1 ಯೋಹಾನ 1:7 - ದೇವ್ನಿ ಖ್ಹಾಚಿ ವಚನ್

⁷ ಕತೋಬಿ ದೇವ್ ಉಜಾ಼ಳಮ ರ‍್ಹಾವನಿತರಸ್‍ ಅಪ್ಣೇಬಿ ಉಜಾ಼ಳಮ ಚಾ಼ಲ್ಯಾತೊ ಅಪ್ಣೆ ಏಕ್‌ಥಿಏಕ್ ಗಳ್‍ಜೋ಼ಡ್‍ಥಿ ರ‍್ಹಯೇಜಾ಼ಯ್ ತದೆ ಇನೊ ಎಕ್ಕಸ್ ದೇವ್‌ನೊ ಛಿಯ್ಯೊ ಯೇಸುನು ಲ್ಹೋಯಿ ಅಪ್ಣುನ ಅಖ್ಖಾ ಪಾಪ್‌ಥಿ ಛೋ಼ಡೈನ್ ಪಾಕ್‍ಕರಾಸ್.

1 ಯೋಹಾನ 1:7 Iomraidhean Croise

ಮತ್ತಾಯ 6:12

ಹಮಾರ ವಿರೋದ್ ಗಲತ್‌ ಕರಾವಾಳನ, ಹಮೆ ಮಾಪ್‌ ಕರೇಸ್ತೆ ಇಮ್ಮಸ್, ಹಮಾರಿ ಗಲ್ತಿನ ತೂ ಮಾಪ್‌ಕರ್‌.

ಯೋಹಾನ 1:29

ಇನವ್ಹಾಣೆ ಯೋಹಾನನೆ ಇನಾಖನ್ನೆ ವಳ್ಯಾವ್‍ತೊಥೋತೆ ಯೇಸುನ ದೇಖಿನ್, “ದೇವ್ನ ಮೇಂಢಾನ ಚೆಲ್ಕಾನ ದೇಖೊ, ಯೊ ಜಗತ್‌ನು ಪಾಪ್ನ ದೂರ್ ಕರ್ಶೆ.”

ಯೋಹಾನ 12:35

ತದೆ ಯೇಸುನೆ ಇವ್ಣುನ ಬೋಲ್ಯೊ, “ಬಿಜು಼ ಥೋಡ ದನ್ನಸ್‌ ಉಜಾ಼ಳು ತುಮಾರಾಮ ರ‍್ಹಿಶೆ, ಅಂಧಾರು ತುಮಾರಪರ್ ಢಪಾವನ ಅಗಾಡಿಸ್ ಉಜಾ಼ಳು ರ‍್ಹವಾನಿವಖ್ಹ್‌ತೆಸ್ ಚಾ಼ಲೊ. ಅಂಧಾರಾಮ ಚಾ಼ಲವಾಳಾನ ಯೋ ಕಿಜ಼್ಜಾ ವಳ್ಯೊಜಾ಼ಸ್ ಕರಿ ಮಾಲುಮ್‌ ಕೋಪಡಾನಿ.

ಯೋಹಾನ 5:4

ಶನಕತೊ ಹರೇಕ್ ಬಾರ್ ಥೋಡು ವಖ್ಹತ್‌ನ ಬಾದ್‌ಮ ಪ್ರಭುನೊ ದೂತ ಉತ್ರಿ ಐನ್ ಕೋಳಮ್‍ನ ಪಾಣಿನ ಹಲಾವ್‍ತೊಥೊ ರೋಗ್‌ವಾಳು ಕೆಹೂಬಿ ಅದ್ಮಿ ಪಾಣಿ ಹಲಾದಿನ್ ಪಹಿಲೆ ಜಾ಼ತುಥೂಕಿ ಯೊ ಅಛ್ಛು಼ ಹುಯಿಜಾ಼ತುಥು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:12

ಘಣೇಥಿ ರಾತ್ ನಿಕ್ಳಿಜೈ಼ನ್ ವ್ಹಾಣು ಖನ್ನೆ ಅಯಿಗು. ಇನಖ್ಹಾಜೆ ಅಪ್ಣೆ ಅಂಧಾರನು ಖ್ಹಾರು ಕಾಮ್ನ ಫೇಕಿನ್ ಉಜಾ಼ಳಾಮ ಜಂಗ್ ಭೀಡಾನು ಕಫ್ಫನ್ನ ಫೆರ‍್ಹಿಲಿಯೆ.

