Ngalaatë 3:2 - N’KANGULU WUMOONË

² Miinu yin'tiisi ti lum'putulilë mbeembu mu cyuufu aci: beeno lutambulë Ciluunzi ci Nzaambi cibilë lwacinzikë makë mooso më n'kaakë, kaambofo cibilë lwakuwu i lwata maanë mu Mpolu Mboti?

Ngalaatë 3:2 Iomraidhean Croise

Mëvaangë 15:8

Nzaambi wunë wuzabisi mitimë yi baatu, wusë kusisiminë ti naandi wubëkwaakë mu kubëvaanë Ciluunzi ci Saantu bo bumweekë yivaandi wutuvandikë.

Mëvaangë 2:38

Pyeelë wusë bëvutulilë : « Lwe balulyaanu mëvaangë miinu i wosuku muutu we batizyaalu mu lizinë li Yeesu Kliistu bwiinji bën'lenvukilë mësumu maandi i beeno lun'taambulë likabu li Ciluunzi ci Saantu.

Mëvaangë 8:15

Bunë baawu bisë tuukë ku Samali, baawu bësambilë mu bitamaanë bwiinji bëtambulë Ciluunzi ci Saantu.

Loomë 1:17

Cyelikë, mu yaawu n'sulumunu wu Nzaambi wum'monikë tokë mu ciminu, bunë busonëminë : « Wunë wuke wusulëmë wun'zingilë mu ciminu. »

1 Koleentë 9:21

Bo bumweekë, bunë yikeeli yimunë bo bën'ziimbë n'kaakë Moyiizë, miinu yin'zingilë bo bëke baawu, kulengilë ve moonyi mu n'kaakë be woowo, bwiinji yibëbakë. Lya lyooli lisë n'tubë ko ti miinu yisë n'lengilë moonyi ko mu n'kaakë Nzaambi, cibilë miinu yike mu lutumu lu n'kaakë Kliistu.

2 Koleentë 11:4

Licyelikë, beeno lun'vitikë buboti ti wun'viipë wun'kwisë mu kulutendulilë Yeesu wuvyakënë yimunë wunë twabë tulutendulilë. Beeno yivaandi lubeliminë mu kuvitikë ciluunzi i saangu bivyakënë yi Ciluunzi i Mpolu Mboti yinë lutambulë ke beeso.

Ngalaatë 3:14

Mu bwaawu lusakumunu bëkanyi ke Abalaamë lusë veewu yivaandi ke banë bëkeeli Sizwiifë ko mu cibilë ci Kliistu Yeesu i beeso booso tun'tambulaangë mu ciminu Ciluunzi cinë Nzaambi wukanyi.

Ngalaatë 3:3

Buni beeno lun'kaambu kubeelë yivaandi lyeele? Mo beeno lwatoninë mu Ciluunzi ci Nzaambi, lun'toombë kulimaninë mu cimuutu ciinu?

Ngalaatë 3:5

Bunë Nzaambi kuluvaanë Ciluunzi cyaandi i wuvaangë bimaaku fë meeyiinu, naandi wuvaangë byaawu cibilë beeno lun'cinzikë n'kaakë, kaambofo cibilë lun'kuwu i lun'ta maanë mu Mpolu Mboti?

Ebele 2:4

Nzaambi wusë ntoonzi cimbaanji cyaawu mu bimaaku bi kwaatë-yekë i bimakë bi mpilë ku mpilë yaandi, yivaandi mu mëkabu mu Ciluunzi ci Saantu kukabulilë mu n'vwiilwaandi.

Ebele 4:2

Cibilë beeso tutambulë Mpolu Mboti yi Nzaambi dedë mweekë yi banë babë mu ntaandu ciyumi. Kosuku baawu bëyuwu saangu ayi kasi bësye monë nkaali mu yaawu ko, cibilë bunë bëyuwu yaawu, baawu bësye yitambulë ko yimunë ciminu.

Ebele 6:4

Mu bwaawu, buni lim'beelë mu banë bën'vutukilë luziingu lwaawu lu n'tamë? Baawu bëtambulë vyaasi mweekë cyeseesë ci Nzaambi. Baawu bëtootë likabu li Nzaambi i bëbakë cikuuku ci Ciluunzi ci Saantu. Baawu bëyangëlëlë mu Libuungu li Nzaambi i bëyelikë kuzingilë mu luleendo tu buloongo buke mu kwiisë. Mu kumonë, baawu bëvutukilë luziingu lwaawu lu n'tamë! Kupodi ve mu kubënatë vyaasi yin'ka mu kubalulë luziingu, cibilë mu baawu, bëlë mu kuvutulë Mwaanë Nzaambi fë kuluusu i kun'lekulë fë ciyalëlë mu bifiingu.

1 Pyeelë 1:12

Nzaambi wuzabikini kuke mibici ti saangu yo baawu bëtambulë mu kutendulë yisye ba mu baveekë ko, kasi mu beeno. Saangu be yooyi yiluveewu buyifanu ke miloonji yi Mpolu Mboti, baawu bëtubilë yimunë mëngolo më Ciluunzi ci Saantu cifuminë ku yilu. Siyaanzi baveekë bisë ciisi kun'zaabë.