Ngalaatë 6:3 - N’KANGULU WUMOONË

³ Ningë muutu wulë mu kuyituunvi, tiilyoko naandi muutu kwaandi vwiili, naveekë wulë mu kuyipuutu.

Ngalaatë 6:3 Iomraidhean Croise

Liikë 18:11

Falisyaanu kutelëmë i bo kulësambilë mu cibeenzë cyaandi ci n'timë : “A Nzaambi yaami! Miinu yakutoondë mu cibilë, yikeeli ko bo buke baatu bën'ka bëkeeli biifi, baatu bëbi i banë bën'valaangë. Miinu yakutoondë cibilë yikeeli ko buke cinoongë mpaku ocyo.

Mëvaangë 5:36

Tebukaanu moonyi, bukeeli kwaandi cinaanu kuve bunë buyibasikë muutu bën'teelë Tewudaasë, wuyituunvi n'nenë. Ka kwaasu ku nkamë-na li bëbakëlë bëyibuundënë yaandi. Kasi naandi bën'voondë i bakë booso bëyen'laandaangë bisë tyamukë i cinguuku cyaandi cifwa.

Loomë 12:16

Lwe baanu muutu mweekë benuveekë yi benuveekë. Leembwaanu kuyizanjikë, kasi cikunaanu bisalu bike kwaandi vwiili. Keelaanu kuyileesi ti beeno bangë bungelë.

Loomë 12:3

Mu cibilë ci likabu linë Nzaambi wukum'pandikë mu buboti bwaandi, yin'tubilë obo mu beeno booso: keelaanu lulëyituunvi benuveekë mu kumonikë bënenë. Tiilyoko, lwe baanu simbalulu simboti, kadë muutu mu likanë lu ciminu cinë Nzaambi kun'vaanë.

1 Koleentë 13:2

Miinu kupodi kuzabikini maambu yin'tambulë ke Nzaambi, kuba yi luzaabu looso i kuwu mëviindë mooso, miinu podi kuba yi ciminu cin'senginyi myoongo, ningë yikeeli yi luzolo ko, miinu muutu kwaandi vwiili.

1 Koleentë 3:18

Muutu ve wuyipuutë naveekë : ningë wun'viipë mu beeno wuyicitulë ngeelë mu mbalulu si buloongo be buubu, kwe citukë lilawu bwiinji kuba cyelikë ngeelë.

1 Koleentë 8:2

Wunë wum'balë ti naandi wuzabisi, yibuunu kuzaabë buni bufwenikini.

2 Koleentë 12:11

Miinu yilë mu kutubë dedë mweekë yabë lilawu, kasi beeno lwakun'kacikë. Nkanë beeno lufitë kun'nwaninë cikaangë. Ningë miinu muutu kwaandi vwiili, yikeeli ko cilesi fë ntwaalë mimbunziinu yinenë.

2 Koleentë 3:5

Licyelikë, yaaku beeso tum'podi kusalë cisalu ci mpilë oyo mu likanë liitu besuveekë ko. Linë beeso tuke yi likanë mu kuvaangë lin'fuminë ke Nzaambi.

Ngalaatë 2:6

Kasi bëkuluutu bëvyokilili bunaangë – oboobo, bosu bëbeeli bunenë bwaawu, bukeeli n'ciinzë ko, cibilë Nzaambi kusë n'fundisyaangë mu mëviimbu ko, bëkuluutu be boobo bësye kun'kacikë miswa yimoonë ko.

Ngalaatë 2:9

Zaakë, Pyeelë i Za bo babë dedë mweekë mëkuunzi më mbumbuli më cingangë, bëbakulë ti Nzaambi wum'paanë muulë wukusalë cisalu be ciici, baawu bisë tusiimbë mu kookë, Balënabaasë i miinu, mu kuleesi bundiku bwiitu. Bwaawu beeso tusë kuwusënë, mu ke sali ke banë bëkeeli Sizwiifë ko i baawu bëke sali kuke Sizwiifë.

2 Timotee 3:13

Kasi baatu bë bubaalu i bitatë-ngaangu bën'lutilë kuvaangë libi, baawu bëm'puutë bayaawu i baawu bëm'puutu.

Zaakë 1:22

Keelaanu lulëvaangë mëfukë-nyeembo mu kuwu Libuungu li Nzaambi. Salilaanu lyaawu mu cyelikë.

Zaakë 1:26

Ningë muutu wum'balë ti naandi citamaanë ti cyelikë i wun'kaambu kuzisi ndakaandi, naandyoowo wu yi puutu naveekë : ntekwaandi kusambilë yikeeli kwaandi vwiili.

1 Za 1:8

Ningë tun'tubë ti, beeso lisumu voo, beeso twayipuutë besuveekë i cyelikë cikeeli ko mu beeso.