1 ಕೊರಿಂಥ 6:11

ತುಮಾರಮ ಕೈಯೇಕ್‌ಜ಼ಣು ಇಮ್ಮಸ್ ಹುಯಿರ‍್ಹುಥು. ಕತೋಬಿ ತುಮೆ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್‌ಥಿಬಿ ಅಜು಼ ಅಪ್ಣ ದೇವ್ನ ಆತ್ಮಥೀಬಿ ಧೊವೈನ್ ಶುದ್ಧಹುಯಿರ‍್ಹುಸ್. ದೇವ್‍ಥಿ ನೀತಿವಾಳಕರಿ ಚೂ಼ಣೈರ‍್ಹಾಸ್.

ಎಫೆಸ 1:7

ಯೇಸು ಕ್ರಿಸ್ತನೆ ಅಪ್ಣಖ್ಹಾಜೆ ರಂಚ್ಯೊತೆ ಲ್ಹೋಯಿಥೀಸ್‍ ಛುಟ್ಕಾರ್‌ಹುಯು, ಕತೊ ದೇವ್ನಿ ಮಹಾ ವಾರ್‌ಖ್ಹೇಥಿಸ್ ಅಪ್ಣು ಪಾಪ್‌ಖ್ಹಾರು ಮಾಪಿ ಹುಯಿಗು.

ಎಫೆಸ 5:8

ಶನಕತೊ ತುಮೆ ಯೋಹಗಾಮ್ಮ ಅಂಧಾರಮ ಥಾ, ಕತೋಬಿ ಹಮ್ಕೆ ತುಮೆ ಪ್ರಭುನ ಅದ್ಮಿ ಹುಯಿರ‍್ಹಿನ್ ಉಜಾ಼ಳವಾಳ ಹುಯಿರ‍್ಹಾಸ್. ಉಜಾ಼ಳವಾಳನಿತರ ಚಾ಼ಲಿಲೆವೊ.

1 ತಿಮೊ 6:16

ಇನ ಎಕ್ಕಸ್ ಜ಼ಣಾನ ಮರಣ್‌ಕೊಂತೆ. ಕೋಣ್‌ಬಿ ಖನ್ನೆ ಜಾ಼ವಾನ ಕೋ ಹುವ್ವಾನಿತೆ ಉಜಾ಼ಳಾಮ ರ‍್ಹವಾಳೊ ಹುಯಿರ‍್ಹೋಸ್; ಹಂಕೆತೋಡಿ ಕೋಣ್‌ಬಿ ಇನ ದೇಖಿರಾಖ್ಯುಕೊಯ್ನಿ; ದೇಖಾನ ಉಶೇಬಿ ಕೊಯ್ನಿ.ಇನು ಇಜ಼್ಜತ್ ಅಜು಼ ಮಟಾನುಕೊಂತೆ ಶಕತ್ ಕೆದೇಬಿ ಇನಾಸ್ ರ‍್ಹವಾದೆ! ಆಮೆನ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

ಇಬ್ರಿ 9:14

ಅಜು಼ ಆ ಖ್ಹಾಚು಼ಕರಿ ಬೋಲಾನು ರ‍್ಹಯೂತೊ ಹಮೇಶಾನ ಆತ್ಮಥಿ ಇನುಯೋಸ್ ದೇವ್ನ ಕಳಂಕ್‌ಕೊಂತೆ ಬಲಿಹುಯಿನ್ ಸಮರ್ಪಣ್‌ ಕರಿಲಿದೊತೆ ಕ್ರಿಸ್ತನು ಲ್ಹೋಯಿ ಕೆತ್ರೇಕ್ಕಿ ಅಪ್ಣುನ ಜಾನ್‍ಕೊಂತೆ ಕಾಮ್‍ಥಿ ಛೋ಼ಡೈನ್, ಅಪ್ಣೆ ಜಿವ್ತೊಜಾನ್ನೊ ದೇವ್ನ ಆರಾದನೆ ಕರ್‌ಯೇತೆ ತಿಮ್ ಅಪ್ಣೆ ಮನ್ನಿಸಾಕ್ಷಿನ ಪಾಕ್‌ ಕರ‍್ಯಕೊಯ್ನಿಕಿಶು?

