Ngalaatë 5:1 - N’KANGULU WUMOONË

¹ Kliistu watuvuuci yi cyelikë cyooso bwiinji tusyalulu. Ciinzyaanu bitu, oboobo, leembwaanu kube vutukë mu bundongo.

Ngalaatë 5:1 Iomraidhean Croise

Matye 23:4

Baawu bën'kaangaangë bifundë bizitë i kubituulaangë fë yilu mëvangëti më baatu, kasi baveekë, kuzolë ve kunyikunë luzalë lu kooko mu kubëzudi mu kunyikunë bizitu byaawu.

Liikë 5:38

Moniko, mëlafu mëmoonë, mëfwenikini kuba mu bidoyi bimoonë.

Mëvaangë 15:10

Buyifanwabu, cibilë-mbici beeno lulë mu kuseengë Nzaambi mu kukacikë bitamaanë mifunë yinë sinkaakë siitu, kaambofo besuveekë tusye podi ko kunatë?

Loomë 6:14

Boobo, lisumu lisë be lutumyooso ko, cibilë lusyeeli ko fë civikë ci n'kaakë, kasi mu muulë Nzaambi.

Loomë 6:18

Beeno lwasyalulwaanu mu lisumu i lwacitukë bëndongo bësulëmë.

Loomë 7:3

Mooti naandi weekë n'kasi wu libakëlë lin'ka n'nunyaandi wucini moonyi, naandi wavaalë. Kasi mooti, n'nunyaandi wafwa, naandi wasyalulu mu n'kaakë, oboobo naandi kupodi kwaandi kuba n'kasi wu libakë lin'ka, wusë n'vaalë ko.

Loomë 7:6

Kasi buyifanwabu, twasyalulu mu n'kaakë, cibilë twafwa mu binë bilëtukaangaangë mu buloko. Beeso kupodi kusalilë Nzaambi mu nteku yimoonë, mu lutumu lu Ciluunzi ci Saantu i yaaku mu nteku yi ntamë, mu lutumu lu n'kaakë wusonëmë.

Loomë 8:15

Licyelikë nusye kwaakë ko ciluunzi ci bundongo ciluvangisi boomë. Kasi beeno lwakwaakë Ciluunzi ci Saantu ciluvangisi kuba baanë bë Nzaambi i wuluvaanë likanë mu kulosukë : « Abaa! Taatë! »

Loomë 8:2

Cibilë n'kaakë Ciluunzi wun'vanaangë luziingu mu Kliistu Yeesu, wakuvuuci mu n'kaakë lisumu i mu lufwa.

1 Koleentë 15:58

Bwaawu, baanë bë nguli, lwe tatëminyaanu i sikëminyaanu. Lwe kalilaanu mu buvavambë mu cisalu ci Fumu, cibilë beeno luzabisi ti simpasi lulë mu kumonë mu lubundunu yimunë Fumu sikeeli sibuunë ko.

1 Koleentë 16:13

Lwe zungululaanu, lwe kalilyaanu mu ciminu, lwe baanu lunkanvi, lwe baanu yi n'viingu.

1 Koleentë 7:22

Cibilë n'dongo wunë wabë wutelu ke Fumu wuli muutu wusyalulu wuke mu n'swa Fumu. Mpilë mweekë, muutu wusyalulu wutelu ke Kliistu wuke n'dongwaandi.

2 Koleentë 11:20

Beeno lun'cikunaangë bëlëteelë dedë mweekë bëndongo, bëlusasi i kulufutë ve, bëluvokënë byosuku lubakisi, bëlë talë-n'lalu, bëlubulë ku busu.

2 Koleentë 3:17

Kosuku, cikumë cinë Fumu kun'tubë afa, Ciluunzi. Fanë fëke Ciluunzi ci Fumu, faawu fëkeeli lusyalulu.

Ngalaatë 2:4

Mu cibilë ti, baanë bë nguli bivadë-mbi bëkotë mu nkoongiitu i bëzolë kun'vangisi kubukë bubakëlë. Baatu be boobo bëfyelëmukë mu nkoongiitu bwiinji bëmonë buni beeso tun'zingilaangë lusyalulu lunë twatambulë ke Kliistu Yeesu i mu kutuvutulë mu bundongo bu n'kaakë.

Ngalaatë 3:25

Abu ntaangu ciminu yatuuci, beeso tusyeeli ko fë civikë ci n'luunji be woowo.

Ngalaatë 4:26

Kasi Yelusaleemë yi yilu yisyalulu i naandi na mamiitu.

