Ngalaatë 6:10 - N’KANGULU WUMOONË

¹⁰ Mu lyaawu, ningë ti beeso tuke luvoto, twe vaanjyaanu mëboti ke bakë booso i kulu-kulu yiveko ke baanë biitu bë nguli mu ciminu.

Ngalaatë 6:10 Iomraidhean Croise

Matye 10:25

Bufwenikini cilaanzi kuba buke n'loonjyaandi. I n'dongo fwenikini kuba buke fumwaandi. Ningë fumu n'zo bëkun'teelë Belëzebuulë, buni bën'kaambu kufingilë banë bëke yaandi n'zo mweekë! »

Matye 12:50

Licyelikë, wosuku wun'vaangë n'vwiilu wu Tataami wuke ku mëyilu, naandyoowo na mwaanaami nguli, mwaanaami n'cyeetu i mamaami. »

Matye 25:40

N'tinu wusë bëvutulilë : “Yilukaambë, cibeeni, sivyaasi syakë syooso lun'vaangë mamoomë ke wun'viipë mu nkoongë sin'koombë syaami, mati ke miinu lwavaangë lyaawu.” »

Matye 5:43

« Beeno luyuwu bëtubë : “Zolë mbaasyaaku i leendë mbeenyaaku.”

Malëkë 3:4

Naandi wusë bëkaambë : « Bufweeni cilumbu ci saba, mu kuvaangë liboti voo libi, mu kuvatulë muutu, voo mu kum'biikë kufwe? » Akasi, baawu bësye n'vutulilë mbeembu ko.

Liikë 6:35

Tiilyoko, zolaanu simbeenyi siinu. Bëvaanjaanu simboti i sombisyaanu kukaambu kuciingë cyosuku cyo bëluvutulilë. Beeno lum'bakë ndobu yinenë beenë i lum'ba baanë bë Nzaambi yisalaangë yilu, cibilë naandi wuke yi n'timë wumboti mu bëkaambu luzaabu i mu bangë bubaalu.

Za 12:35

Yeesu wusë bëkaambë : « Cyeseesë citinyooso fë meeyiinu, kasi mu mwa ntaangu kwaandi too. Lyataanu fo lucili yi cyeseesë mu kumaangë beeno kuzimbukulë citoombi, cibilë muutu wun'lyataangë ku citoombi, wusye zaabë ko kuni kulë mu kweendë.

Za 9:4

Abu bwiisi bucili bucya, beeso tufwenikini kusalë bisalu bi wunë wukun'filë. Bwiisi bwa kun'kwiilë, muutu ve wum'podi kube salë.

Mëvaangë 6:7

Mëbuungu më Nzaambi mëlë ke lutilaangë kutyamukë. Lutaangu lu bilaanzi lusë ke funaangë beenë ku Yelusaleemë i mpaapë singangë-Nzaambi bëlëtuulaangë ciminu cyaawu mu Yeesu.

2 Koleentë 2:8

Mu bwaawu, miinu yiluloombë luleesi luzolo lwiinu mu naandi.

Ngalaatë 1:23

Baawu bëyuwu : « Wunë wabë wutukwamisyaangë mu sintaangu be siinë, weekë mu kutendulë buyifanu Mpolu Mboti yi ciminu cyo naandi wulëvaangë mëngolo mu kuvaafë. »

Efeesë 2:19

Bunë tum'mweenë, beeno lukeeli Sizwiifë ko, lusyeelyooso kuve beeni, baatu bën'fuminë kun'ka. Kasi bubwayi aci beeno lweekë baatu mu nkoongë likaandë li Nzaambi, beeno beekë mu cifuumbë ci Nzaambi.

Efeesë 3:15

mu naandi mwaawu mu ke mëkaandë makë mooso mëke ku mëyilu i fë moongo butoto.

Efeesë 4:28

Wunë wabë cifu ci kwiibë kwe leembu bwiifi. We salilë mu myookwaandi bwiinji kubakë mu luziingu lwaandi byo bifwenikini i kuzudi biyeembi.

Efeesë 5:16

Lwe vaangaanu liboti mu ntaangu syooso lum'bakë luvoto, cibilë sintaangu tulë mu kuzingilë beeso syeekë simbi.

