Ngalaatë 4:9 - N’KANGULU WUMOONË

⁹ Kasi buyifanwabu beeno lwazaabë Nzaambi – kaambofo, bo Nzaambi waluzaabë – buni lum'podyooso kubëvutukënë mu lutumu lu cimpeefë luke vwiili kwaandi i lukaambusu mëngolo? Lun'toombaanu kube ba bëndongwe?

Ngalaatë 4:9 Iomraidhean Croise

Matye 11:27

« Byakë byooso bim'peewu ke Taatë i muutu ve wuzabisi Mwaanë kanuku wo Taatë i wun'viipë ve wuzabisi Taatë kanuku wo Mwaanë i wo Mwaanë kun'vwa n'ciinzë kwalulilë. »

Liikë 5:38

Moniko, mëlafu mëmoonë, mëfwenikini kuba mu bidoyi bimoonë.

Za 10:14

Miinu n'luungë wumboti. Miinu yizabisi mëmemë maami i maawu mën'zabisi,

Za 10:27

Mëmemë maami mu n'kuwaangë mbeembwaami, miinu yimëzabisi i maawu mëlë mu ke kun'laandaangë.

Za 17:3

Luziingu lu sakë yi sakë lukeeli mu kuzaabë, njeeyi vwiili Nzaambi cyelikë i kuzaabë Yeesu Kliistu, wunë njeeyi wufilë.

Loomë 8:29

Cibilë Nzaambi wubësoolë faanë yi faanë i naandi yivaandi wulikanë ntamë baawu mu kuba buke Mwanaandi, bwiinji naandyaawu wuba n'kuluutu mu lutaangu lunenë lu baanë bë nguli.

Loomë 8:3

Nzaambi wusë vaangë linë lyabë mëvangulu mpa mu n'kaakë Moyiizë, cibilë n'sunyi wusye vanaangë n'kaakë lutumu ko : mu kubotulë lisumu, wusë filë Mwanaandi viingu mu luziingu lufwanekënë yi n'sumuci i wusë tabë lisumu mu n'sunyi.

1 Koleentë 13:12

Fë bubwaafa, beeso tulë mu kumonë tokë buke ciduundu kwaandi, cifwanëkënë buke lumweeno lu n'tamë. Vandi kasi, beeso tum'monë mbuuzu yi mbuuzu. Fë bubwaafa, yizabisi fë cyo. Vandi kasi, yin'zaabë Nzaambi bunë bufwenikini bo naveekë be kun'zabili.

1 Koleentë 15:34

Lwe vutukaanu ku nduunji, buni bufwenikini i lwe biicyaanu kusumukë. Miinu yilitubilë mu cibilë ci soniinu : bën'ka mu nkoongiinu bësye zaabë Nzaambi ko.

1 Koleentë 8:3

Kasi wunë be zolë Nzaambi, wuzabukunu ke naandi.

2 Koleentë 11:20

Beeno lun'cikunaangë bëlëteelë dedë mweekë bëndongo, bëlusasi i kulufutë ve, bëluvokënë byosuku lubakisi, bëlë talë-n'lalu, bëlubulë ku busu.

2 Koleentë 4:6

Mu civi-cikulu, Nzaambi wutubë : « Cyeseesë cye lesikë fë meeyi citoombi! » Mati naandi yivaandi wuvangisi kulesikë cyeseesë mu mitimiitu, mu kutuvaanë luzaabu lun'lesikë mu bumpumu bu yilu bum'manikë fë cinyi ci Kliistu.

Ngalaatë 3:3

Buni beeno lun'kaambu kubeelë yivaandi lyeele? Mo beeno lwatoninë mu Ciluunzi ci Nzaambi, lun'toombë kulimaninë mu cimuutu ciinu?

Ngalaatë 4:3

Beeso yiviitu twabë buke bibabanë, twabë bëndongo mu mëngolo më cimpeefë ci buloongo.

Efeesë 1:17

i yin'loombë Nzaambi yi Fumwiitu Yeesu Kliistu, ke Taatë bumpumu, mu kuluvaanë Ciluunzi ci bungelë, wunë wukululeesi i wukuluzabikini cyelikë.

2 Timotee 2:19

Kosuku lubaandu lu sintungulu sinë Nzaambi kutuulë luciindë tala mëbuungu mësonëmë mwaawu : « Fumu wuzabisi baandi » i « Wosuku wun'tubë ti naandi wuke yi Fumu wufwenikini kwakënë yi libi. »

Ebele 7:18

Bwaawu, n'kaakë wunkulu bëwuvenjikë, cibilë waawu wabë wudekë i wukaambu n'ciinzë.

2 Pyeelë 2:20

Baatu bën'ka mu nkoongaawu, bakobukë mu mëvaangë mëbi më buloongo mu cibilë ci luzaabu lu Fumwiitu i N'vuuci Yeesu Kliistu. Kasi ningë baawu bëbe yilekulooso mu kube vutukilë sinsalulu be syooso, baawu bëm'ba mu simpasi kuvyokilë sinë syabë ntetë.

1 Za 5:20

Beeso tuzabisi ti Mwaanë Nzaambi wuyisi i naandi wutuvaanë mëlyeelë mu kuzaabë Nzaambi yi cyelikë. Beeso tukangëmë mu Nzaambi yi cyelikë, mu Mwanaandi Yeesu Kliistu. Mati naandi wulë Nzaambi yi cyelikë, mati naandi na luziingu lu sakë yi sakë.