Ngalaatë 5:10 - N’KANGULU WUMOONË

¹⁰ Fumu wukum'paanë lyaanë mu cibilë ciinu: miinu yim'balë ti benuviinu, lulë mu kumonë bo bumweekë yi miinu. Kasi wunë wulë mu kuluvangilë n'vuusu, bosuku bubeeli, wun'tambulë lutabu lu Nzaambi.

Ngalaatë 5:10 Iomraidhean Croise

Mëvaangë 15:24

Beeso tuyuwu ti baatu bëfuminë lweeku lwiitu bëyikosi n'vuusu i bëlëvangisi kuba mu cyuundë mu mëbuungu maawu. Beeso tusye bëvandikë ko lutumu mu lyaambu be lyooli.

1 Koleentë 5:5

Beeno lufwenikini kuvakulë muutu be woowo mu myooko yi Satënë, bwiinji nyitwaandi mësumu yinyambëkënë mu lufwa, kasi ciluunzi cyaandi civuukë mu cilumbu ci Fumu.

2 Koleentë 1:15

Miinu yiba yi civuufu bunë yiyabë tesu mu kwiisë ke beeno bwiinji lubakaanu muulë fë vyaasi yimwaali.

2 Koleentë 10:2

nkonkolë siinu: nun'kacikaanu ko mu kunwaanë cikaangë yi n'viingu wooso bunë yim'ba ke beeno. Cibilë yin'tiisi kuvaangë ke banë bën'tubë ti beeso tulë mu kusalilë mu simpangulu si bumuutu.

2 Koleentë 10:6

Beeso tubëliminë mu kuseembë lyakë lyooso lin'kaambu buleenvo, bunë buleemvo bwiinu bum'ba deku-dekoo.

2 Koleentë 13:10

Talaanu buni, yilë mu kulusonikinë makë mooso omo, abu yikeeli cinaanu yi beeno : mu kumaangë fanë yim'ba yiinu, mu kulusasi yi nkasu yimunë lutumu lunë Fumu wukum'paanë, lutumu lunë luke n'ciinzë bwiinji libuundu liinu lyeendë kun'twaalë i yaaku ti mu kulityamunë.

2 Koleentë 2:3

Miinu yasonikinë lyaliili bunë yalivangilë: yisë n'zolë ko, mu lwisulu lwaami ke beeno, kuba mu cyuundë ke banë bëfwenikini kum'pangisi kuba mu liyaanji. Miinu yaviisi licyelikë ti ningë yike mu liyaanji, beeno yiviinu lum'ba mu liyaanji.

2 Koleentë 2:6

Muutu be woowo wufwenikini kuseembu ke lukoongu lunenë lu baatu.

2 Koleentë 5:16

Talaanu buni beeso, tun'leembu kube cikuninë muutu mu n'sunyi. Ningë ti, mu civi-cikulu tuzaabë Kliistu mu cimuutu, buyifanwabu beeso tusë bën'zabilooso boobo ko.

2 Koleentë 7:16

Miinu yike mu kwangelëlë yikuta lyaanë mu beeno mu makë mooso.

2 Koleentë 8:22

Beeso tulë mu kufilë mwaniitu nguli yimunë baawu. Beeso tubakë tuvoto mu kun'seengë mu mpaapë maambu i naandi wuyileesi kadë vyaasi buvavambë bwaandi. Kasi buyifanwabu, naandi wuke n'vwiilu mu kuvaangooso lufyaatu lunenë lukeeli yaandi mu beeno.

Ngalaatë 1:7

Cyelikë, yikeeli Mpolu Mboti yin'ka ko, baatu kwaandi vwiili bën'vaangë n'vuusu i bën'toombë kuviinji Mpolu Mboti yi Kliistu.

Ngalaatë 2:4

Mu cibilë ti, baanë bë nguli bivadë-mbi bëkotë mu nkoongiitu i bëzolë kun'vangisi kubukë bubakëlë. Baatu be boobo bëfyelëmukë mu nkoongiitu bwiinji bëmonë buni beeso tun'zingilaangë lusyalulu lunë twatambulë ke Kliistu Yeesu i mu kutuvutulë mu bundongo bu n'kaakë.

Ngalaatë 2:6

Kasi bëkuluutu bëvyokilili bunaangë – oboobo, bosu bëbeeli bunenë bwaawu, bukeeli n'ciinzë ko, cibilë Nzaambi kusë n'fundisyaangë mu mëviimbu ko, bëkuluutu be boobo bësye kun'kacikë miswa yimoonë ko.

Ngalaatë 3:1

Oo basë Ngalaatë, beeno lyeelë voo! Nani waluloke? Mati Yeesu Kliistu wufwa fë kuluusu bëluleesi fë meeso miinu.

Ngalaatë 4:11

Beeno lukum'pangisi lusweenu : simpasi syooso yimweeni mu beeno sibuunë kwaandi?

Ngalaatë 4:17

Bëmesë bën'vwa n'ciinzë mu beeno, kasi simbalulu syaawu simbi. Baawu bën'toombë, lukabukë yi miinu bwiinji luba tesu mu baawu.

Ngalaatë 4:20

Vyaasi kwa, yizolisi kutuukë ke beeno buyifanu, bwiinji yilukaambë mu nteku yin'ka. Miinu yisye zaabë ko buni yifwenikini kusiilë mu beeno!

Ngalaatë 5:12

Banë bëlë mu kuluvangilë n'vuusu bëyendyooso cinaanu mu mpangulu syaawu: bëbotulë mëkuundi më bubakëlë!

Ngalaatë 5:7

Beeno lutatikë buboti! Nani walukakini, mu kumaangë kucikunë cyelikë?

Ngalaatë 6:17

Mu sintaangu sin'kwiisë, muutu ve wufwenikini kum'pangisi simpasi, cibilë sindulu sike mu nyitwaami sin'leesi ti miinu mu Yeesu yikeeli.

Filiipë 3:15

Besubooso twakundukë mu cimpeefë, twe kalilë mu n'ciinzë be woowo. Mu bwaawu, ningë luke mbalulu yin'ka, Nzaambi sya wululubulë mu lyalyooli.

2 Tesaloniikë 3:4

Fumu wutusiilë civuufu mu cibilë ciinu: beeso twasiinji ti beeno lun'salilaangë i lulë mu kulandilë kusalilë manë beeso tulukaambë.

1 Timotee 1:20

Mu nkoongaawu yike Yimenë i Alekëzandëlë, miinu yibëvakulë ke Satënë, bwiinji bësinu mu kuleembu kusafulaangë Nzaambi.

Filëmu 1:21

Mu buleenvo bwaaku bwaawu yakusonikinë, yizabisi ti njeeyi wun'vangooso mo mëvyokilili.