Ngalaatë 5:4 - N’KANGULU WUMOONË

⁴ Beeno lun'toombaangë kuba bësulëmë mu n'kaakë fë nduunzi Nzaambi, lukabukë yi Kliistu i muulë wu Nzaambi wukeeli yiinu ko.

Ngalaatë 5:4 Iomraidhean Croise

Loomë 11:6

Naandi wubësoolë mu buboti bwaandi i yaaku mu cibilë ci mëvaangë, nkanë buboti bwaandi busye be ba buboti ko.

Loomë 3:20

Cibilë muutu ve wun'zabekënë wusulëmë fë meeso më Nzaambi mu kucikunë n'kaakë wakë wooso. N'kaakë wun'vangisi tokë mu kubakulë lisumu.

Ngalaatë 2:21

Miinu yibe maangë kubumë muulë Nzaambi. Mu bwaawu, ningë ti mu n'kaakë mwaawu tum'podi kusulëminë fë nduunzi Nzaambi, Lyabwiilë obo Kliistu wufwa mu buunë kwaandi.

Ngalaatë 5:2

Yuwaano! Miinu Poolë, yilë mu kulukaambë : ningë ti beeno lube bukë bubakëlë, oboobo mu beeno Kliistu wusyeeli n'ciinzë ko.

Ebele 12:15

Keelë wun'viipë wulë maangë muulë Nzaambi. Muutu ve wum'ba dedë mweekë n'ti wun'vaangë lusweenu, myangëlë, wum'menë i wun'vangisi mbungë-ntwaali mu mpaapë baatu.

Ebele 4:1

Nzaambi wutubikilë lukanyu ti beeso tum'podi kukotë mu luvundulu lunë naandi wutubelikilë. Twe kelyaanu buboti mu kumaangë muutu ve mu beeso wuleembu kubakë luvoto mu kukotë.

Luzabukunu 2:5

Tebukë moonyi fanë wabwiilë! We vilukë i vaangë bunë wulësiilaangë fë ntonunu. Ningë bëmaangë kuvilukë, yin'kwisë ke njeeyi i yim'botulë cicyetulu ci mwiindaaku fë ciikë cyaandi.