Ngalaatë 4:4 - N’KANGULU WUMOONË

⁴ Kasi bunë ntaangu bëzitikë yisë fwaanë, Nzaambi wusë filë Mwanaandi: naandi wubutulu mu n'cyeetu i wabë fë lutumu lu n'kaakë Sizwiifë,

Ngalaatë 4:4 Iomraidhean Croise

Matye 1:23

« Cinkumbë cim'bindëmë i wum'butë mwaanë wu bakëlë, bëkun'teelë Mënweelë ». — Lizinë be lyooli « Nzaambi wuke yimunë beeso ».

Matye 3:15

Kasi Yeesu wusë n'vutulilë ti : « Afaafë, vitikë lyaawu libeelë boobo. Cibilë boobo bwa bufwenikini kuvangininë n'vwiilu Nzaambi. » Oboobo, Za wusë vitikë.

Matye 5:17

« Lwe balyaanu ko ti miinu yiyisilë mu kubotulë n'kaakë Moyiizë i mëloonji më mibici. Miinu yisye kwisilë ko mu kubibotulë kasi mu kuvaanë nguliku suundwaandi.

Malëkë 1:15

« Ntaangë bëzitikë ye fwaani, kulëtubaangë, Lwaangu lu Nzaambi lwabelëmë! Lwe vilukaanu i lwe baanu ciminu mu Mpolu Mboti! »

Liikë 1:31

Njeeyi wum'ba mu bweembë, wum'butë mwaanë wu bakëlë wunë wun'vaanë lizinë Yeesu.

Liikë 1:35

Yaanzi wusë n'vutulilë : « Ciluunzi ci Saantu cin'kulumukë mu njeeyi, i luleendo lu Nzaambi-Mpuungu lukufukë buke n'vefu. Mu bwaawu, wo wum'butu saantu i bëkun'teelë Mwaanë Nzaambi.

Liikë 2:7

i naandi wusë butë mwaanë wun'tetë wu bakëlë i wusë n'ziingë mu milelë i kun'nungunë ku kati ku cilikulu ci bibulu, cibilë bësye bakë ko ciikë ci kunukinë mu n'zo-beeni.

Liikë 20:44

Mooti Daviidë wukun'teelë “Fumu”, buni Kliistu kum'podyooso kube beelë mwanaandye? »

Za 1:14

Libuungu lyacitukë n'sunyi i lyaawu lizingilë fë meeyiitu, beeso tumonë bumpumu bwaandi, bumpumu bu Mwanaandi viingu ke Taatë, lyaawu liwaalë muulë i bucyelikë.

Za 10:36

Miinu, Taatë wukun'soolë i wukun'filë mu buloongo. Kwisilë buni beeno kutubë ti miinu yafiingë Nzaambi cibilë bo yatubë ti “Miinu Mwaanë Nzaambi”?

Za 3:16

Cibilë Nzaambi wuzolë buloongo n'viipë, wuvaanë mwanaandi mweekë vwiili mu kuba wunë wun'ta lyaanë mu naandi wuleembu kunyambëkënë kasi wubakë luziingu lu sakë yi sakë.

Za 6:38

Cibilë yifuminë ku yilu yaaku ti mu kuvaangë n'vwiilwaami, kasi n'vwiilu yi wunë wukun'filë.

Za 8:42

Yeesu wusë bëkaambë : « Licyelikë, mooti Nzaambi wabë Tatiinu, nkanë beeno lukun'zolë, cibilë miinu yifuminë kuke Nzaambi i miinu yike afa mu cibilë cyaandi. Miinu yisye kwisilë mu miveekë ko, kasi naandi na wukun'filë.

Mëvaangë 1:7

Yeesu wusë bëvutulilë : « Liinu beeno ko mu kuzaabë sintaangu, kaambofo siteepu, cibilë naveekë Taatë na wusitikë syaawu mu lutumu lwaandi.

Loomë 1:3

Lyaawu lin'tubilë mu cibilë ci mwanaandi, Fumwiitu Yeesu Kliistu: mu n'suundë Daviidë mu n'sunyi.

Loomë 15:8

Licyelikë yilusisiminë, Kliistu weekë ciseelu ci Sizwiifë mu kudedikini tukanyu tunë Nzaambi wukanyi ke sinkaakë syaawu i wuleesi ti Nzaambi wusulëmë.

Loomë 5:6

Mu bwaawu, bunë beeso tukaambu kubakë likanë mu kubasikilë, Kliistu wufwiilë mu misumici mu ntaangu yo Nzaambi kusitikë.

Loomë 8:3

Nzaambi wusë vaangë linë lyabë mëvangulu mpa mu n'kaakë Moyiizë, cibilë n'sunyi wusye vanaangë n'kaakë lutumu ko : mu kubotulë lisumu, wusë filë Mwanaandi viingu mu luziingu lufwanekënë yi n'sumuci i wusë tabë lisumu mu n'sunyi.

Loomë 9:5

Baawu bëkeeli sindaandu si sinkaakë i na Kliistu mu n'sunyi, naandi wuke fë yilu byakë byooso Nzaambi wun'sakumunë mu mivu yooso.

Efeesë 1:10

Mpangulu be yooyo yinë Nzaambi wukanë kuvaangë mu situkulu sintaangu, yikeeli mu kukucikë byakë byooso binë bike ku mëyilu i fë moongo butoto mu lutumu lu Fumu mweekë, Kliistu.

Koloosë 2:14

Naandi wabotulë n'kaakë wo wulë tufundaangë i wunë wabë wuvyakënë mu mëkomini maandi. Naandi wabotulë maawu mu kumëkomë fë kuluusu.

1 Timotee 2:6

wuyivakulë naveekë dedë luvunu mu kuvuuci babooso: oboobo naandi wunatë mu ntaangu yifwenikini cimbaanji ti Nzaambi zolisi baatu booso bëvuukë.

1 Timotee 3:16

Cyelikë, mpakë ve, lyaawu liviindë linenë lim'monikinë mu ciminu ciitu! Kliistu, wumonikë dedë mweekë muutu lu moonyi, wuzabukunu buboti mu Ciluunzi ci Saantu i siyaanzi bisë kum'bilë. Bisë tendulë mpolwaandi mu mëkaandë mooso, wuvitiku mu buloongo n'viipë, naandi wuzanjiku mu bumpumu bu yilu.

Ebele 2:14

Abu, baanë aba baatu bë n'sunyi i bë meengë, naveekë Yeesu weekë dedë mweekë baawu, naandi wabë mu n'sunyi bo buke baawu. Mati mu bwaawu, mu lufwa lwaandi, wubyesikë dyaabu, wusiimbë luleendo lu lufwa,

Ebele 9:10

Like tokë lyaambu lin'talë bilya, mëlafu i misaangu yi mpilë ku mpilë yi bulyomisi. Yaawu yabë mikaakë më cimuutu tee fanë Nzaambi kubalulë makë mooso.

1 Za 4:14

Beeso twamonë i twan'siilë cimbaanji ti Taatë wufilë Mwanaandi mu kuba N'vuuci buloongo.

1 Za 4:2

Tala buni lufwenikini kubakulilë ningë ti cyaawu Ciluunzi ci Nzaambi : wosuku wun'zaabë ti Yeesu Kliistu wulë muutu lu moonyi, cyelikë naandi wuke Ciluunzi ci Nzaambi.