Ngalaatë 4:5 - N’KANGULU WUMOONË

⁵ bwiinji wuvuuci banë babë mu lutumu lu n'kaakë Sizwiifë i kutuvaanë likanë mu kuba baanë bë Nzaambi.

Ngalaatë 4:5 Iomraidhean Croise

Matye 20:28

Bo bumweekë, Mwaanë muutu wuyisilë mu buloongo yaaku ti baatu bën'salilë, kasi mu kusalilë baatu i mu kuvakulë luziingu lwaandi mu kobulë lilaangu linenë li baatu. »

Liikë 1:68

« We dumu Fumu, Nzaambi yi mboongu Islayeelë, cibilë ti naandi wakwisë mu kuzudi mboongwaandi i mu kuyivuuci.

Za 1:12

Kasi, bakë booso bëtambulë lyaawu, bëta maanë mu lizinë lyaandi yi wusë bëvaanë n'swa wu kubeelë baanë bë Nzaambi.

Mëvaangë 20:28

Zungululaanu mu mboongu yooso yinë Ciluunzi ci Saantu civangisi beeno kuba miluungë, lwe kebaanu buboti Cingangë ci Nzaambi cinë naandi kuvuuci mu lufwa lu mwanaandi, Yeesu Kliistu.

Loomë 10:4

Cibilë Kliistu wanatë tee ku siitu n'kaakë Moyiizë, bwiinji bakë booso bën'ta maanë bësulëmë fë meeso më Nzaambi.

Loomë 8:14

Cibilë bakë booso, bën'zingilë mu Ciluunzi ci Nzaambi baawu baanë bë Nzaambi bëkeeli.

Loomë 8:15

Licyelikë nusye kwaakë ko ciluunzi ci bundongo ciluvangisi boomë. Kasi beeno lwakwaakë Ciluunzi ci Saantu ciluvangisi kuba baanë bë Nzaambi i wuluvaanë likanë mu kulosukë : « Abaa! Taatë! »

Loomë 8:19

Buloongo n'viipë bulë mu kuciingë yi lufyaatu ntaangu yo Nzaambi wun'zabikini baanë baandi.

Loomë 8:23

Kasi yaaku tokë buloongo: beeso tutambulë Ciluunzi ci Saantu dedë mweekë cikuuku cin'tetë mu mëkabu më Nzaambi, beeso tulë mu kudimë ku n'timiitu, mu kuviingë lufyaatu tee fanë Nzaambi wun'vaangë mu beeso baanë baandi i wutuvaanë lusyalulu lu nyitwiitu.

Loomë 9:4

Baawu bëkeeli mboongu yi Islayeelë: Nzaambi wabëcitulë baanë baandi, wusë bëvaanë lumonukunu lu bumpumu, mikangulu, likabu li n'kaakë, lusaambulu, tukanyu.

Ngalaatë 3:13

Kliistu, abu kutuyobulë mu lusifu lu n'kaakë, wucitukë mu beeso lusifu, cibilë busonëmë : « Lusifu mu wosuku muutu wunë wubaandu fë n'ti. »

Ngalaatë 3:26

Cibilë lwekaanu beeno booso baanë bë Nzaambi mu ciminu cyalubuundë yimunë Kliistu Yeesu.

Ngalaatë 4:21

N'kaambyaano, beeno lun'toombë kuba fë lutumu lu n'kaakë : beeno lusye kuwu ko manë n'kaakë awu kun'loombe?

Ngalaatë 4:7

Bwaawu, njeeyi wusyeeli ko n'dongo, kasi mwaanë. Cibilë njeeyi mwanaandi wukeeli, Nzaambi wukuvaanë lifwa kulundilë baanë baandi.

Efeesë 1:5

Nzaambi wutiisi faanë yi faanë mu kutuvangisi kuba baanë baandi mu Yeesu Kliistu, mu luzolë lwaandi.

Efeesë 1:7

Cibilë, mu civakuli ci Kliistu, twakobukë mu libi i twabakë n'leenvo mu mësumu miitu. Bwaawu Nzaambi wutulesilë bunenë bu muulaandi,

Efeesë 5:2

Lwe zingilyaanu mu luzolo, mu cifwaani ci Kliistu wunë wutuzolë i wusë vaanë luziingu lwaandi mu beeso, dedë mweekë likabu i civakuli bike nfiimbu yimboti yin'toonzi Nzaambi.

Tiitë 2:14

Naandi wuyivakulë naveekë mu besubooso, mu kutuvuuci mu mëbi mooso. Kutuvangisi kuba mboongu yi lyoomë yinë kubakisi i yike buvavambë mu mëvaangë mëboti.

Ebele 1:3

Mwaanë wun'lesikë bumpumu bu Taatë, naandi cyelikë cifwaani ci Nzaambi, wun'siimbë buloongo mu libuungu lyaandi li luleendo. Abu kwamani kulyomisi baatu lu moonyi mu mësumu maawu, naandi wusë vwaandë ku mëyilu ku mëbakëlë më Nzaambi, kunë salaangë mëyilu.

Ebele 9:12

Bunë Kliistu kwakoti vyaasi mweekë ci mëkulu ku civingë civyokilili busaantu, wusye kwindulë ko meengë më mëndombë i mibeenzë-ngoombi. Kasi naandi wuyindulë meengë maandi naveekë i wutuvuuci ci mëkulu mu mësumu miitu.

Ebele 9:15

Mu bwaawu Kliistu lilingisi li n'kangulu wumoonë, bwiinji bo bëtelu ke Nzaambi bëtambulë mëboti më sakë yi sakë manë kukanyi ke baandi. Baawu bëlipodi cibilë mu lufwa be loolo, mwaawu baatu lumoonyi bëyobukilë mu tudiifë bëvaangë mu n'kangulu wun'tetë.

1 Pyeelë 3:18

Licyelikë, Kliistu naveekë wumonë simpasi vyaasi mweekë cimëkulu mu mësumu më baatu, naandi wabë mpeembi yi mpeeso, wufwiilë mu bivadë-mbi bwiinji wubënatë ke Nzaambi. Naandi bën'voondë, kasi Ciluunzi ci Saantu cin'vulumunë.

Luzabukunu 14:3

Biveefi-biveefi bi baatu bilëyolaangë luumbu lumoonë fë ntwaalë ntaanji, fë ntwaalë bivaanji bi na bi moonyi i mëkakëtë. Muutu ve wulëpodi kusinu luumbu be loolo kanuku, nkamë li mëkumë-na më biveefi banë Nzaambi kuvuuci fë n'toto.

Luzabukunu 5:9

Baawu bëlëyolaangë lwiimbu lumoonë : « Njeeyi wusulëmë mu kuboongë libuuku i mu kukutulë citaanzi. Cibilë njeeyi bëkuvoondë i mu luvakulu lwaaku, wuvuuci baatu bë mëkaandë mooso, bë simbeembu syooso, bë sisi syakë syooso.