Filiipë 4:10

Miinu yakwangelëlë beenë mu luziingu lwaami yimunë Fumu: beeno lwaleesi cideenzë ciinu mu miinu. N'ciinzë be woowo wuke yiinu, cyelikë, kasi lusye bakë luvoto ko mu kun'deesi lyaawu.

Koloosë 4:5

Lyatilaanu yimunë luzaabu fanë fëke bo bëkaambu kuta maanë i kusalilë losuku luvoto lum'monikë mu beeno.

1 Tesaloniikë 5:15

Kebaanu wosuku muutu mu kuvutulë libi mu libi, kasi cyeengaanu mu ntaangu syakë syooso mu kuvaangë liboti mu benuveekë i benuveekë i mu baatu bakë booso.

1 Tesaloniikë 5:21

Kasi biilaanu buboti makë mooso : simbaanu mo mëboti

Tiitë 2:14

Naandi wuyivakulë naveekë mu besubooso, mu kutuvuuci mu mëbi mooso. Kutuvangisi kuba mboongu yi lyoomë yinë kubakisi i yike buvavambë mu mëvaangë mëboti.

Tiitë 3:8

Maambu ama mëcyelikë. Miinu yin'toombë ti wusisiminë maawu, bwiinji banë bata maanë mu Nzaambi bëfyaatë mu mëvaangë mëboti. Mamoomë maambu mëboti i më njiinji mu baatu.

Ebele 13:16

Kasi lwe zimbikinyaanu ko mu kuvaangë liboti i mu kuzudisënaanu, cibilë ti bivakuli bi mpilë oyo bya bin'toonzi Nzaambi.

Ebele 3:6

Kasi Kliistu wusulëmë bunë kuke Mwaanë wutuulu fë ntwaalë n'zo-Nzaambi. Beeso n'zwaandi tukeeli, ningë tube luundë lufyaatu lwiitu i civuufu cinë beeso tuke lunyemu.

Ebele 6:10

Nzaambi wukeeli yi n'soci ko. Naandi wusë n'zimbëkënë ko cisalu ciinu, kaambofo, luzolo luleesi mu naandi, mu bisalu binë luvangisi i lucilë n'vaangooso ke bitamaanë bimesi.

1 Pyeelë 2:5

Lwe mboonjyaanu benuviinu ciikë, dedë mweekë ti mëmanyi më moonyi, mu n'tungulu n'zo-Nzaambi yi cimpeefë. Beeno lun'vaangë nkoongë singangë-Nzaambi siyituunvi mu Nzaambi. Beeno lukun'vaanë bivakuli bi cimpeefë bim'ba biboti mu Yeesu Kliistu.

1 Pyeelë 4:17

Ntaangu yakufwaanë yo lufundusu lun'toninë mu n'zo-Nzaambi. Obo ningë lufundusu lun'toninë ntetë mu beeso, buni bëm'beelë ku siitu mu banë bëkaambu kuta maanë mu Mpolu Mboti yi Nzaambi?

1 Za 5:1

Muutu wunë wun'ta lyaanë ti Yeesu Kliistu wulë mwaanë Nzaambi. Wosuku wun'zolë taatë, wun'zolë yivaandi baanë kwabutë.

3 Za 1:10

Mu lyaawu, ntaangu yin'kwisilë, yim'baasi fë ciyalëlë makë mooso mëbi kun'vaangaangë, naandi wum'basyaangë mëbuungu mëbi më lupuutu mu beeso. Yaaku tokë mo maawu ko: naandi wum'mangaangë kwaakë baanë bë nguli bën'vyookë i banë bën'toombë kubëtambulë, wubëfuungë i kubëvaangë simpasi i kubëkulë mu Cingangë.

3 Za 1:11

A ndikwaami, keelë wulëlaandë simpangulu simbi, kasi linë like liboti. Wunë wun'vaangë liboti muutu Nzaambi kukeeli. Wunë wun'vaangë libi wusye zaabë ko Nzaambi.

3 Za 1:3

Baanë bë nguli bakwiisë i ba kun'kaambë cimbaanji cyaaku cisulëmë mu bucyelikë i buni njeeyi wulë mu kuzingilë mu bucyelikë. Miinu yiba beenë mu nyeenzi.