ಯಾಕೋಬ 1:17

ಖ್ಹಾರೂಸ್ ಅಛ಼್ಛು ತೋಫಬಿ, ಪೂರಹುಯುತೆ ಖ್ಹಾರೂಸ್ ವರಾಬಿ ಉಪ್ಪರ್‌ಥು ಆಯು ಹುಯುಸ್, ಯೋಖ್ಹಾರು ಪರಲೋಕನೊ ಉಜಾ಼ಳನೊ ಬಾಥೀಸ್ ಉತ್ರಿಆವಸ್. ದೇವ್ ಛಾ಼ಳನಿತರ ಬದ್ಲಿಜಾವಾಳೊಬಿ ಕಾಹೆ, ಚ಼ಲ್‍ಪ್ಲಾಟಿನೊ ಖ್ಹಾಯಲ್‍ನೋಬಿ ಕಾಹೆ.

1 ಪೇತ್ರ 1:19

ಯೇಸು ಕ್ರಿಸ್ತಕರಿ ಬೋಲಾನು ಶನು ದೋಷ್‍ಕೊಂತೆ, ಶುದ್ದ ಹುಯಿರ‍್ಹುತೆ ಮೇಂಢಾನ ಚೆಲ್ಕಾನು ಕಿಮ್ಮತ್ನ ಲ್ಹೋಯಿಥೀಸ್‍ಕರಿ ತುಮುನ ಮಾಲುಮ್‍ಛಾ಼ನಿ.

1 ಯೋಹಾನ 1:3

ಬಾ ಹುಯಿರೋತೆ ದೇವ್ನ ಅಜು಼ ಇನೊ ಛಿಯ್ಯೊ ಹುಯಿರೋತೆ ಯೇಸುಕ್ರಿಸ್ತನಿ ಜೋಡ್ಮರ‍್ಹವಾನುಬಿ ಹಮುನ ಛಾ಼ತೆ ಗಳ್‌ಜೋ಼ಡ್ಮ ತುಮೆಜಿನು ಭಾಗ್‌ಲೀಲ್ಯವಾಳ ಹುಯಿರ‍್ಹೇವ್ಣುಕರಿ ಹಮೆ ದೇಖಿರಾಖ್ಯತೆ, ಖ್ಹಮ್‍ಜಿರಾಖ್ಯತೆ ತುಮೂನ ಬೋಲಿವತಾಳೆಸ್‍.

1 ಯೋಹಾನ 1:5

ಹಮೆ ದೇವ್ನ ಛಿಯ್ಯಾಥಿ ಖ್ಹಮ್‌ಜಿನ್‌ ತುಮುನ ಖ್ಹಮ್‍ಜಾ಼ಡಾನಿ ವಾತೆ ಶಾತ್‌ಕತೊ ದೇವ್ ಉಜಾ಼ಳು ಹುಯಿರ‍್ಹೋಸ್, ಇನಾಮ ಥೋಡುಬಿ ಅಂಧಾರುಕೊಯ್ನಿ.

1 ಯೋಹಾನ 5:6

ಪ್ರಭು ಯೇಸುಸ್ ಪಾಣಿಥಿ ಅಜು಼ ಲ್ಹೋಯಿಥಿ ಆಯಿರ‍್ಹೋಸ್. ಖಾಲಿ ಪಾಣಿಥೀಸ್‍ ಕಾಹೆ, ಕತೋಬಿ ಪಾಣಿಥೀಬಿ ಲ್ಹೋಯಿಥಿಸ್‍ ಆಯಿರ‍್ಹೊಸ್ತೆ. ಅನ ಪವಿತ್ರಾತ್ಮಸ್ ಸಾಕ್ಷಿ. ಶನಕತೊ ಪವಿತ್ರಾತ್ಮಸ್ ಖ್ಹಾಚೊ಼ ಹುಯಿರೋಸ್.

