Ngalaatë 6:2 - N’KANGULU WUMOONË

² Lwe vangësënaanu mëboti benuveekë yi benuveekë mu ke zudësënaangë : obo, lun'cinzikaanu n'kaakë Kliistu.

Ngalaatë 6:2 Iomraidhean Croise

Matye 8:17

Naandi wusë livaangë bwiinji buvangënë libuungu be lyoolyo li m'bici Ezayi : « Naandi wuboongë simpasi siitu, i wusë botulë sincyeenzu siitu. »

Liikë 11:46

Yeesu wusë n'vutulilë : « Lusifu lwiinu yivaandi miloonji n'kaakë! Beeno lun'tukisyaangë baatu mifunë yike beenë simpasi mu kunatë, i beeno lusë n'nikunaangë kuve keti luzalë mu kubëzudi mu kunatë bifunaawu.

Za 13:34

Miinu yakuluvaanë n'kaakë wumoonë : zolësënaanu benuveekë yi benuveekë. Lufwenikini kuzolësënë benuveekë yi benuveekë bo yiluzolilë.

Za 15:12

Aluulu lutumu lwaami: zolësënaanu benuveekë i benuveekë bo miinu yibe luzolilë.

Loomë 15:1

Beeso tuciindë mu ciminu, tufwenikini kucikunë banë bëdekë. Tusye fwanëkënë ko kutoombë binë bitutoonzi.

Loomë 8:2

Cibilë n'kaakë Ciluunzi wun'vanaangë luziingu mu Kliistu Yeesu, wakuvuuci mu n'kaakë lisumu i mu lufwa.

1 Koleentë 9:21

Bo bumweekë, bunë yikeeli yimunë bo bën'ziimbë n'kaakë Moyiizë, miinu yin'zingilë bo bëke baawu, kulengilë ve moonyi mu n'kaakë be woowo, bwiinji yibëbakë. Lya lyooli lisë n'tubë ko ti miinu yisë n'lengilë moonyi ko mu n'kaakë Nzaambi, cibilë miinu yike mu lutumu lu n'kaakë Kliistu.

Ngalaatë 6:5

Cibilë wosuku muutu wufwenikini kunatë n'funaandi.

1 Tesaloniikë 5:14

Beeso tulë mu kulutumë, a baanë bë nguli : bikinyaanu myoolu, cindisyaanu bangë boomë, zudyaanu banë badekë, baanu mpungë-moonyi mu bakë booso.

Zaakë 1:25

Kasi wunë wum'biilë buboti n'kaakë wusulëmë, wunë wutuvaanë lusyalulu i wun'kangëmë mu cyelikë. Naandi kusë n'laandë tokë mu kuwu ko mu kuwuzimbëkënë, kasi wun'salilë waawu. Cyelikë, naandyoowo wum'ba mu nyeenzi mu makë mooso kun'salilë.

Zaakë 2:12

Mu lyaawu, beeno lube fwaanë kutubë i kusalilë dedë mweekë baatu bën'fundisi mu n'kaakë wun'vaanë lusyalulu.

Zaakë 2:8

Cyelikë libuuku li Nzaambi lin'tubë : « Zolë mwaanë yaaku nguli bo buke njeveekë. » Lwaawu lutumu lu Lwaangu lu Nzaambi. Mooti lyaawu lun'salilaangë, beeno lun'vaangë lyaambu liboti.

1 Pyeelë 2:24

Mu nyitwaandi naveekë, wunatë mësumu miitu fë kuluusu, bwiinji beeso tufwa mu linë lin'talë lisumu i beeso tuzingilë mu luziingu lusulëmë. Mu simbumë syaandi mwaawu beeno lwabë lubelukilë.

2 Pyeelë 2:21

Mëyoolë baawu bëleembu kuzaabë nzilë yisulëmë yi kuyizaabë i kube balukilooso lutumu lu saantu lunë bëbëvaanë.

2 Pyeelë 3:2

Miinu yike yi tesu mo lutebukaanu moonyi mu tubiku tutubë mibici yi saantu mu ntaangu ntamë i lutumu lu Fumu i N'vuuci, bituveewu ke mimbunziinu.

1 Za 4:21

Talaanu, lutumu lunë Kliistu watuvaanë: wunë wun'zolë Nzaambi, wufwenikini yivaandi kuzolë mwanaandi nguli.