Ngalaatë 6:9 - N’KANGULU WUMOONË

⁹ Tuvolyaanu bitu ko mu kuvaangë liboti, kasi ningë tusye volë biitu ko, beeso tum'bakë n'sendwiitu mu ntaangu yo yibe fwaanë.

Ngalaatë 6:9 Iomraidhean Croise

Matye 10:22

Babooso bëluleendë mu cibilë ci lizinë lyaami. Kasi wunë wun'ciimbë moonyi tee fë siitu wun'vuukë.

Matye 24:13

Kasi wunë wun'ciimbë moonyi tee fanë siitu, naandyoowo wun'vuukë.

Matye 25:17

Mpilë mweekë yivaandi mu wunë wutambulë binkongulu byooli, naandi wusë kubakë byooli bin'ka.

Matye 9:19

Yeesu kutelëmë i wusë n'laandë yimunë bilaanzi byaandi.

Malëkë 3:3

Yeesu kukaambë muutu wabë wuvolë likaandë li kooko : « Manë n'telë, we yisi fë katyaasi ku meeyi. »

Liikë 18:1

Yeesu wusë bëtelooso sasafë ayi mu kubëleesi ti baawu bëfwenikini kukalilë kadi ntaangu mu kusambilë, yi bitu kuvolë ve:

Loomë 2:7

Naandi wun'vaanë luziingu lu sakë yi sakë ke banë bën'tatëminë kuvaangë liboti i bën'toombaangë bumpumu, ndumu i luziingu lukalilë.

1 Koleentë 15:58

Bwaawu, baanë bë nguli, lwe tatëminyaanu i sikëminyaanu. Lwe kalilaanu mu buvavambë mu cisalu ci Fumu, cibilë beeno luzabisi ti simpasi lulë mu kumonë mu lubundunu yimunë Fumu sikeeli sibuunë ko.

2 Koleentë 4:1

Nzaambi mu buboti bwaandi watuvaanë cisalu be ciici i mu bwaawu beeso tusë n'volë bitu ko.

2 Koleentë 4:16

Mu bwaawu beeso kupodi ve kuvolë bitu. Keti cimuutu ciitu cilë ke diifaangë fwati-fwati, cimpeefë ciitu cilë mu ke fusulaangë kadë cilumbu.

2 Koleentë 9:6

Tebukaanu moonyi mu aliili: wunë wun'kunë fwaati, wun'velë fwaati. Wunë wun'kunë mpaapë, wun'velë yivaandi mpaapë.

Efeesë 3:13

Bwaawu, miinu yiluloombë, nuvolyaanu bitu ko mu simpasi yilë mu kumonë mu beeno: syaawu siluvangisi kuba mu nyeenzi.

2 Tesaloniikë 3:13

Mu beeno baanë bë nguli, luvolyaanu bitu ko mu kuvaangë maambu mëboti.

Ebele 12:3

Balaanu mu naandi mu mpilë lutunzukunu lunë kuvitikë mu cibilë ci bisumuci. Mu boobo, leembwaanu kuba mu mpokoongu i kuvolë biitu.

Ebele 12:5

Beeno lwazimbëkënë ndoonji yinë Nzaambi wulë mu kuluvaanë dedë mweekë baanë baandi? « A mwanaami, keelë wulë maangë liseembo li Fumu, i wuvoli bitu ko bunë naandi wukuseembë!

Ebele 3:14

Licyelikë, beeso sindiku si Kliistu, ningë tube kalilë mu lufyaatu tee ku siitu bunë tubeelë civuufu fanë ntonunu.

Ebele 3:6

Kasi Kliistu wusulëmë bunë kuke Mwaanë wutuulu fë ntwaalë n'zo-Nzaambi. Beeso n'zwaandi tukeeli, ningë tube luundë lufyaatu lwiitu i civuufu cinë beeso tuke lunyemu.

Zaakë 5:7

A baanë bë nguli, vungaanu moonyi tee ntaangu yo Fumu kun'kwisilë. Monaanu buni n'vasi wun'ciimbaangë moonyi mu kuviingë tee fanë n'toto kun'vaninë mbutë yo yakweelë: naandi wun'vingaangë sinvulë si ndoolo n'kasi i ndoolo n'nunyi sifwenikini ntetë kunokë.

1 Pyeelë 2:15

Licyelikë, linë Nzaambi kuzolisi, mati luvaangaanu liboti bwiinji lukolikë bivuunji i bivulikini.

1 Pyeelë 3:17

Kasi mëyoolë kumonë simpasi mu kuvaangë liboti, mooti bwa bukeeli n'vwiilu Nzaambi, kaambofo mu kuvaangë libi.

1 Pyeelë 4:19

Mu lyaawu, banë bëm'monë simpasi mu n'vwiilu Nzaambi, bëbweelë kusalilë liboti i kuyilekulë baveekë mu myooko yi N'vaanji buloongo, wusulëmë mu tukanyu twaandi.

Luzabukunu 2:17

« Wosuku wuke yi matu, kwe yuwu buboti linë Ciluunzi wun'kaambë ke Bingangë! » « Ke banë bëm'bakë nduunji yibëvaanë livwe-vwetë liswaamë. Yin'vaanë yivaandi ke kadë muutu mu baawu limanyi li mpeembi, fanë bësonikë fë yilwaandi lizinë limoonë, linë wun'viipë ve wuzabisi kanuku wo wulitambulë. »

Luzabukunu 2:3

Njeeyi ke yilutatumunu, wamonë simpasi mu cibilë ci lizinë lyaami i sye volë bitu ko.

Luzabukunu 2:7

« Wosuku wuke yi matu kwe yuwu manë Ciluunzi wulë mu kukaambë ke Bingangë! » « Ke banë bëm'bakë nduunji miinu yivaanë bikulya mëkuundi më n'ti luziingu wuke mu wooto yi Nzaambi. »