1 ಯೋಹಾನ 1:6 - ದೇವ್ನಿ ಖ್ಹಾಚಿ ವಚನ್

⁶ ಇನಖ್ಹಾಜೇಥಿ ಅಪ್ಣೆ ಅಂಧಾರಮ ಜಿವ್ಣು ಕರ್ತಹುಯಿನ್‍ ದೇವ್ನಿ ಜೋ಼ಡ್ಮ ಗಳ್‍ಜೋ಼ಡ್‍ಥಿ ಛೀಯೆಕರಿ ಬೋಲ್ಯಾತೊ ಅಪ್ಣೆ ಝೂ಼ಟ ಹುಯಿರ‍್ಹಾಸ್ ನಿಯತ್ನು ಜಿವ್ಣು ಜಿವವಾಳ ಕಾಹೆ.

1 ಯೋಹಾನ 1:6 Iomraidhean Croise

ಮತ್ತಾಯ 7:22

ನ್ಯಾವ್‍ನಿ ತೀರ್ಪ್‌ನ ದನ್ಮ ಕೈಯೆಕ್ಕಿ ಅದ್ಮಿ ಮನ, ‘ಪ್ರಭು, ಪ್ರಭು’ ತಾರ ನಾಮ್‌ಪರ್‌ ಹಮೆ ಪ್ರವಾದ್‌ನೆ ಬೋಲ್ಯ, ತಾರ ನಾಮ್‍ಪರ್ ಹಮೆ ಭೂತ್‌ನ ಖ್ಹಾರು ಕಾಡ್ಯ ಅಜು಼ ಕೈಯೆಕ್ಕಿ ಮಹಾನ್ ಕಾಮ್ನ ಕರ‍್ಯಾ, ಕರಿ ಬೋಲ್‌ಶೆ.

ಯೋಹಾನ 11:10

ಕತೋಬಿ ರಾತ್ನಿ ವಖ್ಹತ್‌ಮ ಚಾ಼ಲವಾಳು ಠೋಕರ್‌ ಖಾಸ್‌, ಶನಕತೊ ತದೆ ಕೆಹು ಉಜಾ಼ಳುಬಿ ಕೋ ರ‍್ಹೇಯ್ನಿತೆ ಇನಖ್ಹಾಜೆ” ಕರಿ ಬೋಲ್ಯೊ.

ಯೋಹಾನ 12:35

ತದೆ ಯೇಸುನೆ ಇವ್ಣುನ ಬೋಲ್ಯೊ, “ಬಿಜು಼ ಥೋಡ ದನ್ನಸ್‌ ಉಜಾ಼ಳು ತುಮಾರಾಮ ರ‍್ಹಿಶೆ, ಅಂಧಾರು ತುಮಾರಪರ್ ಢಪಾವನ ಅಗಾಡಿಸ್ ಉಜಾ಼ಳು ರ‍್ಹವಾನಿವಖ್ಹ್‌ತೆಸ್ ಚಾ಼ಲೊ. ಅಂಧಾರಾಮ ಚಾ಼ಲವಾಳಾನ ಯೋ ಕಿಜ಼್ಜಾ ವಳ್ಯೊಜಾ಼ಸ್ ಕರಿ ಮಾಲುಮ್‌ ಕೋಪಡಾನಿ.

ಯೋಹಾನ 12:46

ಮೇ ಉಜಾ಼ಳು ಹುಯಿನ್ ಆ ಜಗತ್‌ಮ ಐರ‍್ಹೋಸ್ತೆ, ಮನ ನಂಬವಾಳು ಏಕ್‌ಬಿ ಅಂಧಾರಾಮ ನಾ ರ‍್ಹೇವ್ಣುಕರಿಸ್.

ಯೋಹಾನ 8:12

ಅನ ಬಾದ್‌ಮ ಯೇಸು ಪಾಛೊ಼ ಅದ್ಮಿಖ್ಹಾರನ ವಾತೆ ಬೋಲ್ತೊಹುಯಿನ್, “ಮೇಸ್ ಜಗತ್ನ ಉಜಾ಼ಳು ಹುಯಿರ‍್ಹೋಸ್, ಮಾರಪೀಠೆ ಆವಾಳು ಅಂಧಾರಮ ಚಾ಼ಲ್‌ಶೆಸ್‌ ಕೊಯ್ನಿ ಅಜು಼ ಯೊ ಜಾನ್ನು ಉಜಾ಼ಳು ಲೀರ‍್ಹಾವಳೊ ಹುಯಿರೊಸ್” ಕರಿ ಬೋಲ್ಯೊ.

ಯೋಹಾನ 8:55

ತೋಬಿ ತುಮೆ ಇನ ಪರ್ಖಿರಾಖ್ಯಕೊಯ್ನಿ, ಕತೋಬಿ ಮನ ಯೋ ಮಾಲುಮ್‌. ಯೋ ಮನ ಮಾಲುಮ್‌ಕೊಯ್ನಿ ಕರಿ ಮೇ ಬೋಲ್ಯೊತೊ, ಮೇಬಿ ತುಮಾರಿನಿತರ ಝೂ಼ಟೊ ಹುಯಿಜೈ಼ಶ್‌. ಕತೋಬಿ ಮನ ಯೋ ಮಾಲುಮ್‌, ಅಜು಼ ಮೇ ಇನಿ ವಾತೆನಿಘೋಣಿ ಚಾ಼ಲುಸ್‌.

1 ತಿಮೊ 4:2

ಝೂ಼ಟಿ ಭೋದನೆ ಶಿಕಾಡವಳು, ಇವ್ಣಿ ದಿಲ್ನಿಸಾಕ್ಷಿಪರ್‌ ದಾಗ್‌ನಾಖಿಲಿನ್.