1 ಯೋಹಾನ 5:8

ಅಮ್‍ ಪವಿತ್ರಾತ್ಮ, ಪಾಣಿ ಅಜು಼ ಲ್ಹೋಯಿಕರಿ ತೀನ್ ಸಾಕ್ಷಿಖ್ಹಾರು ಛಾ಼. ಆ ತೀನ್ಹೇಬಿ ಎಕ್ಕಸ್ ಸಾಕ್ಷಿ ದೇಸ್.

2 ಯೋಹಾ 1:4

ಬಾಥಿ ಅಪ್ಣೆ ಲೀಲಿದಾತೆ ಹುಕುಮ್‍ನಿತರ ತುಮಾರ ಲಡ್ಕಾಮ ಥೋಡುಜ಼ಣು ಖ್ಹಾಚಿ ವಾಟ್‌ಪರ್ ಚಾ಼ಲುಕರಸ್ತೆ ದೇಖಿನ್ ಮನ ಘಣು ಖ್ಹುಶಿ ಹುಯು.

3 ಯೋಹಾ 1:4

ಮಾರ ಲಡ್ಕಾ ಖ್ಹಾಚಿನ ಲೀನ್ ಜಿವವಾಳ ಹುಯಿರ‍್ಹಾಸ್ ಕರಿ ಬೋಲಾನು ಖ್ಹಮ್‍ಜಾ಼ಯೆತ್ರೆ ಘಣಿ ಖ್ಹುಶಿ ಬಿಜ಼ ಶನಾಮಬಿ ಕೊಯ್ನಿ.

ಪ್ರಕಾಶಿತ್ 1:5

ಯೇಸು ವಿಶ್ವಾಸ್‌ನಿ ಸಾಕ್ಷಿ ಹುಯಿರ್‍ಹೊಸ್, ಮರ‍್ಯಹುಯಾಮಥು ಪಹಿಲೆ ಉಠ್ಯೊತೆ ಧರ್ತಿನ ರಾಜಾ಼ವ್ನೊ ಮಾಲಿಕ್ ಹುಯಿರ‍್ಹವವಾಳೊ ಯೇಸು ಕ್ರಿಸ್ತಥಿ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ. ಅಪ್ಣುನ ಪ್ಯಾರ್‌ಕರವಾಳೊ ಇನು ಪವಿತ್ರ ಲ್ಹೋಯಿಥಿ ಅಪ್ಣುನ ಪಾಪ್‌ಥಿ ಛೋ಼ಡಾಯೊ.

ಪ್ರಕಾಶಿತ್ 12:11

ಇವ್ಣೆ ಮರಣ್‌ಲಗೂಬಿ ಭೈಯೇ ಭೇನೆನ ಇವ್ಣ ಜಾನ್ನ ಪ್ಯಾರ್ ಕರ‍್ಯಕೊಂತೆ, ಮೇಂಢಾನ ಚೆಲ್ಕುಹುಯಿರ‍್ಹವಾಳನ ಲ್ಹೋಯಿಥಿಬಿ ಇನು ಸಾಕ್ಷಿನು ಅಜು಼ ಬೋಲಾಯುತೆ ವಚನ್‌ಥಿಬಿ ಇನ ಜೂತಿಲಿದು.

ಪ್ರಕಾಶಿತ್ 7:14

ತದೆ ಏಕ್‌ ಪ್ರಭುನೆ, “ಆ ಅದ್ಮಿಖ್ಹಾರು ಘಣು ಮೋಟಿ ಖ್ಹತಾಪ್ಣಿ ಲೀನ್ ಆಯುಹುಯು.ಇವ್ಣೆ ಮೇಂಢಾನ ಚೆಲ್ಕಾನ ಲ್ಹೋಯಿಥಿ, ಇವ್ಣ ಝ಼ಗ್ಗಾನ ಧೊಯಿನ್ ಕೋರು ಹುಯಿರುಸ್.