಯ್ನಿಕರಿಬಿ ತುಮೂನ ಮಾಲುಮ್ ಛಾ಼.

1 ಯೋಹಾನ 3:7

ಪ್ಯಾರ್‌ನ ಲಡ್ಕಾವೊ, ಕೋಣ್‌ಬಿ ತುಮುನ ಠಗಾವ್ಣುನಾತೆ ತಿಮ್ ರ‍್ಹವೊ. ಕ್ರಿಸ್ತ ಕಿಮ್ ನೀತಿವಾಳೊ ಹುಯಿರೋಸ್ಕಿ ತಿಮ್‍ ನೀತಿಥಿ ಚಲಾವಾಳೊ ಹರೇಕ್‍ಜ಼ಣೋಬಿ ನೀತಿವಾಳೊ ಹುಯಿರ‍್ಹೋಸ್.

1 ಯೋಹಾನ 4:4

ಪ್ಯಾರ್‌ನ ಲಡ್ಕಾವೊ, ತುಮೆತೋಬಿ ದೇವ್‌ಮ ಮಳಿರ‍್ಹವಾಳ. ಅಜು಼ ಇನ ತುಮೆ ಜೂತಿರ‍್ಹವಾಳ ಹುಯಿರ‍್ಹಾಸ್ ಇವ್ಣೆ ಜಗತ್‌ಮ ಛಾ಼ತೆ ದುರಾತ್ಮಥೀಬಿ ತುಮಾರಮ ಛಾ಼ತೆ ಆತ್ಮ ಮಹಾನ್ ಹುಯಿರ‍್ಹೂಸ್ ಇನಖ್ಹಾಜೇಥಿಸ್ ಯೋ ಝೂ಼ಟ ಪ್ರವಾದಿಯೇವ್‍ನ ಆತ್ಮನ ಜೂತಿಗಯ.

1 ಯೋಹಾನ 5:17

ಖರಾಬ್ ಕರಾನು ಅಖ್ಖೂಬಿ ಪಾಪ್‍ಹುಯಿರುಸ್‍, ತ್ಯೋಬಿ ಬಿಗರ್ ಮರಣ್ಣಿ ಪಾಪ್‌ಬಿ ಛಾ಼.

1 ಯೋಹಾನ 5:21

ಪ್ಯಾರ್‌ನ ಲಡ್ಕಾವೊ ಮೂರತ್ ದೂರ್ ರ‍್ಹೀನ್ ತುಮುನ ಬಚಾ಼ಡಿಲೇವೊ.

3 ಯೋಹಾ 1:4

ಮಾರ ಲಡ್ಕಾ ಖ್ಹಾಚಿನ ಲೀನ್ ಜಿವವಾಳ ಹುಯಿರ‍್ಹಾಸ್ ಕರಿ ಬೋಲಾನು ಖ್ಹಮ್‍ಜಾ಼ಯೆತ್ರೆ ಘಣಿ ಖ್ಹುಶಿ ಬಿಜ಼ ಶನಾಮಬಿ ಕೊಯ್ನಿ.