ಯಾಕೋಬ 2:14

ಮಾರ ಭೈಯೇ ಭೇನೆವೊ. ಏಕ್‍ಜ಼ಣೊ ಮನ ವಿಶ್ವಾಸ್‍ಛಾ಼ ಕರಿ ಬೋಲಿನ್ ಕಾಮ್ಮ ನಾರ‍್ಹಯೊತೊ ಶನೊ ಫಾಯಿದೊ? ಎಥ್ರಾನಿ ವಿಶ್ವಾಸ್ ಇನ ಬಚಾ಼ಡ್‌ಶೆ ಕಿಶು?

ಯಾಕೋಬ 2:16

ತುಮಾರಮ ಎಕ್‍ಜ಼ಣೊ ಇವ್ಣುನ ಶರೀರ್‌ನ ಹೋಣುತೆ ಯೋ ನಾದೀನ್‍, “ಸಮಾಧಾನ್‌ಥಿ ಜಾ಼ವೊ, ಆಗ್ ಶೇಕಿಲೆವೊ, ಪೇಟ್‍ಭರಿಖಾವೊ” ಕರಿ ಬೋಲ್ಯುತೊ ಶನೊ ಫಾಯಿದೊ?

ಯಾಕೋಬ 2:18

ಕತೋಬಿ ಥೋಡು ಜ಼ಣು, “ತುನ ವಿಶ್ವಾಸ್ ಛಾ಼, ಅಜು಼ ಮಾರಮ ಕಾಮ್ ಛಾ಼ ತೂ ಕಾಮ್ಮ ಕೊಂತೆ ತಾರಿ ವಿಶ್ವಾಸ್‌ನ ಮನ ವತಾಳ್. ಮೇ ಮಾರ ಕಾಮ್‍ಥಿ ಮಾರ ವಿಶ್ವಾಸ್‌ನ ವತಾಳುಸ್‌!” ಕರಿ ಬೋಲೆಜಾ಼ಯ್ನಿ.

1 ಯೋಹಾನ 1:10

ಅಪ್ಣೆ ಪಾಪ್ ಕರ‍್ಯಾಕೊಯ್ನಿಕರಿ ಬೊಲ್ಯಾತೊ ದೇವ್ನ ಝೂ಼ಟೊ ಕರಾನಿತರ ಉಶೆ. ಅಜು಼ ಇನಿವಚನ್ ಅಪ್ಣಾಮ ಜ಼ಡ್‍ಗಾಠಿ ರ‍್ಹಿಶೆಕೊಯ್ನಿ.

1 ಯೋಹಾನ 1:3

ಬಾ ಹುಯಿರೋತೆ ದೇವ್ನ ಅಜು಼ ಇನೊ ಛಿಯ್ಯೊ ಹುಯಿರೋತೆ ಯೇಸುಕ್ರಿಸ್ತನಿ ಜೋಡ್ಮರ‍್ಹವಾನುಬಿ ಹಮುನ ಛಾ಼ತೆ ಗಳ್‌ಜೋ಼ಡ್ಮ ತುಮೆಜಿನು ಭಾಗ್‌ಲೀಲ್ಯವಾಳ ಹುಯಿರ‍್ಹೇವ್ಣುಕರಿ ಹಮೆ ದೇಖಿರಾಖ್ಯತೆ, ಖ್ಹಮ್‍ಜಿರಾಖ್ಯತೆ ತುಮೂನ ಬೋಲಿವತಾಳೆಸ್‍.

1 ಯೋಹಾನ 1:8

ಅಪ್ಣಾಮ ಪಾಪ್‍ಕೊಯ್ನಿಕರಿ ಅಪ್ಣೆ ಬೋಲ್ಯಾತೊ ಅಪ್ಣುನ ಅಪ್ಣೆಸ್ ಠಗೈಲ್ಯವಾಳ ಹುಯಿರಾಸ್‍ ಅಜು಼ ಖ್ಹಾಚಿ ಕರಿ ಬೋಲಾನು ಅಪ್ಣಾಮ ಕೊಯ್ನಿ.

1 ಯೋಹಾನ 2:4

ಏಕ್‍ಜ಼ಣೊ, ಮನ ಯೊ ಮಾಲುಮ್ ಕರಿ ಬೋಲಿನ್ ಇನ ಹುಕುಮ್‍ನಿತರ ನಾ ಚಾ಼ಲಿಲೀದೊತೊ ಯೋ ಝೂ಼ಟೊ ಹುಯಿರ‍್ಹೊಸ್. ಖ್ಹಾಚು಼ಕರಿ ಬೋಲಾನು ಇನಾಮ ಕೊಯ್ನಿ.

1 ಯೋಹಾನ 4:20

ಏಕ್‍ಜ಼ಣೊ ಮೇ ದೇವ್ನ ಪ್ಯಾರ್‌ಕರುಸ್‍ಕರಿ ಬೋಲಿನ್ ಇನ ಭೈನ ವಹೇರ್‌ಕರ‍್ಯೊತೊ ಯೋ ಝೂ಼ಟೊ ಹುಯಿರ‍್ಹೊಸ್.‌ ಶನಕತೊ ಇನ ಜೋ಼ಡ್ಮ ರ‍್ಹವಾಳ ಭೈಯೆ ಭೇನೇನ ಪ್ಯಾರ್ ನಾಕರ‍್ಯೊತೊ ಯೋ ದೇಖಕೊಂತೆ ದೇವ್ನ ಕಿಮ್ ಪ್ಯಾರ್ ಕರ್ಶೆ?