Ngalaatë 3:22 - N’KANGULU WUMOONË

²² Kasi Libuuku li Nzaambi lin'tubë ti buloongo n'viipë buke mu lutumu lu lisumu, bwiinji likabu likanyi Nzaambi liveewu ke bitamaanë, mu cibilë ci ciminu cyaawu mu Yeesu Kliistu.

Ngalaatë 3:22 Iomraidhean Croise

Malëkë 16:16

Wunë wuke ciminu wum'batizyaalu, wun'vuukë, akasi wunë wun'kaambu kuta lyaanë, wun'tabu lusifu.

Za 12:46

Miinu yiyisë mu buloongo dedë mweekë cyeseesë, bwiinji wosuku wukun'teelë maanë wuleembu kukalë ku citoombi.

Za 20:31

Kasi manë mëkeeli mwaawu mësonëmë bwiinji beeno luta maanë ti Yeesu naandi Kliistu, Mwaanë Nzaambi. Ningë beeno lun'ta maanë mu naandi, beeno lum'bakë luziingu mu naandi.

Za 3:36

Muutu wunë wun'teelë lyaanë mu Mwaanë wum'bakë luziingu lu sakë yi sakë. Wunë wun'kaambu kuteelë lyaanë mu Mwaanë, naandi wusë mbakë luziingu ko, kasi mwaangu Nzaambi wun'kalilë yaandi.

Za 5:24

« Licyelikë, licyelikë, miinu yilukaambë : wunë wun'kuwu mëbuungu maami, i wun'ta lyaanë mu wo wukun'filë, wum'bakë luziingu lu saki yi sakë. Naandi wusë kube n'vaanë lusifu ko, kasi wum'botukë mu lufwa mu kuvyookë ku luziingu.

Za 6:40

Cibeeni, tala linë Tataami wun'toombë : bakë booso bëm'monë Mwaanë i bën'ta maanë mu naandi, bëbakë luziingu lu sakë yi sakë, i miinu yibëvulumunë mu cilumbu ci siitu. »

Mëvaangë 16:31

Baawu kun'vutulilë : « Ta maanë mu Fumu Yeesu i njeeyi wun'vuukë, yimunë cifuumbë cyaaku. »

Loomë 10:9

Ningë ti mu munwaaku wulë mu kusisiminë fëke bakë booso ti Yeesu wuli Fumu i ningë njeeyi wun'ta lyaanë mu n'timaaku wooso ti Nzaambi wun'vulumunë mu bëfwa, njeeyi wun'vuukë.

Loomë 11:32

Licyelikë Nzaambi wukaangë baatu lumoonyi booso mu lukaambu lun'leenvo bwiinji kuleesi bakë booso n'leenvwaandi.

Loomë 3:22

Nzaambi wun'vangisyaangë baatu kuba bësulëmë fë nduuzyaandi mu ciminu cyaawu mu Yeesu Kliistu. Naandi wulivaangë bwiinji bakë booso bën'ta maanë mu Kliistu, cibilë luvyakunu voo mu baveekë:

Loomë 3:23

bakë booso bësumukë i baawu bakwakënë fë bumpumu bu Nzaambi.

Loomë 5:12

Mu lyaawu, bo bumweekë ti mu muutu mweekë mwaawu lisumu likotilë mu buloongo i mu lisumu li lufwa i mu bwaawu lufwa lwabwilë mu baatu booso, cibilë babooso bësumukë.

Ngalaatë 3:14

Mu bwaawu lusakumunu bëkanyi ke Abalaamë lusë veewu yivaandi ke banë bëkeeli Sizwiifë ko mu cibilë ci Kliistu Yeesu i beeso booso tun'tambulaangë mu ciminu Ciluunzi cinë Nzaambi wukanyi.

Ngalaatë 3:17

Talaanu linë yin'toombë kutubë : Nzaambi wuvaanë n'kaandë awu wun'leesi manë bëfwenikini kuvaangë fë mbusë lufwa i wuvaanë lukanyu mu kulucinzikë. N'kaakë, wunë wumonikë fë nkamë-na mëkumë-tatu li mivu fë mbusë, kupodi ve kumaangë manë mësonëmë mu n'kaandë beenë i kubotulë lukanyu lu Nzaambi.

Ngalaatë 3:23

Ntetë ntaangu ciminu kwiisë, n'kaakë wutuvangisi kuba mu buloko i kuciingë ciminu beenë cimonikë.

Ngalaatë 3:29

Ningë beeno luke mu Kliistu, beeno cyelikë sindaandu si Abalaamë i lun'tambulë lifwa linë Nzaambi walukanyi.

2 Timotee 1:1

Poolë, m'bunzi wu Kliistu Yeesu mu n'vwiilu Nzaambi, wufilu mu kutendulë lukanyu lu luziingu luke mu Kliistu Yeesu.

Ebele 9:15

Mu bwaawu Kliistu lilingisi li n'kangulu wumoonë, bwiinji bo bëtelu ke Nzaambi bëtambulë mëboti më sakë yi sakë manë kukanyi ke baandi. Baawu bëlipodi cibilë mu lufwa be loolo, mwaawu baatu lumoonyi bëyobukilë mu tudiifë bëvaangë mu n'kangulu wun'tetë.

2 Pyeelë 1:4

Mati mu bwaawu naandi wutuvaanë biimë bimpaapë bike bukaalu i bi njiinji byo kutukanyi, bwiinji bunë lubitambulë, beeno lum'podi kwakënë mu bideenzë bibi bi nyambikini baatu, byo bilë mu kutumi buloongo i kukalilë yivaandi mu n'vwiilu Nzaambi.

2 Pyeelë 3:13

Kasi Nzaambi wakanyi li yilu limoonë i n'toto wumoonë fanë lusulumunu lun'kalilë i lyalyooli lyaawu tulë mu kuviingë.

1 Za 2:25

Talaanu linë Kliistu wutukanyi: luziingu lu sakë yi sakë.