Ngalaatë 5:16 - N’KANGULU WUMOONË

¹⁶ Tala linë miinu yilë mu kulukaambë: lwe lyatilaanu mu Ciluunzi i beeno lusë be laandooso ko bideenzë binsunyi.

Ngalaatë 5:16 Iomraidhean Croise

Loomë 6:12

Lisumu lisye fwanëkënooso ko kutumi nyitwiinu yin'fwa, mu kuluvangisi kucinzikë binvweenvu bi nyitu.

Loomë 8:1

Buyifanwabu, lutabu lusyeelyooso ko mu banë bëke mu Kliistu Yeesu.

1 Koleentë 7:29

Talaanu baanë bë nguli, linë yakulukaambë: ntaangu yeekë yin'cyo. Buyifanwabu, bëbakëlë bëkweelë bëfwenikini kuzingilë buke bëbakëlë bëmputë.

2 Koleentë 7:1

A sindiku syaami, tukanyu tooso oto tuke n'ciinzë mu beeso. Mu bwaawu, tuyilyomisyaanu mu mamooso mën'safulë nyitu kaambofo mbali i twe vaanjyaanu mëngolo mu kuba sisaantu si cyelikë mu kuzingilë mu sisu yi Nzaambi.

Ngalaatë 3:17

Talaanu linë yin'toombë kutubë : Nzaambi wuvaanë n'kaandë awu wun'leesi manë bëfwenikini kuvaangë fë mbusë lufwa i wuvaanë lukanyu mu kulucinzikë. N'kaakë, wunë wumonikë fë nkamë-na mëkumë-tatu li mivu fë mbusë, kupodi ve kumaangë manë mësonëmë mu n'kaandë beenë i kubotulë lukanyu lu Nzaambi.

Ngalaatë 6:8

Ningë naandi wakunë binë kun'tiisi mu n'sunyi, binë naandi kun'velë bim'ba bi n'sunyi. Kasi mooti naandi wakunë binë bin'tiisi Ciluunzi, byo kun'velë bim'ba luziingu lu sakë yi sakë.

Efeesë 2:3

Besiinu booso yivaandi, twabë buke baawu, tulëzingilaangë mu bideenzë biitu binsunyi, tuluvaangaangë manë mëlë zolaangë n'nyitwiitu i ciluunzi ciitu. Bwaawu, mu cibilë ci n'sunyiitu, twabë tusifu mu kutambulë lufundusu lu Nzaambi dedë mweekë bën'ka.

Koloosë 2:11

Mu lubundunu yimunë naandi, beeno bëlëbukë bubakëlë, yaaku ti lubuku luvangininë mu myooko baatu mu kulubotulë mu nyitu yi n'sunyi, mu lubuku lu Kliistu.

1 Pyeelë 1:14

Cinzikaanu Nzaambi i leembwaanu kulaandë binvweenvu biinu bi ntamë, fanë lwabë mu bunzimbu.

1 Pyeelë 1:22

Beeno lwalyoomë bo lwacikunë cyelikë, mu kuzolësënaanu cyelikë dedë mweekë baanë bë nguli. Mu lyaawu zolësënaanu yin'zaci yooso benuveekë i benuveekë, yi n'timë wulyoomë.

1 Pyeelë 2:11

Sindiku syaami yilë mu kululoombë, fë moongo butoto, beeno luli beeni i bëvyooci: Kebaanu mu bideenzë binsunyi binwanisi buutu bwiinu.

1 Pyeelë 4:6

Bwaawu, Mpolu Mboti yatendukë tee kuke bo bëfwa : boobo, bëbëfundisi mu manë baawu bëvaangë, dedë mweekë baatu booso bë moonyi, baawu bëke buyifanwabu yi mëkanë, cibilë ci Ciluunzi, mu kuzingilë lu luziingu lu Nzaambi.