Wunë wun'dokunaangë na wum'bakaangë ndobu i naandi wun'kucikaangë mëkuundi mu luziingu lukalilë, bwiinji, wo wun'kunaangë i wo wun'dokunaangë bëtoondë cintwaali.
Salilaanu yaaku ti mu ndiiwu yim'bungënë, kasi mu ndiiwu yin'vaanë luziingu lu sakë yi sakë. Ndiiwu be yooyo, Mwaanë Muutu wuluvaanë yaawu, cibilë Nzaambi Taatë watuulë mu naandi ciliimbu ci lutumu lwaandi. »
Nutulyaanu ko binamë biinu mu lisumu dedë mweekë cisalulu ci kuvangilë libi. Tiilyoko, yiyin'dulyaanu mu Nzaambi, dedë mweekë baatu bavulumukë i luluvandikaanu benuveekë mu cisalu ci Nzaambi dedë mweekë binamë bisulëmë.
Cibilë lifutë lin'vaanë lisumu mati lufwa. Kasi likabu lin'vaanë Nzaambi libuunë, mati luziingu lu sakë yi sakë mu lubundunu lwiitu yimunë Kliistu Yeesu Fumwiitu.
Ningë Ciluunzi cyo civulumunë Yeesu mu nkoongë bëfwa cike mu beeno, boobo Nzaambi wo wavulumunë Kliistu mu nkoongë bëfwa wuluvandikë yivaandi luziingu mu sinyitu siinu sifwa mu Ciluunzi cyaandi cike mu beeno.
Kasi mu lyalyooli mwa Nzaambi wukun'fwiilë cyaali. Naandi wuzolë ti, Kliistu Yeesu wuleesi mu miinu n'sumuci wunenë, mpungë-moonyaandi yooso dedë ciliimbu mu banë kun'twaalë yikwisë bën'ta maanë mu naandi i bën'tambulë luziingu lu sakë yi sakë.
Kasi baatu be boobo bën'silaangë dedë mweekë baatu bëkaambu buutu bo buke bibulu bi n'situ bibutu mu kubwiilu i kuvoondu. Kasi baatu aba bëlë mu kufiingë binë baawu bëkaambusu kuzaabë. Baawu bën'voondu buke bibulu.