Ngalaatë 4:31

Bwaawu, baanë bë nguli, beeso tukeeli ko baanë bë n'cyeetu wuke n'dongo, kasi wu n'cyeetu wo wukeeli ko n'dongo.

Ngalaatë 4:9

Kasi buyifanwabu beeno lwazaabë Nzaambi – kaambofo, bo Nzaambi waluzaabë – buni lum'podyooso kubëvutukënë mu lutumu lu cimpeefë luke vwiili kwaandi i lukaambusu mëngolo? Lun'toombaanu kube ba bëndongwe?

Ngalaatë 5:13

Kasi beeno, baanë bë nguli, beeno lutelu ku lusyalulu. Vaanji limweekë luvangisyaanu ko mu lusyalulu be loolo mëfukë-nyeembo më kuzingilë bo bën'kwendilë bideenzë bi n'sunyiinu. Tiilyoko, zingilaanu mu luzolo lu kusalilë benuveekë yi benuveekë.

Efeesë 6:14

Mu lyaawu, lwe belëminaanu : baanu bucyelikë dedë mweekë likaanji mu lucyeto. Vwaataanu n'sulumunu dedë mweekë cinkutu ci kunwaninë.

Filiipë 1:27

Mu bwaawu, lyatilaanu bunë bufwenikini mu Mpolu Mboti yi Kliistu. Oboobo, keti yilë kwiisë mu kulumonë kaambofo yilë kaambu, miinu yin'kuwu ti beeno lukangiminë mu lubundunu mu ciluunzi cimweekë i beeno lun'nwaninë fë cimweekë mu n'timë wumweekë mu ciminu cisikëmë mu Mpolu Mboti.

1 Tesaloniikë 3:8

Buyifanwabu, beeso aba tulë mu kuziingë cibilë beeno lukangëmë mu lubundunu yimunë Fumu.

2 Tesaloniikë 2:15

Oboobo, baanë bë nguli, lwe kangiminaanu i simbililaanu sinsinunu syo beeso tuluvaanë mu ntubulu kaambofo mu n'kaandiitu.

Ebele 10:23

Twe luundyaanu buboti civuufu cyo tun'tendulaangë, cibilë Nzaambi wusulëmë mu tukanyu twaandi.

Ebele 3:14

Licyelikë, beeso sindiku si Kliistu, ningë tube kalilë mu lufyaatu tee ku siitu bunë tubeelë civuufu fanë ntonunu.

Ebele 3:6

Kasi Kliistu wusulëmë bunë kuke Mwaanë wutuulu fë ntwaalë n'zo-Nzaambi. Beeso n'zwaandi tukeeli, ningë tube luundë lufyaatu lwiitu i civuufu cinë beeso tuke lunyemu.

Ebele 4:14

Twe ciindaanu mu ciminu cinë tulë mu kutendulë. Cyelikë tuke yi n'kuluutu ngangë-Nzaambi yinenë yinë yiyimonikë tee fë nduunzi Nzaambi : mati Yeesu, Mwaanë Nzaambi.

1 Pyeelë 2:16

Zingilaanu dedë mweekë baatu bësyalulu. Vandi, lucitulyaanu ko lusyalulu lwiinu buke n'lelë wun'fukë libi, kasi lwe zingilyaanu dedë mweekë biseelu bi Nzaambi.

2 Pyeelë 2:19

Baawu bëbëvaanë lukanyu mu lusyalulu, kosuku baveekë bëndongo mu bifu byaawu bibi, cibilë kadë muutu n'doongo mu manë man'vwaatë.

Zuudë 1:3

A bayaami bë n'timë, miinu yabë cideenzë cinenë mu kulusonikinë mu manë mën'talë luvukulu lwiitu beeso booso. Kasi miinu yavaangë mëngolo mu kulusonikinë n'kaandë be wuuwu, bwiinji luciinzi bitu mu kunwaanë mu ciminu cinë Nzaambi wuvaanë ke baandi ci mëkulu.

Luzabukunu 2:25

Kasi simbililaanu buboti linë like yiinu tee yi fanë yin'kwisilë. »

Luzabukunu 3:3

Tebukë moonyi mu liloonji lyo watambulë i buni waliyuwulu. Ba wusulëmë mu lyaawu i balulë mëvaangë maaku. Ningë njeeyi sye kotukë ko, miinu yin'kwisë mu cin'tulëmuci buke mwiifi, njeeyi wusë n'zaabë ko ntaangu yo yin'kwisilë.