1 ಯೋಹಾನ 1:4 - ದೇವ್ನಿ ಖ್ಹಾಚಿ ವಚನ್

⁴ ಅಪ್ಣಿ ಶಂತೋಖ್ಹ್‌ ಪೂರ ಹುವಾದೆಕರಿ ಹಮೆ ಅನಿ ಬಾರೇಮ ಲೀಖುಕರಿಯೇಸ್.

1 ಯೋಹಾನ 1:4 Iomraidhean Croise

ಯೋಹಾನ 15:11

ಮಾರಾಮ ಛಾ಼ತೆ ಖ್ಹುಶಿ ತುಮಾರಮಾಬಿ ರ‍್ಹೇಣು ಕರಿ, ಅಜು಼ ತುಮಾರಿ ಖ್ಹುಶಿ ಭರೈನ್ ಝ಼ಲಕ್‌ಣು ಕರಿ ಮೇ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್.

ಯೋಹಾನ 16:24

ತುಮೆ ಹಂಕೆತೋಡಿ ಮಾರ ನಾಮ್‌ಪರ್‌ ಶಾತ್ಬಿ ಮಾಂಗಿರಾಖ್ಯಕೊಯ್ನಿ; ಮಾಂಗಿಲೆವೊ ತುಮೂನ ಮಳ್‌ಶೆ, ತದೆ ತುಮಾರಿ ಖ್ಹುಶಿ ಭರೈನ್ ಝ಼ಲಕ್‌ಶೆ” ಕರಿ ಬೋಲ್ಯೊ.

ಯೋಹಾನ 3:29

ವ್ಹೆತುಲ್ಡಾನ ಮಳಾಸ್ತೆ ವ್ಹೆತುಲ್ಡೀಸ್, ಕತೋಬಿ ವ್ಹೆತುಲ್ಡಾನೊ ದೋಸ್ ಇನ ಖನ್ನೆ ಭೀರಿನ್‌, ಇನಿ ಅವಾಜ಼್‌ನ ಖ್ಹಮ್‌ಜಿನ್‌ ಘಣು ಖ್ಹುಶಿಕರಸ್. ಆಸ್ ಮನ ಛಾ಼ತೆ ಖ್ಹುಶಿ, ಯೋ ಪೂರ ಹುಯು.

2 ಕೊರಿಂಥ 1:24

ತುಮಾರಿ ವಿಶ್ವಾಸ್‌ನ ಕಬ್‌ಜಾ಼ಮ ರಾಖಾನ ಹಮೆ ಕೋಶಿಶ್ ಕರುಕರೇಸ್ ಕರಿ ಮೇ ಬೋಲುಕರುಕೊಯ್ನಿ. ತುಮೆ ವಿಶ್ವಾಸ್‌ಮ ಘಟ್‍ಛಾ಼ ಕತೋಬಿ ಹಮೆ ತುಮಾರಿ ಖ್ಹುಶಿನಖ್ಹಾಜೆ ತುಮಾರಿ ಜೋ಼ಡ್ಮಕಾಮ್‍ ಕರಾವಾಳ ಹುಯಿರ‍್ಹಾಸ್.

ಎಫೆಸ 3:19

ಖ್ಹಯಾಲ್‌ಥೀಬಿ ಘಣು ಜಾ಼ಖ್ಹತ್ ಕ್ರಿಸ್ತನಿ ಪ್ಯಾರ್ ಮಾಲುಮ್ ಹುವಾದೆ, ದೇವ್ನಿ ಭರ್‌ಪೂರ್‌ ಸ್ವಭಾವ್‍ಥಿ ಪೂರಹುವಾದೆ.

1 ಯೋಹಾನ 2:1

ಮಾರ ಪ್ಯಾರ್‌ನ ಲಡ್ಕಾವೊ, ತುಮೆ ಪಾಪ್ ನಾಕರ‍್ನುತೆ ರ‍್ಹೇವ್ಣು ಮೇ ಆ ಅಖ್ಖು ತುಮೂನ ಲೀಖುಕರುಸ್. ಏಕ್‍ ವೇಳ್ಮ ಕೋಣ್‌ತೋಬಿ ಪಾಪ್ ಕರ‍್ಯುಸ್‍ಉಶೇತೊ ಅಪ್ಣ ಭಣೀಥು ಬಾಕನ ಬೋಲಿಲ್ಯವಾನ ಏಕ್‍ಜ಼ಣೊ ಛಾ಼. ಯೋಸ್ ನೀತಿವಾಳೊ ಯೇಸುಕ್ರಿಸ್ತ ಮದತ್‌ಕರಾವಾಳು ಹುಯಿರೋಸ್.

2 ಯೋಹಾ 1:12

ಮೇ ತುಮುನ ಬೋಲಾನು ಘಣುಛೆ. ಮೇ ಇಂಕ್‍ಥಿ ಕಾಗತ್‌ಪರ್ ಲೀಖಿನ್ ಖ್ಹಮ್‌ಜಾ಼ಡನ ಇಷ್ಟಕೊಯ್ನಿ. ಕತೋಬಿ ಮೇಸ್ ತುಮಾರಕನ ಐನ್, ತುಮಾರಿಜೋ಼ಡೆ ಆಮಖ್ಹಾಮೆ ವಾತೆ ಬೋಲಾನ ಆಖ್ಹ್‌ ಕರುಸ್. ತದೆ ತುಮಾರಿ ಖ್ಹುಶಿ ಭರ್‌ಪೂರ್‌ ಉಷೆ.